deli8's Profile

🔥呢間街坊串燒店竟然閑日夜晚都full house，大家都好似唔係第一次嚟咁，好溫馨好街坊先會到嘅餐廳！順帶一提，少去一間全部食串燒嘅本地日式餐廳，餐廳非常寬敞好大！🍢🍡食物方面要大贊一下佢個餐牌，食物名稱全部都好令人心動，定時定候都有新產品，如雞皮墨魚滑、焦糖青蘋果鵝肝多士、皮蛋尖椒、蒜香牛油酒煮蜆、泡菜豚肉！芝士黑醋無花果好挾，粟米超甜，豚肉年糕好好食😋🦐🦐燒蝦一口咬落去好豐富而海鮮新鮮好juicy！食物質素都無令人失望，唯山本身無味道配上明太子正好互補不足，牛舌芯及宮崎和牛超嫩滑，一定要食！食串燒好難叫嘢飲，乳酪系列飲品都好飲，但串燒唔建議叫孜然味，會太搶口。…Read More

1️⃣ 肉眼牛扒：牛扒的質感非常柔嫩，外焦內嫩，肉汁豐富。配上特製醬汁，味道層次分明，令人回味無窮！2️⃣ 海鮮意大利飯：risotto煮得剛好，吸收了濃郁的海鮮湯汁，口感滑順。每一口都充滿海洋的味道，令人想起海邊的悠閒時光。3️⃣ 蘋果撻：甜品方面，蘋果撻的餅底酥脆，蘋果餡料酸甜適中，完美的收尾。配上一球香草冰淇淋，簡直是絕配！整體而言，這裡的氣氛依然令人愉悅，戶外環境靜謐，適合細談，讓我在繁忙的城市中找到一絲寧靜。…Read More

唔記得係咪第一次過嚟食雞煲，雞煲味道尚算可以，牛肉味道濃郁、海蝦和蝦滑爽彈方面都算可以，唯一一提係豬潤同脆肉鯇非常唔新鮮，煮熟咗之後全部都係淋身。不得不提雞煲嘅辣味好惹味，雞嘅份量都算多，建議可以用返啲汁你煮下魷魚、魚皮或者響鈴等等，好似街邊檔小食咁惹味！幾驚喜係佢有新嘅檸檬味可口可樂，仲有啲韓式罐裝飲品，蘆薈汁及雪梨汁等等，不過我途中卡通樣嘅番石榴汁就千祈唔好飲超級甜好難飲！不過如果下次再食雞煲，就未必會揀呢一間了！…Read More

亞洲協會中心一向都有唔少藝術展覽，但真係冇諗過入邊係有間餐廳，仲要係接近fine dine級數😂✅紅蝦意粉蝦味香甜，份量唔會太少，每一條意粉都索住咗濃濃嘅蝦香味。🐷西式做法嘅乳豬嘅乳豬皮會好似薯片一樣脆身，豬身肉質嫩滑，令我食完又食，套餐仲有一碟薯條，薯條都幾好食！餐前小菜奉送咗幾條長條型嘅脆片麵包，外型十分脆緻。前菜八爪魚烤得好入味，建議大家試一試。🍫甜品點咗開心果Tiramisu，開心果加上香滑嘅奶油油，味道層次口感十足，餐廳甜品定時都會更換，大家密切留意！…Read More

荃灣廣場全新放題開張啦！以前嚟呢到食千海水產，宜家多個放題之選，星期一到四 5:00pm後‼️$298兩小時‼️任食放題！精選推介官燕木瓜、開心果多士、焗榴連、海黃翅、Nutella任落朱古力醬！ 未點餐，先送上一客炸魚黑松露意粉，炸魚好好食，個魚都好新鮮。剛好肚餓到爆炸，一坐低有嘢食。零食飲品區有大量前菜，無骨雞腳、螺頭、辣味雞腎等等，非常惹味。未開始進食，喺甜品區已經見到朱古力nutella醬，一吱即有超級方便！急不及待已經叫咗好馳名嘅乳鴿、鮑魚燴飯、牛舌、燒菠蘿、西京燒，乳鴿超厚肉，鮑魚入味又大隻，建議大家必點！鮑魚蟹籽粥好鮮甜，粥水又唔會太撐肚皮，勁多薄片鮑魚喺粥入邊！壽司都唔簡單，本人少食三文魚，但左口魚、帶子及海膽和牛壽司都好好味，牛上面加海膽魚子醬，帶子上面加上蟹膏，搭配嘅味道一流。個驚喜竟然有百事生可樂，大喜屋係嘅放題都必定有好多飲品選擇，本人已飲咗兩罐寶礦力。特色甜品有椰汁官燕木瓜、以及開心果方形多士，兩款都好好味，尤其係燉官燕木瓜，對女士滋陰養顏。黃金魚翅一樣用海鮮煮，湯底甜，料充足！人均星期四晚上都係$298，閑逸價錢全日均一，可以食兩個小時！…Read More

