mochi101的個人專頁

今晚朋友book檯揀左間好似好高級嘅餐廳 叫做簡單食一餐thanksgiving dinner.  (雖然我地唔係american 但有節日要慶祝是常識吧~偽一偽abc )最初聽到觀塘以為係工廠building, 點知係好近好近創紀之城 嘅商業building! 地鐵站出口五分鐘距離 都無, 之前無留意到仲行過左龍去到巧明街 點知連馬路都唔洗 過鋪頭格局好歐美少女風 , ig上面唔少餐廳係咁嘅樣 少少夢幻但又不失classy london嗰個去唔到喇 估唔到觀塘就有間咁啱心水 環境傾計飲野一流 唔嘈 唔太餓嘅關係 , 選擇左兩個前菜／一個沙律，一個主食＋　甜品沙律唔多講，清新雜菜不過不失，　不是　Caesar salad dressing, 比較健康的清酒煮蜆好惹味，　不過女生前菜份量　share的話就唔太滿足, 好想食多一碟xd慢煮豬真心重點推介,  肉汁同個sauce融入得好好! 畫龍點睛係個source! 一滴不漏清碟 (初初嚇親以為墊底既都係薯仔, 點知全部都係豬肉, 點解可以眼花到咁ge? )最後心太軟作結, 甜品完美畫上晚餐的句點  不過最懷念的還是慢煮豬~另外一提 店員都好友善 成日主動refill水同換碟 讚~~食物價錢性價比算好 , 最正都係個環境, 半圓枱sofa位超級cozy,   2-3 人去食飯記得book一book枱好禾~…查看更多

為何星期四和星期五的距離, 總是這麼近 那麼遠日日返工放工再接收一大堆的訊息,心確是很累..偶爾同朋友好好食一餐放鬆下, 休息好再繼續power up!!唔少人都知大坑好多hidden gem, 今次依間餐廳就係一個例子,  唔少同事推介過, 果然無失望由天后地鐵站行8分鐘左右, 地理位置唔算最方便,  夏天仲可以接受到既距離價錢唔算好平,(話哂都喺酒店下層),但一睇食物質素同環境, 其實超值Happy hour時間去,  大部份飲品仲有買一送一,令餐飯更加完美 (飲酒會飽的人)今日揀左左智利既白酒, 同埋local draft beer,佢地ge共通點係  :  兩杯酒既香氣都十分出眾, 似有一陣花香香港友!!揀左一個main course, one side, one appetizer 同朋友share.持有appetizer 胃的本人, 認為前菜真係好出色!! Truffle Toast!  聽落普通既cheese & ham, 加埋滿滿的黑松露同疑似係半煎焗/油炸既toast, 完全係另一個境界!  首先個toast 非。常。鬆。脆。不。油。膩！  黑松露不點不孤寒, 聞同食一樣香, 芝士同ham份量剛剛好,兩個人share剛剛好,唔會食滯!  超讚!再講side dish-  baby spinach salad,  比一般side dish的 portion大,  正常一個沙律, 最欣賞係唔會太多沙律汁, 比較係原味道Main course 選擇左lamb chops, medium rare. 生熟程度控制得好好, 肉嬓而多汁, 配菜醬汁份量同配套都好好溫提,  認為依個羊唔重羶味 , 較 各人喜好唔同,  本人覺得羶唔羶都正,  睇心情同天氣LOL  總結來說, 食物質素真係好高, 餐廳平日夜晚都full house都可以見其受歡迎程度,  下次要慶祝特別日子都真係可以考慮!…查看更多

