mandy0206的個人專頁

很多食評都說很好味必食的酸辣米線，之前試過兩次都大排長龍放棄，今次未夠11點到可以直接入內，點了酸辣米線腩肉、肉醬和豬腸三餸$67，只有米線選擇應該煮得很好味的，但米線煮得太腍已經發脹很難食，腩肉太硬太嚡，肉醬等於絞碎豬肉煮得很乾身一粒粒的，只有豬大腸好味，酸菜切得太碎在碗裏發現唔到，湯底味道只是一般，總括而言賣相很吸引，但味道和品質只是一般貨色，不會再次幫襯。…查看更多

買焗豬扒飯和牛肉焗飯熱啡和凍奶茶外賣，等了差不多25分鐘才詢問，但水吧主任黃XX 態度非常惡劣，食物好吃又如何，員工態度差不特止還和隔離的同事講是講非，這些原來是大型快餐店員工的態度，今次經驗真是增長知識啊！…查看更多

好好味之前外國食過，今次東涌開分店實在太好！ 原味肉桂卷鬆軟好味加上玉桂香非常之夾，面層再掃一層糖霜簡直係絕配，再加一杯American coffee，非常滿足！😋😋😋…查看更多

咖喱豬扒飯D咖喱汁完全唔可以接受，從來未食過咁嘅味道，只得一陣強啲嘅黃姜味外乜味都冇，D咖喱汁似漿糊超核突，竟然收$66食個咁嘅飯？！😡😡😡神之叉燒飯勉強可以接受，但嗰六粒叉燒超迷你，$58抵唔抵食見仁見智！😤😤😤…查看更多

一星期內吃了兩次，清燉牛肉麵超正必食，湯底帶著少少肉骨茶味，肉味清清的唔咸，牛肉唔硬又多，推介。紅燒牛肉麵湯底較咸的，麵條QQ的，食晒碗麵都冇變淋，水準之作！但炸物如 豆乳炸雞塊和炸雞腿都淡而無味，雞肉又干又硬，不吃為妙，牛肉蛋卷也足料美味但醬汁較少食時比較乾。牛肉湯餃不過不失但只是紅燒牛肉麵的湯底加豬肉餃子，是台灣人的做法，不是我們香港人食的牛肉餡餃子呢！…查看更多

一開罐已聞到好香的味道，罐內排得密密的酥餅沒有一件碎開，低讚！食落口非常香口酥化，牛油味不太重沒有搶走餅嘅甜味，感覺到甜甜的餅香，質感很好、層次分明，咬落沒有碎散，食到唔停得手！雖然價錢略貴但一盒也有32塊，會繼續購買的！…查看更多

一行五人到川龍行山順道飲茶！自助形式冲茶和取點心很懷舊，對年輕一輩比較新奇，但衞生情況欠佳，地下勁濕滑，托盤又濕又污穢，加上沒有點心牌顯示，各人取食物時開晒D蒸籠睇、加上不斷對住D點心講嘢，口水橫飛，見到都冇乜食欲。 :(點心味道方面，牛肉似食粉團、鳯爪和牛肚好咸D肉質好淋食落怪怪的，义燒腸D粉皮又厚又凍冰冰好難入口，只得臘腸卷、义燒飽和燒賣較為入味，其他也是一般貨式，不吃也罷！:(…查看更多

本身勁愛食石鍋飯的，一坐低便點了石鍋飯加牛肉（$10），先嚟小碟泡菜加麥茶，泡菜爽噿多汁似自家製作不太像超市貨品，上飯時遠遠已聞到香味，值得一讚是店員給我麻油、豉油及辣醬3支樽自己加落飯面撈好，比起出面落好晒或俾1小碟辣醬的好,very nice!牛肉肉質淋又多汁，配菜又多，只落麻油和辣醬已經夠晒味，加堆有飯焦香，嘩～～好好味呀!:):):)…查看更多

一開店便入內用膳，非常清靜舒服！二人點了豚肉咖哩、單層芝士漢堡咖哩飯和凍咖啡。豚肉味道較甜，加上咖哩汁味道食落很正宗，漢堡肉juice不會太乾水準之作，好味！但芝士分量較很少，如多些的話就完美了！…查看更多

問店員沙瓜是什麼？答我牛好細果嚿，之後走左去，即是乜嘢？咁都得？上google check原來係牛胃，好難答咩？只好叫D我知道嘅嘢，魚三寳河、牛腩河（加$6轉上等坑腩）熱奶茶和凍檸茶。魚三寳河一般貨式只得魚旦較有口感但湯底似滾水淡而無味，牛坑腩就入味唔硬都算好味，帶少少五香味較特別，但杯熱奶茶完全不能接受，係即冲立頓奶茶，「行」到離晒譜！之後加碗本地手切肥牛撈面，唸住二人一齊食叫店員攞一個碗仔，首先俾個女店員好寸咁勵咗一眼然後「坪」一聲放隻碗係枱面，使唔使咁惡呀？我嚟消費唔係嚟受氣㗎？有俾錢㗎！！雖然$123 一餐lunch唔算高，雖然D牛坑腩同肥牛有幾好味都好，但太子、旺角大把食牛腩的店鋪大把選擇，以後都唔會再消費！…查看更多

睇到食評勁讚糕點好味，今次買來試吓！買了預先包裝好的3件糕點，有白、黃糖紅豆砵仔糕和芝麻糕，兩款糕點質地彈牙有口感，砵仔糕味道淡而無味，芝麻糕食落很香囗，有點像吃芝麻糊的味道，香甜好味！！…查看更多

聽老公講似美國in & out,我勁懷念芝士薯條所以試下。適逢食時tea time,買套餐可以改薯條、洋蔥圈的，各叫一個煙肉芝士和牛肉漢堡套餐但一份薯條改為加州風味薯條，漢堡內的洋蔥可以改炒的very nice!見到D薯條～正呀！有炒洋蔥粒加芝士醬淋喺面，無法抗拒，好好味呀，係我懷念嘅味道啊！牛肉漢堡肉質美味，沒有整得太乾超水準，好味過一般連鎖店多多聲，價錢略貴也值得一試！…查看更多

經常到深水埗的關係，今次便試吓越南麵包！本來也想買堆班蘭綠豆糕但雪櫃空空如也，所以只外賣了兩個越南麵包！服務員態度極差，在我面前行來行去幾次、我講咗3次要買咩都唔理我，只好行去整嘢食嘅枱前同個水吧員工講先可以落到單餡料加咗肉鬆比較特別，之前食過其他店也只有扎肉，配菜方面分量也ok,如果加多D酸蘿蔔便更加好。但不足之處除了服務態度差外，便是兩個包一個有醬汁一個沒有，食落較乾，失望！:(:(:(…查看更多

友人極力推薦的，到西環必要一試，她説平時很多人在門外排隊的，適逢下午4點幾人流較少便試一試。叫了雞蛋糕、芝麻糊、蓮子合桃糊，雞蛋糕美味可口，但D糖水好甜啊～～～真係甜到「入心入肺」！…查看更多

買了生羊肉及白菜豬肉餃子各一盒回家，羊肉餃子鮮味多汁，肉類餡料也很多，粒粒分量平均，好味！必食之選！！白菜豬肉味道較淡，但餃子加了姜令味道清甜，食落口感也很特別！…查看更多