McWings的個人專頁

近來成日想試下不同餐廳，今日就來了這一間餐廳食，噢，地點都方便，銅鑼灣A出口行過來都快。環境都挺浪漫，可惜我同女仔朋友來享用晚餐，都覺得浪漫！不要誤會，真的是好朋友，環境影響不到我們友情再進一步！但有人在後門抽菸，氣味傳入餐廳又真的破壞了浪漫的格調！店員人手方面都可能疫情關係，人手不太多，不能成日見到店員，晚上人流亦不算太多，所以得兩個店員都夠，人太多都唔太好今天享用人生覺得好味既沙拉，羽衣甘籃牛油果沙拉！沙拉汁酸甜酸甜，醬汁又中和了羽衣甘籃的草青味道，一口完再一口，講到似在食煙，食上癮！另外再食了意大利雲呑，比較咸了一點，同忌廉汁都比較食完飽濟，每食過三粒都已經足夠還點了一個蟹肉黑松露醬配墨粟米片，個醬真係好好味啊，蟹肉又多，松露味都夠香，所以都推薦！總括，餐廳值得去，食物都新鮮，食物配塔又清新！…查看更多

星期日下午到餐廳享用午餐，見到都有人排隊，但原來二人如果唔介意坐吧枱都可以即入座，不用等！當然即入應啦！肚餓呀，唔等食，食完都走！點了炭燒雞胸配青蘋果沙律($108),套餐包飲品一杯，可以唔洗加錢要凍飲點了凍接骨木玫瑰花茶。炭燒雞胸燒得好香，加上配上一點香草，令雞胸更有味道，雞胸份量都不少，仲幼切，女仔食就更方便，但記得要快啲食，因為凍左雞胸無咁香，整個沙律都有大量菜蔬，大份都幾抵食！飲品花茶味道清香，分不清什麼是接骨木，什麼是玫瑰味道，兩溝好難分，倒不如來一杯檸檬茶還爽！另外點了炭燒牛扒，七成熟，又係果句，上枱時聞到炭燒香味，七成剛剛好，不太*un*易咬，塊牛不太多根！餐廳的薯條粗而扁，但又炸得幾脆口，好味！…查看更多

第一次食，睇食評都不錯，就咁就去試下了！環境一般比較舊，地方比較細，當天晚市人不太多，所以都夠坐！三個人點了三個飯，分別有蜆肉、雪魚同蟹肉，分享咁食都好足夠，三個飯當中，最好食係蟹飯！前菜個蒸蛋都好足料，又有其他配料，食完都好滿足！如果再食，女仔三個叫兩個飯，再叫小食都可以，又可以食得無咁齋，唔洗係咁食飯食飯同食飯囉，不用一人一個飯，留個胃食甜品好似合理啲雪魚飯比較乾身，食到都覺得頂住喉嚨，蜆肉就一般！…查看更多

9月同朋友食過呢間餐廳，餐廳座位不太多，所以好快爆滿！和朋友七點左右點餐時想吃的沒有供應，只好選其他試一試，點了兩杯飲品，揀錯左，所以味道一般，味道有點淡的黃金蘋果沙冰飲品，差不多得一點甜甜地的味道，希望餐廳可以再改良一下杯飲品，48元好不值這價格！所以話自己揀錯飲品！食物就都幾辣泰式豬烏冬，係都幾勁辣，話少辣來辣到喊呀，Ma 呀，好辣呀！但好味，岩好辣的朋友食！多汁，好味！仲有叫左蟹柳扁意粉，嘩，呢個真係好乾，尼少汁，可以比多啲汁會更好，更開胃！餐廳裝潢各方面就幾得意同夠本土，係女生都應該會比較鍾意，所以當天大部分食客都係女士…查看更多