第一次走到駱克道最旺最旺既一部份食晚飯, 好驚訝點解一直都忽略左駱克道!今晚係為Margaritas & Guacamole而定位這間餐廳!果然有數之不盡唔同變化既margaritas!!  有得揀frozen或者on the rocks,  我揀左on the rocks 大大杯!依度叫la rose,  好feminine haha,  平時杯邊既鹽都變左糖,  都係第一次咁樣飲Guacamole 同tortilla 更加唔洗諗, 墨西哥菜一定要叫百吃不厭 , 如果今日有球賽應該更有氣氛更啱feel(red tortilla 原來唔辣,  混入左其它tortilla刺激感官多左,  好醒!)Guacamole 少少少少微辣, 想飲多兩杯放工食下tortilla 飲酒, 實在係久遺的享受.....點解我咁耐無做過架呢?... 傾到差唔多先揀main dish都未遲!講真細食少少既人可能一碗tortilla 剩係飲酒都夠LOL 我同朋友叫多左個沙律 同tacos (grilled salmon)!!!  Such a Mexican night!!三文魚雖然唔係煙, 係grilled,  但一點不鞋口, 同醬汁一齊融化我揀左soft taco,食落有少少呢hea, 建議叫hard taco! 又香口啲總結:  愛牛油果之人得閒真係要食多啲墨西哥菜!  愛Margaritas & Guacamole就更加唔洗諗環境方面, 依度感覺好chill, 啱哂放工過泥,  上面個層主要係buffet, 下層就係a la carte & BAR  ~~比較中意下層 , 闊落啲, 仲有好多墨西哥帽好似比人拎來影相 裝修依個樓梯位好靚><洗手間位幽你一默:gentlemen to the left:women are always RIGHT!…查看更多

日日返工返到頹..好耐無食餐好 一直bookmark左呢間餐廳好耐 ! (搵食有時都外貌協會一下 睇裝修睇風格 即使中伏都有機會打個靚卡, show off 生活態度呀麻)一出lift就見到美式漫畫牆,再入埋去餐廳入面仲正成個裝修佈置可以話係極有心思！！每張枱都係用紙皮石拼埋圖案出嚟，仲好清涼lol (好熱嘅我顛左咁痴住張檯。。)Menu菜色都好有特色同創意，我鍾意，太花多眼亂好多野要睇，即刻選擇困症發作，揀好耐先揀好落單朋友點咗杯咖啡沙冰些牙，皆因佢都抵受唔住呢個ha日太過熱辣辣...我又唔太想飲成杯冰凍嘢，些牙就啱啱好喇！杯沙冰當然好夠凍，凍到敏感牙齒出哂嚟，味道都真係幾唔錯，唔會太甜唔會好漏叫咗個明太子天使面，呢個係嚟之前已經決定係必點嘅！原因好簡單，因為太多人讚，又係天使面喎，抗拒不能啦！燒雞牛油果沙律純粹個人好缺菜，其實菜係唔會嫌多嘅！個燒雞整得好！好！食！真心讚！！Happy Wednesday 點少得食個甜品埋個靚尾呢~心太軟配雪糕！即叫即整，鬆軟又有流心！正！ 雪糕好大球又好凍，要等一等食仲有其他嘢想食又未食到，下次會叫多幾個吃貨朋友一齊順道打卡!…查看更多

今日放工去銅鑼灣搵食,  又係登龍街..實在太方便同太多選擇, 去到times再慢慢揀都仲得!  天氣一轉涼, 對熱辣辣湯面既需求又多左, 今天幫襯久仰大名既金田家!!老老豆豆,對金田家有些少情意結, 因為住在外地有幾年好難食到精品拉面, 只有喺金田家會搵番家鄉真精品拉面既感覺是次豪食,  嗌小食同不停追加…  仲挑機試左個特飲好似益”健”多咁 (防止賣廣告協會同品牌改個靚名是常識吧 ), 不過無估到佢係帶咸味! 幾盞鬼就咁飲有啲怪, 但配拉面又ok wor !特別係辣既湯底幾match本身想食黑松露拉面, 點知期間限定完左,  最後食左柚子辛口拉面,  朋友食黑suen油好吸引呀!~ 永遠都係隔離飯香啲柚子辛口唔算辣,  怕辣仲可以自己拎開pad辣醬,  叉燒肥瘦分佈好平均, 絕對係一舊唔鞋口既好叉食物質素幾有保證,  另帶一提係店員真係好好人,  唔會因為出面排長龍臭臉你食完未走,  當然, 有公德心既都唔會賴死唔走坐太耐,  但好怕某啲食店店員好快收走哂枱啲野趕你走,  所以依個要加分仲要好細心….本人差啲漏低左部電話,  都係多得店員9秒9發現左, 未踏出店門就比返個電話我喇   人間有情呀以後唔會咁大蒙啦希望.......…查看更多

