kayi_frog's Profile

火鍋今日去「阿翁火鍋館」打邊爐，真係一個唔錯嘅選擇！呢間酒樓以無限時任飲任食火鍋出名，真係食到你唔想走。 「阿翁火鍋館」嘅環境舒適，座位寬敞，適合一家大細或者朋友聚會。服務員態度親切，服務周到。最重要係，呢度嘅食物選擇多樣化，質量高，物超所值。首先要介紹嘅係佢哋嘅✨招牌鴛鴛鍋，包括皮蛋芫荽同沙嗲。皮蛋芫荽湯，湯底鮮甜。沙嗲湯則帶有濃厚嘅花生香味，適合鍾意重口味嘅朋友。之後有每人一份：✨蠔皇鮑魚扒玉掌： 呢道熱食真係唔可以錯過，鮑魚嫩滑，玉掌爽口，配上蠔皇汁，味道非常鮮美。✨刺身：有 三文魚、甜蝦、赤貝同帶子，呢幾款刺身新鮮美味，入口即溶。特別係三文魚，油脂豐富，口感滑溜。✨環球海鮮盤：有 海蝦、蟶子、元貝、墨魚仔、生猛海蟹同生蠔，呢個海鮮盤真係豪華，海鮮全部都係新鮮處理，特別係生蠔，鮮甜多汁，真係一流。✨阿翁極級牛頸脊： 呢款牛頸脊肉質鮮嫩，油花分佈均勻，煮熟後口感嫩滑，味道濃郁。✨至尊水餃皇： 水餃皮薄餡靚，餡料豐富，特別係蝦仁同豬肉嘅搭配，味道鮮美。任食就有：✨鱔片： 鱔片新鮮，肉質嫩滑，煮熟後口感彈牙。✨美國雪花肥牛：呢款肥牛亦都唔錯，encore 必選。✨鵝腸： 鵝腸爽脆，特別適合鍾意嚼勁嘅朋友。✨魚滑： 魚滑亦都鮮嫩，入口滑溜。✨任飲有：可樂、雪碧、芬達、無糖烏龍茶、啤酒， 無論你鍾意汽水定係茶，甚至啤酒，都可以任飲，飲飽食醉。咁嘅質素，真係無得輸！…Read More

喺社交平台經常見到極上帝皇水產，要搵一日過嚟食，過下任飲任食嘅癮！。入到餐廳，餐廳門口、入面裝修都充滿日系感覺，店員亦都好友善，完全唔係啲好趕急嘅服務態度。不過重點都係食質素。我哋首先叫咗刺身，包括三文魚、希靈魚、帶子同赤蝦。三文魚嘅鮮嫩度真係無得輸，肉質滑溜，入口即化。希靈魚、帶子亦都夠晒爽口，咬落去有一種海洋嘅鮮味，夠晒新鮮！有人會覺得去放題唔應該叫壽司，但極上帝皇有好多款特別壽司，推介火灸左口魚邊壽司、黑松露油甘魚壽司同火灸岩燒三文魚腩壽司。火灸左口魚邊壽司嘅口感十分特別，煙燻味道帶出左口魚嘅鮮甜。黑松露油甘魚壽司則係一個驚喜，黑松露嘅香氣配合油甘魚，真係提升咗整體風味。至於火灸岩燒三文魚腩壽司，三文魚腩嘅脂肪分布均勻，火燒後更加香脆，味道一流。炸物方面，有炸廣島蠔、可樂餅同芝士年糕。炸廣島蠔外脆內嫩，搭配上少少檸檬汁，即刻提升咗整個味道。可樂餅嘅外形金黃酥脆，內裡薯仔餡料綿密，食落去非常滿足。芝士年糕更係一個必試選擇，外脆內軟，芝士充滿拉絲感，唔怕飽肚嘅真係好想再來多一份。仲有熱食鍋物，叫咗個日式和牛壽喜燒鍋，配料加了金菇同娃娃菜，整返個牛肉火銅。想不到牛肉相當柔嫩，搭配上濃郁嘅壽喜燒湯底，金菇同娃娃菜吸收咗壽喜燒同牛肉嘅精華，非常好食。另外仲有啲小食，我就推介鹽燒鯖魚、黑松露炒蛋同泰式辣椒膏炒青口。鹽燒鯖魚外皮香脆，魚味好出，真係好正！黑松露炒蛋係一個驚喜，黑松露嘅香氣同蛋嘅滑嫩融合得恰到好處。至於泰式辣椒膏炒青口，青口嘅鮮味同辣椒膏嘅香辣互相配合，愈食愈上癮。最後，餐廳嘅自助飲品櫃有紙包飲品、汽水同啤酒等等。啤酒仲要係嘉士伯，值得一讚。…Read More