星期日下午來食，人流不多，可以坐的座位都不多，但相對平日，可坐的位算得上多！餐廳以自助為主，飲水，自己倒，食好垃圾自己放入垃圾桶，無加一，因為無店員會主動到你座位點餐！講講食左咩先，當天點了兩個午餐，一個係兩個飯團(包湯$38）味道只有三款，當天只提供兩款口味，所以無得選擇下，食了呑拿魚同明太子，呑拿魚餡料好少，飯又無加醋去整，味道方面，明太子本身有咸味，餡料相對較多，所以明太子口味比較好食，至於杯湯，不知道是什麼成份，但幾好飲，好清淡，成個餐最好味係杯湯！加少少葱花，不錯！友人點了一個雞肉茶漬飯，個飯又幾靚，都好味道，同食完都好有滿足感，好睇又好食，個茶好特別，比較特別同建議食茶漬飯！價格相對合理，又沒有加一！甜品，點了抹茶軟雪糕，不過無影相，但可以不吃，因為好快溶，要同雪糕競賽，食到好多抹茶粉粒，但雪糕由店員拉到手嗎已溶化中，大佬，如何享受呢！…查看更多

星期六到來享用午餐，一入門口已經覺得好似去左日本似的，因為餐廳格局好日式，全木格局，入到餐廳人不太多，和友人一起用餐，兩人都幾享受在其中，枱又夠大，可以放多點食物，又不會要服務生不停收碟，不過當天淨點了兩個套餐而已🤣點了一個生薑豚肉定食，定食有主菜生薑豚肉和白飯，仲有茶碗蒸，一些開胃菜同一碗麵豉湯，食完定食仲有一杯飲品或者甜品。豚肉定食都叫多豚肉，茶碗蒸就一般，但整體定食都算不過不失。友人點了壽司定食，壽司都叫幾大件，又新鮮，價格合理，所以都食得過！抵呀！如果想食得安靜，星期六下午來真的不錯，午餐價格合理…查看更多

餐廳地理位置唔多顯眼，座位不多，只有十四個位左右！所以如果有人在餐廳外等位都不足為奇，因為餐廳好快滿座，想食就要等下啦！餐廳星期日又休息，所以想食就星期一到六食啦！當天點了香茅豬扒飯，友人則選了河內雞扒飯，以環保紙盒盛載，熱辣辣的飯配多隻煎蛋，好好味，豬扒不會太乾，香茅味道又岩岩好，加上少少青葱食下去，一流！但雞扒相對上食起來比較普通，油份比較多，好似煎雞扒，可能河內就係代表煎雞扒，如果煎得香脆就好，但煎到皮油肉軟就不推介大家食了！好味香茅豬扒飯…查看更多

難得放假，終於做到學下過休閒的生活，食下午茶，飲杯花茶！講到咁優雅，其實都係自助餐不便宜，要請假來吃🤣第一次食JW，環境寬敞，不同枱都保持一定距離，聊天都比較自在，加上落地玻璃望到大廈，懶洋洋的下午，在這食自助下午茶，不錯！食物方面，壽司刺身種款不多;有粉麵同粥;有肉眼(肉比較老);有雞翼，燒賣，素餃，蝦；沙拉，有甜品芝士蛋糕，蛋塔仔，豆腐花，糯米糍，朱古力蛋糕，慕絲，榴蓮煎餅(即叫即做)有一杯杯的哈根達斯雪糕與軟雪糕等等飲品可以叫一杯，有不同的花茶可以選擇服務方面，收碟都收得快，待應都好有禮！…查看更多

坐位都算寬敞，一行四人坐卡位，都還可以坐多兩個人。店內環境舒適，店員服務態度也很好。食物方面，當天點了以下菜餚:黑毛豬豬鞍，又不錯，味道各樣都好平均，但份量少了一點，可以多少少配菜會更佳！三文魚凱撒沙拉，普通一般沙拉，多了三文魚，份量又過少了，兩三下食完！香草雪糕蘋果批，好食，蘋果配香脆千層皮，再配雪糕，好味，飯後甜點都算好食又不膩，正呀！雪糕配朱古力心太軟，都不錯！原本以為來餐廳就有自助沙拉吧提，但因為所叫的是單點，所以就無得自助啦，好可惜，本想食多點菜，失敗了！但餐廳都算是聊天的好地方！…查看更多

一行四人一起到餐廳食自助串燒。開始時有店員會教導如何燒，再簡單介紹醬汁，有沙爹醬，燒汁，梨醬，泰式香辣醬，孜然粉........之後就開始點喜歡的串燒，款式非看似不多，牛都分不到边款還边款，但爆起來都夠食，有些串燒點了都無，原因不明，但再點就有架啦！可能漏左姐。飲品方面就都係自由取的，有冬瓜茶，汽水，豆漿，lemon tea ......想飲幾多都得，但，餐廳可以提供一些涼茶比較好，因為食串燒都咪話唔熱氣，餐廳有涼茶會再加分！最後食完仲有哈根達斯送，一人一杯！都夠滿足！…查看更多