成日見到門外好多人等位，原來4點可以直入唔洗等，當然要試一試味道如何。11-5:30係lunch時段，價錢都幾抵，5x~7x不等，有沙律有飲品，主菜份量都唔細。不過今次就無叫lunch，分別叫左台灣肉燥飯$38，塔香鹽酥綜合拼盆$88，海鹽芝士奶蓋四季春青茶$28。下午茶時間兩個人食份量岩岩好。首先，肉燥飯咁平以為會得細細一碗，點知係個大碗，份量夠食飽，呢個價錢真係好抵，有飯有肉仲有少少菇。肉方面唔會太乾，汁都足夠撈飯食，肉量唔會太少。飯亦煮得軟硬適中，配合埋肉燥汁超完美。綜合拼盆方面，總共有四款不同的小食：台灣香腸、花枝丸、鹽酥雞同埋魚餅。鹽酥雞份量最多，其他大約有2-6個咁上下。鹽酥雞炸皮好鬆軟，有入口即溶嘅感覺，好正，雞肉都好嫩好滑，下次可以單點。其他味道都不錯，花枝丸夠曬彈牙！四季春青茶估唔到咁清，帶茶味而不會苦，配合奶蓋咁heavy 真係岩岩好，可以encore!…查看更多

忙碌的十月, 食餐好啲慰勞自己係必要的所以今天又是一個, "一定要點甜品"的狀態今次搵到依間環境價錢都唔錯, 佐敦唔想同人迫之選我估係先講下間餐廳 既主食:叫左一個salad dinner set,  一個a la carte 意粉其實dinner set 一定係化算啲, 但係我又深深比"鵝肝"兩字吸引左忌廉鵝肝天使面就算唔係dinner set都要alacarte點鵝肝係脆皮路線, 食落比較輕怡加埋忌廉天使面, 一啲都唔漏, 忌廉creamy既份量剛好餐廳聰明地加左一啲bell pepper切絲同沙律菜,  令到本身"有潛質好漏"既item變得just right 凯撒沙律點既時候有啲驚係頹頹的那一種caesar 結果out of expectation.   !  唔係個沙律特別點睛,  係個croutons 搶哂鏡!!個Croutons 要比大大個Like,  懷疑成舊面包浸過芝士再焗超好味-- 脆口, 唔熱氣, 無燒焦 , 味道很複雜另外, 雞肉煮食好好,  入味,  唔鞋份量如果當正餐一人食都好夠, 如果再多少少菜就更perfect池甜品 心大心細,  見其它人個個食churro,  最尾都係揀左心太軟配雪糕平時唔太中意食心太軟,,  好容易太多朱古力太漏但今日老娘心情很爛, 需要甜點支持生命飲完奶昔食佢都唔漏雪糕:心太軟既份量係1:1,  唔會太多朱古力搞到雪糕無掟企飲品係肥仔OREO奶昔(肥仔兩個字我加ge,  愈肥既野愈好飲是常識吧LOL)同人share一杯, 加一個甜品  令我心情好返好多正所謂,  開心要食野, 唔開心更加要食野…查看更多

