Catcat0509's Profile

係附近睇跌打咁啱見到呢間米線，反正未食早餐就試吓個米線早餐，揀左個米線早餐（雞翼豬骨米線，個米線黎到都覺得怪怪哋！試左啖個湯底係茶餐廳中湯青紅蘿蔔煲豬展嘅味道，唔鍾意個米線湯底係中湯千祈唔好食個豬骨湯米線⋯伏晒！譚仔同埋普通茶餐廳個米線都好食過呢個⋯仲有d員工態度好差，唔會再黎食⋯…Read More

聽朋友講尖沙咀開咗間姚姚酸菜魚，鍾意食酸菜魚嘅我梗係要來試吓啦！點知失望呀～個酸菜魚又嚡仲要比我食到最中間發現有頭髮Tim(我肯定唔係我同我朋友啲頭髮囉，因為我哋啲頭髮係金色而碟酸菜魚嗰條頭髮係黑色㗎），搵左個職員姓康同佢反映咗，幫我換過條新嘅俾我喎！我唔係要換過碟新呀～係個衛生問題啊大佬！職員然之後就話張單幫我哋九折同埋送碟甜品俾我哋⋯奉獻朋友對酸菜魚有所期望嘅就千祈唔好去呢度食啦！失望而回啊！…Read More

成日都會周圍搵Tea食既我，今次黎到呢度食，整體都好好！鹹點同甜點又有得揀（八款鹹點八款甜點，每人可以揀四款鹹點四款甜點）服務員態度友善、有禮又細心！我食果醬掂到隻手癡粒粒，旁邊有職員聽到即刻遞上濕紙巾非常細心～滿分😁…Read More

聽到朋友介紹去呢間食個pancakes,11:50去到無咩人，但最想試既每日限定已經賣晒，唯有叫個香港限定試下⋯點知就中左伏，從來未食過咁難食嘅pancakes，又乾、又硬！最後我只係食左兩啖就放棄左，無謂難為自己呀～…Read More