Kelly Yu's Profile

睇完戲9：45夜晚，放肆一下，walk in去九龍酒店食宵夜自助餐，一到門口位好多人排隊，大多人手持了網上印的85折優惠券，問下waitress,恒生卡都有85折，很好我們有呢張卡。嘢食不算多，亦不算少，飲品有橙汁，冷熱咖啡，奶茶，檸茶，自己任取。甜品有朱古力噴泉配棉花糖，西瓜，哈蜜瓜，蛋糕有米糠蛋糕，芝士蛋糕，仲有一杯杯奶凍甜品，即整甜品有窩夫同芒果梳乎里，還有豆腐花，hagan hazz雪糕，燉奶.....日本嘢有太卷，腐皮壽司，白色魚壽司，蟹子卷，自己夾，要同師傅排隊的有三文魚，蟹子，玉子，䲞魚。海鮮有冷海鮮-青口同不同種類凍蟹，其他海鮮有焗蠔，鼓辣蜆，青口。炒伊麵，炒飯，有番茄薯仔湯底同牛肉湯底越南濛粉即製，飽肚嘢。炸物有炸春卷，咖喱角，炸魚柳。湯有碗仔翅，周打海鮮湯，中湯，但碗仔翅係另外放開。冷盆有凍豆腐，冷麵，凍火腿，蟹柳加千島醬，沙律吧有雜菜，薯仔沙律，凍意粉，紅菜頭。中式食物有叉燒，白切雞，另有泰式雞串。其實個自助餐味道一般，最出色竟然係碗仔翅，食到好好飽，都飲了兩碗，係魚翅瓜做翅，有咬口的假翅，湯是去飲食翅的雞豬肉湯底，超正，超有誠意之作。豆腐花木筒載，自己拿，好滑，加糖水，黃糖，好正！鼓椒蜆，靑口好食，焗蠔同凍蟹一般，三文魚肥美。甜品類窩夫，燉奶好食，但芒果梳乎里難食，整芒果味更差。…Read More

第三次去呢間八月居食飯,知道有花茶飲,一坐底問飲咩茶，我就叫位waitress比個餐牌給我同介紹花茶，因為花茶個名睇吾出係乜花茶，叫＂心心相印＂，後尾叫咗個叫＂花xxx"的花茶，已經吾記得個名，味淡，用透味壺盛載，個味不太真係到站落車，六點半坐到八點半至落車好，係一朵花茶，朵花開得吾靚。我倆叫咗花雕鴿一隻，有強的油味，但肉不多,另一味百頁豆腐，有豆腐放兩邊，中間有白果，蘆薈，白合，紅椒，四季豆粒，個菜好冷盆同每樣材料分開食，一般。仲有擔擔麵，上次賣完食吾到，今次叫了一位份量，一來到賣相吾似擔擔麵，味亦一一般，上次叫了個冷盆，今次再叫胡蔴有機腐竹淮山，胡蔴醬係無衰的菜，好食。到甜品，留肚食拿破侖（$58），餐牌上話2至3人份量，5至7人份量都夠食，個甜品好脆好牛油，中間餡料有蛋同每層不同生果有士多啤梨，火龍果，哈蜜瓜，蜜瓜，藍莓，好大件。…Read More

       都幾多遊客到呢間酒樓食, 我們等了大半個鐘位, 真係好肚餓, 在門口已經看好MENU食咩, 一入到去就叫, 首先叫了兩個小食, 胡麻准生同炸芋角(MENU上叫一個很特別的名), 胡麻准生呢個小食是預料中的好食因為是以胡麻醬整,亦配以一層層的腐竹,好好食的冷盤.炸芋角在MENU上以甜酸苦辣為題的食物中的辣,內餡料是辣的,有少少辣椒.之後看了看MENU被甜品吸引多於正餐餐牌, 是但叫兩個菜及一個迷你炒飯(一人份量), 叫了茶樹菇,豆腐卜,肉片煲,油油的,普通, 另外叫了八寶乳鴿, 中間有蓮子,薏仁, 其實已經好飽, 食不到其味, 只覺一般好食. 一份炒飯真係好細, 但都好食.終於到了甜品, 甜品MENU好多甜品, 原本好想食拿破崙,但太飽,結果食了燕麥芝士蛋糕,個蛋糕個味好似木糠布甸, 好好食, 有D吾似芝士蛋糕, 下次要試到拿破崙同其他甜品.…Read More