同朋友踩單車到科學園，已經夜晚了，不如就在附近食餐晚飯，醫好肚就返出沙田。鮮果咕嚕黑豚肉黑豚肉（即係咕嚕肉）非常肥嫩多汁，加上水果調製的醬汁，口感清新爽口。咕嚕肉吃起來脆香彈牙，另外仲有菠蘿、藍梅、青椒配料，交織出酸甜滋味，非常開胃。蜜汁桂花山藥淮山平時就食得多，但用蜜糖和桂花甜製就真係第一次食。廚師將淮山和清香的桂花和蜜汁完美地結合在一起 ，頗有創意。淮山經過烹調後，質地做得軟軟的，唔似平時食到的口感，獨特的甜蜜滋味，好似一道新型中式甜品。薑汁千層糕通常食完中餐，都會想看看有什麼甜品作尾。我們揀了這個薑汁千層糕，想不到薑汁千層糕非常有薑辣味，薑味的嗆感非常強，喜歡薑味的人一定非常喜歡。估唔到科學園都有間咁高質酒樓，下次可以帶屋企人過來一齊食～…Read More

小妹好耐冇帶過屋企人去食火鍋放題，記得上次食還念念不忘，今次帶埋屋企人嚟食。地點位於荃灣西海之戀商場，餐廳位置喺西鐵站上蓋，非常方便。餐廳比較特別，湯底係一人一鍋，大家可以就住唔同口味試唔同的湯底。我同屋企人都好鍾意食牛，所以選擇了性價比最高的澳洲和牛level 3放題，平時好多火鍋放題都係限時90分鐘，呢間平日星期一至四仲要無限時，十分有驚喜。餐廳旁邊有個打卡位，可以租借和服係個場景打卡，十分有趣。出面分別有不同的炸物，蔬菜，丸類同不同牌子嘅麵食，凍食同雪糕可以去拎。飲品方面都有好多唔同牌子，淨係啤酒都有三款可以選擇，還有清酒，白酒，紅酒。鍾意飲酒嘅你，一定唔可以錯過。肉類可以用QR code 落單，淨係肉類已經超多十幾款有不同既牛肉和豚肉都可以選擇，呢個餐主要食澳洲和牛，澳洲安格斯，極上牛舌。所有肉類肉質都非常好，好有肉香，口感不錯。還有其他海鮮，例如，蝦，扇貝，青口，蜆等等。還有一些特色炸物可以落單，特別是明太子沙律炸蝦，非常新鮮。總結，試過好多不同火鍋放題，呢間餐廳性價比最高，所有食物新鮮，一定唔會失望，屋企人都非常滿意。…Read More

