元朗閒人's Profile

家人生日，開開心心食番餐，熱熱鬧鬧，Park Café經濟大眾化之選。成人$558+10%，生日每4位1位免費，送蛋糕，人頭費85折。較早前先食過，環境唔重覆講。鮑魚燕窩主題，聽似名貴，唯只係$5xx的價錢，食gimmick多於食精緻，亦佩服廚房的創意。已試過嘅的鮑魚/燕窩菜式🍚鮑魚炒飯🍚燕窩鮑魚粥🍳燕窩鮑魚蒸蛋🥚燕窩燉蛋白🥗燕窩沙律/海鮮杯🍮鮑魚葡撻🍝鮑魚青口蝴蝶粉🍲鮑魚雞湯🍤花膠鮑魚窩 即制有燒牛排、北京烤鴨、燒羊架同煎鴨肝。雖然要排吓隊，但效率都高，等候時間少於5分鐘，呢個價錢安排算唔錯。生日蛋糕簡簡單單唔會太漏，食完唔會太重負擔，可以有空間食多幾款甜品。今餐完全無食魚生刺身同凍海產，主攻熱盆 (對應個主題)，廚房技術都過得去，對得住個價錢。…Read More

黑雨落波，早收工，打風之前走左去坐吓。。。推介鑊仔Pancake，熱辣辣的鑊仔，熱溶的奶油香及半溶化的朱古力，件pancake煎得幾香脆，正‼五點幾，未到晚餐時段無乜人，享受寧靜的時光。…Read More

過末先黎8號波高高掛，附近好多地方都唔開，無乜野好做，醒起之前睇左YouTuber 嘅短片介紹JW tea buffet高CP值，心血來潮，即刻打個電話，又俾我執到雞。下午茶來講比其他酒店略高，成人$358+10%，白金卡以上信用卡有折JW Café同下面The Lounge定位好唔同。呢度比較著重主菜，中菜系種類較多，下面The Lounge較主打頭盤同甜品頭盤簡單沙律幾款，比較特別嘅，有中式沙律，不過不失麵包試左個Scone同咖央多士，Scone剛出爐時機剛剛好，鬆化。咖央多士則是師傅現場即制個粥檔有鮑魚海鮮粥同鮑魚雞粥可選擇，現場即叫即煲，拿個牌仔幾分鐘就有得食，個粥底軟棉棉，海鮮亦好足料中式點心都有幾款，似幫襯緊酒樓一盅兩件。個人幾喜歡雪山叉燒包，個外皮唔錯幾香脆，煎堆炸得剛剛好，燒賣大大粒幾好樣，馬拉糕個口感幾香軟湯品千萬唔好錯過蟲草花螺頭花膠湯，碗碗獨立裝好有專人俾。個湯非常足料有誠意，花膠大大舊，搭舊肥豬肉，Tea Buffet有花膠食真係大亮點。:)其他主食方面，試左個炸海鮮餅同韓式炸雞翼，炸到脆仆仆。炸蟹腳🦀食左少少，唔算係太大隻，Tea Buffet有蟹食算唔錯，不過似終要用手食，有D肥lum lum同論盡。西式甜品款式唔多，蛋糕🍰質素比較一般，偏甜，Tiramisu麻麻，酒味唔太夠。反而中式甜品有幾款，試左件椰汁糕幾香，同埋木瓜雪耳糖水，幾清潤。食完野加埋影相時間，得一小時45分鐘就有D趕，時間長多少少就好。總括來講好抵食，下午茶三百幾歎到五星酒店質素真心唔錯，主打中式主菜嘅tea buffet亦有別於其他餐廳，更考廚師功力。聽講唔易訂位，今次應該是打風多其他人取消先執到雞😀。…Read More

長週末，歎番個tea buffet，第一次 幫襯Codis，早一日上網預繳，折實$300左右，比walk-in 平$100大堂高樓底開揚舒服，多人都唔會太嘈。位位包一杯特飲 ，果汁咖啡奶茶任飲今次做日韓街頭小食主題，食物種類都豐富，前盤有日式TOFU同韓國泡菜，沙律就一般般啦，日式冷麵就無特別食啦。壽司有幾款粒粒細細件，無刺身比較可惜。熱盤日式有章魚丸即制幾脆口，亦有去日本必食嘅大阪燒、咖哩蛋包飯 (只係交行貨)、炸豚肉同炸薯餅都有、串燒係豬肉串，關東煮等等熱盤韓式有卡邦尼年糕(淡味)、泡菜餃子、炸薯條同炸雞(少辣)、炸熱狗同炒粉絲等等日韓熱盤內容符合番個主題，食個款式就好，始終唔係專家，唔好刻意同專門店質素比較開心。甜品櫃有專人服務，KitKat主題各式蛋糕，有少少過甜，試左幾款食完已經開始飽滯，順便歎埋個雪糕牛角包(Movenpick)，加多條KitKat，同食左碗豆腐花，快樂下午茶即劃上完美句號。…Read More