早一日打去"橋底辣蟹"仲訂到位, 週六夜晚7點就與哥哥二人專誠去銅鑼灣食"橋底辣蟹",剛巧當日買了一本飲食男女的廣告中有免費叉燒,叉燒是例牌, 半肥瘦,微暖, 正常水平,可熱D,出面都食到的水平專誠來食"橋底辣蟹",真係好貴, 一隻細蟹,已經$488, 配蟹的炸蒜同一粒粒炒配料,好好食,好肥,但照食."橋底辣蟹"分五個辣度,我叫了微辣,已夠哂辣"橋底辣蟹"已很重味,我們另叫了清淡D菜------勝瓜肉碎粉絲魚湯同海鮮湯.勝瓜肉碎粉絲魚湯竟然比海鮮湯濃味,其實我們吾應該叫兩樣湯類, 勝瓜肉碎粉絲魚湯有整粒炸蒜煮,菇,肉碎,勝瓜,粉絲同魚湯,好食, 魚湯濃, 惹味.海鮮湯味道同水平普通, 有豆腐,少量細粒海鮮仔,菜莖粒.題外話,餐廳內遊客為主,WAITERS都先向我們講國語.…Read More

星期一至決定食不倒翁,晚上才訂位仍然有位, 翌日晚上7:30客人不多, 我們一行6人再次食打邊爐1. 豬肝: 好食, 好大塊好厚身2. 水餃皇:好好食, 餃好大粒,餡料全是大蝦,好大粒,但因是大蝦,不是肉,很快就熟3. 炸魚皮: 有怪味,好似油炸過其他食物的味4. 蔬菜籃:內有秀珍菇, 娃娃菜, 唐生菜, 西洋菜, 算新鮮, 好大個,好底食5. 手切牛肉:牛肉好新鮮,好食,要成$198一碟, 不太多份量6. 黑松露菠菜餃: 餃有好大隻蝦,有黑松露香味7. 四竇丸: 正常手打四竇丸味, 好彈牙8. 黑椒牛丸: 好重即磨黑椒味, 有辣味, 食完仍然很辣9. 豆腐: 外表平平無奇, 原來好滑, 重豆味,好好好食10. 竹笙: 不算太突出好食湯底叫了牛腩蘿白煲, 味很清. 餐後送一盆西瓜,桂花糕同芋頭糕, 西瓜可能未算時節,有少少白白地,不甜…Read More

今天同朋友相約每月一度的聚餐, 之前大家同意食西餐就選呢間餐廳未曾食過的西餐廳, 我們在APM元氣旁的電梯落到底,行到工業區,行一個街口就見到一座工廠大廈幾特別的門口,好美式裝修, 上到上層係一間樓底很高的西餐廳,我們選了圓枱較易傾計, 其實樓底高好散聲, 要講嘢好大聲至聽到, 我們5人叫了以下食物.1. 西冷扒(有薯條, 瓜)套餐:牛扒不夠新鮮,好假味,已經只叫了七成熟, 沒有牛肉味2. 海鮮墨魚汁意粉套餐: 都好食3. 帶子意大利飯:水準合格,但不是我食過最好食的意大利飯,亦不似正宗的飯中間硬硬地 帶子很少份量4. 炸物拼盆(BUFFALO WINGS, ONION RINGS): 雞翼好食,但不是正宗BUFFALO WINGS, ONION RINGS係全餐最好食套餐湯是黑松露忌廉湯, 有好重菇味,好飲,另外有CREAM BRULEE為甜品,好一般, 室溫, 套餐亦包餐飲,我叫了凍咖啡,只是一般水平, 套餐有包括一條似黑糖包的麥包,外表似好食,但原來不是,沒有味道的包總括,肉類餐盆不太好食,其他食物則不錯.…Read More

上星期已去大角咀附近食嘢,星期六晚又去奧海城食飯,今次去食德國餐,我們晚上7點去,但因沒有訂位,門口個WAITER話要8點至有位,但見到餐廳內係有空位的,可能俾一早預訂的客人,咪留位同電話,有位時打俾我.我們奧海城行了45分鐘,再回去睇下有無位,結果原來一早已經有位,又話有位就打俾我,都無我們眼闊口窄,叫了三碟,食了一碟半已經好飽,已經好肚餓入去食,都好快來菜咸豬手,薯茸,酸菜,薯片:薯片是淋的,其他都好食,豬手外脆內淋.腸,酸菜,薯皮:好食,食剩咗一段腸打包走煙三文魚,火箭菜PIZZA:火箭菜好多,都好食,好多洋蔥,但食咗以上兩碟已食吾下,可以不用叫呢碟,食咗一人一片後,就拿走.我同我朋友分別叫了麥啤(無酒精)同啤酒,我杯啤酒吾好飲,有D化學物質味咁,味不夠濃.…Read More