餐廳樓層較高，三個女孩子入到去覺得講野應該細細聲較好，以免失禮！餐廳燈光比較暗，牛扒有點燒焦都要食了才知道！講起食物，當天食了牛扒，七成熟，都幾有牛味，上菜比較慢，但食得到用心煎到牛扒好香！都好味的！配菜番薯更好食，好甜羽衣甘藍帶子沙律配黑醋，味道都幾開胃，菜都算多，作為頭盤，不錯！最後還點了一個忌廉汁貝殼粉， 分量比較少，但是汁比較油膩所以食少少都夠了！總括，餐廳的食物都是算做中等好食，餐廳比較有情調，適合情侶，肉類食品價格較高…查看更多

同友人一齊食飯，餐廳規定兩人都要選同一個套，湯底可以不同！我咁重視皮膚，當然選擇了美肌湯底，友人選番茄芝士湯底，我地選擇了$289/人的牛肉。講下湯底先，美肌湯底都不太美肌，比較咸，湯內放多件雞，比人覺得可以有多一點蛋白質，對皮膚好少少，但咸就可以自己加點水，又可以選擇食肉不點醬油，減少吸收鈉含量。至於有人的蕃茄芝士湯底，就係蕃茄湯底加多一塊夾麵包用的卡夫芝士，未到本人就不知道，沒有試，但友人都無話好味，所以應該都無特別好味🤣牛肉方面，味道都可以，因為揀左靚少少的牛肉其他食材都係自由到食材區取，同牛陣提供的差不多，甚至一樣！總括，價錢都係比較貴！…查看更多

食完飯，友人推薦食這一間甜品店，位置比較偏，友人都食過有9次，説的是兩年才食到9次，地理位置可以説—不説不知，友人更笑説，平時食都是下午到來，很少人，不知餐廳可以做多久，今次晚上來光顧，人流就比較多同熱鬧，友人見到此場面才放下心頭大石。餐廳的甜品都比較不太甜，材料比較新鮮友人點了以下這個，好食(相片由友人提供，謝)，友人成日比較有眼光，選擇的都比較好食，所以下次都係跟著友人點好了，免得自己後悔點錯食物，今次友人點的抹茶布甸都令人一食難忘！…查看更多

因為銅鑼灣有適合時段，所以才預約了這間，之前一直食開旺角樂天，睇網上話銅鑼灣坐得舒服點，所以就去啦。座位方面最後都係無話坐得好舒服，都係同人枱貼枱坐。食物方面款式都真的少之又少，燒菠蘿由一開始點了，之後等到咁上下再點多一次，都無上燒菠蘿，本以為要燒一段時間，所以到差不多要結帳時才跟服務生講，原來漏左兩次單飲品又選擇少，得幾款普通飲品，所以食一次就夠了！服務都一般，不過不失。但就好想食花膠，這一間沒有得食，今次食都不算太飽，好似不夠滿足，甜品都不太夠多！可能食過旺角才知道咩叫滿足所以不是銅鑼灣分店的錯…查看更多

原為食米線而來，本人就點了一般的米線食，一碗配一餸，$31，抵食，仲要份量都不算少，配了炸醬，比較油，所以都沒有吃下全部！朋友點了酸辣雞絲拌麵食(暖食版），見到也難以不試一口，嘩，好味呀，吃下去都想一食再食，比較酸一點，但好開胃，有食到粒粒花生，又有點麻香味，好味呀！相反比較自己的米線，嗯，我知道下次到來應該食什麼啦！因為自己點的米線無加任何辣，所以係原味米線，肚餓就都可以，不過加了炸醬就油了一點，米線比較實一點，因為拌麵也可轉拌米，所以一米兩用，比較實都正常。下次可以試下雞絲拌米線。拌麵平時食多為冷拌麵，這間可以選擇暖食，味道更好食！小食點了一個冷麻辣雞絲，味道不及拌麵的雞絲好食！總括，會再食！好食！…查看更多