novay.2's Profile

-商務午餐（八選三） $152美國板腱牛同豚五花腩肉身夠嫩口，只要唔燒過火入口口感豐富，配埋韓式辣拌醬，令肉汁令整體夠juice！鮮魷魚真係夠晒新鮮，絕無腥味，口感彈牙👍🏼套餐仲可加配蔥花玉子飯、濟州海帶豆腐湯，一個人黎食真係相當夠！仲有鳳梨冰茶中和返肉嘅油膩，入面仲有啫喱，夠晒有咬口！-蔥鹽牛舌 $88另外仲加點咗韓式辣拌醬蔥鹽牛舌，基本上都唔需要點任何醬汁，都夠晒野味🤩質素絕對可以同其他高級燒肉放題店媲美👍🏼但佢只係$88，差唔多有成20塊！抵到爛😂仲有其他內容豐富嘅套餐，樣樣都性價比高！無煙設計加埋24樣沙律、韓式小菜自助放題，午餐仲低至$58咋！想享受me time定同三五知己happy下，都可以黎試一試🤩…Read More

-招牌麻婆腐皮蛋餅 $38特色蛋餅，第一次食麻婆味嘅蛋餅，口感好新鮮🤣但又唔會唔夾，蛋餅皮薄餡靚，啖啖抵好足料！仲有三大舊，覺得可以兩個人一齊share！-老乾媽炒麵 $36超大碟🤣同一般豉油王炒麵味道唔同，口味比較淡，拎黎送蛋餅同粥品或者較重口味嘅小食非常合適！可以中和返～-熱黑芝麻豆漿 $22個底仲有好多黑芝麻！入口超滑🤤仲有小小豆皮係入面，好養身！飲多幾杯抵不失為過👍🏼仲有其他特色小食同甜品㗎！有興趣可以一試～…Read More

大人$338星期六日及公眾假期$368刺身方面，就算你點少量佢都會比夠double你🤣唔洗成日寫紙，仲好新鮮，無論係咩類型嘅刺身都冇腥味，而且甜蝦夠鮮甜🤤，口感豐富，大推！另外燒肉類都有和牛、牛舌等等，唔鍾意食牛都有豬肉類同雞肉類，肉類燒完嘅油脂都平衡，入口juicy～仲有好多小食！特別點咗豬大腸，得好好完全冇異味，中間放咗辣椒，大腸外皮爽脆仲食到好多醬汁同辣椒味，啖啖香脆可口！呢間放題種類繁多，可以燒肉可以揀刺生或熟食，非常多選擇，而且係尖沙咀呢個地段黎講係非常平！放工即刻去食返個放題放肆一下啦！…Read More

-蜆肉泰露筍龍蝦汁意大利飯 $118擺盤幾靚，一上枱可以即刻打卡，蜆肉份量超多！啖啖都有兩至三隻蜆肉入口，芝士拉絲小不免👍🏼泰露筍都好爽脆～飯嘅咬口都剛剛好，一人份量好滿足-紫薯牛奶 $50入口比較啖味，不過都飲到少少紫薯味🤣-意大利提拉米蘇 $48呢個價錢都算大件，個人覺得可以兩個人share，口感都幾有層次👍🏼店內寬敞，行到最入仲有個大玻璃窗望住屋邨嘅景色，坐係到望住個景都舒服，可以黎嘆杯啡食件cake chill下～…Read More

-香葉辣椒海鮮炒米粉 $108海鮮有蝦、帶子、魷魚等等，加埋配菜香濃可口，份量適中，海鮮都算新鮮，唔會覺得係平價野，辣味剛好👍🏼米粉唔會太硬～啖啖入口都好豐富，非常足料-泰式生蝦刺身 $128一碟有七隻，係大蝦款黎🤩入口夠爽口唔會有腥味～食得出係新鮮蝦！點蝦嘅泰式辣醬非常夠辣👍🏼但冇掩蓋蝦嘅味道～-芒果椰汁沙冰 $42口感超棉軟滑👍🏼芒果果夠濃！加埋椰汁又唔會太甜，兩樣加埋好夾🤩唔想飲奶茶/椰青可以揀佢！…Read More

