光頭惡漢's Profile

今午同朋友特地來試一試，朋友點了特式香辣飯，我點了照燒雞扒飯。飯以超快速上桌，好似一早整好咁。同朋友分享，香辣飯不要說辣，簡直一點味道都沒有，看來我的味覺真的有點問題了。因為感覺不到辣，所以不滿意這個飯。至於雞扒，好似朋友咁講：真係燒過黎wor！皮是焦左，味道普通，勝在份量多。心感空虛時，失落地飲了一口送的珍珠奶茶，咬了那黑漆漆的珍珠，成個人醒過來！珍珠彈牙！奶茶香，係全店我覺得最好的食品，見好多人排隊等位，不會是飯吸引掛？…Read More

昨天於這裡用餐，湯點了意大利菜湯，雖然樣子同味道都好似羅宋湯，不過她比較清香。主菜係芝士咖哩焗雞球飯，點的原因係好想知芝士加咖哩會是什麼味道。表面是芝士，下面是普通的咖哩。味道不錯的，配料都幾多，飯有少少濕，不像普通餐廳那樣焗到干了。至於雞就比一般焗飯的嫩，是全日的驚喜，可是全碟得幾舊，有點不滿足。環境同服務都不俗，是可以一試的餐廳。…Read More

中午因為趕去油麻地，見途中有這間麵店就入去。今次是第二次食，不再點酸辣，點了個雲吞水餃粗麵。麵的上面佈滿了好多榨菜，食得愈來愈開胃。食完就試下d麵，今次好似係第一次食粗麵，覺得她都幾好咬口，不錯。特別點雲吞同水餃，係想對比一下有什麼分別。樣子好難分，近乎同一樣東西，不過細心看會見到水餃的皮比較精塋通透，食下時味道清好多，品嚐到肉汁同白菜的味。反而雲吞有點失色，可能是我不太喜歡食韮菜的關係。俾錢見到十八元，真係好難得有咁高的水準，難得難得…Read More

今午同哥哥於這兒用餐\，兩個都點了牛肉麵。上來時只見蘿蔔同牛展，食時才見原來多多的麵給大大的蘿蔔淹沒了。蘿蔔同湯都要讚，非常『林』，仲要充滿了香香的牛肉湯，食落滿口濃湯，異常滿足。麵一開始食時覺得好似有點粉，食食下就覺得都ok的。最後試牛展，見到她比上次女人街食的薄，口感、味道都差一點，始終別人是specialize in台灣食品，不過這裡的都算幾好。試也無妨，只是她不會令您好有衝動回頭再吃。…Read More

本來想同朋友去高級餐廳食午餐，點知盡欠天時地利人和，加上朋友好餓，就到朋友成日食的快餐店食。朋友點了熱狗，比平時的大陪幾，見到以為錯到大人國，真係食大半已經足夠。我點了蒜香雞扒飯，雞的水準一般，汁都不是好濃，但是於那時那刻，才明白食到水準穩定的一餐，原來已是上天的恩賜。…Read More

同友人睇完戲到這兒食晚餐，朋友點了炸薯仔定食，我點了味噌拉麵。快快的就有得食，拉麵粗粗的，同平時食的不同。咬下去，一點爽的感覺麵沒有。點拉麵就真係只有拉麵加兩塊日式叉燒，湯底一點味都沒有，同西貢食的完全不同。她貴得要緊，但就一點都不對我口味。至於朋友的炸薯仔好出色，三塊有不同的味道同口感。第一件味道同口感十足十芋頭一樣；第二塊加入了粟米，味道較清新；最後的是薯仔同牛肉的混合，好味過拉麵好多。笑係俾炸薯餅的，因為真係配合得幾好。…Read More

昨天三時許，同友人特意前來一試。見到tea set，以為份量不多，所以點了燒牛肉法包，朋友點了煙肉三文治。法包普通，不覺得有什麼特別，牛肉就不錯，燒得幾香，幾好味。就在快食完的時候，眼見隔離人人都叫tea set，豐富非常，令我後悔沒有點，下次一定要試。…Read More

約了同姐姐於這裡high tea，今次醒目了，不再點咖啡，要試試她的茶，所以點了earl grey。High tea set最下是三文治、鬆餅之類，究極鬆的鬆餅暖暖的，一定要先食，感受其鬆化美味。同層另有一個類似雲吞的食物，少少酸，香口、開胃，味道令人為之一震！上一層開始係甜點，樣樣都好好味！茶就有點奇怪，係好飲，清香可口，但竟然唔似紅茶......試過今次就知以前食的其實都係好普通，下次再試她其他的食品。因為姐姐請，所以唔知實價，每人應該大約一百二十左右吧…Read More