今日嚟到調景嶺食飯，呢度嘅商場好似唔多嘢食，唯一一個吸引的就係呢間小神燈。餐廳入邊環境非常之特別，雖然係大排檔中餐館，但係裝修非常有心思。呢度有勁多菜式選擇，真係諗得到嘅都有。菠蘿咕嚕肉外皮酥脆，內裡鮮嫩多汁，酸甜醬汁更係菠蘿咕嚕肉嘅靈魂，令人食完想再食。沙薑焗海花螺嘅肉質鮮嫩，沙薑醬嘅醬汁又蔥味，估唔到依個組合咁特別。用住竹籤撩出嚟更加有大排檔風味。金沙鬼馬百花釀油條係一個好有創意嘅菜式，其實係將油炸鬼切開，釀入墨魚滑再鋪滿鹹蛋醬落油鑊炸。真係勁惹味，好想問餐廳有冇一包裝買。椒鹽瀬尿蝦嘅椒鹽味道非常香口，令到我本身唔係好大興趣嘅，都越食越上癮。爆膏奶油蝦嘅大蝦鮮甜彈牙，奶油汁嘅味道香滑濃郁，重點係蝦頭嘅膏真係一口爆發出嚟，非常鮮甜。奇趣脆皮豬手炸得皮脆肉嫩，估唔到嘅係豬手嘅皮爽脆得來，肉質可以保持腍滑，我覺得比起西餐廳煮嘅德國豬手仲更加好味。本身以為調景嶺冇野好食，但好彩畀我搵到依間小神燈。…Read More

小妹剛巧今日喺觀塘收工，約埋幾個同事去食晚飯。知道觀塘好多工廈都有好多特色餐廳，幾個朋友想食中菜，又唔想去普通酒樓俾我發掘了呢間工廈入面嘅中菜館。餐廳係成業工廠大廈地下一直行入去，都好易搵。今日平日再加入座時候尚早，所以餐廳未算太多人。但坐落慢慢開始到食飯時間，人數也變多了。好彩餐廳位置多，坐落都好寬闊。一坐落餐廳侍應送上三碟涼拌小食，尤其個涼拌雲耳同話梅苦瓜，十分醒胃，值得一讚。小妹同朋友喜歡食炸嘢，所以叫了椒鹽九肚魚和鍋貼小棠菜。因為好小酒樓會做呢兩味餸，所以試下。椒鹽九肚魚熱辣辣，外脆內軟，九肚魚非常嫩滑又大嚿，夠椒鹽味，夠晒鹹香。鍋貼小棠菜，呢個係小妹最愛，滿滿嘅墨魚膠撈埋小棠菜去炸，粉漿夠薄，夠晒香脆，有墨魚味，值得推介。最後，見到佢廚師推介，叫左個招牌小炒王。材料有韭菜花，魷魚，鮮蝦，銀魚仔，腰果，蝦乾。賣相十分漂亮又足料。食了幾啖，十分惹味，即刻要叫個白飯黎送飯。職員還問我們要唔要食糖水，送上每人一碗綠豆沙。免費綠豆沙亦不馬虎，除了綠豆還有薏米，係今晚餐飯劃上完美嘅句號。…Read More

小妹上星期去完泰國，對泰菜念念不忘。剛巧在荔枝角發現這間泰國餐廳，立即同朋友上去食晚飯。餐廳位於億利工業中心1樓，好近地鐵站。7點半上到去已經座無虛席，剛好有張二人坐。餐廳選擇好多，價錢合理。先叫了一個小食，手工泰式春卷。春卷入邊包住滿滿的蔬菜，熱辣辣，夠晒鬆脆，又不油膩，好有層次感。再叫左2個主食泰醬酸辣炒黑豚肉和黃咖喱海鮮配蒜蓉包。第一啖食到黑豚肉好入味，濃郁嘅醬汁，滿滿嘅蒜香味包住黑豚肉再加上沙律菜，口感非常清爽。第二道黃咖喱海鮮非常有驚喜，黃咖喱味很香濃，配上青口，蝦，斑塊，非常絕配。另外咖喱配上蒜蓉包，蒜蓉包熱辣辣非常新鮮香脆，蒜蓉味好突出，配上咖喱口感更加豐富。最後叫了一個甜品，小妹不嬲對有關椰皇的甜品都非常有興趣，今次黎到見到一個叫椰皇三重奏的甜品，立刻叫了一個試下。果然非常有驚喜，由燒椰絲，椰汁糕，椰子水啫喱，三層一齊入口，好有口感，椰子味非常突出， 為呢一餐畫上完美嘅句號。飲品選擇都多，飲品就同其他泰國餐廳一樣，正常發揮。總結，餐廳係小店形式，店員非常親切有禮，食物新鮮有誠意，性價比非常高，值得推介。…Read More