-香辣鳳爪沙律 $52前菜必點沙律，味道唔係特別濃，酸辣道適中，唔鍾意重口味嘅可以試！配菜好足料～兩個人都叫岩岩好👍🏼-冬陰雞湯粉 $58冬陰湯味唔會蓋咗雞味，可以連埋啲湯一齊飲，河粉好滑軟硬剛好，可以揀其他粉麵類～雞肉唔算”鞋”😆一個價錢飲到湯又食到雞粉👍🏼-泰式凍奶茶 $8(跟餐)跟餐$8超抵！又夠大杯🤩唔會話太甜，奶茶味相當夠，可以再試！佢仲有其他特色小食同甜品，港九新界周圍都有分店，緊有一間係你左右🤣推薦同一大班朋友去呀！…Read More

-水餃麵 $50水餃有足足四粒！粒粒都皮薄餡靚👍🏼仲見到大大粒蝦肉，麵底爽口，食完一啖會想繼續食，咁多年都仲keep到水準，出面真係食唔到呢種麵底嘅口感🥹-炸雲吞 $22新鮮即炸👍🏼肉同皮份量均勻，即使只有一口肉，都有一大粒蝦肉係入面🤩熱辣辣點埋甜酸醬真係食過返尋味！-炸鯪魚球 $24又係新鮮即炸，一咬落去係實心🤩成粒都係魚肉，口感滿滿，每啖都好滿足！仲有佢啲汽水仲係支裝👍🏼係童年回憶～細細個已經有食，估唔到到大個再去食，仲食得返以前細個食嘅味道🥹呢啲老字號麵店真係愈黎愈少了，其實到依家一到下午或者收工時間都仲有好多人去食，大家有興趣都記得去幫襯👍🏼…Read More

-台灣小吃下午茶set $42可以揀滷肉、擔擔麵、湯麵或乾麵，我就揀咗麻醬乾麵，小食可以八選三，我就揀咗小黃瓜、鹽酥雞、牛肚絲，份量以下午茶黎講真係岩岩好！麻醬乾麵麻醬都多，撈起上黎唔會好乾，鹽酥雞香脆可口，小黃瓜都醃得好夠味，不過就得兩條，椒麻牛肚絲都好入味。之前食過佢哋lunch set，今次試埋下午菜，覺得可以再黎！-珍珠大甲椰椰芋香 $21(跟餐)芋香味好濃郁，飲個陣椰味都好香，不過偏甜少少，建議小甜，但呢個價錢飲到杯廢水算係咁🤣…Read More

-麻辣雞絲冷麵 $65一上到枱嘩咗一聲🤣都幾大份，配料有蘿蔔絲、青瓜絲同粟米，雞絲仲多過啲麵🤣麵底爽口，口感軟硬適中，麻辣好夠麻，辣味唔會蓋咗麻味👍🏼啖啖入口都好豐富！-荔枝椰果冰紅茶 $12(跟餐)台式味道！冰紅茶茶底唔會好假，甜度適中👍🏼有好多椰果🤣每飲一啖都有椰果，好抵飲！店舖雖小，但因為都算係快餐形式，唔洗點等位👍🏼環境都舒適，仲有得係出面先點餐，好方便！仲有其他台式小食同飲品，下次會想試埋！…Read More

-麻辣大蜆粉絲 $78一黎到已經好香麻辣味，同埋都好大碗，大蜆係有勁多粒，蜆肉冇砂好新鮮，亦都真係啖啖肉🤤，另外湯底麻辣味好夠，麻味同辣味平均，粉絲同蜆肉都吸晒湯底嘅味🤩仲有好多唔同嘅配料，例如：茹、白菜、洋蔥等等等等～同埋跟餐野飲大部分都只係加$4就有凍飲！仲要勁大杯，唔係平時餐廳嘅size～基本上個價錢同味道+size都好合理！同埋佢哋仲有好夠特色小食同套餐，另外都有串燒食㗎！店內開揚，無論幾多個人黎都一定坐得舒服同有岩你嘅野食😆推薦！…Read More

