徐少少's Profile

今日係同老公既紀念日，於是去左中環行街，行到肚餓，就去左米芝蓮推介既食burger！行到入去，就有個外國女待應生好熱情咁同招呼我地，跟住就放低左個餐牌，仲介紹有咩野食，招呼好好。同老公睇完餐牌黎，我地就決定叫一個The Burger, Duck Fat Fries同Red eye reduction 。等左一陣，野食就送到啦。首先係The burger, 岩岩好medium rare，非常juicy，好奇怪既係個burger bun比其他地方細，所以食得有小小麻煩，但超級好食。而另外果個Red eye reduction，同The burger 差唔多，只係多左隻煎蛋，由於太麻煩，怕食得好無儀態，所以就俾左老公食，老公話岩岩好medium rare, 非常juicy，老公食到津津有味。不過個Duck Fat Fries炸得唔夠crispy，有啲軟淋淋既感覺，所以有點失望。總括黎講，食物都算中等，環境有外國feel，坐得好舒服，唔會太迫，唔怪得米芝蓮都推介佢地啦，perfect!!!…Read More

今日放假同老公去左中環食左個Lunch，跟住梗係要食埋甜品啦，於是就特登行過黎食雪糕。雖然今日天氣幾涼，但都無影響我地食雪糕既心情。去到人唔多，只有一條小龍仔排緊，而好快就到我地啦。嘩，見到好多唔同既cone，有朱古力，有爆谷，睇到都超開心丫。我地選擇左用朱古力同彩虹針做既cone,然後就要左lemon sorbet 同raspberry sorbet。Lemon sorbet唔係好酸，可能我自己好鍾意食酸野啦，覺得佢酸味唔係好夠。而raspberry sorbet，我同老公食完之後，都覺得似係strawberry more than raspberry ，連隻色睇落都唔係好似，不過味道還可以。價錢有點貴，但勝在選擇多，味道唔錯，一定會再黎食過，要試埋其他雪糕既味道同cone 丫。…Read More

今日身體有點不適，每次身體不適，都會想飲杯熱朱古力，而我之前好幾次都飲過Habitu既熱朱古力，相信係最好飲既，所以今日就選擇左佢。佢地推出左一杯White Truffle Chestnut Chocolate，但我本身唔係好鍾意栗子，所以買既時候，就要求該名員工唔好加栗子入去，但佢好似唔係好明我講咩，於是我就問佢，栗子係加糖水定係加栗子蓉，而該員工就同我解釋兩樣都有，跟住我就同佢講可唔可以唔加，淨係要white truffle chocolate，而該員工就同我解釋過White truffle 只係加入個cream度，於是我話無問題，俾完錢後，就等野飲啦。等左幾分鐘，我收到既飲品係White truffle latte 而唔係white truffle chocolate，於是我就問該員工哩杯係咩野黎啦，佢就同我講係white truffle latte ，於是我就同佢講話我點既係white truffle chocolate，該員工話唔好意思後，就話要沖過一杯新既俾我。結果我等左幾分鐘後，收到既飲品都係White truffle latte，我個一該再問返同一個員工哩杯係咩黎嫁啦，佢竟然答我White truffle latte，我就同佢講我要既係White truffle chocolate，頭先亦都同你講左，點解又整多一杯一模一樣既飲品俾我？ 跟住該員工態度開始有啲唔耐煩，就答都無答我，整左杯White truffle chocolate 俾我，我拎完杯野就走。杯野飲一啲都唔熱，俾暖既凍，Truffle味唔重，好小，以前總覺得Habitu既朱古力好好飲，但今次真係失望到極。野飲一啲都唔熱，最重要既係order既時候，已經同該員工講明要White truffle chocolate，都可以落錯單，都算，第一次整錯，我已經同佢講係錯既，第二次佢都仲可以整錯，我覺得唔可以接受。員工只掛住傾計，開玩笑，都無聽清楚客人既要求，一錯再錯，態度不好，我覺得公司應再培訓員工。…Read More

