chikalicious's Profile

在我走進中環街市市集途中遇到了令人驚喜的豆乳飲品，每一款都值得細細品味。黑芝麻雪糕是這次的亮點之一。這款雪糕以豆乳製作，濃郁的黑芝麻香氣與綿密的口感都好好，讓人每一口都能感受到芝麻的香味，絕對是黑芝麻愛好者的夢幻選擇。有機焙茶豆乳帶來了另一種風味的享受。焙茶非常濃郁，它的香氣在豆乳中散發出獨特的焙烤味道，搭配豆乳的細膩，令整體口感層次分明，既清新又不失厚實感，非常適合作為下午茶的解渴飲品。豆乳海鹽奶蓋開心果豆乳則是另一道驚喜。這款飲品的奶蓋並不過於鹹，反而與開心果的碎果仁結合得恰到好處，讓人感受到濃郁的堅果風味，平衡得非常完美。最後，雪燕桃膠豆乳則是一款料多實惠的選擇，豐富的配料如雪燕和桃膠，帶來不同的口感和滋味，每一口都充滿驚喜。這四款飲品都可以選擇無糖或小糖，特別適合減糖族群，讓人無負擔地享受美味！…Read More

Matcha Tokyo提供了一個獨特而美味的用餐體驗。日式意粉麵條彈牙，配香滑的雞肉和爽口的蔬菜，讓人一口接一口。上面的鰹魚片更為整道菜增添了豐富的鮮味，令人驚喜。配上一杯草莓抹茶奶昔，清新的抹茶香氣與奶香完美結合，讓人感到舒爽。餐廳的環境亦十分舒適，適合聚餐或獨自享受美食。無論是對抹茶情有獨鍾的朋友，還是喜愛日式風味的食客，Matcha Tokyo都值得一試！環境十分舒適，設計現代且簡約。店內以清新的色調為主，搭配自然光線，營造出輕鬆的氛圍。座位安排寬敞，適合朋友聚餐或獨自享受美食。…Read More

其實我總共嚟過兩次，兩次都點咗唔同嘅嘢。鋪面會比較細，但係飲品嘅選擇都算多，會花很多時間去選擇去試邊一樣。第一次點咗個芝麻可可熱飲。可可味道極重，而芝麻味都唔輸蝕，比較似濃稠嘅感覺，會飲到醬嘅感覺。因為佢係無糖嘅，所以我非常之鍾意，可以真正飲到可可嘅味道同埋芝麻醬嘅味道。另一次我飲咗佢嘅雙重黑朱古力，今次一個係會有牛奶底，所以比上一個會甜少少，但是都是可以接受的範圍，沒有另外加糖的。呢一杯佢會比較似出面我哋想飲到嘅非常濃嘅熱朱古力。兩款都超好飲，一定下次會再嚟。…Read More

中午嘅營業時間都比較繁忙，有好多次行過都見到好多人排隊冇機會試。有一日終於早少少到，見到有一個位就即刻入咗去試。第一次去就試咗佢哋嘅招牌海老醬油沾麵，湯底融合咗醬油同埋海老嘅鮮味，幾平衡沒有蓋過彼此嘅味道。而麵條比較硬身，叉燒都中規中矩。整體嚟講都算可以，但就沒有特別令我難忘嘅特點。我明白沾麵嘅味道通常都會比較重，但係對我嚟講都是比較鹹，返到屋企都少不免要飲多啲水去沖淡。 可能因為我叫咗個醬油味道，佢哋有個蕃茄味可能會偏酸比較好。…Read More

