Lindzee's Profile

早上同屋企人處理完事務就過咗嚟新城市唸住食個早飯，咁啱見到呢間一直都想試嘅人氣餐廳呢度有分店，一於入去試吓。餐廳走日式風格，門口自助機點餐付款後有職員帶你入座，座位都係吧枱形式，地方尚算大。每個人前面都有一個小小嘅鐵板爐，點餐後職員就會將你嘅餐一件一件放喺鐵板爐上自己煎，熟成程度自己控制。除咗漢堡扒，仲會有西蘭花做配菜。套餐會包含一隻蘭王蛋，可以撈飯或者撈埋燒肉汁蘸漢堡扒食，枱上面都有一張建議食法可以參考，蛋汁和肉汁撈埋一齊，真係勁正呀！食之前可以揀選自己鍾意嘅醬料，有好多款，譬如燒肉醬、洋蔥醬、胡椒鹽、辣椒醬等等，自由配搭。3件和牛漢堡排套餐叫咗呢個肉肉大米的招牌之選，和牛漢堡肉質細嫩牛味濃郁，而且厚身飽滿，肉汁豐富。套餐的味噌湯和西蘭花可任添，CP值高。3件漢堡排 (原味1件＋芝士2件)芝士漢堡排會有職員即場即刨車打芝士絲，厚厚成座山的芝士絲，好誇張！芝士半溶時入口最香，芝味濃郁，建議稍微加熱至理想狀態先食，呢個餐可以試到唔同口味嘅漢堡扒。白飯、湯和西蘭花都可以無限添加，讚！平日lunch嚟講，人流都多，我哋11點幾入座， 12點已經門口排晒隊，建議避開繁忙時段。…Read More

地點方便，位於K11商場外圍，環境雖小，但簡約乾淨，走日式快餐風格，還可以坐窗邊望住尖沙咀人來人往街景，適合快閃午餐或一兩個人輕鬆晚餐。三文魚親子丼 - 三文魚切片厚身，而且新鮮，入口滑嫩。三文魚籽晶瑩剔透爆汁，飯底可選白飯或醋飯，擺盤整齊，口感滑嫩。招牌海鮮丼 - 性價比之選，約$78就可以享受到多款海鮮，包括三文魚、吞拿魚、鰻魚、蝦、八爪魚、小貝柱、玉子和三文魚籽等。刺身切粒混合醋飯，不同口感，層次豐富，味道一流。價錢合理，食材新鮮，配搭自由度高，有些可選大盛或迷你丼飯，亦可加錢轉沙律或加配其他配料，可選升級套餐，自由選擇。…Read More

Friend話有晚路過見到校長燒肉推出任食和牛生啤放題，我聽到和牛同生啤任食，即刻約去一齊食！有四款和牛陣容精選，各有千秋！無論係鹿兒島、北海道、美國手切牛，每一口都係高級享受！😋A4黑毛和牛辣椒仔肉質細嫩鹿兒島A4黑毛和牛三角腩油花分佈均勻A4北海道黑毛和牛肉味濃郁，質感紮實美國頂級手切牛肉味厚重生啤放題：無限供應的冰凍生啤，清爽解膩，完美搭配，正好中和和牛的油膩感 （圖左係涼茶，右邊係生啤，真係好有份量）餐廳分有唔同嘅區域刺身區：多款魚生刺身選擇，師傅新鮮即切燒烤區：食材選擇非常豐富，無論是肉類、菜類、菇類都應有盡有！火鍋區：兩款湯底選擇 - 日式豬骨湯和壽喜燒湯，火鍋配料選擇亦相當豐富多元化，想到與想不到的都滿足到你的期望！除此之外，仲有熱食、炸物、壽司、沙律、各式各樣飲品、甜品、雪糕雪條、清酒、梅酒⋯⋯ 食品種類多樣化，性價比高，肉質、價錢、氣氛全到位，一次過滿足你個胃多重需要！…Read More

