tmlo665's Profile

晨光第一線,一瞓醒又肚餓,拿拿林去搵好食, 一向都 知道有超特價, 成日都冇機會試 ,果斷出席。一個毒毒有乜好食,食過鳳爪排骨飯夠曬數。鳳爪排骨飯,蒸得啱啱好粒粒米原粒, 唔會成個糊咁。 最重要去食落似 ,原個咁蒸 ,唔會好似有啲餐廳咁咪就一早煮好,就咁放D肉上去扮蒸飯, 排骨又夠多, 醃製嘅時間又夠耐,味道已經十足。 最欣賞嘅都係佢個鳳爪, 鳳爪軟硬適中 ,軟骨都充滿味道 ,其實佢仲有蝦米腸呀,鮮竹卷,可惜自己食唔到咁多, 下次再食過。…Read More

又在灣仔食野，29蚊的豬扒麵。灣仔區來講都算抵食，大大片豬扒，仲有一片菜，然後仲有一整個公仔麵。豬扒夠晒入味，又夠腍，又唔會好油膩，豬扒真係好出色。我見大部份嘅人都係食豬扒麵。呢個豬扒麵真係幾好，唔鍾意食面仲可以揀通粉、米粉，你講得出嘅粉都有。公仔麵嘅軟硬程度煮得剛剛好， 唔會煮得太腍。湯底雖然比較普通，但係都唔算係太多味精架啦！本來以為係街市裏面嘅餐廳一定好污糟，點知呢間餐廳嘅乾淨程度比我所想像嘅好好多。…Read More

去開灣仔，當然要去檀島食蛋撻啦！檀島嘅蛋撻貴過平時普通餅店嘅蛋撻一倍有多，但事實上真係幾好味。蛋漿十分嫩滑，甜度適中，不會過甜。酥皮撻底，又香又酥脆，配合軟滑嘅餡料，十分匹配，口感上亦顯得特別豐富。熱騰騰的蛋撻十分出色。我另外仲買咗一個甜餐包，甜餐包就比較普通啦。麵包痴牙，又唔夠鬆軟。但係沿路都有好多人排隊，我見佢哋都係買包食，可能係我咁啱揀嘅甜餐包比較差啦。有機會都可以再試吓其他包嘅。不過，如果只係諗住買來當下午茶，都係買返蛋撻啦。…Read More

午市時間又到 ,啱啱去完旅行回味當地美食去到青越 ,見佢唔係太多人冇地方去入去試一試, 自己叫咗一份 法式牛柳粒紅飯。上菜速度幾快, 法式牛柳粒紅飯, 聽落個名好健康好似好有營養價值, 其實原來佢只係, 番茄牛柳粒紅飯 ,缺少咗法式嘅感覺。 牛柳粒煮得夠淋 ,夠入味 ,可惜配合番茄煮得唔夠淋。 番茄咬落去仲有啲硬, 可能舖頭上增加口感, 但係我都係鍾意食蕃茄炒蛋嗰種蕃茄。 好彩佢嘅味道都唔錯, 唔會太酸唔會太甜味道啱啱好,但係最值得讚賞嘅應該係佢嘅擺盤,一塊鐵板咁上.以為佢係原鍋煮出嚟, 值得嘉許。 下次一定再試, 因為真係唔錯。…Read More

將軍澳出名多嘢食過咗咁多年從遊舊地 見到美心小品好多人排隊一於一試, 入到去見到好多唔同嘅嘢食,不過我就叫咗一個意大利粉唔係普通意大利粉個名叫日式咖哩雞扒意大利粉,聽到個名好似好犀利咁 ,其實係普通嘢 ,日式咖哩甜而不辣,好有日本嘅味道,最可惜嘅係件雞扒炸道太乾水有啲失望至於意大利粉,其實煮得都算唔錯,不過就略嫌佢唔夠味,要自己加味。總括嚟講,呢間嘢都幾好食,不過價錢係貴少少,最慘嘅佢係美心集團旗下。 希望下次佢會煮得更好,我見佢其實仲有湯之類嘅食物 ,可惜今日唔夠位呀。…Read More

彩雲邨最近被領匯做了翻新工程，就嘗試一下去食個晚飯，叫咗一碟咖哩雞扒飯。白飯加上少少藜麥，咖哩汁好豐富，椰子味唔會太濃郁，應該用咗好多雜菜薯仔煮成，咖哩味很清香配上新鮮炸起脆卜卜嘅雞扒，不知不覺已經食曬全碟飯。不過冷氣不足，食完全身都濕曬。…Read More

經過淘大見到一間新餅舖，原來係美心餅舖。就買一個蛋糕慶祝朋友生日，選擇了 “芒果脆脆蛋糕 ”，果然好好食。餅底用蛋糕加上脆脆做成，同蛋糕本身鬆軟嘅感覺配合得天衣無縫，中間加上香滑忌廉和大大粒芒果，最重要用捉料嘅新鮮芒果做裝飾， 芒果清香鮮甜好啱夏天食用。…Read More