喺Openrice搜尋尖沙咀區日本嘢，見到依間居酒屋評價不錯，決定同好友一齊去試試。餐廳地方唔係好大，但裝修同日本居酒屋非常似，感覺就好似置身於日本傳統居酒屋一樣。朋友有事要遲少少到，所以我哋就先叫住啲小食邊食邊等，叫咗個小食"味淋魚干"，依個真係意外驚喜，通常魚干好多餐廳都會燒得過乾，令到肉質失去水份，食落口會覺得好韌，但依個完全唔乾，咬落去肉汁會浸出嚟，非常適合作為酒邊小食。火炙北海道帆立貝蟹膏卷本人好鍾意食帆立貝，新鮮嘅帆立貝用火槍輕輕燒至微微金黃色，以濃郁嘅蟹膏配合清甜帆立貝，味道真係一拍即合，成個口感有好多層次，值得推介。大蔥厚切日本煙豚腩燒到一啲都唔燶，時間啱啱好，咬落去個口充滿豚肉汁，唔錯。五點刺身盛合刺身非常新鮮，盛盒刺身擺放亦富有美感，必點！滿滿幸福海膽丼重點項目，本人係一個海膽控，海膽色澤呈金黃色，而且海膽肉半乾半濕，不會像不新鮮的水狀，海膽配合埋少少吞拿魚肉感覺一流，成個口都係新鮮海膽味。如果唔係留肚食其他嘢，我真係想再嗌多個嚟食！系撚鯛成碟刺身嘅擺碟好靚，好似朵花咁，師傅刀工十分好，每一塊都切得好薄，鯛魚非常清甜，推介。原條成田醬炭燒鰻魚飯一睇菜牌見到咁大條鰻魚就即刻想嗌嚟食，上菜後現實絕無花假，大大條鰻魚舖喺充滿鰻魚汁嘅飯上面，燒得好好，好juicy，超級推介！依間居酒屋性價比好高，人均$400。絕對係尖沙咀區驚喜之選！…Read More

琴日同朋友係深水埗行街行到攰見到新開的飲品店就去試吓，價錢亦不太貴。因為我哋都好喜歡去試飲不同的手搖飲品。我地叫咗兩杯飲品，奶蓋蔓越莓莓和巨峰原汁葡萄透心綠茶。我最喜歡奶蓋的又甜又鹹的香味，厚厚的一層，加上蔓越莓的酸味非常適合，值得一試。因為我本身都很喜歡吃蔓越莓。大大杯冰沙，非常適合夏天去飲。朋友點了巨峰原汁葡萄透心綠茶，葡萄味重，叫小甜會比較好，綠茶味也香。如果唔想飲啲咁飽肚的飲品，可以一試。…Read More

地方寬闊又有包廂，亦都非常乾淨，坐得好舒服。第一樣食嘅係黑松露蒸蛋，非常非常滑，好好食。蝦都很大隻，蜆沒有沙很新鮮。鮑魚上的蟲草很香，鮑魚亦很彈牙。能夠吃到是新鮮蒜蓉，非常有心。蠔一隻有沙一隻沒有沙，但係都很大隻。沒有沙的那隻非常好吃。魷魚很多彈牙。最後的黃豆腐竹白果粥底非常好吃，很棉。全程都有服務員幫忙，非常用心。食物亦都非常新鮮，沒有太多鹽，對於我來說非常好，因為我不喜歡太鹹的海鮮，一定會再來。…Read More

因為喺上環嘅半山關係所以非常適合同朋友一齊黎chill嘅地方，不算太多人，地方比較少，可以享受一下寧靜。我地點左三個小食分別係黑松露蕃薯條，芝士條，同墨西哥粟米片。樣樣都好抵食價錢十分平民。我地點左一個慢煮牛面肉同埋一個慢煮安格斯牛肋骨。兩個都好好食，一嚟到都聞到有陣紅酒味，不會煮得太熟太老。牛面肉比較多肉，但牛肋骨會比較多脂肪。焗卡邦尼意粉很香脆，味道一流。甜品肉桂紅酒慢煮梨配雪糕，本身自己不太愛肉桂，但食落去都唔會好重玉桂味，味道幾特別。甜品白酒慢煮焦糖菠蘿配雪糕，酸酸甜甜可以緩和肉裏的膩味。甜品brownie配雪糕，個brownie做得非常出色，不會好似平時食到的朱古力蛋糕。…Read More

我同朋友都很喜歡吃烤魚，所以晚上特登來到烏蠅館試吓佢哋個烤魚。茶類飲品都用新鮮茶葉沖製，可以舒緩烤魚的辣味。我哋揀咗麻辣口味配六款配菜，配菜點了蘿蔔、萵筍、馬鈴薯、豆皮、菜和菇。麻辣口味小辣不算太辣，醬汁味道很香，魚肉也很滑，可以一試。但係條魚有點細，就算加埋配料三個人也不太夠吃。所以之後試埋佢個椰子雞湯火鍋。椰子雞湯雞味很岀，椰子味不太重。雞件也算鮮嫩，但牛肉有點粗糙。薯仔粉煙煙韌韌幾好食。另外見到佢哋有個米線套餐都好抵食，下次嚟到一定會試吓。…Read More

