Audreyukiahe's Profile

總結：轉手後非常難食，唔會再幫襯平時我覆完診通常都會去食餃子，一般都係雲姐主理，有時仲見佢親自幹麵皮。今日一入到鋪頭，竟然冇冷氣，又見到一對母女在廚房，覺得非常奇怪，因為唔見咗雲姐，但係極肚餓所以叫咗一碟平時都會叫嘅茴香餃子，酷熱天氣警告下冇冷氣食熱嘢真係有啲頂唔順。食物：同以前嘅茴香餃差好遠，啲餡少咗起碼三成，冇汁之餘，啲餡冇味，仲要餡同皮中間有好多空隙，啲皮勁厚，好細隻，自己包仲好食過佢。我冇深入研究到底係唔係賣咗盤，但如果keep唔到以前嘅質素就唔應該叫同一個店舖名！以後麵唔會再幫襯。…Read More

閒日下午，排隊都要50分鐘，商場管理好，有特定排隊區域，排到前面有店員問幾多位，有時後面嘅人會入座先，方便安排座位。香港嘅Pancake都算有好多款揀，喺日本食過好多次可以做對比，今次試雜莓芝士味pancake，等左10分鐘，pancake嚟到有好香蛋味漂過嚟，同日本一樣。Pancake超好食，唔係嗰啲未熟扮梳乎厘嘅pancake口感，而係溫暖細綿口感，切開睇到佢有好多小窿窿，充滿空氣感之餘又唔會死實實或者食左陣風咁，係鬆軟，但係可能香港比較濕，口感會立少少，但仍然有滿滿嘅幸福感，一個人食哂三件好飽。唯獨一樣嘢美中不足唔夠日本好嘅係香港嘅冷氣太大，pancake嚟到唔夠熱，只係暖暖哋，始終唔夠日本咁完美。但係都好幸福😊…Read More

午市後幾一點九入座，都有7成滿，唔使等位，被安排坐面向牆嘅單人位，座位下有藤籃可以放袋。叫左一個濃厚海膽芝士沾麵，等左15分鐘，上枱時石鍋好熱，芝士汁好滾動咁，而且海膽一小板咁上，睇落好吸引嘅。沾麵細size都180g，女仔食會太多，而且芝士汁好濃厚，沾麵食味道剛好，又夠熱，但食到一半好膩，好彩有半個青檸加入沾麵上，平衝番啲。海膽睇就好睇，呢個價錢都唔好期望有北海道嘅質素，味道非常一般，加左同冇加唔大分別。最可惜食到後面發現海膽有條小毛髮，衛生質量控制要好好注意。…Read More

想健康啲素係新潮流，係lifestyle! Green Common 喺食物品質同branding方面做得好好! 服務員又nice, 介紹一啲新菜式俾您，仲講堆有咩好處！👍🏻 我自己好鍾意食植物蛋照燒碗，去過好多間分店發覺旺角呢間煮得最好😎👍🏻植物蛋唔會太老，同堆我唔食得菇佢都可以幫我走堆。中環嗰間就話走唔到菇🤷🏻‍♀️；海運嗰間就炒得太老同堆啲蘿蔔生到好似冇煮過咁🙅🏻‍♀️。呢間就唔同，蔬菜全部淋得嚟有咬口，啲菜仲好新鮮咁樣👍🏻煮得非常好！…Read More

見有餃子店新開，諗住試吓。中午十二點二十分左右，店內坐滿人，門口有兩個兩位等緊，我一位等第三張。5分鐘左右有位，坐最近廚房嗰張。餐牌上有大約十二款嘅餃子，可以淨餃雙併，所以同一位較年輕嘅女侍應叫左韮菜併咖哩薯仔餃，佢仲覆我一次，冇錯先落單，去到呢度都好正常。等左10分鐘上左餃子，食第一隻發現係京蔥羊肉😡😤我對羊食物敏感，吐都吐唔切，跟住我同另一年長啲嘅女侍應講話佢俾錯我，佢就問新嚟女侍應話「你係咪落錯單呀？」，我搭嘴話佢有同我覆單先落，我話你換番咖哩薯仔俾我啦！年長女侍應竟然話「我哋啲餃全部都係咁靚㗎，你食啦！」我再叫佢換，佢攞走左成碗餃子同我咬開左嗰隻京蔥羊肉餃俾男老闆睇，男老闆竟然話「點會俾錯你呀？羊肉貴咁多！係咖哩餃嚟㗎，啲餃全部都係我包嘅，我會唔知！？係豬肉嚟㗎，你食啦！」我話「明明就係羊肉，我唔食得喎！」佢依然堅持自己冇錯！😡😡😡😡成餐飯一肚氣！我當然冇食到羊肉餃，仲每隻都夾開俾番佢睇裡面。其實啲餃子味道唔好，明顯係用雪藏豬肉，調味過濃，完全冇餡料嘅鮮味，再講個湯底又唔係好飲都唔知點解可以賣咁貴！態度差又唔好食，應該唔捱得幾耐喇！…Read More