每次去親觀塘搵朋友食lunch，喺呢區返工嘅朋友一定有好多推介，靚女朋友介紹咗一間主打健康蒸煮料理嘅午市蒸飯套餐，誠意十足，味道與營養兼備。喺地鐵站站行過去大概三四分鐘，地點非常方便易搵。門口細小，不過非常光猛亦都有好大個牌寫住私房菜餐廳名。我哋12點去到時間尚早，叫咗每人一set午市蒸飯燉湯套餐，女仔都鍾意飲湯，可以午餐都有靚燉湯飲，感覺都特別溫暖！蒜蓉蒸卜卜蜆陳村粉蜆肉鮮甜，滑溜溜的陳村粉吸收了蜆的鮮味與蒜香，口感層次豐富，味道突出。豆卜蒸滑雞紅米飯蒸雞嫩滑入味，豆卜吸收哂雞汁非常之香，紅米飯粒粒分明有咬口，健康之餘亦有飽肚感。蘿蔔牛肋條菜底牛肋條炆得好腍，蘿蔔甜美多汁，底下鋪了大量娃娃心，健康之選。雪梨乾瑤柱燉湯湯水清甜，材料十足，雪梨乾與瑤柱香味融合，燉得好入味亦好夠火喉，入口回甘，非常養生滋潤。午市蒸飯套餐食材新鮮，味道出色，蒸煮方式保留了食物原味又健康，價錢唔貴又抵食，係一間適合午市好好享受一餐好飯的好地方。…Read More

平時都係去尖沙咀市中心食比較多，尖東比較少去，朋友推介去尖東韓式燒肉和醬油蟹，韓國人開同埋都好正宗，估唔到去到係好多人！一入門口就有韓國老闆娘招呼，雖然唔係好聽得明韓文，但係佢英文都唔錯，招呼你入座，會同你用英文簡單介紹餐牌和推薦菜式，選擇燒烤嘅話會俾一條一次性圍裙俾你，唔使驚整污糟啲衫。食物選擇多好多元化，除咗有set之外，仲有BBQ、醬油蟹、海鮮、炸雞、傳統小炒、湯、石鍋飯麵等等。前菜小碟超有誠意，一坐低就有成排小碟前菜，泡菜、芽菜、酸蘿蔔、鵪鶉蛋等，每款都好入味開胃，唔係得個樣，真係好食！叫咗肉眼同西冷各150g，肉質新鮮，油脂分佈靚，有店員專人代燒，唔使自己動手，輕鬆享受燒肉，配搭多款醬料、蒜片和生菜包住食，真係好韓風！醬油蟹 + 牛油飯醬油蟹係餐廳招牌，蟹膏多冇腥味。將蟹膏撈埋落牛油飯一齊食真係不得了！50cm 韓式雞蛋卷打卡一流！第一次見咁長嘅蛋卷，超長又厚身，蛋香濃郁，口感滑嫩，材料豐富，熱辣辣上枱好吸引！Blue Lemon Ade 同 Kiwi Ade 色彩夢幻，兩款都好清新，配燒肉一流食物水準高，服務貼心，有專人代燒真係加分！醬油蟹同蛋卷絕對係必點之選，價錢合理，環境舒適，下次會再嚟試埋其他菜式！…Read More

今次同朋友一齊去尖沙咀小魚兒晚餐，原本係衝住烤魚去，但最後反而係藥膳花雕醉雞煲令我哋印象最深刻！去到樓下有好大個招牌，行樓梯上一層，餐廳裝修走霓虹風，座位寬敞，上菜速度快，可以慢慢食，唔會催趕。餐牌有好多選擇，有烤魚、酸菜魚和雞煲，仲有好多配菜，燒烤、小食、冷盤、甜品、飲品和啤酒樣樣齊！而且都可以揀辣同唔辣，適合我可以食少少辣嘅人。😋藥膳花雕醉雞煲湯底香氣十足，花雕酒味濃郁，藥膳味道溫和，醉雞嫩滑入味。配菜我哋加咗魚腐、皇帝菜和封門柳，封門柳牛尾濃郁而且抵食，好滿足！鹽燒牛仔骨熱辣辣好惹味，蒜香牛油燒扇貝鋪滿蒜蓉牛油，燒得啱啱好榴槤炸彈呢個真係驚喜！入面係香濃榴槤蓉，唔會太甜，榴槤控必試！食物菜式都好有水準，優惠多又抵食，下次再嚟試埋個烤魚先！…Read More

