kayan212's Profile

🌟餐廳熱鬧，氣氛令人放鬆，更有不少霓虹元素打卡位 ，約一大班朋友深宵小聚確實最適合不過。新鮮刺身🦪單點即開生蠔、新鮮帶子、北寄貝，刺身令人幸福感滿溢～🌟即開生蠔海水鹹鮮味濃，質感爽滑。🌟北寄貝刺身爽口彈牙，但未算非常鮮甜。🌟厚切帶子刺身口感鮮嫩，入口即化。惹味串燒🍢所以串燒都理料得恰到好處，碳燒海鮮尤其出色。🌟大頭蝦新鮮鮮甜，蝦膏甘香濃郁。🌟鮑魚肉質彈牙，口感一流。🌟厚燒牛舌外脆內嫩，內裏仍保持鮮嫩同肉汁。🌟碳燒扇貝 & 聖子均為燒烤必點之選，鮮甜爽口肉質，配上惹味蒜蓉辣醬，簡直完美。🌟燒黑豚肉五花腩肥瘦均勻，充滿油香，入口即化。🌟燒豬頸肉肉質爽脆，表面更帶微微焦香，兩款都屬燒烤的經典之選特色煮物🍲🌟香蒜牛油錫紙娃娃菜充斥著牛油和蒜蓉香味，味道清甜，非常惹味。🌟牛油蒜蓉焗蜆以濃郁牛油蒜蓉汁烹調，鮮香味美，辣度並不一般。絕配飲品🍹雖然餐廳有各式各樣的特色飲品，但是宵夜來說，啤酒必然是首選！🌟SUNTORY PREMIUM 麥啤，冰杯已經足以展示餐廳對啤酒的尊重，純滑清爽的口感，可以中和燒烤的油膩感。🌟Hoegarden Strawberry，士多啤梨味酸酸甜甜，非常適合女士飲用。總括而言，高質宵夜確實名不虛傳，無論刺身、串燒還是煮物，都令人很滿足，絕對值得向大家推介。…Read More

瀧宴座位不多，環境優雅寧靜，偌大的落地窗加上柔和的燈光，營造出放鬆的氛圍。前菜三小碟餐廳嚴選來自時令食材，由前菜開始已經誠意滿滿，蟹肉啫喱、螢光魷魚、池魚三種鮮甜新鮮，醬汁清爽開胃。刺身拼盤這道菜口感味道層次都非常豐富，由鯛魚、池魚、到吞拿魚，口感不斷昇華，味鮮到油香過渡自然，滿足味蕾。壽司兩件黑陸魚、深海池魚壽司配上自家製醬汁，不但提鮮，更令魚生質感加倍，充滿驚喜。鐵板燒當然少不了熱盤，其中值得一提的是恰到好處的牛肉，外焦內軟，牛香滿溢。另一樣令人喜出望外的是燒魚，魚皮香脆味鮮！暖心主食作為圓滿的作結，炒飯、炒雜菜、海帶蜆湯簡直係暖心標配，大滿足！甜品自家製白桃果凍，又清新又解膩！服務極好服務人員不僅專業細緻,而且十分周到，他們會主動介紹菜品特色，整體來說,瀧宴在環境、菜品和服務上都表現優秀，是一家值得推薦的日本料理餐廳。…Read More

今次嚟到Wavy Bar & Restaurant——一間好適合同朋友或者同事放工輕鬆吓嘅餐廳，有得食、有得聽、有得玩，超relax。田園沙律沙律菜非常新鮮豐富，仲加埋香甜蕃茄，混上黑醋沙律汁，作為前菜好清爽。黯然火焰豚呢道菜啱晒打卡，上菜方式超級特別，既吸睛又震撼。香醇嘅酒味同甜甜嘅醬汁包裹住鮮嫩嘅豚肉，令人好回味。白汁香蒜海鮮意大利麵爆蒜愛好者必點！香蒜白汁好濃厚，蒜蓉份量簡直係重量級，每一啖都食到粒粒蒜蓉，夠晒重口味。芝士肉醬配薯條面頭滿滿嘅芝士同肉醬份量好足，雖然上面嘅配料好多，但厚切薯條仍然好酥脆。蒜蓉燒生蠔今期燒生蠔優惠，只係$10就可以食到啖啖肉嘅生蠔，燒烤火候控制得好好，肉質仍然好鮮嫩，超抵食！仲有好多唔同燒烤口味任君選擇，總有一款啱你。Yuzu Blossom呢款特調酒好清新，甜度適中，酒味唔算濃烈，清清地好易入口，啱曬喜歡微醺嘅你。除咗嘢食之外，Wavy Bar & Restaurant每晚都有唔同音樂活動，今晚去到嘅係live Band表演，表演者同食客不時互動，氣氛好好、好chill。想同朋友自成一角玩嘅，呢度都有好多選擇，有飛鏢、桌球⋯⋯整體嚟講，呢間新開嘅餐廳真係唔錯，放工不妨同同事嚟呢度食個飯，輕鬆吓。…Read More

