roy-kim's Profile

物價高漲，愈來愈難搵到比較便宜的食店晚飯時間見到了這一家店，見佢裝修企理，又好耐無食過泰國野，就揀左佢我自己就點左個海南雞飯餐，呢個價錢係超級之超值，但無咩期望，為求飽肚，上菜的時候見到d雞排得都幾靚...起碼唔係亂放啦，不過d飯唔夠油同油香食入口，飯果然唔夠香，也不夠油，而且有d硬，d米仲有d硬粒，煮得唔夠透徹d雞無咩雞味，點左d醬會ok d，不過都算軟，肉身不算鞋，但也不算很滑。整體上黎講，唔錯的…Read More

等了15分鐘就有得入座。湯底:叫鴛鴦湯底係牛陣湯底同豆乳湯底，即係清湯。第一次試用豆乳打邊爐,個湯底愈滾愈甜,甜得有點漏。兩個人都係食左一碟半牛肉,第一碟牛肉比較瘦,食到好濃既牛味,口感也不錯,全因切得夠薄。脂肪多既牛,口感更正,不過肉味較淡：。豬肉無也味,果然這裡不是吃豬肉的地方。不過,因為切得薄,唔洗淥好耐,又唔鞋口,唔靭。除左牛肉同豬肉要一碟碟叫之外,其他蔬菜,甜品,麵。自助吧供應既主要嚟講都係無咩特別,蟹柳是不錯的。蔬菜有很多選擇,不過我就麻麻。呢到都算多唔同既時菜,不過留要佢refill 不定時,第一次出去睇到既菜同第二次出去睇到既有dd唔同。麵有烏冬,幼麵同粉絲。仲有炒飯添,不過都食都好飽,而且都係普通雜豆牛肉粒炒飯,所以無試。甜品係dryers雪糕, 甜品當然係賣點啦,埋佢先值得。…Read More

朋友話南小館有新野，lunch就去試下，點左個家鄉酸菜魚、香脆芝麻蝦多士家鄉酸菜魚:幾開胃醒神，酸辣味多，魚肉都幾嫩滑，唔錯。香脆芝麻蝦多士：多士就麻麻，因為個包唔軟熟，雖然蝦肉爽口彈牙，又多香草及芝麻，但都麻麻地。另外有個香炸胡蘿蔔粿，好似平時個d茶果，但包住甘筍餡料香炸，煙韌之餘又脆，有d甜味出黎，唔錯。另外點左個凍黑芝麻豆漿，普普通通，但都生津解渴。大體上來講，新野有d都吸引，但都算普通水平。 …Read More

想吃特別多士，老死就介紹周記。周記佢勝在就係起傳統點心裏面造出創意，呢一點就係單單值得去試。流心奶黃多，大致上佢係兩塊薄薄地既白面包，入面加左奶黃既餡，出面用蛋漿炸到金黃，因為一切已經係咁必出黎，已經立即食。春風得意腸， 香脆鮮蝦春卷配芝麻腸粉皮，好老實，呢個feel真係好似炸兩，不過成日d炸兩就會整得好"淋"，但呢個春卷皮依然仲好脆，加上內餡係鮮蝦，呢個配搭真係好新鮮好正。另一一個就係類似上湯雲吞，細細地，幾鮮甜同惹味。唔錯唔錯！…Read More

灣仔的Passion專出特別又甜的蛋糕、甜品，再或者是一些具特別配料的沙律。今日聽聞同事那邊有法國吃過鹹批，下午茶時專登走過去看看。鹹批可邰能在香港會比較小見一點，我就會覺得起蛋批。今次裏面個餡充滿芝士、椰菜、火腿，點解會叫鹹批。因為其實個批都幾heavy，因為又有蛋、芝士、cream，不過吃落就唔係好鹹的，芝士味好香，口感方面就比較黏，入面d ham就可普普通通，只有單單的火腿味。今次個批邊有少少燶，所以有少少苦味。其實整體上，個批就類似係肉批咁，但係轉為蛋啊芝士啊咁樣。如果未食過既，都可以試下，幾特別的。…Read More