三位閨蜜同我慶祝生日， book咗呢間傳說中嘅星空餐廳，一路都好想去，非常之期待，今次終於有機會啦！一踏入餐廳，彷彿置身宇宙，藍紫色星燈、半球形卡座、北極光投影，夢幻感爆棚✨點咗4份星空傳情晚餐，每樣點啲一齊share，可以試到唔同嘅食物，太好啦！員工都好親切，會主動介紹菜式，生日或紀念日仲包佈置，超貼心！就連餐牌都會發光好夢幻！生蠔配海膽魚子醬，咁嘅配搭組合真係第一次！既高級又新鮮，咁樣食法又另一番體驗！前菜蕃茄流心水牛芝士沙律清新開胃生牛肉他他肉質鮮嫩炭燒和牛牛脷入口即化，青蔥醬提味一流鹽燒白鱔外脆內嫩，鹽香恰到好處。手工意粉海膽手工蛋麵蛋香濃郁，海膽鮮味突出煙燻豬肉寬麵煙燻香氣撲鼻，肉質鮮嫩主菜紅酒汁燴牛面頰軟腍入味炭燒M7和牛肉眼扒炭香濃郁法式寶雲酥羊架外酥內嫩，配上法式香草與芥末，完美平衡羊羶味香草牛油汁燒黃油雞雞肉嫩滑，外皮微脆，金黃誘人甜品火焰星座蛋糕視覺震撼，點着火猶如一座火山，打開星球蛋糕還冒出煙霧彌漫，真係非常之有睇頭！意大利經典芝士蛋糕口感綿密，芝士味濃郁鐵觀音奶茶慕絲蛋糕茶香十足，口感特別開心果巴斯克芝士蛋糕甜度適中飲品仲叫咗人氣星座Cocktail，特別推介處女座和雙子座，杯和造型都非常之特別，真係做出星座嘅特徵！每張枱都有星光投射燈，剛好晚餐有live band，可以點歌聽歌，更可以揮動星星棒營造氣氛。生日枱有好多佈置，亦都有公仔、氣球和皇冠可以打卡影相，場內仲有巨型月亮鞦韆，可以坐上去搖住打卡。走嗰時仲可以去大門口有兩張半圓透明搖搖椅再打卡先走，整個環境氣氛真係一個浪漫打卡勝地！…Read More

生日月不停食食食，今次朋友帶咗我嚟新體驗，重慶火鍋放題，竟然可以海鮮任撈，即撈即煮，真係大開眼界！地點近地鐵站，門口喺大廈入面，都要搵一搵。門口好似古代宮廷，金碧輝煌古色古香，令人未開餐已率先感受到儀式感。入座之後，會有個桶仔俾你出去自行撈海鮮，雖然桶仔細小，但係每一次都撈到好多，撈完可以再撈。有五款湯底選擇：花膠雞、菌菇、蕃茄湯、大骨湯和麻辣湯底。我哋揀咗花膠雞湯底，湯底濃郁，花膠滑嫩，養生之選。海鮮即撈，鮮味直送火鍋！餐廳內有大型水缸，可以即撈活海鮮，有鮑魚、大頭蝦、蟹和蜆，好似去咗街市現場咁，海鮮好新鮮亦都好生猛！啲蝦跳嚟跳去有啲難捕捉😂其餘可以掃QR code落單，仲有其他海鮮，鮑魚、生蠔、肥牛、安格斯牛、豚肉、雞肉、蔬菜等等，出邊仲有自助吧可以任意拎火鍋配料，譬如丸類、菇類、腸仔等。另外仲有熟食區，有炸物、燒生蠔、串燒、炒飯炒麵等等，選擇非常豐富。飲品都係任飲，好多選擇，有汽水、椰子水、樽裝茶飲、涼茶，連無糖健康養生茶都有 - 桂花龍井、茉莉綠茶等，啤酒都係任飲！最特別係有小朋友果汁飲品！另外一邊有水果和雪糕雪條，真係應有盡有！海鮮新鮮、湯底出色、配料多元化，環境又有格調，有得玩又有得食，性價比爆燈！…Read More