最近去左荃灣嘅麻辣年華，試左麻辣青春二人餐，真係物超所值！餐廳風格有一種現代感，霓虹燈嘅裝飾好新潮。整個用餐空間好寬敞，坐得好舒服。冰鎮滕椒魚皮魚皮薄脆，搭上微辣嘅滕州辣椒同酸醋，真係開胃又醒神。金湯海鮮烤魚（江團魚）一滾即食，肉質滑嫩，但魚肉略嫌帶點草青味。蝦同鮑魚都好新鮮、彈牙。配菜亦好豐富，有洋蔥、薯仔片、娃娃菜、豆卜、金菇、酸菜，配上個麻辣汁真係好惹味。烤串（羊肉串、牛肉串、燒汁雞串、魷魚串、燒生蠔）生蠔好肥美新鮮，燒得恰到好處，蒜蓉醬汁調校得啱啱好。羊肉、牛肉串都有好重嘅孜然味，肉質不柴不膩。魷魚口感Q彈牙，不過就唔係好夠味。雞串接近日式燒汁個種，味道偏甜。金銀蒜小龍蝦呢個真係重口味之選，小龍蝦肉質都算彈牙，醬汁偏咸，但蒜味突出。至尊水果茶水果茶真係好慷慨，滿滿嘅水果，蘋果、橙、西柚、百香果、藍莓、西瓜，每一款都係新鮮切出嚟，仲保持到佢原有嘅水果甜。飲品好清新，非常適合解辣。西瓜啵啵冰個底係益力多加梳打水，酸酸甜甜，加上西瓜切件，好清涼解渴。整體來講，麻辣年華真係抵食。服務態度都好好，店員間唔中就會問你使唔使加湯、幫你執嘢，成個用餐體驗都令人覺得好滿足。…Read More

霓虹燈滿佈門面嘅龍虎豹餐廳，一望就令人好期待，入面當然同樣無令人失望。自帶粉紅濾鏡嘅空間別有洞天，一進門就被店內環境佈置震撼到！從牆上壁畫到桌上餐具，每一個細節都充滿東方神秘嘅氛圍，當然亦都好符合餐廳主題。龍虎豹餐廳並唔係一間虛有其表嘅主題式餐廳，因為餐廳食物一啲都唔馬虎。Shared plates-Snapper Carpaccio $158-Dragon ball $68鯛魚薄切Snapper Carpaccio呢一道清爽嘅夏季菜品，薄薄嘅鯛魚片配以醬油同醋嘅淡淡調味，增強左魚本身嘅甜味，青檸汁更加係將清新同香味帶入魚肉，係一道好開胃嘅頭盤。炸明太子栗米粒Dragon ball炸物外形獨特，球狀嘅外層好酥脆，內餡明太子口感濃郁，配合栗米甜味，非常適合送酒。微辣嘅醬汁味道類似牧場沙拉醬(Ranch sauce)，但就偏濃奶香同帶輕微辣，好惹味！Sushi-Salmon Sushi(2pcs) $48三文魚壽司(兩件) Salmon Sushi(2pcs)原本以為平平無奇嘅三文魚壽司竟然有驚喜，新鮮嘅三文魚厚切，明顯帶有油香而不膩，加上鬆軟嘅壽司飯，味道簡單但一啖已經充滿滿足感。Uramaki- Dragon Roll $188龍卷Dragon Roll龍卷一定係其中一道必嚐嘅菜式。呢道菜唔單止視覺上令人印象好深刻，而且口感同風味嘅平衡都做得非常出色。新鮮嘅吞拿魚同醋香、麻油融合，配埋天婦羅蝦、濃郁嘅牛油果同酥脆嘅天婦羅炸粒，配料搭配得恰到好處，俾人一種好豐富嘅口感體驗。Hosoyaki-Spider Roll $98蜘蛛卷Spider Roll另一道值得嘗試嘅蜘蛛卷，入面鮮甜嘅軟殼蟹肉加上芒果，既清新又邪惡。Kushiyaki-Grilled Lamb $58-Pork Belly $58-Chicken Wing $38燒羊肉串Grilled Lamb羊肉入口即溶，帶有淡淡嘅香氣，鮮嫩多汁。日本五花腩、雞翼Pork Belly& Chicken Wing豚肉肥瘦相間，口感豐富，黑椒加強串燒焦香味，每一啖都係滿足。雞翼串燒就以淡鹽、黑椒作簡單調味，不過不失。餐廳嘅菜式非常高質，每一道菜都有自己獨特嘅風味。除左美食，店員嘅熱情服務都令人覺得好滿意。喺呢間日式中帶熟悉神秘氣氛嘅龍虎豹餐廳入面，你可以細心觀察四周嘅小裝飾，因為佢哋大部分都真係來自真實嘅龍虎豹雜誌，黎返個回憶殺！…Read More