行街經過見到依間鋪係試業中, 唔知咩意思?衝左埋去,  了解到暫時得2 種飲品供應,  做8折優惠我諗實在係好多台灣飲品店喺各地開分店,  令我成日都遇到啱啱開張既佢地糾結了好一陣, 決定揀草苺味既Babo拿鐵, 好似無咁漏, (奶拿鐵  即係珍珠奶茶啦?)  外表好靚, 有少女心 !不過佢既珍珠唔係傳統珍珠,  透明既好似,  食落無咁滯, light啲拌勻後既狀態:整體感覺良好, 店位置好, L型 咁面對內街, 佢既門面影相仲會影到塗鴉另外要大大力一讚:  店員都友善好好笑容!! 感染到我都開心左 (唔係咁易架其實! !  我去過唔少飲品店既職員都係苦瓜乾好似爭佢錢咁....所以依間店既店員真係要大讚 )希望遲啲會有更多既飲品選擇啦…查看更多

尖沙嘴有時真係比旺角還要逼, 星期六日更加嚴重, 走在街上一定被撞散但無理由因為人為而經常宅在家裏的吧!?  還是找個樓上cafe 去歇腳, 同閨密歎個下午茶, 涼下冷氣傾下計, 宣洩一下星期一至五遺留下來既壓力...諗起壓力個心都酸一酸......今日行完誠記書局, 由水洩不通既海港城 搵到呀士厘道, 好多樓上餐廳可以選擇!最尾揀左有少少海鮮食既, 環境比想像中chill呀這一刻,  覺得自己高高在上,  比起樓下迫來迫去既人, 顯得好自在裝修唔錯,  比酒同openkitchen既包圍下覺得有點high class食物  其實來得好地道,  常餐快餐,  加左廚師既少少心思成為了fusion常餐海鮮做頭盤帶子特別好味!炒蛋可以配ham or salmon, 我和朋友都是三文控重點我覺得係湯意湯意----完全係香港人創造既偉大發明,   濕濕地,  又低GI個黑毛豬好好食!!就咁樣, 過左個輕鬆下午na!…查看更多

話說啱啱去完泰國返泥, 去探訪左當地ge海南雞大王s, 當地飯是很好吃, 湯又好飲 但仍然解唔到條海南雞癮!!今晚同朋友又揀左 東南亞? ? 星馬泰?  ?既餐廳食, 放工去很就腳既CWB出發! (我真係唔太識分東南亞既分別, 如果有人知請多多指教)其實除左海南雞飯同甜品, 我都無乜特別野想食,  不要問女人的胃是如何構造的,  應該讚賞我目的真係好明確LOL個招牌飯無負我所望,  我覺得個雞煮得比泰國既還好食十倍..(泰國旅行當地食嗰啲有啲鞋)依個肉質煮得好嫩好滑, 油份足夠, 而且係無骨! 啖啖肉單憑無骨依一點,  自問又懶又唔鍾意lun骨既我, 己經可以比五星呀 哈哈不過本身個飯確係好!!   唔洗去泰國熱住排隊食啦...同朋友share 一個飯  一個菜 當主食.   好健康因為近來喉唔太舒服, 馬拉盞通菜轉左做蒜蓉通菜!!好多謝店員既提議!我:  馬拉盞抄通菜會唔會好辣...?店員:  怕辣?  幫你轉蒜蓉啦(真實對白...)本來睇menu好心痕想叫凍飲...最後都係乖少少飲個玫瑰柚子茶,   不比珍多冰遜色喔簡單食左個主食,  就叫甜品喇!! 有我最鍾意食既 !!糕點!!  (依啲真係要留肚食架呵呵)佢係椰汁千層糕:唔漏, 唔係平時泰國椰奶糕個啲死甜,一定要試有啲似中式紅棗糕<3 然後大膽叫左個唔知乜:  看圖>馬來脆雪山講完都係唔知乜哈,  我以為有雪糕喺入邊,  點知佢係一塊大既脆脆, 內層沾滿左花生, 糖絲等等口感好好,  都好ig- able要訓低佢先可以"meet"到泥食xd,  口感味道略似糖葱餅2個女仔食有啲多 , 建議4個人先好叫,  影story ge時候都方便啲XD…查看更多