週日去佐敦一人去學嘢,之前去翠華食飽飽至去,依家翠華已經好貴同無咩套餐,我叫了個午市套餐$51(+$3凍飲),套餐內有雜菌忌廉湯,雜扒意粉/飯同飲品.雜菌忌廉湯:有好多菇,包括金菇,鮮冬菇,蘑菇,份量都好大杯下.雜扒意粉配白汁:可選配飯的,我選了意粉,意粉質地軟硬適中,意粉外表是乾的,其實已混合欖油及蒜味,正食已很夠味. 雜扒是炸魚柳同豬扒,豬扒煎得有D硬,但夠味,炸魚都好大塊,食完塊豬扒已經食吾落塊炸魚.配菜有西蘭花,粟米同蕃薯(連皮焗成)好甜,好好食.凍奶茶:正常水準.翠華係貴咗不少,但食物質素仍然不錯,食物配搭亦很夾.…Read More

見到OPENRICE的新店排行榜排好前位置,今午經佐敦咪去了呢度食午餐.未入呢間舖前見到附近D餐廳或茶餐廳價格較平,在中午1時附近的食肆都排滿食午飯的打工仔,因呢間店價錢較貴,所以有大量空位坐.我又想食蛋糕,又要食中午飯,就選了日式湯麵,小蛋卷同紅茶果茶的$99套餐(不用加一),另有D較平$58-$80不等的牛肉烏冬等湯麵加生菜沙律的套餐,沒有飲品的.紅茶果茶:有兩款熱茶包的果茶,蘋果果茶同芒果果茶,我叫了蘋果果茶,有蘋果香.WAITER見我飲了一半,就幫我自動加熱水,紅茶越放越出味越濃.轉咖啡或其他飲品需加錢日式湯麵:有醬油湯麵,麵豉湯麵等等,我叫了麵豉湯麵,湯不錯,面上好似比其他拉麵湯底多油,有兩塊日式叉燒,筍,粟米粒.麵是好似喬麥麵,好食,個麵的份量不多甜品:有兩件馬卡龍/草莓小蛋卷/綠茶蛋卷/原味蛋卷選擇其一,我選了草莓小蛋卷,味道OK,不太特別.生菜沙律:有切絲生菜,一粒切半車厘茄,粟米粒,油醋汁食完成個餐,不算飽,男人一定吾夠飽,但個日式湯麵都好食的.…Read More

有朋友介紹大角咀其中一間酒店有一間泰國餐不錯,加上SHOW其FACEBOOK有個$398的二人套餐有半價優惠.間酒店其實有D遠,但一入餐廳好有情調同舒服,星期五晚餐廳內客人超少,我由夜晚7點食到9:30,只有3枱2-3人的客人,有OUTDOOR位,好舒服,我們2人坐了在近OUTDOOR的四人枱.坐下一會看了看餐牌,再問WAITRESS是否有個FACEBOOK優惠餐,好底$398二人套餐優惠至$199芒果蟹肉炒飯: 蟹肉是蟹柳,炒飯加上芽菜,蔥,有芒果粒及腰果,好香冬陰公:不算太濃,但味道可以,好多菇春卷及蝦餅:春卷中間是椰菜及芽菜,兩者都好食,配以泰式甜辣醬生蝦:只有4隻份量,好新鮮海鮮黃咖哩:內有洋蔥,蔥段,大量青椒,大蝦,帶子同魷魚,個汁味道OK,好似有D蛋花咁套餐包括兩杯泰式特飲,我朋友杯龍眼冰好多龍眼,我叫了青檸梳打,另外有多選擇冰椰子水,泰式咖啡,泰式奶茶,珍多冰,三式冰.........環境好,食物質素OK,份量夠飽,款式合我們口味,但係行得遠,我們不是大角咀居民,真係要搵一陣先找到.…Read More

飲完酒後,夜晚11:30在旺角附近找個地方食少少嘢,就去了食串燒.呢度是一間小舖,門外有多張枱供客人座,夜晚無咩人在街,吾介意座在街邊食串燒,但食期間狂俾阿伯望.每串串燒大約$12,我們叫了牛柳,鴨舌,鮮冬菇,,原條茄子,燒芝士丸,雞肉,只不過$86.原條燒茄子蒜茸味好強,回家仍有蒜茸味.其他味道OK, 沙爹汁可另上點串燒,另有蜜糖同四川辣粉等選擇放上串燒,港式味道風味的串燒,不是四川呢隻風味…Read More

