龍千樹's Profile

前身為屹立於中環威靈頓街多年的知名日本食店S2 kitchen，相信中環人應該都有試過，2021年7月租約期滿後，搬到現時擺花街1號地下，並改名為勇料理，地方大左，光猛左，裝修唔同左，老闆還是一樣健談，那份親切感還在，員工比較生手，但忙碌中還很有禮貌。食物質數方面保持不變，魚生海膽等食材一樣咁新鮮，壽司飯改用赤醋，味道更有特色。離港在即，很高興能在離開前再到此店食一餐午飯，在此對老闆說聲加油，有緣再到貴店幫襯。…Read More

估不到過百好評的餐廳都會咁差，完全係中伏，完全唔明白點解會咁多好評，我個印傭都煮得好味過佢。員工散慢及水都無杯都係小問題，上菜慢都可以忍，但通份及意大利飯份量唔夠，正常一個成年人唔會夠飽肚，唯一意粉份量正常。除左雞翼外，全部食物味道都好差，最凸出係出前一丁麵，居然煮出來個味好奇怪，唔知加左咩落去攪到咁怪味，所謂芝士薯條係白汁，唔似芝士，煙肉咸到苦，完全係中伏之選。跟餐飲品及甜品普通及正常。老婆大人極不滿， first and last。…Read More

今日叫外賣晚飯，叫了三個小菜，西蘭花班片雜菜煲嗜嗜雞煲等外賣的時間唔算長，等１８分鐘左右已經送到上來，但味道真係差，西蘭花勁salty，班片無５片。嗜嗜雞得５件雞，豬肝多過雞。唯一似樣係雜菜煲，但粉絲勁散，最討厭係價錢，三個小菜$170，幾乎係酒樓價，貴到無朋友。…Read More

小弟最愛吃生蠔，老婆大人便上openrice找了這間店並預訂了位，因為金鐘地鐵轉車太多人，攪到我地遲到８分鐘，但員工還有留位給我們，一上座小弟便問了當日有什麼生蠔供應，有點失望是員工在八月還推薦法國及英國生蠔，此時應該只食南半球，那會吃北半球的生蠔，最後小弟點了２隻南非生蠔及３隻澳洲的Coffin bay及１隻South Pacific，主菜方面，小弟點了羊架，而老婆點了豬扒，生蠔不錯，但和一田超級市場的質數差不多，實在無需要刻意到大坑食，在此不評論太多。主菜在吃完生蠔後一小時才煮好，沒有點前菜及吃生蠔的老婆超肚餓，如果有興趣來試的朋友，必須叫前菜，唔係好難頂，因為太苦悶，就留意下個廚房，相信係細牌，所以沒有明火，全部用電（有一個打邊爐的gas爐），不知這是否煮得慢的原因。說真的兩份主菜味道真的不錯，比小弟常去的Baby blue好，但價錢就貴太多了，甜品亦是不錯，比一般的甜品店好太多了。如果大家比較富有，可以一試。…Read More

經在港居住的馬來西亞朋友介紹，便來試試這間知名的馬來西亞餐廳，晚上７點到，門外已有多人在等，拿了籌在炎熱的街上等了１５－２０分鐘左右才可入座，坐位安排上值得一讚，不會因為要做多一點生意便要客人拼在一張細檯，安排是２個客坐４人檯，２對不相識的客人坐６人檯，中間兩位留空，不會有太大壓迫感而且放食物的位置亦多了（老婆大人更有地方放手袋）。看菜單真的眼花撩亂，太多選擇，最後我們兩公婆點了肉骨茶，海南雞飯，海鮮喇沙及椰青，食物上檯極度快速，不用５分鐘已來了海鮮喇沙老婆睇到流晒口水，我就讓佢食先，其實我地公婆都唔食得辣，佢一邊話好辣，一邊話好味狂食，而我亦試左一點，個人來說，味道比上環馬拉媽媽差一點點，但已是香港已試的second best。在此時剛好有印度師傅在拋薄餅，拍一張照和大家分享一下，小弟在此提一下，這間店有多種印度薄餅，比印度餐廳還多，不過小弟一心食馬拉野，所以無點薄餅。之後海南雞飯上檯，無骨的雞肉油份足，好好味，但個飯要還熱時食，小弟就因吃完肉骨茶才食，味道及口感變差了一點。最後上檯的時最心愛的肉骨茶，正宗，就好似去左馬來西亞一樣的味道，比起某只做肉骨茶的店更好味更正宗。椰青不用來說，只是比較貴，加一後要$33，總括來說，好滿足，好開心食到咁好味咁正宗的馬拉茶，我一定會約多幾個朋友再來食。…Read More

是日又入大埔探親，驚見大埔墟食店變化之大，由細吃到大的老牌西餐＂凱旋門＂已結業一個月，還好一樂及陳漢記等還在。。。剛好是下午茶時段，便到老牌燒臘店一樂吃燒鵝瀨，店內裝修有些改變，但魚缸，熱帶魚及ＣＯＲＡＬ不變，店員服務十年如一日的一般差，但燒鵝的味道卻是幾十年都一樣咁美味，熱騰騰肥美的鵝肉及鵝油的香味令人食指大動，個人覺得這間的燒鵝可算是香港數一數二，瀨粉比較硬身彈牙，湯頭應是燒臘的頭頭尾尾所做，吃不到什麼味精的感覺，卻很鮮甜。一邊吃一邊看魚缸美景，真是一樂。在香港有此質數而平民化價錢的燒臘店已不多了，在此大力向大家推薦。…Read More

