開心大家姐's Profile

自從朋友帶過來食九龍城呢間「小方糖」，試左呢個椰皇燉蛋白之後，就不能自拔，佢蛋白濃稠幼滑，配料更有芋圓，小湯圓，西米等，好豐富，好有口感，每次來必點，冬天吃更溫暖另一款是心太軟加雪糕，濃濃的朱古力，燙熱的溫度，一切開朱古力漿已流出來，好療愈 🫶 配埋兩球冰凍既雪糕，口感好似冰火二重奏，驚喜既係佢地會係碟上用朱古力畫卡通公仔，每次都不同，又靚又可以打卡，夏天吃特別透心涼，又有視覺享受，就是客人比較多，有時要排隊等幾個字，坐位都比較迫，而且食完就要走，吾方便慢慢傾計的。…Read More

係佐敦揾野食，朋友提議食「自家麵」，我都以為會吾錯，所以就決定試下。店不大，但大部分位置都坐左人，衹有面璧的位置，我地都冇所謂，叫左幾款食物，主打手工制麵，但食落湯底冇味，麵質麻麻，比較稔，冇彈牙，餃子都一般，皮是薄和大隻，但饀料味道一般，牛肉酥餅都酥脆，但味道又係吾覺有咩獨特之處，食完後冇想再來食的慾望 ，有點失望 😑…Read More

平日下午入來都冇人，差不多十幾年冇食，估吾到而家變左甘細碗，當然價錢都貴左好多 😂 奶味雖濃，但吾香滑，水準吾保持，同以前坐滿舖時爭好遠，變得冇咩特色，甘樣點會令客人返轉頭 🤔…Read More

呢間係十月初五街知名老店，十年前來過，食麵體驗良好，雲吞餡料豐富，麵質彈牙冇梘水味，今次雲吞仍可以，但麵竟然淋左，另外叫左豬手粗麵， 豬手雖夠稔，但吾入味，湯亦普通。最失分既係地方裝修後變得又細又窄，旁邊走道行過的人都幾乎碰到手踭，背後人貼人，真的好誇張! 為左做生意，座位設計完全冇考慮客人的感受，可能係吾想客人再回頭了 ☹️…Read More

喜歡懷舊的你，去到澳門，一定要去十月初五街朝聖一下呢間有六十年歷史的懷舊冰室，裡面有兩層高，裝修都很經典，充滿舊時代的情懷試左凍奶茶，好有茶味，蛋撻皮脆有點甜，仲有剛出爐的沙翁，有兒時回憶的口感，整體味道係會令我下次再來幫襯的 👍…Read More

係香港機場接機大堂個層有幾間食肆，早餐想飲咖啡，揀左 Delifrance 一齊食個早餐先上飛機，呢度環境闊落，客人也不少，沒有掃 QR code 落單，要出去 cashier 點餐，然後問你坐邊，之後就有人送餐俾你Delifrance 既牛角包，麵包類都很好味，其他的也不錯，咖啡做得不馬虎，雖不濃，也有咖啡味，仲拉埋花添，價錢吾貴，算係吾錯既選擇。…Read More

今日阿女返學放半晝，同佢去坑口站東港城「Beans Brekkie Room」食 lunch 🍴我地揀左 香蒜牛油蜆肉意粉和 紐倫堡腸茄醬焗長通粉，餐飲「檸檬蜂蜜」係甜品櫃見到個牌寫住生日有蛋糕贈送，就問左服務員要消費幾多，點知佢地話冇限定，有消費就得，甘我地就俾 ＄30 加一件自家制甜品，同埋餐廳送的，就可以試兩款口味喇，我地揀左菠蘿啫喱慕絲椰汁味朱古力和草莓啫喱慕絲朱古力，真豐富 😋…Read More

我喜歡係呢間買，不過總是過到不對時候，不是賣曬就是排長龍，今次碰上四點左右出爐，又剛好衹有一條小隊，到我入到去時，剛好一次過可以買哂四種口味，原味，法式布甸，朱古力，開心果，各有千秋，我覺得都好好味，衹要遇上邊款都一定要買來食 🤤…Read More

由油塘或藍田地鐵站行去都要起碼 20 分鐘，也有小巴經過的，但也要行 6,7 分鐘才可乘坐，不方便，地點偏僻餐廳很簡陋， 說不上是餐廳， 裏面大約放了三四張大枱，地方不大，像飯堂餐廳 set 左三款不同價錢的套餐， 當然訂枱的時候，已經要確定你選擇哪一個套餐， 也要全枱的人選擇同一個套餐， 好讓餐廳當天備料，也由於這個原因，新鮮度有差別，像劏好的蟹放置了一段時間， 上枱的時候，肉質都變淋了，有點失望其餘的蝦，魚都還可以的如果帶外國朋友來品嚐香港的海鮮，還是可以考慮， 起碼可以每款海鮮都試到 ~…Read More

同朋友一起去食午餐，餐廳很有格調，氣氛像是不錯，點左不同午餐一起食，雖然價錢不貴，但食材肉質冇味，磨菇湯飲吾到磨菇味，衹有濃濃的茨粉，貓耳朶衹有酸味，薄餅餡料算豐富，芝士亦多，味精也可接受 最後叫了4 款飲品，一杯吾使加錢的凍檸茶，茶味很淡，其餘三杯是半價優惠的特飲，都係味道單一，飲不到層次，整個午餐都有點失望。…Read More