喺尖沙咀發現一間充滿愛和意義的咖啡店，唔單只賣咖啡，原來係一間非牟利社企咖啡店，支持不同能力和國籍的員工，特別係幫助有學習障礙的成人發展潛能融入社會。路過同阿仔入去食個簡單lunch幫襯支持下，仲可以捐錢買手工曲奇餅。Coffee Shop環境簡約，座位不多但舒適，窗邊位置可望街景，適合靜靜享受一個人的咖啡時光。食物選擇多元又親民：- 鬆餅（朱古力／藍莓）外脆內軟，牛油香撲鼻- 墨西哥卷有素食選擇，有牛油果、羽衣甘藍、健康又有層次- 比高包可選煩三文魚或鷹嘴豆泥大啡菇，或者配忌廉芝士簡簡單單都好正- 三文治、蛋糕款式多樣，甜度剛剛好- 咖啡選擇齊全，latte奶泡綿密- 有特別嘅比利時朱古力飲品- 茶類亦都非常之多選擇，亦有一啲特色嘅茶飲店員親切有禮，落單細心，服務貼心，有本地職員和外地職員，講中文或者英文都冇問題。支持社企，既溫暖又具社會意義。除咗堂食仲外賣咗兩件鬆餅俾屋企人，返到屋企叮一叮又香又軟！…Read More

跟中學同學見個面順便食個lunch，樓下有間西餐廳，就近近哋食個lunch，餐廳細小，現代簡約風，呢間阿根廷餐廳入面都有佢嘅國旗、世界盃獎牌和獎座做擺設，環境和氣氛寧靜，好適合傾偈。我哋每人點咗一個lunch set，有一籃兩個熱辣辣鬆軟麵包，未開餐已經加分！Lunch Set 1前菜：南美酸汁醃吞拿魚，酸酸地好開胃，魚肉鮮嫩，好有層次配菜：南美古早味粟米蓉，口感滑順豐富，帶少少甜味，好特別，亦都好啱小朋友食主菜：精選意粉，有蕃茄醬或忌廉醬選擇，我哋揀咗蕃茄醬，是日精選意粉係長通粉，醬汁濃郁，麵條彈牙Lunch Set 2前菜：阿根廷豬肉腸，肉質紮實，配有一碟特色醬汁，個人覺得好夾好好食好爽配菜：雜錦沙律，清新爽口，份量仲好大份主菜：肉眼扒，五成熟啱啱好，外焦內嫩，肉味濃郁Lunch set份量十足，精緻有驚喜，仲有配飲品，食完真係好飽啊！…Read More

喺附近開完會又係諗食乜嘢嘅時候，朋友話想去食燒烤，於是去咗食放題，有澳洲和牛、海鮮燒肉，仲有榴槤任食，真係好誇張呀！成條街都係餐廳，揀咗呢間日式居酒屋風格嘅燒肉放題，乜嘢都有啲，餐廳唔算大，不過入到去好靚，木系裝修，周圍掛滿氣球、霓虹燈和畫，有啲似日本街頭小店嘅感覺，每張枱都有一個燒烤爐，我哋兩個人坐一邊。有幾碟的前菜和醬料，有好多食物嘅選擇，燒肉，牛肉、豚肉、雞肉、炸物都有，牛肉有好多款，重點係M7和牛牛板腱，海鮮都有唔少選擇，有大蝦、帆立貝、白鱔等等。最特別係有榴槤pizza和榴槤，都算大粒！飲品任飲，除咗一般汽水和紙包飲品，難得清酒同啤酒都係任飲！放題限時120分鐘，上菜時間快，咁上下時間職員會提醒你，真係非常之貼心。…Read More

韓式岩石板燒烤肉，環境寬敞舒適，每張枱都有一塊岩石板。最特別係燒肉由專人代勞，都有Oppa幫你燒，只需安心安座享受美食。Set A 牛肉套餐包括 200g 牛肋骨肉 + 100g 牛板腱肉，肉質鮮嫩，，肋骨肉燒至微焦，板腱肉口感紮實，肉味濃郁，配上特製醬料，份量亦都非常充足。Korean Beef Tartare牛肉他他加入黑松露、魚子醬及海膽，味道層次豐富，既有海洋的鮮味，又不失牛肉的原始香氣，令人非常驚喜！韓式水冷麵冰涼爽口，麵條煙韌有咬口，湯底酸中帶甜，非常開胃。配料有爽脆青瓜、半熟蛋和牛肉片。甜品：Dol Hareubang (Jeju YeYe)濟州爺爺甜品造型非常可愛，口感像是雪糕與慕絲的結合，甜度適中，仲配有柚子雪糕，賣相一流！芒果奇異果沙冰：果味濃郁，酸甜平衡，清新解膩士多啤梨米酒：酒香柔和，士多啤梨味突出…Read More