唔知點解經IPHONE上傳的幾份食評都無登，今次俾心機由頭再寫過，因為老婆想去觀塘行街，印傭同ＢＢ都一起來，所以在ＯＰＥＮＲＩＣＥ找了最好印尼食店，去到覺得面門好差，但信ＯＰＥＮＲＩＣＥ一次，膽粗粗去試，講真坐位真的不太舒服，但入到店內已聞到食物的香味，經印傭介紹，我們叫了很多食物：有椰汁黃薑飯，巴東牛肉飯，印尼菠蘿炒飯,併盤等等黃薑飯十分好味，內有很多不同的配菜，印傭一邊食一邊讚好，我的巴東牛肉椰汁味夠，而併盤內的粟米餅十分美味，值得一試。這區已快要重建了，希望各位把握機會試一下。連續打了幾篇食評，已很累，錯了一些別字，已無心較正，希望大家見諒。…Read More

經朋友介紹來試試，本身沒什麼期望，但估不到有如此好的質數。老婆叫了雞蛋布丁，超好味，最後要買外買返家再慢慢品嚐我叫了朱古力布丁，朱古力味好濃，但好像欠缺了什麼，說不出。另外老婆叫了這個蘋果脆脆，老婆說不錯，但我覺得味道一般…Read More

食過幾次都好好味，所以帶老婆來一試，點知今次大失水準，湯水好似淡，我本身好怕ＳＰＩＣＹ，一心叫仙草牛奶來解ＳＰＩＣＹ，點知完全用不著，好後悔叫老婆來試留下一個壞印象，在此希望老闆會留意，品質不能保持，沒有人會再俾機會。…Read More

今日一家人一起去食，地方真係坐得唔係太舒服，老闆又不停在門口吸煙，煙味飄晒入店內，環境可以話係差。但係朋友介紹，又特登坐車去觀塘，無理由唔食，我們叫了巴東牛肉飯，黃薑飯，pineapple炒飯再加小食拼盤，估不到味道真的很不錯。巴東牛肉需要不夠ＳＰＩＣＹ，但比起其他店，這間椰汁味夠，香料亦夠，黃薑飯等更是好味，我個印尼工人都話正宗好味，粟米餅也十分好味，怕熱氣的老婆都食左成塊。相信這區要重建，不知這間美食還會存在多久，我如有機會必定會再試。…Read More

放大假，落油麻地永安shopping，在openrice搜尋到這間日本麵，見好評都唔少，便試試。午餐1人唔駛等，叫左個午餐，有前菜，一碗麵及熱飲。前菜及熱飲無特別，但係個麵是牛湯底就第一次試，不過味道唔夠strong，麵彈性唔錯。埋單$35…Read More

同老婆到沙田買聖誕禮物唔知食什麼好，所以就到openrice找最高分的食店來試，老婆最後選了這一間，我們order了３個食物，１個chocolate奶昔，１個regular漢堡包，１個雞包，試食後超級失望，奶昔價錢和Godiva差不多，但味道和Godiva比較，根本不入流，兩個包一點也不熱，肉質也沒有特別出色的地方，味道當然比麥記好，但和Wendy比，又係不入流，可惜香港無Wendy，唔係一定殺晒．總括來說，唔明白點解咁多好評，付出的價錢和所提供的食物質數差很多，又係一間The first & the last的食店．…Read More

同一班老友聚舊，其中一位提議在這裡，一行１１人在這間食．去到發現超舊裝修，好有懷舊FEEL，有點像幾十年前的高級菜館，員工位位都是老人家，但係估唔到佢地咁快手快腳．ANYWAY，因為我地有幾位小朋友，所以只叫了八人餐＋少少野，有拚盤　＜－普通填鴨　＜－普通鐵板明蝦球　＜－普通醋溜鮮魚　＜－普通芙蓉三鮮　＜－普通紅燒鮑片　＜－普通鴨架子湯　＜－好叉子燒餅　＜－好乞兒雞 　＜－差香蕉拔絲　＜－十分好高力豆沙　＜－十分好總括來講，味道不過不失，服務細心，平過北京樓好多好多，不過千其唔好叫乞兒雞，騙鬼佬ｏｋ，香港人一定唔會覺得好食．…Read More

經朋友介紹來了這間黑布街的台灣店，門口一大堆人在等位，但１行４人，只約等了２０分鐘就可入座，睇左MENU，樣樣都想試，所以點了大量食物，魯肉飯-－－好食，但又比唔上在台北所食的刈包－－以為好普通，點知熱熱的包＋肥豬肉＋雪菜可以咁好食，超推介翡翠白玉－－好普通，無特別牛肉麵－－好普通老苔目－－又係好普通花枝羹－－腥味重，有改善的空間紅糟肉.－－紅糟味不夠，而肉炸得太乾，如果改善左會係一絕還有好多野想試，但有肚量大限，要留返下一次了，不過成間野好多小蟲在飛來飛去，廁所更有１０隻以上在飛，希望老闆能找滅蟲公司來攪攪．…Read More

在大埔吉之島結業前掃平野，所以去左大埔，念念不忘這間魚蛋粉，所以又去食一次，今次同老婆叫左魚蛋，牛筋丸及豬肉丸的麵，點知魚蛋比之前差左，估計係因為休魚期而影響材料質數，點知牛筋丸及豬肉丸有驚喜，最正係牛筋丸，有好香的牛肉味，咬口一流，好彈牙，裡面還有肉汁，如果唔係想去食阿婆豆腐花，一定叫多一碗．…Read More