aandmaandm's Profile

剛剛去完，發生奇景，不得不立即出食評。個囡訓左，咪諗住去呢間靜啲又靚啲既餐廳，仲係Asia Mile合作餐廳，食完又可以儲下里數。印象中1:15pm 坐低，5-10分鐘就落左單，點左個招牌西班牙海鮮飯 $238，餐牌寫製作需時15-20分鐘。點知等到1:45pm覺得唔對路，就問個男侍應，佢出返黎話等多5分鐘。再等夠10分鐘，都未有，就同另外1個女侍應(似高級d)講妳check下幾點入單，佢就話要燉多1分鐘，但我話餐牌都係話15-20分鐘。佢然後再次出現點知話個飯煮燶咗，再叫我等多陣，當然我無等。對於1間比較高檔餐廳(仲要係Asia Mile合作夥伴)，1個專業廚師，真係無可能發生。等候期間我影咗d相，證明真係堅有幫襯。…Read More

2月14日walk-in幫襯，坐户外，7:30pm左右落單，先上左肴肉，大概15-20分鐘先上1杯熱豆漿，跟住等左好耐覺得唔對路就入去確認下有無落漏單，結果發現漏左杯白酒，好喇後補返但都要等成10分鐘先出俾你。然後8:15pm先上四季豆，等到8:30pm就再入去追個酸菜魚麵，同order埋第2杯酒，個男既高級職員見到系統紀錄都意識到成個鐘無乜可能，就即時再追，仲話free杯酒俾我。點知坐低再等10分鐘，見廚房係咁出野都唔係我既，於是入去再追，點知佢居然講已經追左，控制唔到廚房點出，諗住返埋位執好嘢走，點知佢就送出嚟喇。由於本人等到非常肚餓，又等到變雪條，咁所以都食埋先，當時第2杯酒仲未到架！急急腳食完，就直接入去買單，同個男職員講第2杯酒無黎，叫佢取消佢。佢就話取消唔到，仲即刻去水吧倒杯酒俾我叫我喺cashier度飲咗佢。我話你咁都得，我都走啦，你咁夾硬嚟都得，又係你話free既。佢就話呢隻買1送1嘛，咪free囉。我真金白銀俾錢，咁點叫free?如果你cancel唔到你就照收錢啦！奉勸真係唔好幫襯！…Read More

3號風球下，戶外去唔到唯有搵間可以坐室內嘅餐廳，呢間cafe真係一流，唔止有好多打卡位，冷氣充足，仲可以比狗仔坐室內，即日book中午12:30pm都有位。去到無人，幾乎包場，當然要即刻打卡先。午餐唔算好平，但質素OK同有期間限定菜式。同埋飲品唔止咖啡，仲有好多其他選擇，有cocktail、水果特飲添。我地2大人、1BB+1小狗飲品: Orange Mocha+Rose Latte主食: 松葉蟹肉炸蝦意粉甜品: Creme Brulee, Green Apple, Lemon Grass…Read More

地方好大，位置好近啟德站D出口。食物多選擇，主打多士、手打漢堡、意粉、意大利飯、窩夫、咖啡。環境舒適、裝修簡約，一邊有水泥幾級石櫈，一邊有餐枱+水泥牆圓形石櫈+窗邊高枱。重點係pet friendly，迎合私人住宅住戶可以帶埋主子黎。…Read More

新開張，今日午餐與同事共7人去光顧，分開2張枱坐，我枱有4人。詳細睇過餐牌後，每人分別點了1碗麵。落單後店員才告知，每人免費有1罐汽水，但三催四請叫了店員3次後先拎黎，樓面員工目測3個人，但似乎效率不夠積極。等左一陣，麵終於送上，但食左2啖，我同另外1個同事都覺得湯太少了，感覺似碗撈麵，於是要求店員加點湯，點知對方回覆湯是特別淆制的，每碗已有1殼的份量，如果要加湯，要加$20。另外1個同事寫了麵要硬，但最後卻是軟的。我地都感覺非常意外，加點湯居然要加錢。首先餐牌由頭到尾，或餐廳內都沒有標明加湯要收$20。第二:客人個人口味感覺太小湯要求加湯，都處處阻攔。順帶一提，我就算喺日本食咁多次拉麵都無試過加湯要加錢，真係聞所未聞！By the way湯底、叉燒豚腩ok，但服務真係不予置評。…Read More

星期同未來老婆中午一齊入左馬灣拍拖行下公園、海邊遠眺青馬大橋，當然都要食個Lunch啦！行下行下去到田寮新村，見到有間裝修唔算冠冕堂皇的日本餐廳，天氣咁熱剛剛好，食D新鮮剌身。入到去一半座位已經坐滿，有本地人、外國人。睇吓餐牌午市魚生定食都唔算貴喎！亦都有好多拉麵、烏冬及其他熟食選擇。最後點左雜錦刺身壽司定食+2隻金芝麻雞翼+1支波子汽水。定食裡面D刺身都係厚切，海蜇、蟹柳沙律夠凍好Fresh，再加6舊壽司夠曬飽。另外未來老婆叫的雞翼夠味、皮好脆，雞肉唔算乾。性價比好高！…Read More

當日同同事11個人去食午餐，梳化5人位要坐6個人，對面再加5張櫈。大概有一半人叫左燒肉午餐，其餘叫熟食。首先前菜極度唔夠，11個人得頭尾各1碟泡菜、芽菜、昆布、酸蘿蔔。然後d燒肉黎曬，都未有裝醬汁既3格小碟、生菜、白飯。d肉燒完都唔知放喺邊。三催四請d白飯、生菜先到同加前菜。當然仲未完，就係漏單，11個人落左單，居然得9個餐黎左。雖然係新開張分店，但都有成個月，d服務員好似新手咁，乜都唔識點做，要不停三催四請先做野，七國咁亂。冇乜嘢真係唔會再幫襯。…Read More

食左幾次，終於有時間寫返個食評。雖則話認個老闆娘，但見住佢地處理食物真係好用心，一D都唔馬虎。湯類只係飲過一款蘑菇湯，飲落去啖啖蘑菇蓉，！自家制既醃肉，唔會太咸，但如果可以煎得脆口D就好咯！另外有個辣煮忌廉汁游水蜆，D蜆真係好睇老闆選材，蜆肉每次都算大有肉，而且D汁仲可以點日本麵粉日本雞蛋做既麵包，配搭一流！仲有不得不提就係所有凍飲都無冰架，保證原汁原味喎！最後記得要試甜品咯。。。。。每款味道都好特別，每日都好快賣曬。…Read More

寶勒巷前M1估唔到搖身一變左一間叫the right place bar & grill既餐廳，某日行過見到環境幾好feel，今晚終於去試左。菜式配搭好新鮮，個包裝仲好有心思，仲有一個會講流利廣東話鬼佬侍應，對食客算有誠意之作。照片菜式+3杯飲品，每人都係$220，按食物質素，價錢合理。值得推介！P.S. 唔係我朋友開架！…Read More