街坊朋友有福啦，俾我見到一間新開試業嘅拉麵店，仲要係流行嘅雞白湯拉麵。雞白湯拉麵分別係一碗有黑蒜油一碗冇，另外仲有辣味選擇，總共三款。湯底熬足11個鐘，雞味味道濃厚，絕無味精，食完喉嚨舒服。麵條仲可選擇或黃麵，白麵比較幼身同彈牙，接近一蘭拉麵嗰隻。兩款麵質都試過，因人而異。慢煮雞肉夠晒滑又唔鞋口😘店內裝修好多媽媽擺設，忍唔住影咗個貓貓屋企模型，好得意。店員都好貼心，安排晒擺放行手袋嘅箱俾客人。店內整潔乾淨，星期五晚是人都比較多，但大家食完就好快走，唔使擔心要排好耐隊。…Read More

同韓國地方一樣名嘅餐廳食嘢，真係特別有感覺！廳細細，但係菜式款式超多，今次一次過食咗幾樣地道小食！餐廳環境是正，招待又好。不過前菜有腸仔都係第一次🤣幾乎係每次必食海鮮煎餅，韓國韭菜香甜，加埋特製醬汁，非常惹味，煮菜未嚟差唔多都食晒。炸醬麵都係韓國人家常便飯，叫外賣或者杯麵都會有呢一個選擇，炸醬入邊超多肉，又唔會特別甜，調味適中。除此之外，說濃湯嘅牛肉揀咗牛骨，玉嘅份量都好多加埋粉絲嗍晒湯底，怪得知韓國人解酒咁鍾意飲，清甜得來又香滑。今次人均消費$200 都唔使，仲飲得返韓國舊式嘅罐裝飲品，提子汁超好味。超級推介海鮮煎餅，大家都一定要試。…Read More

今次慶祝父親節食晏晝放題，是關晏晝可以食足三個鐘。我就做足攻略先嚟食，話哂真金白銀俾錢食🫡🫡🫡入座第一件事要叫湯底，之後就可以拎枱面個桶自己揀/撈海鮮，再交俾店員清洗，等十分鐘再返去拎返，途中你可以去挾熟食或蔬菜兼拎嘢飲！餐廳自助撈海鮮區實測過係不停補貨，無限量任撈任煮！第二件事建議大家先食鮑魚及蝦，當日蝦都有三種，大頭蝦竹節蝦基圍蝦，可以食得快又回本！之後先再夾蜆肉、螺、及蟹！啲蟹勁多膏，店員都洗得好乾淨，幫你斬埋件，方便你食！另外都係建議要嗌一個湯底，千祈唔好嗌鴛鴦鍋，一個湯底就唔會因為中間隔層嘥咗煲個位，先夠位可以裝晒一桶海鮮。餐廳有濕紙巾同紙巾提供，非常貼心！啲蝦全部都好大隻，蟹都非常鮮甜！仲有集團必嗌嘅乳鴿牛舌等等，非常有品質保證。食三個鐘可以慢慢品嘗嘅話其實兩個鐘食哂想食嘅嘢，剩返一個鐘慢慢食甜品，因為甜品有烤榴槤、hagandarz 雪糕我及其他雪條、仲有大量自製甜品、app都有得叫燉木瓜🥰 烤榴槤好好食！…Read More

平時成日食自助餐，今日終於去食放題，三百幾蚊就有指定菜式，仲可以自己任叫人追㗎。今次朋友唔食海鮮，我又少食刺身，所以刺身船比較薄弱，個譏燒鮑魚好好食、三文魚好厚身！未叫嘢食，店員已經上咗刺身船、鰻魚串燒、仲好快幫我上咗壽喜燒，壽喜燒附送蔬菜拼盤及極尚牛肉，完全唔使自己落手整☺️壽喜燒偏向日本風味偏甜，年糕福袋索晒啲汁，冬菇好入味，建議大家專心啲食，因為掛住點餐食其他嘢，牛肉好快熟哂🤤飲品櫃選擇好多，汽水款式都超多，加上仲有維他嘅蜜瓜奶，同其他舊式紙包飲，正！食完壽喜燒，可以加湯或者用韓燒嗰個爐，出去拎嘢食淥熟佢或者烤都得！清酒煮蜆，或者燒雞翼都好正！…Read More