今日收工，餓到快頂唔順，於是去左哩度食個下午茶。入到門口，總共有5個員工，企係收銀處傾計，而客人只有一枱。我睇左一陣餐牌，跟住就係收銀處買左個Honey ham and pineapple Toastie，飲熱朱古力，之後該名員工就俾左張單同牌我。等左一陣，幫我收錢既員工叫左一聲*喂，拎得啦！*我無理會佢，轉個頭佢再大聲啲講多一次*喂，啲野食拎得啦！*個一下我真係啞左，原來佢係叫我自己拎野食。係客人唔多，員工充足到可以企哂係度傾計既時候，佢竟然選擇喂佢既客人，叫佢地自己拎野食，態度十分差劣。我唔介意自己拎野食，好似self service，但並唔係受到哩種態度既對待！而係食物方面，味道同普通係屋企整既三文治無咩分別，而本身只為醫肚，所以期望亦不大。但杯熱朱古力實在太差，我去過太古城個間飲過，熱朱古力好熱，朱古力味好重，相反哩間，一啲都唔熱，只飲到水既味道，得好小既朱古力味，非常失望。服務太差，係員工充足，客人小量既情況下，用一啲咁既態度對待客人，非常差劣。另外係食品同飲料上，我相信需要改量，飲品味道不夠，比麥XX還要差。我相信我會去返太古城個間，都不會再黎哩間。…Read More

放假既日子，總離不開行街，睇戲，食飯，圍繞住既都係煩囂既城市，今日就同老公去左長洲，享受寧靜，行沙灘既假期。每個人去到長洲，都會食大大粒魚蛋同芒果糯米籽，哩啲我地當然會食啦。但今日路過哩間Cafe，就被佢既外表吸引住，無論佢既裝潢，鋪頭既選址，都係我同老公將來開鋪既要求，所以我地決定入去試下佢地既食物。鋪頭唔大，一眼睇哂，但一啲都唔覺得迫。入到去，服務員就會俾個餐牌你睇，睇岩就出去cashier買野食。我地點左個fish and chips同 nachos，跟住叫左杯virgin mojito過左一陣，服務員就會親自為你送餐。首先既係nachos，配左sour cream, 牛油果醬同切碎左既牛肉。nachos好脆，牛油果醬味重，好smooth，牛肉碎味道亦都好夠。因為我係超鍾意食nachos，得閒都會係屋企整，所以我覺得哩度既nachos 好好食。跟住就係fish and chips，魚同薯條都炸得好脆，配既tar tar sauce 好夠味，老公食得津津有味。而我地杯野飲，因為我地個刻都唔想飲酒，所以就叫左杯virgin mojito ，味道好夠，超解渴，可惜唔記得要少冰，所以好快就飲哂。我同老公都好鍾意哩間cafe，鋪路既選址雖然係長洲，平日既生意未必好多，但如果老闆開哩間鋪既時候，係為夢想，而唔係為生意，哩間cafe無得輸。裝潢簡單帶歐陸風，可以吹住海風，望住海，音樂方面係輕鬆既曲風，食物同飲品既味道亦好足夠，簡直係都市人放假，要離開煩囂城市，放鬆既好地方！…Read More

行左一日街，唔知食咩好，老公就帶左我去食佢未入行做飲食時，已經覺得好好食既西餐。未入行時既佢，並唔識得好多野，係個陣時既老公，佢覺得哩間西餐廳好好食，價錢合理，亦都開左好多年。老公話就算相隔2年再去光顧，味道一樣，佢深信間餐廳多年來都無換過廚師。我地去到既時候，餐廳經理已經好熱情地招待我地，安排我地坐牆邊既2人座位，亦都溫馨提示左我係風口位，我都覺得無問題，仲放多左一張椅俾我地放袋，非常體貼。坐左一陣，經理就拎左個set menu 俾我地睇， 選擇頗多， 頭盤同主菜都各有7-8個選擇。我地選擇左兩個set dinner,老公叫左個salmon 做頭盤，主菜係燒春雞。而我就叫左ham with melon,主菜係炭燒牛柳，4成。 另外我地仲叫左半打Pacific Rock 同煎鵝肝。首先黎既當然係生蠔，大隻得黎，好新鮮同creamy，超好味!之後就係我地既頭盤，賣相簡單，味道很好。Ham with Melon，melon非常甜，ham咸香味好重，絕配。鵝肝外身煎得好crispy，內裏texture 岩岩好，入口即溶。跟住都salmon，由於我本身唔食salmon，所以就由老公一個人食哂。老公話salmon厚切，配一個用filo pastry 做既盒，裏面放左一啲cous cous，配搭幾特別。到主菜啦，老公既燒春雞，皮脆肉嫩，配松露薯蓉，好味到爆。而我既炭燒牛柳，4成剛剛好，無多無小，perfect。甜品時間又到啦，我地叫左個Passion Fruit Soufflé 同Lime Sorbet， Raspberry Sorbet同 Peach Sorbet。個soufflé 一度，熱情果既味就已經漂哂過黎，soufflé 好挺身，放左一陣都好瀉落黎。只於sorbet，我超愛酸既甜品，所以佢地既味道全部都好適合我，超鍾意！一間毫不起眼既西餐廳，卻無諗過佢地既食物係咁好食，水準一流，服務上更加無得挑剔，每當你飲左小小水，服務員都會好主動黎加水，4個字*毫無挑剔*重要既係，老公話今次食既味道，同前幾次都一樣，即代表佢地並無換廚師，水準亦保持一流，一定會keep 住光顧…Read More