今晚又係週圍搵野食時間 🍽今次嚟咗一間新開嘅但其實已經有好多間分店嘅餐廳， 我係其他分店食，都對佢哋餐飲非常滿意， 尤其係佢哋啲自家甜品，造型靚有心思，味道當然好味 😋 今次嚟咗呢個分店喺朗豪坊4樓 food court 側邊餐廳位置， 其實好容易被忽略，亦好容易令人覺得佢係food court裏面啲其中一分子， 所以餐廳好細心地， 喺靠近food court嘅位置， 用咗一個包廂設計嘅概念， 令你用餐舒適， 不會被food court的嘈吵聲騷擾， 也不會被人眼望望 😝 今次的食物都好滿意 ，食得開心同滿足，最重要係服務員態度好貼心，有笑容🤗(今餐係我自己真金白銀去食的一餐，食完覺得真係好先分享架!)…Read More

最近好多餐廳相繼結業，搞到我對於食好嘢好絶望，所以決定一有時間就去試菜，今晚揀左去荔枝角一間和風 fusion 餐廳，我有打電話去訂位，都驚佢冇位，去到果然都有八成入座率，當然全部都係年輕人 👫👭👬🧑‍🤝‍🧑主菜 🍽#和風煎牛仔粒配牛汁金菇牛仔粒香口夠嫩，配炸蒜片同葱粒或沙律菜一齊食牛汁金菇咸咸地，送飯啱曬#日式照燒汁牛舌丼牛舌有d 厚，照燒汁送飯好味 😂 #日式芝士咖哩吉列豬扒伴流心蛋(辛) 豬扒炸得好鬆脆，咖哩辣得好味三款小食 ：#芝麻鷄翼好快凍左，但都好香脆好好味#日式炸餃子肉餡多，味道可以#日式牛肉薯餅炸野係做得好食，夠曬香脆自家制蛋糕 ：一定要試 😋😋😋#咖啡酒烤芝士蛋糕必食之一，咖啡同酒味沒有互搶，都幾夾，加埋少少雲呢拿 cream，蛋糕底有 d 榛子 ，有口感#紅茶金莎巴斯克芝士蛋糕必試精選，味道有層次感，食一啖有回憶感，原來係金沙 feel 😆今晚食得太豐富，起碼要斷食一個禮拜先得 🤣🤣🤣(今餐係我自己真金白銀去食的一餐，食完覺得真係好先分好架!)…Read More

呢間之前係美麗華商場時都巴巴閉閉的，老闆係葡萄牙十幾年，煑得一手巧手葡菜，菜色很多，甜品也很出色，在美麗華商場時已有一班擁躉，不用過大海都可食到好味又道地的葡國菜，不過前年敵不過疫情結業了，三月中我發現它在尖沙咀一個比較偏的街道重開了，但店舖細了很多，衹能說變了一間小店，氣氛都有點變了，不過牆上裝修仍是富有葡萄牙色彩，大大個老闆的畫像在牆上。講番今日來食午餐，比起上個月，多左牛扒可以揀，先來餐湯(也可選擇沙律)，今日是牛尾湯，濃濃番茄底，少少牛尾肉，湯亦少少辣，餐前飲好開胃 😋主菜叫左一個「 葡式燒牛扒飯」和「 傳統葡國雞飯」，午餐劃一 $98 + 10%，有野飲，牛扒似薄西冷，算是燒得嫰和香，不過另一塊就燒得燶d，葡國雞汁好濃，吾係椰香味，係香料味。我加 $20 要左一個檸檬蛋糕，鬆軟檸檬味香 😗， 揾次會來試下晚餐…Read More

冇去朗豪坊一段日子，又有一批餐廳改頭換面了，我諗有一段時間可以來試下菜了。Good Day 名字改得好，我地真係需要 Good Day 🤠 呢間餐廳算寬敞，服務員多是年輕人，所以客人 8 成以上都是年輕人 ☺️叫左兩款 set lunch 同一款甜品：▶️ 日本櫻花蝦飛魚籽忌簾汁意粉 $128不過不失，不算出色▶️ (素) 烤珍寶磨菇牛油果芝士漢堡配薯條及沙律 $118呢個有驚喜，配合味道好夾，第一次食素漢堡，無違和感，薯條新鮮連皮炸，夠特別▶️ 風味焦糖脆脆爆谷窩夫配雪糕 $78從賣相到口味都值得讚，推!…Read More

食左多年大快活，由早餐，午餐，下午茶至晚餐都有吃，雖不是美味食物，但也是打工仔的快餐選擇之一。今晚由於見到有減 $5 優惠，便叫了兩款泰滋味套餐試下，分別是 「泰式香矛鴛鴦扒飯」和 「青咖哩豬頸肉飯」，兩個套餐都是跟一杯菠蘿椰汁特飲和甜品芒果糯米飯。但整個餐來到真係覺得有點不知所謂，鴛鴦扒極細塊，賣相怪怪的，豬扒乾到一個點! 青咖哩衹係綠色的液體，沒有咖哩味，粗條的豬頸肉，整體像吃兩餸飯，但味道比兩餸飯還要差!菠蘿椰汁特飲沒菠蘿味，基本上甜味都沒有，椰汁味有少少，都吾知飲緊杯乜野!芒果糯米飯有賣相，味道還可，芒果比較差!今晚第一次來呢間新開的分店，吃了一餐太難吃的食物，其實好難想像做飲食的，點樣煮 d 甘難食既野出來，如果吾識煑泰國嘢，不如吾好搞？專心做好本身的食物， 咁先對得住啲消費者 !…Read More