cherrytky's Profile

選擇左十八件套餐，就多左好多其他除壽司以外既食物可以試。每一件壽司都好好食，每食一件都會讚嘆一番。呢度每一件壽司同食物都已經調好味，根本可以不用點豉油就可以直接食，而且我仲覺得有啲咸，要飲好多茶。除左海膽好鮮甜好creamy之外，蠔都好鮮甜creamy。中拖羅大拖羅無另人失望，仲可以食到腦天！腦天係吞拿魚頭頂既肉，口感軟滑，筋少而脂肪多，魚味極濃，入口即溶，而且瞬間發現腦天先係最正啊！拖羅都給比下去！餐廳環境一般，有啲師傅中間都會玩下電話，而且手指甲又有黑邊，感覺就唔係咁好。…Read More

見到open rice 既食物相幾靚，就選擇左黎試。但餐廳距離地鐵站相當遠，要行十五分鐘左右先到。環境佈置好靚，好多綠色植物，感覺好relaxed好chill，好適合飲住咖啡聊天。見呢度賣點係腐皮壽司，點了炙燒蟹膏厚燒玉子同芝士蟹籽厚燒玉子，兩個都超級好味，唔會有蟹腥味。個烏冬好creamy，好濃郁，好正！個炸雞有啲似快餐店脆香雞翼，如果有個甜酸醬就更好。個芝士帶子都非常有口感，加上厚厚一片芝士，真係好味！仲有個飲品奶蓋白玉烏龍，好特別，味道唔會太甜，反而好清新，賣相又好，打卡一流。原本講明得九十分鐘食，但之後坐位鬆動，店員都無趕。…Read More

因為book不到bar枱，選擇左坐房。點知原來係另一個很好的體驗！間勁大，可以坐到十個人都得，而且會關上門，私隱度勁高，房內有空氣淨化機，係一個舒適的環境。由於坐房，壽司會分兩三次送入黎，要記住服務員講的次序去食。壽司擺盤好靚，食物質素都好好，每一件都齒頰留香。海膽好鮮甜creamy，中拖羅大拖羅亦都非常美味，想一試再試。唯一敗筆既就係甜品係士多啤梨味，而唔係綠茶味。服務質素都很好，無因為坐房而忽略。而且就算同朋友叫不同的餐，都無調亂。…Read More

因為鏡仔的關係，所以同朋友一齊去試下。餐廳要提前預訂及付全費，所以食完就可以走，感覺都幾特別。一去到，就感覺到服務很好很貼心，又會準備好濕毛巾清潔雙手，還會不停更換，俾你時刻可以抹手。飲用的茶會配合番壽司而轉變，提升食物味道和清除味蕾，令到食每件壽司都會食到本身的美味。每上一件壽司，都會有解釋同教食法。而壽司師傅都會俾下意見同交流。由於我同朋友叫既餐不一樣，服務員一開始記錯左，導致我食左朋友一件壽司。我反映完之後，佢地都好好，決定補番俾我朋友。大部分壽司都加柚子係壽司上，或有點多既wasabi 係壽司內，柚子用作辟腥，但兩樣有點太搶味。會比較鍾意無柚子同少wasabi 既壽司。前菜蒸蛋好滑好香，又好足料，甜品係抹茶雪糕，好正！…Read More

第一次試，店舖位置有啲難搵，但係店內環境不錯，仲有露台，氣氛不錯。叫了兩個咸crepes，crepe 好脆，法國snail crepe 味道好好，夾埋crepe食，口感又脆又軟。另一個咸crepe，Parma ham with cheese，感覺太多沙律菜，芝士可以再多啲，唔係好突顯到Parma ham既味道。是次晚餐為慶生，甜crepe叫了lavender pear with ice cream and caramel sauce. Lavender 係滲左入梨入面，好香，個梨入口即溶，加上caramel sauce 都唔會太甜。碰巧遇上店舖既生日月，全部人都會送一個free crepe，好驚喜。員工服務好好，好友善，態度又好。…Read More

雖然份量不算多，但不加飯，幾個送加埋，都飽。通菜揀左辣辣地，個軟殼蟹青咖哩配薄餅好特別，薄餅唔會韌，好鬆軟，配咖哩汁好好味，如果撈飯都應該好正。服務人員好忙，但都會好好服務，會想再食多次試其他。…Read More

由於尖沙咀有兩間分店，加上google map無明確分到兩間，容易去錯，建議打帝國中心去search.燒肉種類有好多，揀左最famous既牛肉同蜂窩五花腩肉去燒，肉既份量都好大份，唔係得幾片。再加一個排骨湯同蛋餅，四個人都已經好夠食。不過排骨湯雖然係推介，但唔太特別，味道一般。個牛肉同豬肉都超級好食，仲有專人幫手燒，小食又可以無限添，真的可以吃到飽。另外我地有帶蛋糕去食，但都無收額外費用。食物質素高，服務又好好。值得再食！…Read More