餐廳地方大，每枱都有充裕空間，坐得好舒服。餐廳總共有幾個自助區域，分別係配料區、飲品區、乳酪雪糕區，同埋蔬菜區，其餘火鍋配料就經QR code落單。雖然係火鍋放題，但小食一啲都唔差，反而仲好出色添，最好食嘅一定係大汗小酥肉、麻辣鴨血。小酥肉係即炸嘅，外脆內鬆軟，表面仲灑上惹味嘅麻辣粉，令人食唔停口。而麻辣鴨血屬於微辣級數，反而突出到鴨血嘅甜味，令人食極都唔夠喉。言歸正傳，翻返嚟雞煲，今次叫左小辣雞煲，但千祈都唔好睇小佢，因為小辣其實都好辣，同時又好惹味，每一件雞同埋配菜都充分裹上醬汁，醬汁甜中帶辣，雖然比較重口味，但食落啖啖滋味，越食越辣，越食越上癮。食到咁上下，每枱上面都已經準備好一壺上湯，等客人食完雞就可以加湯打邊爐。打邊爐配料同坊間有嘅都差唔多，其中比較特別嘅就係自家製響鈴、將爆豆卜等創意手工配料，配搭唔錯，味道的確有驚喜，就留待大家自行體驗啦。餐廳整體服務到位，員工好勤力收菜碟，上菜速度又快，完全無漏單漏食物，成個晚餐體驗都全舒服，值得一大班人去勁食，食餐飽！…Read More

今次叫左一個二至三人餐，套餐有一個細薄餅，一個意粉，一客小食，二款甜品或飲品，價錢中規中矩。勁茜薄餅一打開，見到盒裏面有一大座芫茜山就覺得好驚喜好特別。芫茜下面有好豐富嘅配料，燒雞、漢堡粒、芝士碎、自家製芫茜醬。一開始以為係綽頭，但後來發現呢個薄餅好有誠意，芫茜醬有淡淡芫茜清香，同時又有酸酸哋嘅沙律醬味，加上芝士碎嘅組合，整體味道清新和諧，值得一試。依家香港有好多連鎖式薄餅餐廳賣嘅薄餅又厚又硬，但其實正宗嘅薄餅餅底唔會太厚，而且會有淡淡嘅麥香，就好似今次呢間餐廳一樣，餅底鬆軟，每一啖都有麥香襯托芫茜香味。而且配料同餅底比例配合得好好，醬料分量適中，所以食每一啖都覺得好滿足，層次好豐富，唔會一味食餅底食飽。特濃芝士汁粟米帶子意粉特濃芝士汁確實係好濃稠，除左芝士味香濃之外，仲有陣陣忌廉香味，不過咸味就略嫌不足，如果鹽可以落得重手少少就更加好。帶子係珍珠帶子，雖然唔係大隻，但味道都係有鮮甜味，而且帶子更加係以量取勝，份量絕對唔吝嗇。奇妙雞軟骨雞軟骨係椒鹽口味，即叫即炸，香脆惹味，就算外賣拎到返屋企都仲係好好味。士多啤梨奶凍奶味香濃，配埋士多啤梨嘅甜味，好夾好好味，為呢一餐埋左個靚尾。整體而言，呢間小食確實好有誠意。有時食得連鎖店多，不妨試下呢類特色小店，會發現係另一種味道。而且餐廳都有堂食位置，裝飾都幾有意式風情，可以一試！…Read More

