SL0518's Profile

今次第二次去，原來之前去過一次，已經覺得好差，今次朋友揀，唔記得咗個名又再試伏。。花膠湯底四百幾蚊，都係普通味精湯，花膠又嚡口所謂本地手切牛，切口好整齊，又出水，根本機切雪藏貨，嗌咗個類似牛板腱，成塊得紅色鞋到不得了$50 一隻嘅大蝦，霉嘅。。啲魚皮餃都係好普通嘅貨得魚片ok少少五個人坐四人枱都算，最過分係非任食都限時兩個鐘，個半鐘已經拎張單過嚟，一個鐘零45分鐘已經隊部機嚟逼人埋單。價錢又唔平，又無樣好食，不知所謂！…Read More

用料同賣相都好頹，伏伏伏食完飯近近哋過去食甜品，大圍食過就揀呢間。點知無去一排差咗咁多！1. 芒吱滋芒果汁個淺黃色好假，無芒果味，生果又少，差2. 華華直頭hea 爆，d 榖物脆脆同menu 上係兩回事，好差3. 心太軟叫好少少，menu 有配生果，但來到只有兩粒淋晒嘅藍莓我哋喺門口睇完Menu入去，企喺門口冇招呼，於是行上上層，行到一半先問我哋幾多位，叫我哋行返落去，一早你又唔問。。態度又唔係好整體毫無誠意 圖片與真實嚴重不符，無下次…Read More

以前成日食上環嗰間，次次食牛排都好美味，今次第二次食鰂魚涌呢間，牛排好差🫤。。一上碟塊排已唔靚，完全唔係以前嗰種質素，仲要過熟好鞋(本身order 五成)，換過塊好少少，但都係淡然無味，無咸味無牛味😓😓。。。 薯條一貫好味，洋蔥湯都ok熱檸茶唔熱，竟然無檸檬！侍應就咁拎走加一小片檸檬又拎返過嚟，令杯茶更涼，同埋兩杯茶我同朋友都各飲咗一啖，拎到返嚟都唔知便會打邊杯😓睇來要轉場了，或者只可以嚟呢度飲啤酒食薯條。。…Read More

完美示範點樣毀左個happy Sunday!見佢有空氣班㦸就想試下，同其他比較下，試完只會講句無下次！🙅🏻‍♀️由未行入餐廳，接待員已無乜禮貌同你講野，帶位帶一半就指你自己行入去！到落order 香蕉朱古力班㦸，menu寫等20分鐘，過咗30分鐘問侍應，跟都唔跟就話整緊，問第二個就惡言相向話整緊，問第三個先肯入廚房望吓，卒之等咗45分鐘先有得食😡班㦸毫無蛋味，香蕉好生一陣青味！好食都話等吓，又唔好食，服務態度又差，又等得超耐，一肚氣！😡 …Read More