長假前夕，同friend開開心心食番餐Semi Buffet，主菜粉量迷你，預我地留番個肚食自助餐食物沙律款式一般，唔可以太高要求海鮮冷盤無特別影，有凍蟹，不過賣相見唔到人，費事影:)湯有中湯同西湯，個中湯係蘿白湯，味道都足料，唔似多味精。西湯係白湯，無特別飲。熱盤叫做有肉有炸物有菜咁，有焗蠔，出貨量唔多，我出去取果陣剛剛無哂，特別感謝樓面經理幫我問廚房refill 情況同專程夾幾件俾我地。甜品係蛋糕，Tiramisu果類，質素一般無特別。有夾餅同pancake，一批批整定自己夾，可惜已經凍哂。另一個甜品回本位係movenpick 雪糕任食，三隻味Waiter好好，我地假期前夕包香濱任飲，我地飲完一杯好快就幫我地refill。埋單有30% off，每位計埋加一$500有找，唔難訂位。Openrice話做85折，經理俾左個七折我地，如果對食物唔高要求，靜靜地食番餐都OK。…Read More

新開餐廳，繼續支持小店!!墨西哥飛碟卷，外皮鬆脆，芝士食完唔漏蕃茄濃湯，酸度剛剛好海鹽焦糖燉蛋，個蛋底好滑，火侯剛剛好，焦糖面幾硬幾穩，要tuk多幾吓先穿到樓面小姐非常有耐心有禮，遂項食物介紹，相當專業…Read More

粟米肉粒飯，加左薯仔粒口感係唔錯食薯仔會有一種滿足之感，其他茶餐廳嘅粟米肉粒飯好少用呢個組合，不過，其他人講嘅神級程度，又有D誇張得滯。是日例湯唔錯，當日係青紅蘿荀湯，飲完唔口渴，合格合格。…Read More

Happy Friday，同兄弟食番餐勁:):)約星期五食，提早兩個星期訂位，都要八點果round先有位，全店full ，可想而之約受歡迎。:)日本人主理，出品質素有保證。每項食物都係炸物同燒物，食之前建議飲番杯涼茶打好個底即叫即炸，落單起碼預十五分鐘左右，趕時間勿進。入面勁有日本居酒屋嘅氣氛，大家收工後都把酒言歡個醬汁只可以點一吓，衛生問題，為己為他人推介炸富士蘋果，外面炸得香脆鬆軟，入面香濃蘋果溶食太多串有少少罪惡感，怕出番去唔飽肚，最後叫左個炒麵作結…Read More

半島酒店，傳統的豪華:)無需花巧，無需排山倒海的款式，靠的是精緻。取餐區非常集中，款式唔多。呢度無剪刀，因為龍蝦同蟹已經拆好肉，呢個係半島服務的detail位。海鮮款式唔使好多，新鮮已經勝過一切，龍蝦及蟹肉非常彈牙，俾個like。熱盤不過不失，我會推介個迷你漢堡，件手打牛肉好香好juicy。餐湯有兩款，今日係清牛肉湯同忌廉湯。清牛肉湯堅係清，黃金的顏色，非常好意頭，無渣，清到見到個煲底，唔使好濃味，啖啖香，飲完唔會濟。忌廉湯非常creamy，飲完會好濟。甜品又係我既最愛，今次食多左手工朱古力同馬卡龍，半島餅房出品，質素保證。蛋糕靚就靚啦，不過今次個肚無位放，只有淺嘗。…Read More

老牌西餐廳，之前已經停業幾年，難得今日放假咁啱經過，見佢重開，即刻入去試食。薄薄的牛排，生熟軟硬剛剛好，可以對得住$50的價錢，性格比幾高。牛角麵包熱辣辣，食物碟係暖的，防止我地掛住影相，食物太快凍，睇得出餐廳對細節的注重。…Read More

