happy_baby's Profile

今日黎食lunch，排咗20分鐘，坐低嗌咗份南乳燒雞，d雞肉勁生，完全放唔到入口。跟住食食吓隔離牆有隻曱甴。個侍應呀姐仲要0反應，淨係企係到睇，完全無諗住幫手。朋友用紙巾捉咗隻曱甴，再問個呀姐拎消毒紙巾/消毒噴霧噴吓隻手。個呀姐好直接咁講無。跟住就行開咗！當無件事發生！成件事好癲！唔會再黎食！衛生好惡劣！雞肉生到咁，成碟無食。同呀姐講完之後佢換咗另一碟熟嘅俾我，但因為曱甴事件都無胃口食。失望！！！…Read More

D呀姐態度極差！十問九唔應！已經係夜晚8:30，門口完全無人等位，又唔見有人企喺到，都要等30分鐘先有得拎外賣！仲要d外賣擺晒係枱又唔會叫號，咁呀姐你俾個號碼牌我做咩？仲要唔俾醬料我，叫我自己行去水吧拎！？！食餃子點解會唔俾醬？！隔離個女人都投訴話頭先買個外賣5碗餃子麵點解得一個醬！？個呀姐話「咁俾返你囉！」就算幾好食下次都唔會再食！D呀姐態度長期唔休做咁款！好似我欠佢咁！一定無下次！唔明點解長期咁多人食！甜記好食過佢啦！…Read More

今日我買咗個飛碟，應該係$22，我見佢門口餐牌都寫係$22，但佢收我$24。我再問多佢一次「乜唔係$22？」佢話：「$24」連張單都無俾到我。我明明上星期買過都係收$22，而佢貼出黎都係寫$22，唔明點解要收我$24。我都費事同佢嘈點知食咗兩啖，個粟米酸既，變壞咗。即刻拎返去同店員講，佢即刻話退錢俾我，好彩佢都肯退返錢俾我。退返$24俾我。真係無下次！好後悔買咗佢呢間，明明個商場好多小食店，搞到我仲要去第二間再買野醫肚…Read More

經過見到有素食沙律就入去買，是日素食沙律$49份量少之餘，菜係超少！勁求其，好樣衰，我自己整仲靚過佢！我黎得買沙律係咪應該俾多少少菜。。。個中年女人職員仲要話：「唉，我整埋俾你啦！」其實咁唔願意整其實可以貼出黎話無，又話者close店。途中有一個男士黎到坐低左，個中年女人職員就大聲喝佢叫佢出黎買野食！但原來佢係等緊人，到佢朋友黎到拎埋個餐牌睇！跟住個中年女人職員就用好差既語氣講：「今日餐牌果d無架，你想食乜？今日得3餸飯！你想我煮俾你食？我今日好忙。唔得閒煮俾你食！」之後果兩個客就走左喇！個中年女人態度真係好差，寸到爆，完全係趕客！咁唔想做生意就咪開鋪啦！鬧自己員工都算啦，鬧客我都係第一次見！我一定唔會再黎！…Read More

之前一直都係外賣都無出事第一次堂食，亦都係最後一次 以後請我都唔會再食。。。當日嗌左個早餐，d野全部都好快黎齊蛋好少，比平時嗌外賣少左一半。個鴨胸米都ok,蕃茄湯底，如果再濃d更好。但之後果d就出事，當我想食個多士時，一番開個多士，夾住左好多毛髮碎，真係好多，果下第一反應無影低到就叫左佢換。好明顯係跌左落地先會整成咁。叫人點食呀。。之後佢換過塊多士俾我，又係一番開一個個窿仔同用刀刮過既痕跡，好明顯同一塊黎架囉，係咪當客人係盲架 離晒大譜，果個叫呀雞既侍應仲話一定唔係同一塊多士，汁都汁唔切碟野，好左我唔俾佢汁，我話要影低佢。佢之後話再換過俾我，我無要到，個餐我只係食左兩件鴨胸，果三十蚊我當貼錢買教訓，以後唔再去。食物質素同普通茶記差唔多，但衛生好差，好污糟，一塊多士都要慳，換過塊俾客人都唔得既。成間野，一個字，劣。100%真人真事，絕無加多或減少。…Read More