dorothy0227's Profile

食物質素唔使點講啦！勵德邨得兩間，隔離係藍嘅唔想食，諗住就算唔太好味都唔緊要，咪走入柏林冰室食囉。落完單，樓面傳菜嗰個大叔咳咗聲，望一望，頂！個口罩唔遮住個嘴！真心祝嗰一位食客好運⋯⋯之後再望埋入邊個水吧出菜阿姐直情將個口罩拉落下巴乜料呀？！真係永不幫襯！我同老闆娘講咗㗎啦改唔改善，都唔關我事祝各位好運…Read More

老北京好耐無食片皮鴨喇😫😫好掛住熱辣辣嘅皮，加埋嫰口肥美嘅鴨，配上爽口青瓜、京蔥、醬汁，一次過擺晒入口，果種感覺好滿足😍😍北京樓嘅片皮鴨都算叫做做到我上述嘅要求👍🏻唯一可以改善嘅就係片嘅皮唔夠薄，連帶太多肉🙊另外小食我叫咗涼拌海蜇，麻油味好香，撈埋京蔥蘿白絲，感覺清新蒜炒津白，好清甜另外仲叫咗個糖醋裏脊，酸酸甜甜好好味，而且啲豬肉都好嫰配上一啲類似椰果蒟蒻既嘢一齊炒感覺好清新整體來講食物質素都幾好，只係鋪頭比較細，坐得較迫所以週末記住要book枱…Read More

炑八韓烤好朋友聚會，當然想慢慢食，慢慢傾😁不過呢間唔太適合因為佢真係好爆好多人，比較適合快食。加上勁大聲嘅韓仔快歌，嘈到耳爆，渣渣林食完就閃環境的確好一般，但食物很不錯！配菜：青瓜、大豆芽，泡菜都好好食，唔係求其一大陣雪味果隻，仲可以無限添（首推大豆芽）爐邊嘅粟米芝士好好味，雖然漏漏地，但我地都加咗3轉，不過蛋就麻麻，食咗啖，已經放棄😂個牛set係好食嘅，份量唔算少，食落都知係靚牛，仲要有認證ga 👍🏻五花腩都好嫩好juicy ，包生菜，好fresh ！…Read More

翡翠拉麵小籠包翡翠拉麵小籠包可以話係由細食到大，不過，質素就真係keep唔係好到。服務麻麻唔在講，明明係阿姐落錯單（口水雞變咗醉雞）唉！同個傳菜講，佢叫我同樓面講😑類似部長定經理嘅人知我要換，西一西臉🤷🏻‍♀️食物方面，小籠包唔夠熱，可能驚我辣親咀卦😒酸辣湯拉麵，正常少少，不過酸多過辣醉豬手，爽嘅，不過咬唔係好到😂口水雞係最好食ga la對比起以前，真係差咁啲！不過，佢都有D新嘢，提供素食產品，都算為素食者提供多一個選擇💁🏻‍♀️…Read More

老鍋台式火鍋落雨濕濕，又係時候食返個麻辣火鍋。今次試咗呢間台式火鍋店。一入店，好乾淨企理，每張台都有個大袋俾客人套住啲衫呀、袋呀，唔會吸曬啲味😂😂😂你知啦，啲味真係可以幾日唔散ga😂😂😂今次2位阿太食，麻辣湯底當然不能少，靚太都要keep住靚，所以搭多個美人鍋😏😏😏2邊湯底都好足料，麻辣（中辣）夠曬辣，但不算太麻，所以易入口，鍋內仲有鴨血，豆腐！正！美人鍋有半隻竹絲雞，桃膠，參，味濃不死鹹，完全feel到美人鍋嘅功效😂😂😂啲火鍋配料，份量勁，不欺場。碟牛肋肉好靚，滿滿的，成個小山丘咁，多到食到好飽！！！炸午餐肉好正呀，毒到呢，炸到脆卜卜，拎去麻辣鍋度淥一淥，嘩！好味到呢！超香口👍🏻👍🏻👍🏻響鈴即炸熱辣辣，又索曬啲靚湯底，不得了！花膠好飽滿，好有咬口，唔會一淥就爛。配上美人鍋，又再靚多啲😂😂菜都好新鮮，而且份量超多，實實在在的一大兜！雜菜籃、A菜、萵筍，食菜都飽😂😂仲有啲台灣啤，芭樂啤酒，好特別，幾過癮👍🏻服務員有禮貌，又勤加茶加湯又坐得舒服，連個廁所都好乾淨呢間一定有下次👍🏻👍🏻👍🏻👍🏻👍🏻…Read More

