GC_216's Profile

最近到訪了位於旺角通菜街嘅人氣串燒店，燒烤堂。分別有吧枱、卡位同包廂。環境都唔錯，不過當然食物只係最緊要。鹽燒原塊雞皮: 非常香脆，忍唔住encore咗一轉。汁燒雞肝: 燒到半生熟、入口即化嘅口感加上香濃醬汁，成個口腔都係雞肝嘅香味。麻辣魚春： 燒到比較乾身，配上麻辣都幾惹味。鹽燒芥蘭頭：都係第一次食，口感比較爽，好重菜味。豚肉節瓜波板糖豚肉同節瓜一層一層再捲起，配上醬汁，口感豐富特別孜然燒蒜心：燒完仲keep到佢嘅Juice配上孜然粉，唔錯。蟹膏燒飯團：飯團質感有啲飯焦嘅感覺，上面配上香濃嘅蟹膏。黑糖燒菠蘿： 焦糖化嘅菠蘿散甜香多汁，酸甜平衡得恰到好處。整體而言，呢間串燒店的菜色多樣味道唔錯，值得再次光顧！…Read More

中環一向都多特色小店，漫無目的地走著，發現這間掛滿了與海洋生物相關畫作的餐廳，於是便一嘗。手掌般大的蝦，肉質爽口彈牙。每一條麵都非常掛湯，絕不添加味精的鮮蝦濃湯，每一口都是鮮甜濃郁的蝦味，真正可以喝到見碗底的湯面。除了大蝦湯麵，餐廳也有普通版的蝦湯麵。酸菜魚湯麵有驚喜。魚柳肉質唔會好鞋，湯底有層次感，酸中帶點辣，隱約食到藤椒嘅香味。套餐有前菜、小菜和水果等。比較特別的是梅酒浸蕃茄仔。去皮蕃茄浸泡在梅酒和花雕酒中，車厘茄獨有的新鮮風味配上梅酒和花雕酒的香氣，不錯喔。…Read More

今日約左朋友過黎淘大花園SuperNormal呢間酒吧餐廳chill下，可惜友人要揸車無得飲返兩杯。餐廳環境氣氛一流，仲有得坐高枱，飲酒傾計真係一絕。餐廳今個月做緊優惠，德國鹹豬手$178 (原價$228)，每日限量20隻我地叫左麥啤浸泰式秘制汁脆皮德國鹹豬手，外皮焗得好香脆，咸香肉嫩，另配上泰式秘制汁同酸菜，十分惹味。另有一款麥啤浸柚子脆皮豬手，食唔到辣既朋友可以試下呢款。白酒忌廉法國藍青口配蒜蓉包$118藍青口質數唔錯，份量十足，蒜蓉包配上幼滑既忌廉汁真係最佳拍擋，不過略嫌個汁淡口左少少。不得不讚既串燒，有驚喜，友人大讚西餐廳少有出現既菜式雞腎$16，雞軟骨$18 灑上辣粉，燒得香口入味墨魚咀(2串)$42 不過不失鰻魚$20 醬汁香濃厚切牛舌芯$44 嫩滑彈牙，厚切有口感…Read More

餐廳位置幾方便，就係輕鐵站附近 ，步行只需數分鐘。地方寧靜 、舒適，座位都幾寛敞，適合三五知己閒聊吹水。嗌咗德國腸併盆 $172有3款腸仔芝士腸 : 脆皮加流心芝士係入面，一流呀！覺得一條唔夠喉。辣味腸 : 外皮脆，肉質帶小小辣味都幾過引白香腸 : 肉質無咁實，但係一樣好Juicy。另有薯角伴碟，炸得香脆。餐廳有自己配製的蜜糖芥末醬，頗有自家特色。另外再嗌咗一杯Mango dream 表面有小小奶蓋加上芒果汁。特別一提，洗手間可為稱為奇則，大家可以嚟朝聖一下。…Read More