HeSheEat近來都佔據openrice的一席位，恰巧朋友早已訂位，就有機會來試試這個it>>>>出名的甜點店。對於綠茶的甜品，我總是心太軟，不顧卡路里和肚外面的脂肪。來到甜品的聖地，當然有一堆堆人去去排隊吸收卡路里，排了大約15分鐘就有位了。我馬上看見隔枱的綠茶心太軟，事不宜遲就叫waiter來點單。綠茶心太軟配豆腐雪糕賣相係世界級，尤其是中間用模掃一抹的綠色糖漿，配上綠茶脆脆，再配上白白的豆腐雪糕，綠白相映，的確好看。此心太軟與平時的朱古力心太軟有點分別，沒有上蓋，反而流心外露。味道方面，心太軟的外殼由於還尚溫暖，口感十足，容易咬開，不過心太軟一切開的時候，入面的流心餡已經急不及待跑出來，甜味十足，有點拿喉的感覺，而且茶店較濃，有點點澀味的感覺，流漿做得非常出色。而豆腐雪糕的味道淡淡，吃過心太軟後，不能清清舌上的茶味和甜品，一流。…Read More

標題簡單易明，明乎其實就是圖中既蛋糕，G字由糖霜灑成，甜甜地，好過癮。不過都係返去重點，綠茶蛋糕。大家見到個底有少少啡色，其實都係綠茶來的。食上去不太鬆軟，因為佢蛋糕孔膨脹得好少，加上食落去唔似平時食開既乾乾地身既蛋糕。綠茶味都頗重下，甜度就適中，但食落甜之後會有少少綠茶澀味回甘，呢個時候加上一杯綠茶Latte都perfect。份量都適合3-4個人吃，整體上對一個不太嚐甜的人都幾適合，不過要注意的就係綠茶味都幾重。至於個人有個主意，就係可以買俾英文名G頭既人做慶生都幾好…Read More

朋友約食飯，就佢去左呢間tst既cafe。一去到，裝潢感覺有d西式feel，不過原來之後先發現佢係台式cafe，都幾多少男少女去排隊，可能大家都比較好呢d cafe。等左4個字左右，入去就點左杯朱古力latte，我個人覺得都幾大杯，加上佢有一塊餅俾我地佐咖啡，用鋼棒搞拌d咖啡。泡沫較多，飲落去大鞃概是微熱的，易入口，加上朱古力溝了咖啡，感覺上都較溫和。飲落去都無酸味，甜度中，不過塊餅真係可謂雞肋。食之無味，棄之可惜，普通一塊餅而已。環境方面其實真係好多人吃，無左台灣個種靜靜cafe既感覺，不過無可厚非，佢係我台式cafe嘛。價錢方面同出面的cafe店差唔多，我呢杯$50零蚊就有。不過呢d cafe去一次就夠，對於男人來講，還是一杯茶記既奶茶先係上品。…Read More

工廠，向來都是食肆臥虎藏龍之地。此租和風食堂的感覺就是吉野家的先買，後拎單去捧餐，不過質素當然高出一班。放lunch既時候，都見到唔少打工友仔著住西裝排隊，可見呢間日本食堂的質素有目共睹。去到點左個滑蛋牛肉飯，再加$10蚊換左一客鰻魚壽司。落單拎野10分鐘之內搞掂，效率一流。而且盛碟的碗筷亦十分精緻，蛋牛飯的賣相，我覺得與日本餐廳所享用到的無異。肥牛肉頗為軟腍，而且每塊牛肉都被蛋漿沾上，不過略嫌蛋漿與牛肉拌上之後，白飯沾到的蛋漿頗少，要另加豉油調味。鰻魚壽司，質素比得上爭鮮連鎖壽司店的一盒盒的饅魚壽司，鰻魚尚餘溫感，而且飯的酸度頗低，但仍不會容易散開。10蚊價錢，物超所值。…Read More

759既品牌項目，越開越多，又有麵包超市、茶餐廳、化妝品店。雲吞麵都算開左一段時候，但係一直都未有機會去試下，於是今次去有附近見客，就順路去試一次。門面採用一如既往的阿信屋風格，歐美式的階磚配紅褐色的色調。環境不錯，覺得比茶餐廳舒服乾淨而不噪吵。點了個雲吞麵，$30蚊，感感覺比普通的傳統麵檔差不多貴了約1倍，不個份量足夠。雲吞內餡為蝦，彈牙爽口，是新鮮的。而且表面上灑上類似蝦子粉的東西，頗做調味之用。而且配搭上兩條施完整青菜，重覆係""完整""，因為吃了多遍的雲吞麵店，大部分都只給半條甚或只給莖部，完全不可以吃。但湯的味道頗鹹，這一點有為失色，不過大致上的感覺都是可以接受。…Read More

