bakayaroken's Profile

疫情后第一次來,距離上一次光顧已經係一年半多了,一路都好掛住呢呢餐廳,主要系因為佢地方宽敞,座位間隔有番相當距离,喺疫情下食飯呢样嘢係非常之緊要. 當晚仲要有個姐姐唱live（好似逢五,六晚有）, 氣氛確係唔錯. 講番食物, 主打西班牙菜,每一碟小食嘅價錢唔算平但有返相應質素,性價比ok.如果想同另一半,或一班friend,舒舒服務聽吓歌,吹下水,呢度係一個好好嘅選擇.星期六晚來到,可能因為地點離地鉄站有些少距離,連埋自己得2抬客,真係有啲替老細擔心. …Read More

行完城門水塘，揸車嚟大圍搵好嘢食，原本諗住去一間日式輕食小店，但該小店仲有十分鐘先開門，誤打誤撞走咗嚟呢間夏雪。 店舖不大，只有三張枱， 人多嘅話可能會坐得好迫。 Menu嘅選擇並不多，結果揀咗慢煮雞胸同埋窩夫。意外地食物幾有水準。雞胸嚟到嘅時候，賣相真係一般，但食落去真係『嘩』一聲叫咗出嚟。啲肉好嫩，好juicy，有高級餐廳嘅質素。Waffle都好好食,但唔係咁適合咸味，相信甜味會適合啲。咖啡冇影相，味道ok，但比較细杯。下次要試吓甜点嘅味道。…Read More

提早一日慶祝父親節， 一行十人嚟到試吓佢嘅weekend brunch。全部Tapas共有6款， 按人頭上sharing，每樣嘅份量剛剛好，食材非常新鮮/特別, 其中要講有款青椒幾特別, 平時喺其他西餐廳唔係咁容易食到 。Tapas 之後2款主菜分別係西班牙海鮮飯同乳豬，2樣都係可以任食。最後甜品就係churros 。整體嚟講係非常之抵食尤其是乳豬我哋嗌咗兩round 已經回哂本，真係食到捧住個肚走。鍾意西班牙嘢嘅人一定要試。…Read More

平日放假揸車入西貢，上網查發現有新野，兼食lunch 免2小時，入来試試。因平日少人關係，2個人被安排入4人房，坐得好舒服。叫咗和牛三文治同鰻魚飯2個set lunch 。只拍了和牛三文治，話係A4 牛，乎合期望。鰻魚飯唔記得影相，鰻魚好味，但聽老婆講啲飯唔係太得，donburi嚟講飯嘅質素其實好基本亦好重要，要改善。總括嚟講食物同環境ok, 但有啲基本/细微位尚待改善:如米飯質素，日本料理但唔serve 熱茶，等等。但都會搵機會試吓Dinner 。…Read More

試新野。叫咗最平$78嘅味噌蝦麵及餃子。湯底一流，味噌及蝦味都好濃厚，又唔會過咸。麵係傳統嘅粗麵，夠彈牙。好耐無試過飲湯飲到見底。餃子(無影相)方面相對普通，個底煎到有少許過硬。埋單連加一$117。會再來。…Read More

此舖開咗好耐都無去幫襯，今日的起心干去試一試。6時正去到，已經有2個客，全舖只有Bar枱，客與客之間嘅距離尚算可以，唔會有好逼嘅感覺。同老婆2人叫咗一個牛重[竹]，同一個200g嘅牛鍋share.先講牛重，入面有西冷及大腿外側肉薄切，我就覺得薄切好食啲，味道雖有的過咸，加埋温泉蛋撈飯一流。牛鍋牛嘅份量好足，牛肉有啲過肥，但食起嚟好冧，比牛重更加有驚喜，性價比高。但係有一樣嚴重不足之處，亦係好多日本餐廳嘅敗筆:白飯。 啲飯煮得太爛，爛到食唔出係咪用日本米，可以話難食過附近茶記啲$10碗泰國米白飯，將成餐嘅質素拉低咗好多。以性價比而論，會再encore多次牛鍋。但下次如果白飯質素唔改善，未必會有第3次。真心期待改進。…Read More

上次來無乜印像，今次來真係中伏。叫咗個芝麻糊同抹茶心太軟。先講芝麻糊，上抬時見到表面好多自色泡，唔知係咩，捞均當無事照食。食落，好大陣濃味，懷疑係火太大煮燶。抹茶心太軟，上次試過ok , 但今次完全唔掂，没有抹茶味，又唔流心，朱古力雪糕亦食得出係用平價貨。再加上該店服務一般，明明見其他1或2個人都照坐4人抬，但侍應堅持唔俾我地坐4人抬，可能嗰啲係熟客，差別待遇好明顯。最後俾錢時，仲要收多咗錢，好彩俾我發覺。综合味道，服務，環境，一句講哂，無下次。…Read More

中午叫咗個咖哩牛腩飯，賣相本身好似幾好，先食咖喱汁送飯，唔錯。再嚟食肉，發見成碗都係白色，初初以為係牛筋，一咬落去结，『顶！』係成舊肥膏！結果得2舊係有肉，其餘全部都係肥膏，肥膏同肥膏。肥膏同肉嘅比例係9：1。應該改名叫咖哩肥膏飯已經係第2次去，上次以為偶有失手，再俾多次機會作點知仲衰，應該無下次。本身食清湯腩係ok嘅(都係徧肥)，但好明顯係用次等肉(應該係次次次等肉)去煮咖哩，咁嘅質素，連活仔嘅1／10質素都無。…Read More

已經係上年11月，是晚9點後先到，只有約6抬客，員工都好得閒。向一名男員工下單，分別點了『啫啫芥蘭煲』及『粉絲煲』。因太太不吃辣，所以要求啫啫煲少辣。該員工一聽面露不悅，話：『唔係好辣喳堝，無得走辣。』我話：『你幫我寫少辣啦。』佢開始負氣：『唔辣又點少辣呀？』我聽完都有喲慶：『你照寫啦。』佢轉身走開，留低一句：『是但，盡做啦』 菜上後，一食，不得了，好辣，再望清楚，成碟菜好多辣椒，即刻攞張單來睇，竟然寫住『加辣』． 叫部長來投訴，嗰位天才員工仲走過來問：『你唔係要加辣咩？』講完就走開。 雖然部長話幫我換，但驚第2次唔只加辣， 當然拒絕。該員工好玩唔玩，玩食物，浪費食物，其實好折墮。 講番嘢食，加辣後只有2個字，. 『難食』.…Read More