實習的最後一天，約埋阿sir一齊去這兒食午餐。因為下雨，人客不多，入去就有得坐。點了紅燒牛肉飯，好快就到，見到佢真係好大舊牛展，非常厚。咬一口，覺得牛展非常『林』，簡直係食過的牛展中最好的幾間。特別的是她厚厚的，食了兩三舊個胃已經開始有點脹，食不下成個飯。下次再食都係選麵會好一點。…Read More

星期天中午去食，今次剛好有一個位。睇了睇就點了雞肉、醬爆牛丸和生菜。當我說要中辣時，好心的姐姐立即問我係唔係食得好辣，叫我試試十小辣先。平時都有食譚仔、景霖正宗的中辣，不覺得好辣，以為這個會平平無奇。點知一上桌，見到個碗係其他店舖的碗半，仲要滿滿的。飲第一口湯就知點解叫十小辣，如果叫中辣，將會辣到爆火。這是我食過最麻和辣的小辣。雞肉比景霖的差少少，不夠鮮嫩，不過都係幾好味。至於醬爆牛丸一點都唔爆，比較失望。食完上面的芽菜、腐竹我都想唔食了，太多。邊食個口唇不停地麻下去，食到後來唔係好覺辣，相信味蕾都化為風中微塵。我為食十小辣都頂得順無爆汗食唔落而感到自豪，可以有自信行出街同人講：我係食十小辣！…Read More

同朋友中午到food court食午餐，見她好似幾吸引，便點了熊本辣雞湯米線。點知要等好耐，等了三個字左右，身邊由有人一齊等到無人，再有人來到他們走了，我還望穿秋水地等。終於有得食的時候，才發現得幾舊雞。算了，如果好好味的話。食時就知，雞的肉身好老，一定係雪雞，無肉都算，仲要係好大舊粉，令人失望。再者，米線『林』到過左火位，配料十分少，食到大半就食不下了。雖然職員服務態度不錯，但食飯最緊要都係食物的質素。傻，一次就夠了。…Read More

朋友突然心血來潮想鋸扒，於是便一行人去深水步的飛鷹餐廳。坐車時眼見金鳳出面好多人排隊，便擔心這間都要要等，好彩剛有一個吉位。朋友點了黑椒牛柳，豬柳，我點了久違的蘇格蘭牛扒。先上大大個麵包，真的好大個，食完都半飽。再加餐湯，這個幾好飲。到牛扒上來時，已經full了一半。蘇格蘭牛扒據了解肉身比較『林』，脂肪應該比較少的。這兒的牛扒不論口感、味道都不俗，只是底層有好多脂肪，或許可能是我一直都搞錯了d資料。因為這裡的牛扒沒有蒜蓉，總覺得好像欠了什麼似的，是全晚唯一的失落。…Read More

中午同朋友食飯，一直都好想感受鐵板燒的威力，見食評好似幾好，就入去試試。點了一個雪餐，另加兩個午餐，食物斷斷續續地送來。先有雪餐的沙津，接著是金菇肥牛卷加炒雜菜，雞扒炒麵；再來是午餐的蟹子炒麵、手卷、壽司同冷麵。午餐的食物好普通，反而雪餐的金菇肥牛好出色，d汁同街邊食的有點不同，她加上了燒牛肉的肉汁，比平時的更突出。雞扒炒麵麵身少少彈牙，個汁同是最得！食多幾碟都ok！服務態度不錯，食物都算幾好…Read More

中午同朋友打完波，全身沒有力，便到附近的紅樹林食午餐。可能將近兩點，不用等位。點了紅燒牛肉麵加茉香珍珠，朋友點了酸辣豆腐麵。本來以為牛肉麵都是辣的，點知一點都不辣，不過這樣仲好，更突出其牛肉的香味。以往食的牛肉麵都是用牛展，但這兒是啖啖肉的牛腩，非常對我胃口！！size雖然比牛展厚，但卻一點都失禮，『林』得沒有牙都可以食。左以濃濃的牛肉湯，爽身的麵，簡直要大讚此店食品的美味！茉香珍珠也不錯，珍珠都幾好咬口。朋友說豆腐麵好辣，食到大半便吃不下，令我好想試一試。可能今天人少少，所以侍應們都幾好服務，同之前的評語有點不同。…Read More

昨天中午同媽媽試這間想試好耐的餐廳，因為差不多兩點，所以不用等位。點了午市套餐，打頭陣的羅宋湯是好少蕃茄味，仲有少少咸。主菜是咖哩雞扒飯，少少辣的咖哩，加上咖哩的香氣，令有點硬的雞扒食落都不錯。侍應態度滿分，環境乾淨整齊，得閒可以入內一試…Read More