搜尋餐廳慶祝生日，無意中發現呢間比較特別嘅阿根廷餐廳，餐廳小小，環境舒適，氣氛溫馨。去到門口有阿根廷國旗，感受到阿根廷嘅氣氛。兩個人點咗一set四道菜dinner set，再單點一個pizza，價錢和份量不錯，佢仲送一籃餐前麵包，兩個人好夠食。頭盤：自家製安格斯牛肉丸牛肉丸外層微焦，肉汁滿滿，配上微酸番茄醬，開胃又有層次，好有咬口，重點係牛肉味非常濃郁！主菜：牛柳250g & 三文魚忌廉直通粉牛柳五成熟，肉質嫩滑、香氣十足，最喜歡半生熟粉嫩嘅肉質和口感。三文魚忌廉直通粉濃郁滑順，忌廉醬不膩，三文魚鮮味突出。瑪格麗特Pizza薄餅底脆口，番茄醬酸甜平衡，芝士香濃，羅勒葉清新提味，經典中屬於高水準。甜品：Tiramisu口感綿密，咖啡酒香濃郁，甜度剛好。餐點水準高，服務親切，價錢合理。…Read More

餐廳環境設計感十足，分為上下兩層，樓下是酒吧，樓上是餐廳/咖啡座，充滿時代感。從地下走到樓上的一條長樓梯，頭頂有一巨型的月亮裝飾，其中一個打卡位。樓上餐廳咖啡座一排的玻璃窗也充滿了塗鴉風，好有格調，適合情侶或朋友聚會。白蘭樹下氈酒蟹肉意粉Perfume Trees Gin入饌，蟹肉鮮味，搭配蟹肉、番茄與芝士，清新又帶海味，意粉煙韌，吸收酒香後層次分明，帶有微辣與白蘭樹香氣。UCR Coffee Spice Rub Flank Steak 咖啡香料牛腹肉牛腹肉以 Urban Coffee Roaster 的咖啡香料醃製，配上特製醬汁、芝麻菜與小紅蘿蔔，香氣濃郁又不失平衡。Caramel AppletiniPerfume Trees Gin 為基底，加入荔枝酒、蘋果汁、檸檬汁與焦糖糖漿，甜中帶果香，層次豐富。Egg Tart（不是甜品！是雞尾酒！）被譽為「飲得到的蛋撻」靈感來自港式蛋撻，以 Perfume Trees Gin，調製，口感香滑。最特別係佢兩隻杯，蛋撻造型，外型非常之真切，又有驚喜！Pale Ink Tiramisu 淡墨提拉米蘇招牌淡墨咖啡甜酒，低糖但香氣十足，是招牌創作之一。早上是咖啡館，晚上變身氈酒酒吧，每道菜與酒都非常精緻，菜式都加入咗perfume gin做基底，食物有質素，而且蘊含香港文化元素。…Read More

黑木亭居酒屋最近放題，主打A5宮崎和牛＋拖羅刺身，限時120分鐘，正啊！去到好多人，一定要book枱或早啲去排隊。餐牌選擇極為豐富，刺身包括各式深海魚、三文魚、吞拿魚、帶子、拖羅、和牛、赤蝦、左口魚、松葉蟹腳等，鮮味十足。壽司方面有我最愛的海膽壽司！🤩熱食都有好多款式，包括和牛壽喜燒、花膠海參、燒生蠔，還有創意十足的A5和牛海膽牛角包及鵝肝多士，每一道都充滿層次感與高級感。甜品更是榴槤控的福音，有D24榴槤、脆炸貓山王及榴槤pizza，多款選擇。自助區任食任飲，誠意十足，提供沙律、前菜、煙三文魚、熱食、雪糕雪條（包括 Dreyer’s 和 Häagen-Dazs）、雪糕糯米糍、水果、汽水、果汁、咖啡、紅白酒及啤酒，還有清酒與梅酒任飲！…Read More