餐廳環境幾好，空間夠大, 坐得舒服 。服務員都夠主動，會主動幫我哋收碗 同 加湯 加火。現場冷氣夠凍, 唔會有一般火鍋嘅侷促感，所以好舒適。餐廳有提無一次性手套 及 一次性食物圍巾, 方便為食又唔小心既你🤣嗌咗一個唔辣嘅鹹蛋黃蒜香酸菜烤魚蒜味夠，魚肉滑 。lunch time 可以 免費 加好多款 配菜重點 : 配菜有 海苔饗鈴 、午餐肉 、腐竹 、娃娃菜 、金針菇。另外餐廳仲有串燒。肥腸 : 外脆內軟, 非常惹味，超驚喜燒茄子: 茄子配蒜蓉，其實都冇得輸羊架偏乾身, 但好夠羊味。大多數燒烤食品都自由選擇辣度。特別飲品都有6杯可選水果茶夠料, 水果式款多記得: 下單時間要在90分鐘內…Read More

首先講最出名嘅糯米糍。選擇算多，買左貓山王、紫薯、士多啤梨係咪長洲平記嘅貓山王特別啲？特別到同食普通榴槤一樣味。佢對得住$25 呢個價錢？紫薯士多啤梨普普通通，唔值得排隊買。重點嚟啦，1000ml 水果沙冰。天氣咁熱，睇餐牌時都流晒口水。$50旅遊區，唔貴啦，仲覺得抵添。點知一飲落去，係水嚟，一啲水果味都無。同行嘅5歲半小朋友都話好難飲，淡茂茂…咩事…劣食到咁…唔會再有下一次！至於店員 ，咁忙就一定會做至忟，不過無諗過態度會咁差(短髮鄉音姐)。…Read More

今天中午，我品嚐了一頓令人垂涎欲滴的意大利美食。這次的餐點包括了Burrata芝士配櫻桃番茄、Chicken Parmigiana乾酪雞，以及甜品提拉米蘇。首先讓我談談前菜Burrata芝士配櫻桃番茄。Burrata芝士是一種擁有柔軟外殼和奶油狀內部的新鮮芝士，搭配上櫻桃番茄和香醋。這道前菜帶來了一種清新的口感。Burrata芝士的奶香味與櫻桃番茄的酸甜味相互輝映，加上香醋的微酸提味，讓整個組合更加平衡。每一口都讓我感受到了新鮮食材的美味和質感，絕對是一道讓人驚艷的前菜。接下來是主菜Chicken Parmigiana乾酪雞。這道菜以麵包糠裹著的雞胸肉為基礎，搭配上帕爾馬火腿、馬蘇里拉芝士和番茄醬。當我咬下第一口時，麵包糠的酥脆口感和雞肉的嫩滑結合在一起，帶來了絕妙的口感享受。帕爾馬火腿的鹹香和馬蘇里拉芝士的濃郁融化在口中，與番茄醬的微酸微甜相得益彰。整體而言，這道Chicken Parmigiana是一道令人難以忘懷的美味之選。最後是甜品提拉米蘇，我喜歡提拉米蘇的濃郁咖啡香氣和奶油芝士的絲滑口感。每一口都散發出濃郁的咖啡和可可的風味，令人陶醉其中。這款提拉米蘇的甜度剛剛好，不會太膩人，是一道完美的結束餐點的選擇。總的來說，這頓飯給我留下了深刻的印象。從前菜的清新口感到正餐的豐富口味，再到甜品的濃郁滋味，每一道菜都展現了意大利烹飪的精髓和獨特之處。…Read More

H8 多美食，今次呢間想試咗勁耐，今日見唔太多人就試下啦。嗌咗個Combo A淺嚐下，可以揀三種海鮮。最後決定咗要小蟶子、翡翠螺、扇貝，醬汁我揀咗檸檬蒜蓉汁。上枱前店員會shake 下袋海鮮，令醬汁均勻佈滿袋入面嘅食物。未打開個袋嘅時候已經聞到好香嘅味道，原來分量得幾多，入面仲會有粟米同埋薯仔做配菜。醬汁嘅蒜蓉味唔係太突出，蒜蓉粒中帶有少少檸檬嘅清新味，配埋落啲海鮮度都幾夾。扇貝相當之大隻同埋厚肉，翡翠螺亦都肥厚爽彈，小蟶子份量十足，雖然個size細，但係隻隻都好飽滿。另外嗌咗一個墨汁意大利燴飯配八爪魚墨魚。燴飯一般都比較偏硬身，配上墨魚粒，增添口感。飲品方面Strawberry Flow : 充滿着士多啤梨，同香蕉嘅椰奶味。Mojito: 清新嘅感覺餐廳唔算好大，但係每一個位置都十分之闊落同埋舒適，係一個朋友聚會餐廳嘅選擇。…Read More