小妹經朋友介紹元朗有一間新開幾個月的燒烤串燒店，食物款式多，好惹味，重點價錢合理。今日小妹一於親身嚟到呢一間串燒店試下，探過究竟有幾惹味，有幾吸引。首先店舖地點位於元朗岀名尋食的一條街～「又新街」。地利位置非常好，交通方便，西鐵行過嚟不到10分鐘，位置方便先給一讚。店舖內外裝修簡樸整潔，光線充足，半開放式廚房，不得不讚抽油煙系統非常好。不用擔心全身沾滿油煙味。食物方面選擇多，店主推薦的海鮮類，各種肉類，怕唔夠飽仲有意粉類。辣度亦可選擇，適合唔同口味的客人。而小妹唔太吃得辣，就要 BB辣就剛剛好。炸池魚 $48細細條一口一條，炸至脆口，雖然無魚卵，但口感似多春魚，小妹最愛，飯前小食一流！蘇格蘭聖子王 $68/隻 餐廳推介聖子王，話明王當然大大隻先合稱。果然有手掌般大，廚師相當細心將聖子切3小段，方便客人進食，抵讚 ！先用金菇墊底，配上蒜蓉，蔥花，青椒帶岀聖子鮮味，推！芝士燒澳洲龍蝦 $68/半隻開邊龍蝦面焗芝士至脆身，蝦膏鮮味，口感仍然係爽彈，惹味之餘龍蝦亦鮮甜。蒜蓉/煙肉燒蠔 $36/隻兩隻味道偏重，蒜蓉味濃，煙肉配上洋䈡味道岀眾，但蠔味略為淡。好有心蠔隻已起殼，客人方便進食。和牛肋串 $42/串肉味濃郁，雖然燒烤但口感仍嫩滑，滿滿油脂味道。但小妹覺得稍為欠缺鹹味,可以自行加點點鹽就更岀味。厚燒玉子 $22/串小妹認為越簡單嘅菜式係最考驗大廚技術，玉子燒口味鮮甜，軟嫩的口感陰公豬 $30/串帶有少少東陰公的味道，不太辣，豬肉帶有小小脂肪，非常爽口。鹽燒白鱔 $49/串魚皮要趁熱食先脆口，肉質彈牙爽脆，鱔味道濃郁韭菜 $19/串味道剛好，沒有太咸香蒜白酒沙白扁意粉 $128沙白大隻肉厚，多隻但意粉味道失色少少，辣味蓋過香蒜白酒味道。下次試另一款意粉。Hoegaarden 大杯 $68法式焦糖燉蛋 $38原來有隱藏神秘甜品Menu，今次叫咗法式焦糖燉蛋 焦糖燒至濃面，脆口外層裏面燉蛋凍食，蛋味濃厚，小妹推薦！二人晚餐有前菜，主食，燒物，甜品，啤酒埋單$717。食飽飽唔會限制用餐時間，可以邊食串燒邊飲啤酒，絶對是晚飯聊天好地方！…Read More