阿土伯鹽水雞呢間鹽水雞，之前 Facebook 有好多介紹，呢個星期，有幸去開荔枝角，終於食到呢！真係好好味！！！呢個星期，我食咗2次，試咗不同配料！一次小辣一次中辣我覺得，小辣好食D，食到雞味中辣太辣，cover曬其他味道甜不辣，好味呀，煙煙unun，平時我唔太鍾意食，不過呢間幾正。小黃瓜夠爽杏鮑菇入味鳳爪筋特別，但有排咬鹵蛋好正蓮藕爽脆冷麵彈牙雞夠嫩夠滑，係雞翼肥咗D，好毒呀😂😂😂真心無得彈飲品就一般咗D呢間絕對有下次😋😋😋😋😋😋😋…Read More

焱丸水產朋友仔生日，食個靚嘅生日飯，焱丸水產真係不得了！勁勁勁好味呀個蟹膏真係不得了，真係好味到暈，我哋嗌左兩轉，食極都食唔夠喉，總之好味到不能形容。至於其他海鮮、魷魚帶子，都好鮮甜肥美。海膽都算新鮮，無怪味條一夜干，又係冇得頂，魚肉嫩滑好味仲有個薯仔沙律，黑松露菜，都好值得叫嚟食。不過牛肉鍋就一般，冇乜驚喜，牛肉唔算好靚，我仲叫咗個炒飯，都係普普通通。所以嚟到呢度，主打一定係海鮮，尤其係個蟹蓋，不可不叫！！！但係嗰度地方比較迫，又多人，記得book枱。而且有限時，所以大家要留意。…Read More

柏林冰室食得屋邨茶記，都無乜期望，只求正正常常，食個早餐！呢間位於勵德邨嘅茶餐廳，個裝修比隔離果間新淨，所以諗都無諗走入去，邊有人會諗到咁一般嘅早餐，都可以咁難食ga jie 😒😒😒😒😒😒雞扒，凍嘅🤮🤮🤮🤮多士，淋嘅😒😒😒😒隻蛋，煎爆咗🤣🤣🤣🤣條腸無咗，要問阿姐拎返😂😂😂😂😂得啲罐頭豆係正常😂😂😂有無咁叻呀！？人生最伏早餐之代表作！究竟要去到咩境界，茶記D早餐先可以整到咁難食呀🤦🏻‍♀️🤦🏻‍♀️🤦🏻‍♀️🤦🏻‍♀️…Read More

茶房別天神日本拉麵其實好難做到難食，只要個湯底好，麵靚，其他配料幾一般都好，都會即刻提升返曬。不過呢間，堅唔得。先講下個超級普通嘅叉燒拉麵，個湯雖然好奶白，不過一啲都唔鮮甜好味，只食到鹹味，麵又唔好味，淋pat pat，錯曬，連隻蛋都出事，鹹到呢。至於2個咖喱飯，D咖喱汁，仲係見到一舊舊嘅咖喱磚，完全未煮溶，炸雞和豬扒算正常。全餐，最好食就係餃子，其實好難連餃子都難食囉。自己買包急凍餃子煎，都應該有佢嘅水準。不回頭，不再見👋🏻…Read More

翠韻軒今晚同小朋友去文化中心睇劇所有餐廳爆滿好好彩，翠韻軒有客cancel booking先有枱食飯咋😭😭😭😭因為時間關係，只求小朋友食得飽所以，簡單叫咗幾樣嘢燒味拼盤雞，玫瑰露的味道很重，有點像醉雞鵝，有D硬，幾難咬燒腩，皮脆，但較肥上湯麵，啱小朋友食，個湯底清甜炒飯，應該加咗啲薑落去炒，所以小朋友話有啲辣，不過個人認為幾好食。最後叫咗個菜，其實都算幾好味，有菜心有菇有黃耳（份量係正常，想係已經食咗幾條菜心😂😂😂）佢有個無敵海景，由於時間嘅關係，都冇乜時間欣賞，下次如果睇劇，建議大家book咗枱先。…Read More

翠樂庭餐廳小朋友生日，佢哋應該最想見到迪士尼卡通人物環境好，每晚有4位卡通人物陪小朋友玩吓，影吓相，真係忙到無乜時間細味美食😂😂😂不過，食物種類非常多刺生、壽司，都算新鮮蟹腳海鮮，有海水味中式點心，種類多冷盤除了有西式沙律、芝士ham；仲有中式醉雞炸物：日式、中式、蝦片、春卷、薯條炒飯、炒麵、意粉、即煮烏冬樣樣齊不過，我最欣賞係個蟹粥，好鮮甜小朋友最鍾意一定係糖果區、軟雪糕區甜品都有好多款，但我已經忙到無時間食😂😂😂而家買相平咗好多，五佰幾有五張，仲可以DL返全晚的相…Read More

