zoeooedo's Profile

呢個商場終於有新餐廳，今日終於可以試下😋叫咗個$88 豚肉餐同$98牛肉餐都可享用點甜品同飲品☺️平日下午3點後唔使等位。座位都好寬敞 出面自取食物唔算多 以台灣火鍋來講竟然冇寬粉有啲失望 但甜品係出色嘅！ 分量唔大，可以再食其他嘢 甜度亦恰到好處 唔建議食麻辣湯底，因為唔夠辣而且太鹹遮蓋左牛肉嘅鮮味 ，壽喜燒湯底值得推薦 令到豚肉同牛肉味相當突出 今次第一次試60分鐘，下次試吓食長啲時間可以再食多啲甜品 會再幫襯😊…Read More

聖誕節去食午餐，廚房一直好多外賣單同到會餐，比較忙。等咗半個鐘先有得食環境比較逼，兩檯相隔好密唔食環境同服務嘅純食味道係不錯仲有豬頸肉忘記映相，都係好味大碟，去開葵芳可以再試…Read More

湯底偏鹹麵質較硬，麻油係分開上餸料份量足夠，唔建議叫熱咖啡，仲難飲過茶餐廳質素但性價比高，$20一大碗麵仲有嘢飲仲想點店員服務幾好，有禮貌同講解清晰，仲會講明單會顯示$37但比錢只比$20。上餐前仲會覆述一次你點嘅食物。餐廳環境乾淨，可能時間仲早人亦唔多值得一試…Read More

開頭見kk day有offer以為幾好，冇買到coupon 上去直接睇有咩食先決定。見好多人打邊爐但我哋就散叫說好的酸菜魚 太淡，魚係好滑但湯底同配料味道似直接加入去唔係煮出嚟 手拍青瓜皮苦，店員有換過一碟。味道仍然係偏清淡夫妻肺片叫做最重味，同樣，如果主打呢類湘菜嘅話味道太淡酸辣土豆絲份量好大，味道尚可。服務係好嘅，人手夠而且清碟都快。旺角店超細間每檯係可掂手嘅距離，比較似茶餐廳格局試一次就算…Read More

喺KKday 見到$698買一送一套餐，仲喺酒店內嘅中餐館，有9樣嘢食就試吓啦。首先環境係好嘅，每台距離適宜，唔會好逼，好彩嘅話仲可坐到窗邊位望住個海添。服務亦唔錯，始終係酒店級數，傳菜姐姐亦好有禮貌。 上菜速度就有少少扣分。我哋6點幾嚟，遲過我哋嘅幾張檯已食甜品但我哋只去到第六個菜。後面嗰檯仲早過我哋嚟已經問係咪漏咗單。員工亦禮貌地解釋係有d單攪亂咗少少。不過唔緊要啦，反正唔趕時間，開返晚市堂食咪慢慢enjoy 下囉。最後食到9點埋單。比埋全單加一同茶芥，總消費$84x 兩位…Read More

食品質素OK可能因為疫情關係好少人座位顯得好寬躺質素唔錯想正靜靜地傾偈算係一個唔錯嘅地方餐廳仲有露台戶外座位不過當日落雨冇出到去全程用電話落單都算方便可以再試嘅餐廳…Read More

叫咗個中份量。 味道唔錯，用openrice 有8折。忘了映相。有枝竹，冬菇，好多馬蹄。羊唔多骨位，啖啖肉！ 外賣都跟一兜菜。 PS. 心急者要注意等候時間。 我比原定時間等多咗20分鐘。 但美食係值得等候。等候期間好多人想walk in但冇位（可能係星期日關係）, 勉強插得入的都得一個鐘食飯時間，有機會的話都要試食下堂食。…Read More

不嬲都鍾意食牛腩粉麵， 但係發覺好似越來越難搵到啲好味嘅牛腩。 呢間舖頭加上Mirror嘅 Frankie加持, 即時人氣 飆升。 專登揀個閑日非繁忙時間去朝聖，果然唔多人。 地區老店，老闆亦好好服務。 呢個年代 46蚊一個麵餐有菜有牛腩有嘢飲， 凍飲仲只係加一蚊咁少， 性價比高。（ 如果唔要油菜可選擇套餐A, 都只係$36) 份量足夠，絕無將價就貨！ 辣椒油有驚喜！ 一定會再幫襯！！…Read More

挑起條筋突然之間想食雲吞麵， 去到附近見到呢間餐廳， 見佢好似幾乾淨就入去試下。 疫情前冇嚟過， 今日嚟見到地方好乾淨。 原本想食雲吞麵但係叫咗個牛肚河， 味道都可以，但個人覺得湯底可以再濃郁啲 。 雲吞尚算足料， 豬肉比例多過大蝦， $26蚊嚟講 無嘢可以投訴。 叫咗杯凍奶茶 叫阿姐走飲筒， 佢好細心咁會幫我拎杯嘢飲。抵讚！！食完冇幾耐就有清潔檯面， 但唔係催人埋單。 整體感覺唔錯，下次會試下豬手撈麵。…Read More