同親戚食飯，嚟到銅鑼灣嘅老北站。坐得舒服，又多嘢食，除咗北京菜之外仲有大把嘢揀。北京烤鴨（半隻）呢隻北京烤鴨嘅皮真係夠脆，肉又嫩又香，完全冇一啲鴨腥味。配埋鴨醬同蔥段，包埋薄皮食，真係一個字，正！酸菜白肉鍋酸菜白肉鍋真係冇得頂！白肉又嫩又滑，酸酸辣辣嘅酸菜味道正好中和咗白肉嘅油膩感，又有得食又有得飲湯！糖醋里脊糖醋里脊嘅醬汁真係調得好好，酸酸甜甜嘅，令人回味無窮。里脊肉又嫩又多汁，配上香脆嘅糖醋醬，愈食愈開胃。大蔥羊肉水餃大蔥羊肉水餃入面嘅羊肉香濃，加埋大蔥嘅清香，一啖咬落去，非常惹味。高力豆沙高力豆沙好滑好綿，甜度又啱啱好，熱辣辣燙口地食最好味！…Read More

小妹見好耐無食雞煲，諗住同屋企人去食下。平時要食雞煲最近都要去到荃灣，點知比我發現位於青衣涌美有一間六記大排檔，身為青衣嘅街坊，一定要去試吓。佢有得坐室外同室內，而家夏天天氣比較熱選擇坐了室內。當日被安排到另一間細房，入到去有三張枱，地方細細，環境舒服衛生，入到去竟然見到安裝了三部分體冷氣，超級涼快，好適合夏天。估唔到除咗雞煲，佢仲有好多特式小炒可以選擇，價錢合理。由於好想食雞煲，一坐底就叫了佢既招牌雞煲，叫左半隻，估唔到黎到都好大份，啲雞件件都好大嚿，啖啖肉。因為小妹唔係好食得辣，所以叫了微辣。估唔到佢既雞煲咁出色，雞煲醬汁非常惹味，配上芫荽同洋蔥，辣度岩岩好，令到我胃口大開。雞煲食到咁上下，店員自動加湯，因為雞煲配了一份生菜。食雞煲一定要加火鍋配料，唔好浪費咁惹味嘅湯底。我就加了一碟手切封門柳同廣島蠔。細既手切封門柳份量也不小。黎到見到色澤好靚，牛肉紋理分佈得非常平均，食落好有牛味又不鞋口。另外碟廣島蠔都好大粒，好有蠔味。碌完之後唔會縮水。有時好怕啲蠔碌完之後縮得好細粒。見到佢餐牌大排檔竟然有小籠包食，就叫了一份試下。小籠包大大粒熱辣辣，正常發揮。最後，黎到大排檔點都要叫一個小炒試下。就叫了一個平時小妹係大排檔必點嘅金沙鮮魷。果然無失望，好有驚喜，鹹蛋黃外層非常鬆脆配上熱辣辣嘅鮮魷，簡直令到小妹食唔停口。總結，六記選用材料新鮮，每道菜都用心製作，性價比高，值得推介。…Read More

又黎到一年一度既父親節，小妹今年搵左間係荃灣既中式酒樓同屋企人一齊食晚飯。由於適逢父親節，酒樓座無虛席，好在酒樓樓底夠高，所以不是太嘈吵。酒樓裝修高雅坐得都非常舒服。由於父親節既關係，所有菜式都係正價，但價錢不算高，可以接受。如果平日黎食更加抵食。屋企人一坐底就立刻話想食龍蝦伊麵，所以叫了西澳洲龍蝦上湯焗伊麵，上湯比想像中出色，龍蝦肉質鮮味又夠實淨，上湯汁配上伊麵，簡直係絕配。去中式酒樓食飯一定要叫下燒味品嘗一下，我又咁岩想食叉燒，見佢呢個係非一般既叉燒，係用黑豚肉和半肥瘦做的，黎到果然有驚喜，見到佢肥瘦適中，配上蜜汁，肉質非常鬆化非常有驚喜。再黎一個煙燻樟茶鴨，黎到見到以為肉質好乾但一食味道非常特別，佢有淡淡既煙燻味仲真係食到有茶味，連我屋企人都讚非常特別，性價比高。另外，叫左個小炒試下，黑椒蔥爆牛柳粒。牛柳粒非常鬆化，有牛味，食得出無鬆肉粉嘅味。佢用左大蔥和一些白色的配菜，我同屋企人還問酒樓經理呢啲白色的是什麼。原來係叫蓮藕心，食落非常爽，味道酸酸辣辣，應該有醃製過，非常新奇有趣。最後，食左咁多肉都要叫下蔬菜中和一下。羊肚耳蟲草花泡青蔬，雖然係普通既浸菜，但一樣保持水準唔會失望。總結，雖然係父親節，但價錢合理，性價比高。菜式選擇多，酒樓地點方便， 強烈推介大家嚟試吓。…Read More