約了朋友去觀塘食飯, 誰不知下大雨而我只有一把自私傘....APM又人頭湧湧,  每間餐廳動輒都要等二十個位先有枱!! 連food court都沒有位...在觀塘市中心食個晚飯真係好困難上樓cafe, 工廠西餐廳固然係好選擇!  不過唔係每一間都就腳,要由觀塘廣場開源道逼過去,都幾辛苦....路又唔係闊..個個擔遮...啲人又唔係特別禮讓.....然而!!上網發現有間超級近既,  apm經惡魚中心落去,  用不上2分鐘就到依間餐廳座落既大廈!!自私傘都唔洗開的程度LOL完全係一個驚喜!!餐廳唔多人, 地方好大,  裝修擺設都好有自己既風格仲有好多乾花同畫  非常 打卡-able播啲衰樣奇怪樣卡通好搞笑!食物好有驚喜的經常我都會講, 睇湯, 睇前菜,  你會知道這間餐廳既質素去到邊賣相, food presentation比100分, 唔洗刻意埶位已經影到靚相白湯:  好有菇味, 唔漏, 唔係死忌廉味面包-- 超!級!鬆!軟!熱燙燙好加分!! 唔係放半分鐘就會凍哂, 唔係叮叮個種熱比返大大個讚先依一點!唔明白點解咁簡單基本既事會變得如此奢侈?  (真心忠告各餐廳,  面包一定要熱上.....)今晚特別餓, 點了兩個主食—三文魚 &  豬肋骨 三文魚比到我的驚喜好大!  未開始食, 用刀切一切, 己經知道舊魚好稔好鬆軟入口不負所望, they made it just right!肉質鬆軟, 外皮香脆, 生熟剛剛好三文魚隔離既side係重量級Salad材料好豐富, 好多種類既熱帶生果(新鮮,唔酸) 甜甜地加埋生菜同咸咸地既quinoa! 層次口感都鮮明如果可以單點這個salad, 我會單點豬肋骨大大份配埋瘋薯好飽肚, 唔算heavy今餐飯一直都好滿意, 同時有好多驚喜地方闊落, 靚, 舒服,  係好適合同朋友傾計的地方…查看更多

放工出尖沙咀有啲野搞,  happy friday 既關係, 逼到我個人勁攰厚福掃完個街打算去搭巴士既路上見到有新店開張, 就比熱心既店員Spot到我都比買一送一吸引左??一入去被全間店"NI HAO"  有少少嚇親,  然後發現佢地全部都係香港人,  只不過配合台灣店, 用  NI HAO  做greetings(好比日本餐廳既"1234"  你明的  xd)店名都係大大個拼音因為撞正新開張, 有幾種指定茶,買一送一, 皆我得一條友T_T, 享用唔到依個優惠被sell左一杯 "火龍波霸奶",  係時興既黑糖珍珠呀!! 其實我so far都只係試過一間, 感覺還好但未有addicted店員推介我咁做:  (港女mode)一定要喺依個枱仔位影相,  因為有燈有埋背景LOL可惜衣一杯甜度無得揀,  無得少甜!無得少甜!無得少甜!(很重要所以說三次!)結果係甜到顛左,  而且係奶底(唔係奶茶/ 茶底)   好似飲緊加左大量syrup ge cream一般......我真係一般般這家既黑糖奶...(尚不算太差啦,  黑糖終歸都係漏,  唔可以要求佢好refreshing ge 都)但建議唔好似我咁夜晚飲........起碼肥1 kg不過有加分位,就係依個面既焦糖,  有創意, 加多左口感又好味ge…查看更多

