minisa's Profile

今日同男朋友成家人一齊去飲茶，一行五個人，叫左好多碟點心。食左煎腸粉，唔夠脆，味道好普通。之後重食左隻鳳爪，唔係好入味。另外，叫左一碟蠔油菜芯，上咗枱食咗幾條菜之後突然發現有隻有腳既生物，望真啲原來係大強！即刻影相同叫傳菜員黎，傳菜員講咗一句唔好意思就想收咗碟菜，我地就阻止咗同埋叫部長黎，部長道歉咗話會取消個菜。由於伯母佢地唔想搞大件事所以我地冇call食環。最後喺收銀處我地表明如果有咩唔舒服會保留追究權利，店長就道歉同減咗四個茶位錢，亦都話如果有唔舒服佢地會負責。我打出黎唔係錢既問題，係衛生問題！其實食肆有曱甴可以理解，但寧畀人知莫畀人見！總之大家以後去食小心啲！PS: 唔該openrice cs唔好再叫我打返食評先俾登，我見到條屍真係食唔落野…Read More

今日星期六出街搵食，點知四圍都好多人，誤打誤撞入左去嫲嫲辣辣點左個宮保雞丁同干煸四季豆有豆漿或者枝裝可樂送，正！個汁好味！送飯一流！個汁有少少辣，就算唔食得太辣既人都可以食另外值得一讚既係店員都會同客人講返有幾辣，唔怕叫左食唔落！少少辣多多趣…Read More

星期日瞓到中午先起身，同爸爸出左去搵野食，一於試下一直冇機會試既百份百！十二點幾去到，好奇蹟咁唔洗等位！咁通我地太早黎？！一直想試下佢地既熱狗，原來有四種風味揀……今次就試下原味先啦！而爸爸就叫左個咖喱吉列豬扒飯！開餐喇！講左個唔係好熱既熱狗先啦！我覺得啲醬岩岩好，食落唔會好乾，都幾好味！不過始終原味，冇咩特色咁，下次會試墨西哥味！而日式咖喱飯既咖喱都好味，送飯一流，飯有少少硬，塊吉列豬扒好脆好香口，似係新鮮炸起但又唔油！呢個價錢既飯餐同茶餐廳差唔多，但起碼樣靚啲人都開胃啲至於熱狗加餐飲半價，廿蚊一個餐對唔係好大食又想食好野既人黎講都係個好選擇！…Read More

說話肚餓之際見佢啲裝修幾靚，五十蚊一個午市又唔算貴，就試下啦！叫左個鐵板牛舌飯（大概咁既名），好味！！冇諗過五十蚊可以喺深水埗食到咁好味既日式野食！不過美中不足既係餐飲……桂花蜜太甜，柑桔檸檬太酸……同埋個侍應好似未訓醒咁慢動作行黎行去唔收加一服務費！算係咁啦！總之有機會會再食過！！…Read More