趁住天氣仲係涼涼地，小妹係未到夏天之前帶住屋企人去過一過辣癮。知道近年興起食酸菜魚，經朋友介紹近近地喺荃灣西鐵站上蓋海之戀商場就帶屋企人黎試下順便周圍行下。一坐低見到餐牌就俾個招牌酸菜魚吸引住。果然冇失望，一嚟到望見已經覺得好有驚喜，超級大份，屋企人都超級興奮。果然就係好似佢個招牌一樣一條離不開酸菜的魚，湯底熱辣辣非常惹味，叫左個小辣酸度同辣度啱啱好，魚片無骨又夠滑，真係食過返尋味。叫了酸菜魚之外，覺得未夠辣再加個毛血旺試下。鍾意食牛柏葉，豬肚，豬腸，豬紅呢啲內臟就必叫，食食下竟然比我發現仲有最愛既午餐肉，所有配料索晒啲辣汁仲有蒜蓉同芫荽越食越開胃。因為我哋五個人，另外再叫了三個小菜。分別係菠蘿咕嚕肉，粉蒸肉，紅燒牛肉。重點係要講下個咕嚕肉，平平無奇嘅菠蘿咕嚕肉，佢可以做到非常鬆化入口即溶，比起傳統酒樓還要出色，非常之有驚喜，屋企人都食到舔舔脷。見到個粉蒸肉幾特別，屋企人又未試過同比較少餐廳有得叫黎食，果然真係幾特別，下面用了紅薯做底，上面係豬肉加用米組成既粉搓成，非常飽肚。最後嘅紅燒牛肉都無失望，牛味非常重，炆得夠淋又入味，非常好送飯。所以每人叫了一碗白飯，飯竟然係用了珍珠米。總結，除咗招牌老壇酸菜魚必叫之外，其他小菜都好有驚喜，朋友果然無介紹錯，屋企人都食得非常開心。…Read More

今日公司聚餐，嚟到銅鑼灣嘅珀麗酒店協奏坊西餐廳。餐廳地點都好方便，就係喺中央圖書館隔離，喺皇室堡行過去都係5至10分鐘左右就到。餐廳嘅lunch 係行半自助餐嘅路線，可以喺Menu入邊揀一款主食，之後就可以食自助區嘅食物。自助區可以拎到沙律、中西餐湯、炸物小食、兩款熱食等等。我就比較喜歡飲中湯， 中湯係紅青蘿蔔煲粟米，沒有加任何肉類落去，所以非常清甜完全沒有任何肥膩感。今日的小食炸物就有麥樂雞同埋烤薯條，用來作餐前小食就一流。熱食仲有炒飯同埋苦瓜，如果覺得一份主食都唔夠飽的話，就可以再食一下炒飯。主食就和同事互相share，我們分別要了燒豬寸骨同埋龍蝦汁海鮮意粉。燒豬寸骨有3條，1個人食的話真係會有D多，好彩可以一齊share，1人食1條就剛剛好了。豬寸骨啖啖肉，肉味香濃。另外，海鮮意粉的龍蝦汁非常豐富，鹹味十足，再加埋海鮮一齊食就滋味滿分。最後，我哋當然要以甜品同埋生果來作為結尾，依一次嘅聖誕聚餐食得非常之飽，今次公司揀餐廳揀得好～…Read More