呢間餐廳前身係Darci by Aldou，除咗裝修之外，我感覺呢間餐廳嘅食物同埋服務都同前身差唔多。點解餐廳好貼心，店員見到我哋行李比較大件，就俾咗一個籃我哋用黎安放啲野，真係好窩心。環境方面就好有法國風情，雲石枱、水晶、黑白藤織櫈、田園風嘅植物擺設，全部都令環境變得好靚好舒服。作為前菜，我哋叫咗北海道刺身帶子配夏日西瓜青瓜沙律。刺身帶子兩面有微微煎香，鎖住帶子鮮味，帶子配上青瓜令整體鮮嫩不膩。沙律菜款式多樣，每一塊都新鮮爽脆。沙律以醋為主要醬汁，但食嘅時候會感受到清香嘅洋蔥味，酸醋配上西瓜，呢一個配搭好新鮮，同時將西瓜嘅清甜推上另一個層次，估唔到可以咁夾，呢個沙律確實有驚喜！主菜方面，我哋叫咗香煎牛油波士頓龍蝦牛肝菌意大利飯，同埋澳洲肉眼扒8安士配薯菜.燒汁。先講意大利飯，飯質軟糯，同傳統半生熟感覺嘅意大利飯有啲唔同。波士頓龍蝦食得出係冰鮮貨質，口感有啲韌，不過都仲有一點龍蝦嘅甜味，尤其係蝦頭嘅膏好豐富。意大利飯嘅調味亦都好出色，醬汁濃稠，每一啖都食到濃濃嘅菌香，齒頰留香。之後仲有澳洲肉眼扒，我哋叫咗五成熟，牛肉脂肪比例唔算多，質感有啲粗糙，但係牛味香濃，牛扒上面落咗少少鹽去作調味，而且本身牛嘅品質唔錯，所以佢唔需要沾燒汁已經好味。薯菜外脆內軟，配上黃芥末醬同埋茄汁，令人忍唔住一啖接着一啖咁食晒。除咗食物，飲品我哋叫咗西柚橘香茉莉花茶。呢個花茶好有儀式感，茶以玻璃茶壺嘅方式呈上。雖然茶嘅茉莉花香氣好濃，但係味道就一般。而且雖然入口前有一陣清香，但飲落口之後會有陣陣酸嘅味道。整體來講，呢間餐廳嘅食物都似於中上水平，擺盤精緻、味道不過不失、而且服務體貼。如果有閑情逸致想去靚靚餐廳嘆個精緻午餐、或者晚餐，不妨試吓呢間餐廳～…Read More

近年屯門成為小店聚集的小區，有不少有品味有格調的咖啡店和餐廳進駐。而這一次要介紹的餐廳位於建生邨，位置鄰近輕鐵站，要到訪也十分便利。店舖類近日系閑適的風格，木桌木椅配上乾燥植物的元素，為餐飲加添不少品味。細心觀看每一張桌上都有不同的小玩意，這裏的是招財貓俄羅斯娃娃，裝飾精美而且具有玩味，讓客人在等待的時候也有可愛的擺設打發時間，透露着店家的小心思。第一杯飲品Rose Latte，原以為飲品只是在一杯普通的咖啡上加上乾玫瑰花瓣作裝飾，以噱頭取其名，誰知連咖啡裏都帶有淡淡的玫瑰清香，與香濃奶味完美結合。咖啡入口幼滑綿密，甜度適中，咖啡不酸不苦，味道可口。另一杯梳打造型可愛，酷似一大顆飽滿的葡萄，漸變色的飲品外形滿分，味道清新解膩，表面還有大量薰衣草粒，令飲品進入口腔前，鼻子已經率先體驗到薰衣草的清香，豐富飲品的層次。這次的兩款意粉都令人十分滿意，意粉軟硬度適中，彈牙有韌度，配料亦同樣豐富。自家製的青醬味道清爽，羅勒味香而不帶澀，配上洋蔥和蒜蓉十分合拍，味道具層次之餘又豐富了口感。另一份意粉更是誠意之作，滿滿的配料在擺盤上已經十分吸引，藏在蟹肉蟹籽之下的是一層厚厚的明太子，而且忌廉味重卻不膩，令每一口意粉都令人有多重的味覺享受。相比上一款意粉，這個比較邪惡，味道較重口味，但卻為我帶來更多的滿足感。這家餐廳除了主食之外 ，還有不少具意式風情的小食和飲品，值得大家一嚐這家用心經營、有自己堅持的小店。…Read More