今日又同老公一齊放假，咁梗係去食好野啦！今日行過尖沙咀，見到哩間由開既時候，就經常排長龍既Cafe,難得今日唔洗排隊，梗係即刻去試啦！哩度所有既服務員都係講國語，務求令到客人有係台灣食飯既感覺，不過你唔識講唔緊要，佢地係聽得明廣東話既。我地被安排到坐係路口既位置，但今日既客人都唔係好多，所以都好舒適。我地睇左一陣餐牌，就決定左叫佢地出名既Classic Chicolate Waffle 同Party in Your Mouth Honey Toast ，我仲叫左一杯Hazelnut Cocoa。因為老公睇唔岩有咩飲，所以就無叫到，不過哩間餐廳有個好特別既要求，就係每人既最低消費係一杯野飲，所以老公就叫左一杯同我一樣既飲品。首先黎既係Classic Chocolate Waffle,賣相唔錯，所以我同老公二話不說就開動啦。服務員會係你地叫Waffle or Honey Toast 既時候，問你要咩口感，我地兩個都叫左Crispy, 但Waffle並唔係想像中crispy, 有啲似整好左，放左一段時間既口感，而waffle 上既cream，似係超級市場買既唧唧cream多過似係自己新鮮發。如果10分滿分，只值5分，剛好合格。跟住就係我地既野飲，賣相好靚，杯旁跟左一塊餠乾。我飲左一啖後，就已經覺得好失望，Hazelnut cocoa佢有少許既Hazelnut flavour ， 感該係Hazelnut syrup，跟住有Hazelnut 既咬口，因為佢加左切碎既Hazelnut，不過可惜既係最重要既Cocoa flavour，小到好似無咁，飲到既只係水既味道，失望到不能再失望，10分滿分，只值2分，而哩2份係俾佢塊餠乾。最後就係Party in Yout Mouth Honey Toast，賣相一流，有vanilla ice cream, raspberry sauce, berries and custard, 仲有honey on the side。我地選擇左crispy, 但佢既crispy只係Toast box入面切左既toast,出面既Toast box 硬到似石頭，切都切唔開。而最失望既係custard sauce，我同老公都覺得係用粉開既多過似係自己新鮮整既，好thick，味道麻麻，10分滿分，只值3分。服務上，由於客人本身已經唔多，服務員既人數相對充足，不過可惜既係佢地並不夠細心，老公飲完杯水到我地走既時候，接近20分鐘，服務員行黎行去，都無人發現，懂得加水，我覺得哩樣需要改進。去一間餐廳食飯，除左食食物，食氣氛外，仲要食服務，如果3樣都能夠做齊既話，我深信該餐廳生意會好好。今日哩間係台灣好出名，第一間係香港開既Dazzling Cafe，10分滿分，只值3分。下次有機會一定會去台灣試下，再對比一次。…Read More

今日同老公一齊放假，愛食甜野既我，老公梗係帶我去食啦。而今日佢就帶我去左Thomas間餅店。由於我地去到既時候，已經接近關門既時候，所以選擇並唔多。我地選擇左Passion Fruit Orange同 Strawberry Mille Feuille。Passion Fruit Orange淋既鏡面朱古力好靚，而chocolate mousse 好smooth，passion fruit 味好重，而中間有orange flavour 既jelly，成個甜品味道好夾，毫無挑剔另外一個就係Strawberry Mille Feuille，其中一個我最愛既餠。 Puff pastry 好crispy, custard 好thick同smooth，裝飾用左朱古力片同4粒士多啤梨，簡單而不花巧，味道上亦岩岩好，唔會太甜，岩哂我同老公既口味。總括而言，十分滿分，Thomas既餠係值十分或再多啲，無得輸丫！…Read More