小妹近來常用sevenrooms book 枱食飯，有時會有餐飲優惠。今次搵到呢一間位於尖沙咀The grill room的西餐廳，經Sevenrooms book 枱有7折，相當吸引。所以同知己決定一試😊一入門口感覺清新優雅的感覺，裝修簡約，暗黃的燈光，環境非常輕鬆舒適🥰坐位尚寬敞，不會太逼夾。梳化座位，開放式廚房，透明度高。🐖鹽味焦糖汁燒豬腩肉配青蘋果沙律 $218最給驚喜竟然係配菜青蘋果配上杏仁片，爽口咸襯上杏仁甜味，味道非常清新有驚喜。清新味道後再來醋汁沙律沾上鹽味焦糖，口味再多一層。主角燒豬腩肉，首先由燒至脆口的豬皮咬落去，先脆卜卜途中經過軟身而不油膩的脂肪層，最後到肉汁滿滿的豬腩肉。口感層次豐富難忘。小妹推薦的菜式👍🏻🦪香煎北海道帶子龍蝦汁扁意粉配三文魚籽 $208帶子厚肉，表面經火焰略略燒至舖黃，配上配上葱花點綴，吸引色慾。龍蝦汁味道濃郁，每啖扁意粉都有豐富的汁沾著，味道一流！🍄忌廉蒜香雜菌 $58香滑忌廉雜菌配麵包當頭盤無揀錯🍫朱古力布朗尼配法式馬卡龍 $88馬馬龍外層酥脆，內層綿密的豐富口感。布朗尼質感較為硬身結實，朱古力味相當濃 ，但甜而不膩，粒粒果仁更能增口感。🍪Nuts about Tella Shake $78朱古力曲奇加cream 奶昔，鐘意奶昔的必要試一試！小妹平日夜晚用餐，餐廳仍客滿，走時還有人客等枱，所以大家記得要卜枱。人平均$350，食物質素皮上餐廳環境絶對物超所值！…Read More

小妹平日好小放假，襯平日傍晚人小小約下屋企人出銅鑼灣行下。行完Sogo 經過見到呢間餐廳，大家都諗起疫情前一齊去四川旅行，所以就決定去刺激一下個味蕾。同朋友一齊去食，入到去估唔到餐廳嘅裝飾咁潮，真係好似落咗bar咁，完全唔似一間食四川菜嘅餐廳，幾有意思。而且餐廳坐得都幾舒服，並冇中餐個種嘈雜或者污糟感覺。坐定定就一於睇吓食咩辣野好～水煮江團魚嚟得麻辣派對，點都要試吓依度嘅水煮魚掛。我見到餐牌有幾款魚類可以揀，但其實我哋對於唔同嘅魚都係一竅不通，咁就不如揀個入門級嘅江團魚啦。唔好以為水煮會真係好難，其實我哋食落又覺得幾易入口。我自己就覺得江團魚好肥美，入邊仲有薯粉、魔芋、芽菜等等配料，其實我哋都有諗過自己再嗌其他配料入去繼續食，但又想留肚食下其他嘢。下次再嚟嘅時候，一於嗌一個水煮魚再加其他料當火鍋食。麻辣豬手煲除咗水煮魚，原來麻辣派對嘅豬手煲都相當不錯。餐廳將豬手整到非常之林，雖然豬手都係有麻辣味，但就一啲都唔影響到豬手本身嘅味道，仲更加入味添。清炒蒿荀當然要叫返啲蔬菜來中和一下味蕾。蒿荀清清地，食完辣野再咬一口蒿荀非常之爽口，又可以降低口腔入面嘅麻辣感。原本諗住食完辣野之後再去食甜品，點知餐廳最後仲有糖水送，超級開心～…Read More