好耐未食過咁傳統既西餐,傳統setting 白枱布, 多於3個courses 既晚餐喺觀塘既小小天地裏面搵到個寶呀哇~!其實我係被個鵝肝吸引左,  就算出去食西餐都唔係下下咁易搵到有鵝肝既菜式就算有都可能丁si咁大舊, 或者溝左好多鴨肝同脂肪, 甚至只係一個cream spread搽面包而依個係真 .鵝肝!SIZE一啲都唔細, 大多塊多士入口即溶 唔在講, it's so flavourful!個apple sauce 好好味, 直頭可以直接食,  個人比較鍾意食物既原味, 所以 我分開咁食.鵝肝 同個醬 (我真係有直接食...)依間餐廳整多士真係有一手,  脆, 唔乾,  香口, 唔焦醬又係有一手..... 醋油沙律,  唔會過酸過甜過油,  值得一讚好講到主菜,  慢煮豬扒,  唔止厚切,  仲 好大塊.....雖然係慢煮, 但係全熟, 肉質嫩睇怕慢煮左成日先有依個效果!  食到最中央部都唔會鞋口與鵝肝係同一款蘋果醬呀澱粉質女孩----所以一定要食返個pasta蜆肉意粉,  正常係無死而依個意粉仲要好鮮味, 太棒棒了蜆大大舊, 圍住哂個碟邊,  一啲都唔孤寒Dessert time!  一個木槺布甸樣子的vanilla ice cream,  大愛!  chunky chunky!  icy icy~口感的重要性!總結一下環境, 唔算難搵,  簡單設計帶啲傳統風味,  白枱布是亮點 (對我來說諗返好多細個既回憶)食物, 蘭單來講, 以質素來講好抵食, 好唔錯 有heart ge 餐廳好開心觀塘入面有一間咁既餐廳,  平民西餐 is possible! …查看更多

吉仔不嬲都喺我山窮水又盡既時候救我一命,  賜我正餐溫飽一星期總要幫襯各地既吉仔一次以保持荷包重量下午茶套餐最近有新搞作,    20蚊餐香港地, 好耐無"20蚊買到一個餐"依支歌仔落樓下買野食都唔會袋得一張廿蚊紙喺身吧依個餐十分ok,   二十元正剛剛好有一碗迷你牛肉丼,  兩個雞串燒 或腸仔,  芝麻豆腐,   小綠茶感覺正正就是日本那種早餐,  一小碟一小碟,  又有白飯 又有清茶健康簡單牛肉飯一如以往好味,  飯份量少 , 更適合女生,  肉同飯個比例其實反而高左,  唔會食剩飯了  (肉:飯)串燒不要期望太多,  這次食既時候有點唔夠熱,  有待改善  (天啊但才20蚊我唔想批評)豆腐,  日本豆腐加芝麻醬無得輸   攝取一下健康calcium!…查看更多

五花八門的珍珠奶茶店成行成市;  今日試試多年前的心頭好comebuy, 其實本來只想叫一杯>>>芋香珍珠<<<<......可惜餐牌太複雜, 好像容不下最基本的只好試試店內推介的number 1-  烏龍厚奶小芋圓其實覺得店內的蒸氣及沖茶的板斧都很誇張,  有走火入魔的感覺看來好像泡茶專家.......就讓我看看......人懶的關係,   point form 吧!XD>>>>>>>>>>>>>>>>>>>>>>>>>>>>>>>>>>讚:  包裝比較蕳單,紙杯包裝加封口,  紙比較環保  (至少bio-degradable)服務好好, 店員好有禮有耐心,  亦會主動問要不要少糖少冰等候時間不長彈:價錢算係偏貴,  $30 一杯  ,  而且小芋圓份量真的有點少啦...茶味不算濃...真的...不濃....    為何個個都話好濃....? 沒有八達通payment!!!!!!!我明明見到wechat pay支付宝, 但偏偏沒有港人的八達通!!!!!!!!!  不方便之餘....有啲燥(PS 杯上印刷/  label/  單據  都係簡體字,   不喜歡)總結:很普通的珍珠奶茶, 不算難飲哈哈始終明白淘大應該租金貴吧,  店鋪地理位置還要很優勝,不過不失還是可以ok啦.......勉強ok…查看更多