位置 : ⭐️⭐️⭐️⭐️ (類近地鐵站）環境 : ⭐️⭐️⭐️⭐️ (座位寬敞，環境朝淨）服務 : ⭐️⭐️⭐️⭐️ (自動輸送帶，點餐後好快就到）味道 : ⭐️⭐️⭐️⭐️ (肉質幾靚，唔會因為放題而馬虎） 今次嚟到和牛燒肉一郎，將軍澳分店，選擇咗基本和牛set D, 日本黑毛和牛+海鮮。和牛一共有6 款選擇，油脂分佈平均，水準之中。估唔到海鮮都幾多選擇，而且仲幾新鮮，有魷魚、青口、帆立貝等，無限追加。另外不得不提嘅係有白飯紫菜任裝，再配上一隻溫泉蛋，簡直係Perfect match。食燒肉食到好油膩嘅時候，食返2啖白飯，非常滿足！…Read More

去完台灣旅行返黎，好掛住台灣既食物。經朋友介紹呢間台式一人鍋，一人一鍋可以揀自己中意既湯底又可以試唔同款。餐廳基本有9款湯底，所有均配白飯/粉絲一份。我就叫左招牌臭臭鍋，朋友就叫左泰式海鮮鍋。招牌臭臭鍋 $98 - 另加$12升級為滷肉飯有臭豆腐、牛肉片、鴨血、滷大腸、台灣貢丸、娃娃菜、雲耳、金針菇、鮮冬菇、豆腐、粟米、炸薯仔、炸枝竹、鳴門卷性價比高，台灣既臭豆腐味令整個湯底都係佢既香味，中意食臭豆腐既朋友一定要叫泰式海鮮鍋 $103 - 配粉絲有鮮蝦、青口、蕃茄、娃娃菜、雲耳、金針菇、鲜冬菇、豆腐、粟米、炸薯仔、炸枝竹鳴門卷、香菜湯底充滿住蝦既精華味道，配粉絲食可以吸收哂湯底既海鮮味，想食更多海鮮，可以加$42叫一個海鮮拼盤(鮑魚，花螺，蝦)小食方面叫左麻辣臭豆腐$44、涼拌小青瓜$32臭豆腐迷真係必叫，麻辣味好香好入味涼拌青瓜份量十足，清甜爽脆，好食又可解辣…Read More

平時過黎睇室內設計/演唱會都見過呢到，見地方幾大，座位寬敞。餐廳位於九龍灣展貿徑1號國際展貿中心E-MAX 4樓421至425號舖。晚市有套餐，包是日餐湯、精選麵包、沙律、主食、飲品、甜品。價錢$62-$108不等。Cp值超高。南瓜忌廉湯配薯仔沙律淡淡南瓜味薯仔沙律充滿層次口感，薯蓉軟綿，配薯仔粒粒，另有香草碎增加香味海鮮忌廉湯意粉鍋仔上好特別，而且可以保持溫度意粉煮得彈牙有咬口，海鮮亦好豐富，有青口，蝦仁，蜆肉，魷魚等等配上好多菇菇，做出蘑菇忌廉海鮮湯既味道龍蝦汁長通粉用上長通粉，可以掛起更多龍蝦汁，通粉都係好多菇做配料，畢竟龍蝦汁先係主角，可以一試。…Read More

太子呢幾年多左好多間cafe同文青coffee shop，今次就book左OWENS試一試。餐廳位置超近太子地鐵站，D出口向右行一分鐘就到。裝潢充滿波希米亞風格，以米白色為主，令人有家既感覺，好舒適。店員服務態度非常良好，好主動serve客人，笑容亦好親切。餐具印有自家鋪頭名稱，好用心既設計值得一讚。今次叫左個二人餐$408揀左一湯一沙律，是日餐湯係蘑菇忌廉湯頭盤: 芝士焗生蠔芝味十足既焗生蠔蠔肉新鮮大隻飽滿主菜1: 龍蝦汁虎蝦闊條麵虎蝦夠大隻，已剝殼去腸，方便大家食用，肉質爽脆彈牙闊條麵煮得岩岩好，有咬牙之餘仲掛到濃稠鮮甜味道既龍蝦汁主菜2: 美國安格斯肉眼牛扒叫左5成熟，牛扒煎得焦香唔太肥膩上枱後rest左5分鐘，切開肉嫩有肉汁食落口感軟腍，肉味香濃醬汁有兩款，芥末醬同燒汁任你點配菜有煎薯仔同西蘭花甜品: 伯爵茶麻糬提拉米蘇 (+$38)第一次食伯爵茶味既tiramisu，而且有麻糬，充滿咖啡酒香既手指餅，有驚喜整個tiramisu香甜細滑，為呢餐飯劃上完美既句號，十分推介…Read More