大家平時食豆腐花，來來去去都係裝起個碗入面，之後一係加糖水或者黃糖，除此之外，就無乜食法但係依間名為阿媽豆腐花既鋪頭都幾有創意，結合左珍珠奶茶既形式，就係 珍珠豆腐花。咁就點左個豆腐花同 一杯珍珠豆腐花來食啦。豆腐花：好滑，完全無鞋既質感，唔會有起渣既感覺。珍珠豆腐花:由於我食豆腐花係要保持甜度，所以我好驚杯野去到一半之後唔甜，不過之後無出現呢個情況，仲有既就係佢D豆腐花都打得幾散，所以唔會存在啜唔到上黎既情況。總會，其實佢個門面真係好似貢TEA，我有一時三刻都以為佢又係其中一間分店，如果大家想夏天想消下暑又唔想飲D合成味既手搖台式飲品，呢個不失為一個好選擇。…Read More

由17蚊加到32蚊，由6粒丸去到4粒丸，由大鋪去到細鋪。風光之下，食住老本，總有一刻會被掩蓋。做左元朗街坊20年，由勝利牛丸為一間街坊小店，去到無人不曉既情況，只因手打牛丸。其實來來去去都係個幾款菜，服務沒有因為咁而差左，一班姨姨依然好聲好氣招待人。點左個三拼河，牛腩、牛丸、牛筋，由於牛腩牛筋頗為新鮮，使致不失為一個普通既河粉。另外，可能因為有牛腩牛筋，個湯超級濃，又有點黏口，好正扣分既就係佢地既招牌牛丸，口感有點唔同，加上食個小小雪味，希望無退步到。老店雖然有佢既堅持，但依家起弱肉強食之下，總要有點方法去抵抗其他既「巨人」…Read More

首先，鋪頭入面既人態度真係令到我興過火屎。大熱天時，入到去，梗係想係入面位，來到個阿姐即刻問食乜，叫呢樣又話未得，叫叫下又走埋。佢之後番黎同我講：食乜諗咁耐啊，快啦。嘩！前世得罪你啊，仲臭串過B仔，鋪頭又無乜人。原來係番工時候睇下做緊野附近有咩好野食，發現有間賣豬雜既粉檔。小弟都偏好食呢味野，因為個人覺得個湯夠哂豬內臟既入面既營養。大熱天時，食到咁熱既野都咪話唔勁，雖然被無禮對待之下終於叫左碗豬雜河，豬膶唔粉，其餘既都煮得岩岩好，仲有個湯無乜"羶"味，呢一點值得讚。可惜聽聞係咁加價，老細有熱誠是無用的，要同食客有良好既溝通是必須的。希望會改善啦，因為始終野食真係全港獨有，味道真係不俗的。:(:(:(:(:(:(:(:(:(:(…Read More

大雞大、OK便利店、王老吉，係輕鐵站對面係生存得最耐既三間店。大雞大都起碼有幾年，不過次次食都只係食BB雞，其他一概都唔會揀。先唔理佢鋪頭既衛生程度，其他食物佢地真係唔在行整，之前食過雞排是有D所謂既魚蛋，我勸大家真係唔好曬錢不過好老實，佢個BB雞真係一流，有分大中小三個辣度，自問好食辣既我都只係食中辣。佢個辣粉真係好獨特，其他地方吃不到。仲有雖然佢果個雞個表面就麻麻地，外形唔太靚仔，但係入面既肉真係係好嫩滑，當然，要起熱食情況之下。不過佢依家個細既就要$24蚊，大就$26，已經好似加左價，不過呢D真係兩個星期食一次就好。佢直情用一桶桶花生油炸，太唔健康。…Read More

夏天流流，熱辣辣好難有胃口，但係自己就有鋪癮鐘意食煲仔飯d焦。所以自己一丁友晚飯個陣去番樓下食開間銓滿記。一如以往，一個煲仔飯連湯野飲加菜$70蚊有找，除非你叫有黑松露既個種，否則就貴d。叫左自己鐘意既肉餅再加$6有隻窩蛋，冷氣夠勁，唔洗話夏天食熱野咁辛苦。老闆即叫即煲，夠晒火辣辣，依家可能少人啦，上菜算快，但未夠前火候，因為飯焦唔夠多，只得小小痴住個煲。如果可以多D脆扑扑既飯焦就好!個肉餅好足料，而且又唔會好實好硬，同隻滑蛋溝埋真係好正! 碟油菜就正正常常，係厭豉油唔夠多，小小淡。水準依然保持一貫既程度，留待冬天再試真點。 …Read More