餐廳整體設計取自於港式地道懷舊冰室，同時帶有現代的元素，令餐廳每一角落都可以成為打卡的熱點。食物方面主要是港式茶餐廳的美食，以車仔麵和港式飯餐為中心。女神麵配料豐富，兩片厚厚的花膠更成為麵的主角，花膠鮑汁味濃，口感厚實彈牙，兩大件豬手甜甜的，與沾上的湯汁互相呼應，整體的食材配搭充滿滿分的骨膠原，果然適合女神養顏之選。雖然坊間傳聞車仔麵的配料越多，分量越少，但顯然這個傳聞在這家餐廳被推翻了。儘管配料有五款之多，但分量並無減少，平均每款均有2-3大件，絕不馬虎。除了配料以外，湯頭更是靈魂，清湯加辣汁為清甜的湯汁添上幾分惹味，同時這個獨特的調味更是難以用現存的食物味道去形容，難怪這秘製的辣汁能夠成為鎮店之寶，實在值得一試。另一道食物——鐵板牛扒餐配意粉。參考價錢，牛扒餐的性價比高，雖然牛扒煮得略為過火，有點過熟，但牛肉的鮮味和香味成功補救，配以微辣的黑椒汁提味，令牛香更為突出，味道層次豐富。飲品方面，紅豆冰——一般港式茶餐廳的特飲，在這裏變得不一般，原因是它配搭上港式奶茶或抹茶，搭出新鮮感，奶茶的茶味香濃，微甘而不澀，抹茶相對而言比較淡，不過茶底都有輕微烘焙香氣，實屬不錯。總括而言，餐廳的環境既親切又有新鮮感，食物不但保留了懷舊茶餐廳的口味，還敢於創新，是一次不錯的用餐體驗。…Read More

餐廳室內空間有限，大約只有10個位置，但製作卻非常用心。環境設計簡約，氣氛舒適，近日更添上少許聖誕裝飾作為點綴，為空間增加一份人情味。第一杯Cappuccino温而不燙，拉花簡潔俐落，整體散發的咖啡和奶香同樣濃厚，入口苦味輕薄，表面的鬆厚泡沫與柔滑的咖啡互相配合，口感香滑有趣，咖啡厚重但不至於濃稠，又帶有極為輕微的清新酸味。總而言之，這杯咖啡均勻可口，挺適合推薦給尚未懂欣賞咖啡苦、澀、酸和甘味的食客，是作為入門的不二之選。倘若不喜歡濃醇咖啡味的話，也許抹茶拿鐵會是一個不錯的選擇。這杯飲品從外形上已經比普通咖啡更添美感，淺豆綠的抹茶和乳白的牛奶互相交融，形成獨特的暈染效果。飲品甜度適中，味道微苦帶甘，入口順滑，濃香的抹茶帶有輕鬆的烘焙氣息，苦澀味薄，但回甘轉甜的風味明顯，整體完美協調。朱古力鬆餅外脆內軟，溫熱的食物反映店家的細心，鬆餅可可味香濃，帶有些微苦香，微甜的鬆餅配上稍膩但入口即溶的朱古力碎片，兩者配搭協調，恰到好處，值得一試。在屯門區內用心製作的咖啡廳小店並不多，這家更是傑出的一群，不僅從食物中可以看到店家用心之作，而且店員的認真態度和店內的温馨氣氛更是小店的價值，值得大家支持，大家亦可以好好享受這個令我們在緊張生活當中，能夠喘息的一個小小空間。…Read More