-蜂蜜牛油脆雞(半份) $148去開銅鑼灣，經朋友介紹黎咗呢到，因為係tea time，所以叫咗半份試下😋其實半份都好大份好多，雞全翼有雞膇雞胸全部都有！蜂蜜牛油味夠濃😍雞本身都有小小味，點埋個醬食層次又昇華咗～雞肉唔算嚡，雞胸都滑🤤原隻雞膇外脆內軟口感豐富，本身好鍾意蜜糖味嘅雞，試完呢款返唔到轉頭，如果配炸雞應該都唔錯👍🏼配套餐仲跟一款飲品，可以自己揀，門口位置有任拎嘅泡菜同粉絲，店內寬敞，下次會試下同朋友黎食晚餐👍🏼…Read More

-芝士蟹肉甲羅燒 $78一大個蟹蓋嘅蟹膏😍入面有隻鵪鶉蛋，同蟹膏撈埋一齊食令到成件事昇華咗，蟹膏唔會好漏，直頭想叫多碗飯黎送👍🏼-鮑魚殼燒 $68超新鮮嘅大隻鮑魚，上到枱仲好生猛識郁👍🏼鮑魚味唔需要加太多調味配料，食落口感已經夠鮮亦都唔腥！-松葉蟹廚帆立殼燒 $80未試過撈埋蟹膏一齊食帆立貝，新口感👍🏼入面仲有少量蔬菜，中和返整個油膩嘅感覺-豐洲壽司刺身定食 $198海膽新鮮，魚生厚切食落好有口感👍🏼壽司飯同魚生比例平均，唔會太多食唔晒，性價比高嘅一款定食～-巨峰燒酎 $58酒味唔算濃，果味幾出，重點係係大杯嘅果酒，下次會想試下其他款店員會幫手燒貝類食物，唔洗驚過火或唔熟，室內裝修夠大，平時約埋朋友一齊扮去個日本都唔錯👍🏼…Read More

-雷夢蘆薈蜜 $42蜂蜜青檸加埋好有層次，蜂蜜蜜味夠出，加埋青檸夏天解暑必備！蘆薈配料新鮮，養生好選擇～-紅柚翡翠 $42啖啖紅柚肉！飲到落底都仲有😍紅柚肉加茉莉綠茶係完美配搭～而且紅柚肉一啲都唔酸！-蘋果紅萱 $38蘋果果濃👍🏼唔係假嘅蘋果果味，口感新鮮，紅萱茶底順滑，加埋一齊非常清新，推薦鍾意飲果茶嘅你～果茶控必試！全部茶底味都好出！材料新鮮，店員都好用心推介合適嘅飲品，廢水又多個好選擇了～下次會再試埋其他主推飲品！…Read More

-柚想蝦你 $98二人份量，超大碗，材料新鮮亦都非常足料，細食其實可以三人share～-雜錦天婦羅 $88天婦羅唔會太厚粉，有秋葵、甜薯同炸蝦，食落feel到係即叫即炸-金龍卷 $98三文魚新鮮，配炸蝦肉都幾夾，8件黎講價錢算係咁，唔錯-彩虹卷 $116呢款壽司都幾有創意，魚生配牛油果口感幾fresh，一齊食可以減少魚生油膩感覺…Read More

-烤豬頸肉冬蔭乾撈麵 $82上到枱心諗咁大碗🤩撈嘅時候都聞到香味，配菜好多，平時驚就咁一個肉+麵會冇其他野配搭，呢碗有糖心蛋有青瓜有肉碎有薄脆片，每啖入口都好滿足！豬頸肉好肉唔洗錢咁有好多塊～抵食👍🏼👍🏼/-泰式凍奶茶 跟餐+$14估唔到跟餐都咁大杯，係一個啤酒杯🍺好驚喜！茶味夠，甜度都係適中，極速飲哂成杯！/-秘制酸辣鳳爪沙津 $48酸辣度剛好，有食過有啲係偏酸或偏辣，食咗一兩舊就想放低，但呢個唔會，而且鳳爪好入味，前菜必須點黎開下胃口👍🏼/環境雖小但店內唔會太狹窄，而且午市都好多人等位，係市區黎講呢個價錢同材料質素都算合理，建議人多可以book定枱～…Read More