朋友帶去慶生，聽講每日都有不同既蠔做優惠，$10一隻。當日係愛爾蘭蠔，比較creamy。我地total 叫左三打。其他食物，火腿，芒果蝦沙律，risotto 同carbonara 意粉都好好味。仲有最後甜品心太軟，都係好食！值得一讚係寫Happy Birthday 既員工寫得好靚，好似印上去咁。…Read More

同事帶我黎食生日飯，由佢地發板，大概係叫左一個松葉蟹海鮮set再額外加一隻龍蝦。全部都係由職員即燒，逐碟上，而且燒之前會拎過黎俾我地望一望，同影相先，再拎去燒。會見到啲海鮮係超級新鮮，龍蝦仲好生猛。員工服務好好，會逐樣解釋，教我地點食，燒蜆仲有幾種選擇，清酒燒同蒜蓉，牛油等，感覺好似專人服務。食物質素好高，全部都好好食！！尤其是龍蝦同味噌蟹甲羅燒！！絕對值得一試！唯一有不足係，師傅直接係我地後面燒，係可以影相同欣賞過程，但係會成身油煙味。…Read More

係網上見到愛麗絲主題，覺得好吸引，而且booking 好full, 要提前一個月book。但當去到嘅時候發覺其實又好似唔係咁物有所值。環境設計得有啲求其，都係紙板，員工服務態度有點差。但係Tea set嗰個架係好靚。每一個茶點都設計得好精美，攞嚟影相打卡絕對一流，而且甜點數量亦比其他嘅Tea set係多。由於甜點都係用糖霜做，食食下會覺得好漏，食唔落，甚至有啲得個樣好睇，食落唔好食。整體黎講，可一試，但無下次。…Read More

很難得每一個鹹點甜點都好好味，甜點唔會漏。農曆新年期間惠顧，仲有特色鮑魚點心作為鹹點，而鮑魚味道很不錯，而且大大粒。原本覺得有有鮑魚會好奇怪，但又完全唔影響食其他鹹點甜點嘅味道。仲有龍鬚糖，係下午茶入面極少見嘅配搭。感覺上每一樣好似都唔相關，又中又西，但係夾埋一齊又好ok.每一個茶點都有靚靚既食用花加入，賣相相當精緻同吸引。算係我食過咁多下午茶，完全茶點都係好食同高水準。可以期待下一次下午茶嘅Menu。…Read More

見到出名係egg benedict，而且每個分店都唔一樣既款式，金鐘係龍蝦egg Benedict 。龍蝦egg Benedict 需時十五分鐘整，坐低就落左order都好快有。龍蝦比想像中大，而且好鮮甜好彈牙，唔會韌到咬唔到。配埋egg Benedict ，真係好好食，好飽肚。絕對值得encore!!荔枝果杯cocktail幾特別，味道都好好。…Read More

係openrice 見到食物賣相好靚，所以黎試，同朋友慶祝生日。食物都有水準，好好食，尤其係熱情果生蠔，配搭生蠔好好食，又甜又清新。但蝶豆花就有點怪，個人感覺不太喜歡。柚子豬腩肉係好食既，但有啲膩，同太肥，最後食唔晒。服務都好好，會講解。…Read More

第二次食，上次叫了細杯，味道不錯，花茶都好飲，杯子又漂亮，所以第二次再幫襯。今次買了芒果大杯同新出的彩夢巴黎(蛋糕加水果)。芒果有d酸有d甜，不過都大大舊。食食下，食到沙冰倍置，食到有膠袋既野，拎去問店員係咩黎，店員唔好意思都無句，笑住答我係d吱袋嘴既膠袋黎，無野既。無奈左，一d道歉態度都無，仲覺得好正常咁。希望佢地會改善一下食物衛生。另外個杯彩夢巴黎還好，豐富d，有oreo，果肉，蛋糕，cream，但蛋糕有d硬同乾。…Read More

見相片好靚就來試下。呢間野一定要book，walk in係無位，因為好細，得五六張枱。環境佈置得唔係話好特別，但都有個背景板影下相，仲有小道具。set dinner每晚唔一樣，甜品都係random，無得自己揀。食物都幾好食，無失望，仲有些驚喜，味道好特別。但係每上一碟要等好耐，起碼十五分鐘以上，等到好肚餓。枱與枱之間好近，近到聽得隔離對話好清楚，無咩私人空間。…Read More