金蘭花泰國餐廳三人行的晚上，走到銅鑼灣暢聚今晚的泰國菜確實不錯。點了六個菜，都十分美味通菜夠嫩夠惹味，又不算太油👍🏻👍🏻👍🏻👍🏻豬頸肉，大推呀！好好味，唔un，夠稔，個汁又夠香好味👍🏻👍🏻👍🏻👍🏻👍🏻泰式鳳爪酸酸甜甜好醒胃👍🏻👍🏻👍🏻👍🏻小食拼盤，叫個細拼已經好夠食，最正係蝦餅＆春卷，熱辣，點埋個雞醬，大家爭住食呀👍🏻👍🏻👍🏻👍🏻大蝦粉絲煲，你睇吓隻蝦幾巨型，啖啖肉，又多粉絲，好正呀👍🏻👍🏻👍🏻👍🏻👍🏻芒果糯米飯，要等，記住早D叫👍🏻👍🏻👍🏻食物是相當唔錯，但環境較嘈。食食吓有卡拉OK環節，大家又興趣可以一展歌喉😂😂😂好有八、九十年代feel🎤🎤🎤🎤…Read More

吱吱朕Book 咗晚上9:00枱去到門口，人頭湧湧。大概等15分鐘，先可以入去。舖頭唔大，好熱鬧。每人最低消費$300食物方面，好一般，雖然menu 好多嘢食揀，但食物味道麻麻較有睇頭的是個特大鰻魚飯上枱一刻嘩咗出聲，但食落就好普通夜光杯即係三文魚籽海膽飯靚係幾靚好的式，3啖食曬串燒、炸金菇、薯條果D，好鹹同好漏，絕不推介🤦🏻‍♀️🤦🏻‍♀️🤦🏻‍♀️沙律係最好食嘅，夠清爽雞軟骨都唔差，全晚最好食呢2樣個安格斯拌飯。。。食不出與普通牛肉飯的分別仲有個咖喱吉烈豬，食都無食，最後友人打包，只是不想浪費…Read More

麻辣派對天氣濕濕熱熱，又想去食辣嘢🌶今晚去咗銅鑼灣，就上去試吓麻辣派對D小菜。上幾個月前食過lunch，感覺唔錯，所以今次再去，試吓佢哋D晚餐小菜😋😋😋雖然同行朋友仔，唔太食辣，但係呢度都有好多唔辣小菜選擇。我地叫咗唔辣嘅有：清炒萵筍：清清地，萵筍夠嫩夠翠綠，唔會鹹，中和返其他濃味小菜！古法咕嚕肉：熱辣辣即炸咕嚕肉，D肉夠淋，配料仲正，有紫薑，蕎頭，好好味，酸甜適中。辣嘅食物有：口水雞（小辣）：勁多芝麻花生，好香口，雞肉嫩滑，又唔肥，連皮食正呀！水晶粉（BB辣）：好適合初級嗜辣者，水晶粉好滑，湯底夠味又不會好鹹。飲品：嘉多寶：阿姐好細心，開埋罐👍🏻凍檸茶：大大杯，正一路食，一路有阿姐送上解辣甜品，友人食完話好work，真係解到辣。整體而言，食物及服務都好有質素，絕對有下次👍🏻👍🏻👍🏻每次必叫的口水雞不食辣推介解辣甜品…Read More

品越越式料理老公生日，就book咗食越南菜，經OpenRice book枱，可以半價食到呢個二人餐。一家四口食得好飽😄😄😄個二人餐份量好多，個沙律好好食，胡麻醬同啲甘筍青瓜好夾，兩個細路好鍾意食。至於個鮮蝦番茄蟹肉肉丸湯，我就覺得比較鹹，可以淡返少少。不過番茄味都濃嘅。小食拼盤都唔錯，尤其係個春卷同蝦餅，味道剛剛好。比目魚同個酸辣鳳爪。比目魚蒜香牛油味重，肉質都叫鮮嫩。鳳爪個味道唔錯，酸辣恰當。皇牌湯河粉，好啱小朋友食，清清地又多餸。我哋仲另外叫咗咖喱軟殼蟹，蒜蓉包，薄餅。軟殼蟹份量好多，非常足料，咖喱算係淡口，小朋友都啱食。至於個蒜蓉包，係非常好食，熱辣辣脆卜卜，薄餅鬆化，配咖喱啱啱好。另外仲有兩杯飲品同兩份甜品。所以其實個餐真係好豐富。…Read More