好久沒有光顧台式手調飲品店了，今天心血來潮想放肆一下，於是在這裏買了三杯特色飲品。琥珀珍珠奶茶的奶香，茶底較淡亦沒有苦澀回甘，珍珠帶有微微黑糖味道，甜蜜煙韌，口感彈牙。玫瑰珍珠奶綠的顏色十分浪漫，玫瑰香氣撲鼻而來，茶底相對紅茶更加清香而濃，同樣沒有苦澀味，珍珠亦依然甜蜜煙韌。我自己則點了一杯少糖的芝芝桃桃，漸層的顏色令人未飲先興奮。桃茶清香不會過甜。上層芝士奶蓋，口感綿密幼滑，香濃芝士味配上海鹽的提味，令整體濃而不膩。桃茶和芝士奶蓋之間有一層厚厚的桃肉，不過桃非水蜜桃，而是桃駁梨，口感清新爽脆，加上沙冰的配搭，令整個飲料口感豐富，味到和諧，恰到好處。總括而言，這家台式手調飲品店品質高，性價比亦高，實屬高質，值得大家一試再試。…Read More

突然心血來潮想吃大排檔小炒，於是點了幾個小菜外賣。首先的是脆皮燒雞，燒雞皮脆肉厚，表面有少量椒鹽作點綴味道挺香，不過烤雞醃肉處理明顯比較倉猝，骨位醃得過咸，有點兒難以入口，而肉的位置相對下則淡而無味。沙拉豬扒味道酸甜，十分開胃，豬扒肉質幼嫩，鬆軟美味。京川回鍋肉有輕微辣味，腩肉薄切入味，但略嫌整體過於油膩。味道最佳的是小炒皇，微辣惹味，配料豐富令整體的口感具層次，芋頭、腰果和白飯魚炸得皮脆香口，沾上醬汁佐飯十分美味。整體的食品份量正常，價錢相對附近餐廳的價錢稍貴，參考味道、價錢、份量，性價比正常，可以過過口癮。…Read More

不想排隊等候這家熱門的西餐廳，我們決定點外賣支持小店。吞拿魚長通粉口感偏軟，吞拿魚肉碎平均分佈整盒意粉，醬汁帶有輕微忌廉香味，而且調味適中，整體長通粉的份量很多，性價比較高。卡邦尼意粉相對下側較乾，醬汁有輕微結塊的狀況，味道較為清淡。對比吞拿魚長通粉，這盒意粉的配料較少，洋蔥和煙肉份量並不多，而意粉的口感就為中等。雖然是外賣，但香草炸芝士條送到的時候仍有少許流心拉絲效果，奶味香濃，反而香草味不太突出，美中不足的是炸粉略為太厚，而且有明顯的粉感，不過芝士條與千島醬的配搭令整體味道恰到好處。蘑菇湯的味道令人喜出望外，香濃的蘑菇與濃稠的湯，造就出香濃綿密的口感，每一口都是滿足。整體來說，食品品質良好，用心製作。推介大家嘗試蘑菇湯～大力支持一下小店。…Read More

一般川菜看見的酸菜魚，都是一大盤適合一大群朋友分享的份量，不過，這次餐廳主打的是一人份量酸菜魚套餐。除了酸菜魚之外，還有酸菜牛肉可供選擇。配菜方面，每日亦有多款配料供客人任選兩款。第一碗酸菜魚我們選擇了豆卜，金菇，湯底為金湯，相對偏麻香，而且酸度較低，對於不太喜愛重口味的人，這個是不錯的選擇，加上配菜比較容易吸收湯汁，配搭令人容易接受。而另一碗酸菜魚我們則選擇了土豆、萵筍，配菜煮得剛好，雖然我們點的是外賣，但它們仍保留有爽脆的口感，同時又吸收了湯的味道，整體酸度辣度掌握到位，十分過癮。主食有米飯和薯粉，我們各點了一碗，薯粉的種類比較類似是水晶粉的幼度，加上異於配菜，薯粉煮得過火，口感軟爛，筷子一夾就斷，令人失望。整體而言，食物份量偏多，湯底有由不同酸度和辣度組合的選擇，味道整體都是偏鹹的。而配菜和主食都有多款選項，食客可以自由選擇自己喜愛的配搭，不過建議大家堂食，因為外賣始終未及堂食有風味，食物品質也會有一定的影響。突然想吃酸菜魚，但又未能及時找到友人相伴，不妨試試這個可以自私食的酸菜魚。…Read More