今日朋友約左我去淘大SuperNormal，呢間餐廳酒吧行工業風格裝修，氣氛環境一流，坐得舒服。估唔到淘大都有高質西餐廳👍🏼放工過嚟飲返一兩杯relax都係唔錯既選擇。餐廳做緊優惠，德國鹹豬手$148 (原價$228)我地試左柚子麥啤浸脆皮德國鹹豬手，聽店員講用左自家既柚子麥啤浸豬手再去焗，真係花足心機同時間去做，所以店員好貼心咁提醒焗豬手需時30分鐘。上枱時散發出淡淡既柚子香，外皮焗得好香脆，表面仲撒上少少柚子皮，食落好清新。另配上蜜糖芥末醬同酸菜。傳統既德國名菜配啤酒真係無得頂。另有一款泰式秘製汁脆皮豬手，決定下次去食一定要試埋。白酒忌廉法國藍青口配蒜蓉包$118藍青口份量十足有鮮味，配上香濃幼滑既忌廉汁，有陣陣白酒香味嗌出，真係食到停唔到口。蒜蓉包非常鬆化，好濃既蒜香味少少香辛味，食落有啲似熱浪薯片味，有驚喜。香煎海鱸魚配意大利雲吞$168鱸魚外皮煎得香脆，肉質仍然保持嫩滑。意大利雲吞，厚度適中，內餡有菠菜同芝士，配上忌廉汁，口感非常creamy。兩者一齊食令成碟菜式既層次更加豐富。…Read More

下午茶時段過黎食甜品就係為左嘆一嘆，尤如餐廳其名，真係可以”嘆嘆”輕鬆一下。餐廳裝修色彩繽紛，配埋杯特飲真係好夢幻，非常適合過黎打卡。招牌珍珠奶茶奶蓋千層蛋糕賣相吸引，餅皮夠薄奶蓋口感豐厚好滑溜，奶茶焦糖味十足，食完好滿足，必試甜品3.6牛乳仙草芋圓大盛配料十分豐富，有三款唔同味道既芋圓、珍珠、紅豆麻糬、仙草、芋泥、3.6牛乳黑糖沙冰芋圓珍珠同紅豆麻糬口感煙韌芋泥香濃不膩配上牛乳沙冰，口感綿滑嘆嘆抹茶紅豆大盛配料一樣豐富，有抹茶凍、香草雪糕、鯛魚燒、芋圓、紅豆粒、3.6牛奶抹茶沙冰令人有驚喜係鯛魚燒新鮮做出黎，熱騰騰既紅豆餡配上冰凍既抹茶沙冰，真係一絕霸王薑母鴨湯配紫菜飯香撲濃郁既藥膳湯味，令人食慾大開。材料十足加上藥膳進補成分，眼見有薑片、杞子、紅棗、川芎等等。以燉湯既做法，鴨肉吸收左湯汁既精華，肉質香嫩細滑，骨肉亦能夠輕鬆分離，食完更可以驅寒養生。…Read More

今日經過北角再食佢哋既二人套餐。二人套餐包左好多款食物，我地就叫左鹽焗手撕雞、醬皇豬手、鹽焗雞腎、酸辣雲耳、太子鵝油撈麵1. 鹽焗手撕雞 以套餐黎講份量真係超多，有半隻雞既份量雞肉嫩滑而且味道唔錯，調味亦唔會過鹹，雞皮爽脆，表面撒上芝麻，食落好有芝麻香味2. 醬皇豬手醬汁微甜炆到好淋好入味，滿滿既骨膠原，真係女士既恩物3. 鹽焗雞腎鹽焗雞腎口感好爽脆4. 酸辣雲耳酸酸辣辣好開胃5. 太子鵝油撈麵鵝油撈粗麵，食落好滑身麵質爽口彈牙…Read More