週六即興上網睇下旺角有咩地方可以飲嘢,我同朋友兩個女仔去了呢間新開BAR AND RESTAURANT搵到個大廈門口,下面兩層是色情架部,夜總會同按摩(2/F同3/F),一上LIFT見到三個少女去2/F夜總會,有少少驚,她們夜晚10點先返工?本來上網睇到有戶外座位,好吸引,喺呢個天時不凍不熱,好舒服,但戶外有人BOOK了BBQ,只可座室內.晚上10點去到,但營業時間網上寫到零晨2點,MENU上的食品只有小食類,但叫小食時好多話賣完,最後叫了肉醬芝士薯條($62)同燒黑豚肉($62),另叫了支裝APPLE CIDER ($45/支)同支裝BUDWISER ($32/支).肉醬芝士薯條($62):薯條炸得不脆燒黑豚肉($62):份量好少,味道普通,極之一般.講真食物質素一般,上樓飲酒的地方,價錢如中環老蘭,但地方寧靜少人,適合朋友談話,座得舒服WAITRESS服務不錯的,有禮貌…Read More

昨日去佐敦上完堂,搵下附近有咩未食過的餐廳,就去小儀開的車仔麵店試下.下午茶幾底,$32,有三個車仔麵料配麵,仲有飲品.我叫了酸齋,魚肉卷同魷魚配濛粉,加山渣冰山渣冰其實即是山渣加一粒一粒的冰粒,初時仲以為係沙冰,味道不驚喜,打邊爐飲的山渣水味酸齋有咬口,吾似其他車仔麵檔,好食,不會太酸.魚肉卷好好食,下午茶都俾兩條長長地魚卷份量,同南記粉麵出名的魚卷同一款扁扁長長的魷魚好似係咖哩汁,但放了在湯內,食不出.我選了車仔麵落沙爹汁,幾好食,幾辣濛粉不用另加錢,濛粉好吸收沙爹汁的味道,好配的粉類…Read More

年二十九中午九龍灣同牛頭角TABLE SERVICE餐廳的客人都不多,南小館內不到6枱人,叫了的菜很快就上,而且WAITER亦很欣勤的倒茶,個茶好似麥茶/玄米茶,好飲..我們二人叫了以下食物:冷盆四拼-餚肉,醉雞,糖醋骨,烤夫,份量不多,只是$68,味道好,其中醉雞有酒香味酸辣湯 - 白胡椒味太重,不似平日飲的酸辣湯味,我自己不太鐘意蝦肉紅油炒手 - 中間蝦肉及豬肉食出用機打碎成餡,食到打到蝦殼的味,不好食.紅油汁亦不太特別好食無碭小籠包 - 聽WAITER解釋,與普通小籠包之別是無碭小籠包較甜味,真的食下味道甜,OK.杏仁布甸,苿利花茶布甸,南瓜餅,綠豆餅:南瓜餅同綠豆餅很甜,但鐘意中式甜品會喜愛.新派快餐上海菜,每碟小碟,價錢亦較平,可多叫不同款式,種類亦算多…Read More

今晚預早與哥哥兩人食團年飯,大約6點半去到新斗記博下有無位,沒有訂位,結果有位,6點半入座,入座前說明8點要交枱.叫了不久菜已送到枱上,我們叫了以下食物:乳豬: 有例牌($138), 1/4只($178),半只同一只, 我們2人叫了例牌,剛燒起好熱,好脆,好食,乳豬醬比其他地方稀,例牌其實份量不多,有點不夠喉.豉椒炒蟶子($85/只):豉椒炒蟶子3只起,蒸粉絲可以只叫兩隻,蟶子是時價. 豉椒炒蟶子的蟶子切成大大粒(其實可以切細D,較多件會較好),配以洋蔥,青椒,紅椒炒,3只蟶子無咩肉食,配料反而多於主角,炒得油油的,應該係所有洋蔥,青椒同蟶子都要走油的原因.啫啫生菜煲:上生菜前WAITER才在枱旁放生的生菜在煲內,枱上見到生菜在煲內未熟,我們自己炒下炒下至熟,食到底吾知係咪炒不夠,底蒜茸同生菜有少少燶味,但好惹味,入口好香,每枱都傳來惹味啫啫生菜煲味.粟米魚肚羹(例牌:$88):不似出面飲的,好湯,不似羹,魚肚太"淋",其實較鐘意其他餐廳的粟米魚肚羹"羹"少少,另魚肚自己喜好有咬口D,總括,我自己覺得一般.蛋白蒜茸蟹炒飯($138):炒飯好香,又有蒜茸惹味,蟹鮮味.呢個係我後加,因食完以上食物不夠飽.飯後送蓮子百合紅豆沙,上菜好快,一小時完成我們的晚餐.總括好食,但細細碟,貴在食物品質及食材.另外服務亦算好,WAITER 同WAITRES都在旁睇住每張枱的需要.…Read More