晏晝去d2行市集，順便食晏，呢間燒肉店不得了，weekend 都有lunch set，仲要$68up套餐。最後叫左和牛西令燒肉套餐$298，及和牛肋肉定食$168。套餐有湯、沙律菜、白飯一大碗！西令和牛真係回味無窮，加點上生蛋漿，超級yummy，又薄又滑☺️☺️☺️點左個白桃梳打，味道唔太甜，乳酸味適中，幾好飲！另加特上牛舌$48有三大塊，好滑sur一聲入喉嚨😆食完身上味道又唔大，下次會再食套餐，好抵食！賣單人均$300都唔哂，飽到夜晚，好滿足！…Read More

唔講唔知，同媽咪去食燒味，媽咪話係米芝蓮2星中餐廳燒味部主廚開嘅餐廳，仲話燒乳豬燒鵝係日日做，好新鮮先咁脆！🐷乳豬飯：唔洗去飲都有乳豬食，份量多到好似乳豬放題咁！脆皮夠脆，肉質平均半肥瘦，唔似去飲得返個皮食😂🪿燒鵝肥叉燒雙併飯：套餐有菜、拍青瓜黑木耳前菜、例湯，雙併餐喎都係$88唔洗加一，岀面多數得燒鴨，宜家燒鵝都唔洗加錢，碟菜心都一大碗唔係得幾條㗎！成個餐雙併好抵食呀，下次想食燒鵝會返嚟食！！…Read More

汕頭街真係好多餐廳，與友人夜晚去café chill下，可以坐耐啲，呢間Zecond 格局同顏色都好靚，越坐越舒服😂食pasta pizza都是必須的，宜家仲做緊加$88有前菜同甜點，一個前菜最貴都$138個沙律，真係好抵！有大大碟沙律🥰沙律上嘅生果好甜又多，加埋特製醬料，甜甜酸酸好開胃。海膽醬蟹肉扁麵輕辣，刺激味蕾之餘又食到好濃海脆味。扁麵幾有咬口，有自家製嘅感覺。最後甜品tirimisu 係咖啡沉濕，並無酒味 ，啱哂唔飲酒嘅朋友。期待餐廳有更多新menu再嚟食？！🤤🤤🤤…Read More

呢間主打正宗紅燒牛肉麵台灣餐廳，以前灣仔返工好鐘意去，好近囍帖街。點選左三款菜式，整體水準頗高，保留濃厚台灣地道味。🐮招牌紅燒腱心牛肉麵（手工粗麵，微辣）紅燒湯底色澤紅潤，濃郁中帶微微藥膳香氣，辣度恰到好處。牛腱心切得厚厚的，燉得軟腍卻仍保有纖維感，食到牛肉實在口感。🍜 濃湯烤雞麵（細麵）濃湯基底較為溫潤濃稠，帶有奶香與雞湯融合的感覺。細麵條滑溜，吸湯力不俗，口感與湯頭搭配不錯。🥟 星蔥夾鍋餅外皮煎至金黃酥脆，中間夾著香濃青蔥與鹹香肉餡，整體鹹香惹味，是不容錯過的小食。埋完單之後，追加嚟多個中式芋圓甜品🙊真係可以話唔使轉場都食到精品有質素嘅中式甜品，呢個就咁入嚟食都值得去食！另外都可以叫嘢，餐廳嘅飲品手搖飲品，即使就咁入嚟舖頭買出街都得！可以參考吓，佢頭10位最多人叫佢飲品。…Read More

好掛住韓國，又想食啲無乜味精，呢間Big mama 由韓國人親自主理，食落去有韓國媽媽住俾家人食嘅感覺☺️一人湯麵飯餐種類好多，全部$90有找，加埋四大碟前菜，一個人無飯食特別多滋味呀！叫左一個海鮮刀削麵，一個kimbab，一飯一麵夠哂飽啦，加多個google review 力推牛仔骨，果然無介紹鐘，肥嘅位置鐵板烤過好香，骨肉分離好易咬添！海鮮刀削麵麵身徧硬，海鮮料十足，青口都幾多，海鮮湯帶有鮮甜味，湯底好飲！Kimbap就中規中矩，性在左份又多，咬落有酒香同麻油香味！環境舒適夠地道，八點左右之後滿座，單身漢都唔少！…Read More

最近每日都係灣仔上堂，想即刻買嘢食返去休息，生生市場叫完等十五分鐘就有豐富嘅韓國小菜大餐食，真係開心！市場仲有好多雪藏豬肉牛肉，個樣都好靚，想買啲下次打邊爐用！雞蛋捲足料之餘仲有好多個，好食到食唔完！咁快就有一個牛肋排骨湯飲，湯有蘿蔔夠哂清甜，牛肋排骨大條到有手臂咁長，好淋又好食！烤雞拌飯烤雞好食，有醃過加埋脆口嘅紫菜，送飯一流！叫韓國餐館外賣好處就係可以叫前菜，不過外賣套餐加入咗前菜令成餐都好完滿，醃過嘅魚魚糕好入味份量多。…Read More