有日晚上想同朋友一齊嚟到唔算多人，背景播着外國音樂，長上卻播着電影，幾有氣氛。小食點左港式咸檸炸雞和車厘子牛腩腸粉。炸雞熱辣辣炸得剛剛好，非常好食。車厘子牛腩腸粉有少少唔夠熱，但味道都幾特別。旁邊放了腌製過的車厘子，食落好似話梅幾特別。Cocktail 叫咗楊枝甘露和杜松子酒補品。楊枝甘露就好似我哋平時食開嘅甜品但加咗酒底。杜松子酒補品係gin tonic，gin 底叫咗HK Baijiu，口感值得一試。酒吧服務非常好，老闆問吓客人好唔好食。臨走仲俾咗我哋試花雕酒vodka soda，味道酸酸甜甜好似檸檬。…Read More

鮮奶和珍珠的味道都不錯，甜度適中，珍珠都幾有嚼口。但冰塊有點大粒，所以感覺上鮮奶都比較快飲完。因為比較喜歡朱古力，所以如果朱古力粉再多啲的話，朱古力會比較濃和吸引。…Read More

一個月裏頭幫襯左兩次，食物質素並不差，唯獨欠缺新鮮感，兩次所識嘅菜式全部一模一樣。頭盤係一碟撈起，味道不差，賣相亦OK。第二個湯餃子，味道也很好。這個是我最喜歡的一個，不過包子太大，餡料太細，如果兩者作出一個合適嘅平衡就更加好。醸茄子我就覺得普普通通。這個一般有少少失望。咖喱魚蛋，真係好似魚蛋， 個咖喱汁真冇得頂👍👍。老細應承候補菜單名俾我，但最終都係收唔到，呢個係唯一嘅遺憾😔😔…Read More

我同朋友係美國翻黎，最掛住夏威夷的美食就是Musubi同Poke bowl。今次黎呢間新餐廳試Poke bowl。Crab Salad 好足料，好多蟹肉，好好食。如果無咁多鹽會好啲。 我地仲叫咗兩款Sparkling coconut water，分別係 Ginger and lemon 同 raspberry。Coconut味比較淡但ginger 同raspberry 味比較重，個味都幾得意。上面個個有三文魚，蛋絲，蟹子，牛油果，豆腐，一半珍珠糙飯一半沙律菜，配上山葵乳酪醬。 沙律菜有點不新鮮，但珍珠糙飯非常有嚼口。三文魚鮮甜，豆腐有點芝麻醬幾惹味。下面有吞拿魚，海帶芽，青瓜，枝豆，一半日本醋飯一半沙律菜，配上果仁芝麻醬。 果仁芝麻醬果果仁味和芝麻味都很重。吞拿魚沒有太多筯，其他配料都很新鮮。我朋友食哂成碗日本醋飯，可想而知幾好味。 …Read More

餐廳的景色很美，晚上看著觀光塔吃飯都比較開心。葡式菜湯很好喝。可樂鴨聽名字本身覺得很奇怪，但係食落甜甜的，好似可樂雞翼咁。西洋炒蜆都新鮮。豬肉炒薯仔送飯一流。今次選了室內，下次有機會一定坐外面。…Read More

因為新鮮製意粉同意大利cocktail，特登行上山來到中環pici。點完主菜同pasta，侍應就會送上麵包配黑醋橄欖油。有了黑醋和橄欖油，我可以吃上好多麵包。除了pasta，我主要來的目的是Aperol Spritz，橙色的酒配上橄欖，苦苦的，又有橄欖香，非常特別。自從我係意大利飲過後就好鐘意。Tagliolini 有非常多的truffle，廚師豪不吝嗇。吃落每一啖都有truffle的香味。pasta不同外面吃到的。pici pasta 比較冧點，但重蛋味…Read More