b52230's Profile

上年食過今年encore，可惜無咗MasterCard優惠，盛惠$946（連加一茶芥$140，只收現金）。菜式同上年一樣，只係湯轉咗羹，同埋我係6點入座，發現個碗係大過7點半後入座個啲少少黑豚肉就有兩嚿比較韌食唔到。上年係皇室堡食，可能個場大，所以我印象中無比人趕走，但今年沙田就一夠鐘就收哂全枱嘢淨返我杯茶好彩勝在水滾茶唔錯。年年都係個句，食完想乾手淨腳，可以考慮，因為東海應該係同集團較平嘅選擇。…Read More

一直心思思想食大閘蟹，無特別要求要爆哂膏，又想同一時間食到其他餸。一路target揾平價套餐，最後揀咗東海薈。原本諗住食到最平揀午市或晚市8點半後去食，好彩係OpenRice見到有coupon同MasterCard offer, 可以唔使就住時間去食。扣減埋MasterCard offer，coupon$628加加一花生茶位共$132（要比現金），兩位$760，平過東海本身個價，最方便係食完唔洗使唔使執，慳返好多時間同功夫。…Read More

訂完先睇食評，以為會好伏，但如果唔多人爭食，喜歡甜品，可以一試。以為係酒店正門搭𨋢上，就會係登記櫃檯，但原來係對住海個邊，海港城大樓梯個邊入先係登記櫃檯。人數成個場唔過50人，海鮮有蝦、大螺、小龍蝦同小青口，亦都有魚生，但大螺有沙。熟食類有煎炸嘢，但有小小似兒童餐咁，春卷同雞塊。有5款蒸點心同有一檔麵檔。甜品我覺得可以，有我鍾意嘅朱古力噴泉同有一款似芒果布甸的甜品，食咗4杯。雪糕就要排隊，同埋一去到尾聲就long Q。…Read More