太嬲所以特登開個openrice account 寫呢個食評!我一星期前已經訂枱，打算約客食飯，聽同事食過話ok，就去試吓。6月13日上午，有位小姐打嚟confirm booking，就confirm左1pm 6位，但小姐冇講過last order 同CLOSE嘅時間!1pm，我去到已經set好六人枱近corner位，有大海景。Set lunch 有: Extra HK$98 for 3 pieces Daily Oyster < Baked oyster extra $30> ; Selection of Appetizer with Daily Salad Or Soup 當日salad係green salad with Ham 而Soup係Carrot cream soup; 我叫左Salad, 個ham Ok淋，但個sauce就太淡，可以再酸啲，咁先可以有Appetizer嘅效果。客人就點carrot soup, 我見個樣還可以，幾濃郁! 其中一位客人先食，叫左Oven Baked Half Live Boston Lobster served with French Fries, 個龍蝦好鮮味多汁，牛油汁好香，唔會太漏，薯條好脆口，但portion好大，會有啲dry。我自己叫左extra Daily 3 Oysters, 細細隻，由於服務員上菜時冇介紹邊隻打邊隻，我又忘了要順時針食，所以就食錯次序，好彩我問經理，佢提番我，而且叫我用刀切埋個帶子位嚟食，果然好甜，而三隻蠔都有甜味，但就比較爽，唔夠creamy，size都太細了。食到2:15pm, 呢個時候有位服務員通知我原來2:30pm就last order, 由於我的客人工作關係要3pm先到，所以order左最後兩個set，一個係charcoal grilled US beef sirloin served with new potato on mushroom juice另一個係Pan fried fish of the Day served with seasonal vegetables & lemon butter sauce, 但係佢都冇提過3pm CLOSE 呢樣嘢。好啦，佢無啦啦2:45pm 攞左個頭盤沙律上嚟，但我個客其實重未到，又唔用嘢蓋住。要我問佢可唔可以一陣先上先幫我收番入去。3:05pm 我個客終於做完嘢嚟到，佢都好快上左main course, 我個pan fried fish 一上嚟時，已經見有好多魚鱗喺魚皮上，魚下有法國枝豆同車厘菇茄，賣相ok啦。魚肉都算滑但係啲魚鱗太多而魚皮又唔夠脆，三種texture一齊食真係好怪，唯好食係啲車厘茄，酸甜balance得好又唔太大粒，所以啲seasonal vegetable重好味過個魚呢！十分鐘後服務問我哋要咩coffee or tea。到呢一刻我都唔知佢哋official CLOSE 3pm, 但係佢哋熄左冷氣，熄左background music, 都覺得有啲嘢，不過我個客辛苦做完嘢趕嚟，重食左15分鐘左右，冇理由叫催佢快啲食完走。而且見佢切開嘅sirloin，一睇就知nearly well done, 好失望呢！重點嚟啦! 3:25pm 有位着西裝冇戴眼鏡嘅服務員 黑哂面 過嚟同我哋講 "其實我哋三點CLOSE左㗎喇，要做清潔㗎！"我覺得佢咁嘅服務態度極差! 唔單止令我好尷尬，連我個客都話佢黑面趕人走唔想做生意咁。之後佢立即放低左張單，我都好配合，1蚊tips都冇俾就簽左! 當時，我杯咖啡其實重未到! 其實杯咖啡都好香濃，唔酸又夠苦，我好想慢慢嘆住飲㗎，不過佢塊面咁黑，我都唔想留低，3:30pm 我哋同客人都好識趣地離開，唔會阻佢清潔。佢呢個態度，就算龍蝦再好食真真係唔容許我下次再幫襯! …Read More