首先祝各位朋友身體健康，靚Buffet長食長有‼新年流流年初二，食餐靚tea，人都開心D。來得帝苑，點可以錯過佢嘅名物拿破崙同蝴蝶餅？新年送燕窩芝士撻 (太漏，只係食左半個) 同燕窩燉奶海鮮粥有蟹，蜆同貝，新鮮足料Tiramisu香濃酒味唔太甜，一食要encore服務方面要俾個讚，收碟速度神速，服務員態度有禮。…Read More

家住附近，得知開左間幾星期嘅cafe，喜愛食野嘅我，當然去試菜All Day Breakfast - 日本靚蛋多汁啡菇半打車哩茄，熱辣辣又多汁煙肉煎到過左少少火，有D乾熱朱古力店主自家調配，可可味香濃，唔算太甜，不過唔夠苦，喜歡可可苦味嘅朋友可以同店員講。飲品可以，下次可以試吓咖啡，不過份all day，以食物制作煩複程度來睇就真係太貴，加上附近已經有多家餐廳提供all day，有比較之下，性價比睇落就無咁高，個價位可否維持到就唔知啦。…Read More

疫情之下無左晚市堂食，忍得好辛苦!!加埋旁邊佐敦區封艇，唔多唔少有D擔心。好早之前book jor，無謂改期，掃興，開心分享吓今次食左D乜冬冬下午茶食物選擇唔多。海鮮熱盤都無乜選擇，海鮮ar刺身只係做吓樣。熱盤我會建議食吓佢嘅特色鹹批同威靈頓雞批，足料好食。今日佢個中湯係青紅蘿白粟米湯，都OK鮮甜。甜品一向都係下午茶重點，小弟推介Tiramisu，細細杯，酒味夠濃。自家即制pancake試左朱古力香蕉，個cream有少少太甜。蛋糕款式唔太多，今次主題係特別口味蛋卷，芒果蛋糕有D失望，太酸啦，酸到成個人彈起。我比較鐘意士多啤梨忌廉，傳統少少嘅口味。同灣仔果間Hyatt比較，灣仔果間檔次較高，甜品一食就知，始終一分錢，一分貨。…Read More

如無意外，今次應該係2020最後一餐dinner buffet。星期一晚食完，番到屋企已經好眼訓，都未趕得及打食後感，今朝一起身知道禁夜晚堂食，唔知今年解禁可否，點都好，同大家開心share一吓。Hotel ICON 家人指定想食，對上一次食dinner buffet已經係多年之前新開果陣，無幾耐之前食完lunch，對佢個dinner充滿期望，但可惜dinner buffet個性價比認真唔高。沙律前菜區，同午餐差唔多餐湯係龍蝦湯，午餐果陣係南瓜湯冷盆試左波記龍蝦，食落D肉麻麻地，用料唔算太新鮮，只係食左一隻咁多。今次主攻熱食。餐包配蟹肉魚子醬。有香煎鵝肝，個檔唔太起眼，放喺火鍋區旁邊，細細隻字寫住。熱盤食左炸蝦球，炸魚同焗海鮮，個焗海鮮用連螺殼上，入面其實係海鮮薯溶，賣相都幾特別。通常自助餐都有中湯，不過今次無中湯有蛇羹，出面天氣涼涼地，飲D熱野暖吓個胃都唔錯 。甜品唔多講啦，選擇唔多，最可惜係，D款同午餐完全一樣，全無新意。我作為甜品控，付出晚餐較貴嘅價錢，都會有合理期望甜品會同午餐唔同。疫情越演越烈，加上閒日，個場好少人，唔知係咪因為咁出少左款式 (希望只係呢個原因啦)。坐到九點幾，個場差不多已經清哂場，不過服務員都仲好努力咁refill食物，呢個服務態度，非常令人appreciate。出面風高浪急，唔知幾時可以再出post同大家再開心share😂😂…Read More

閒日食唔full，少人，加埋樓底高唔會太嘈，同時享受現場鋼琴演奏，為lunch buffet增添不少趣味。食物選擇真心唔多，$460呢個價錢，賣嘅係精緻手工同現場環境氣氛。無生蠔無壽司刺身每一款食物都細細盆甜品蛋糕同自家制意大利雪糕係重點芝士火腿批好少有同幾特別疫情嚴重左，每次出去取食物，除左戴口罩，仲要噴酒精搓手液消毒，專人serve。噴得多，對雙手真心唔好。無辦法，真係唔想有一次爆自助餐群組搞到大家都無得食，為左食得安心唯有接受啦。…Read More