同老公同一日放假，梗係要去食好野啦今晚突然好想食泰國菜，於是老公就帶左我去位於Jordan既黃珍珍食泰國菜。黃珍珍我地唔係第一次食，之前去親都係九龍城個間，今次就黎哩間試下啦。頭盤我地點左個生蝦刺身，次次去親都要食哩個。生蝦好大隻，厚肉，仲好新鮮爽口，個汁酸酸辣辣，一流丫。之後當然要飲個冬陰功湯啦，我地兩個人，所以點左個細既。湯好濃，好重蝦味，酸辣適中，份量兩個人岩岩好，唔會太多。主菜就有海南雞飯同咖喱炒蟹。先講海南雞飯，老公最鍾意食，雞滑，飯香，個汁亦都好好味，最緊要既係佢仲有碗紫菜肉碎湯跟上，老公話出面好小地方有跟湯。咖喱炒蟹，咖喱甜甜，配上肉蟹，絕配。再點個法包配咖喱汁食，冇得輸丫食到我同老公津津有味相比起九龍城個間黃珍珍，哩間味道上比較出色，座位亦都坐得比較舒服，服務員既服務亦比較細心。如果下次再突然想食泰國菜，一定會再黎幫襯丫…Read More

是日同老公放假，於是去左銅鑼灣食左個Lunch跟住老公就提議去Tony Wong既蛋糕店，食返件飯後餅。老公叫左佢Tiramisu，而我呢，就選擇左個Mix berry Napoleon。老公既Tiramisu,咖啡酒味好重，蛋糕吸收哂，mascarpone好滑身，連身為甜品師既老公都讚不絕口。而我個Napoleon，Puff pastry好脆，custard好smooth，mix berries 好新鮮，配合一起，毫無挑剔，Perfect因為只有兩個人既關係，所以冇試到佢出名既玫瑰蛋糕，下次有機會，一定要試埋…Read More

今日落左成日雨，心情已經差到冇朋友，最憎就係落雨。於是老公就同我去左行朗豪坊，為左哄我開心，佢就買左一枝我想食好耐，但一直冇機會食既玫瑰花雪糕。我要左朱古力味既玫瑰花雪糕，而老公就要左個綠茶味既相機雪糕。賣相好靚，味道更正。朱古力味好重，岩哂我地哩啲鍾意食朱古力既人。而老公果個呢，綠茶味好濃，濃得黎唔苦。係落雨天，終於食到自己想食既甜品，咩心情都好返哂啦…Read More

難得今日同老公一齊放假，所以下午既時候，我地出發去左我地第一次拍拖既地方:赤柱，甜蜜一下… 今日太陽好大，到6點幾都未落山，但我地既肚就已經餓到不得了。於是我地選擇左全赤柱最出名既Boathouse作為我地今晚既晚餐。去到既時候，人流並唔係太多，所以一拎位，就已經有位。我地被安排係3樓既座位，待應生好禮貌咁問我地想坐室內定室外，但由於太熱啦，我地選擇坐係室內涼冷氣 其實之前黎個Boathouse 食飯好幾次，不過由藍色變左做黃色，都係第一次，所以希望佢地啲食物冇變差啦我地叫左一個細既seafood bucket in white wine cream sauce， 本身係有青口，蝦同蜆，可惜地青口冇哂，所以蝦同蜆俾多啲。蝦好爽口彈牙，個汁幾好食，配海鮮一流。不過可惜係啲蜆有沙，咬到啲沙，隻牙都真係幾Main course方而，老公叫左Pork Rib， 而我就叫左spaghetti with tiger prawns, basil and cream sauce先講個Pork rib，燒得好淋身，啲肉好容易就同啲骨分開左，個汁好入味，我同老公都覺得唔錯相反我個意粉就有點失望，一啲味都冇，其實都幾肯定廚師冇調味。可能佢諗住我地叫左個Pork rib頗重味，所以個意粉就冇調味啦甜品方面，我地叫左Strawberry Mascarpone with lime sorbet and crispy yogurtStrawberry好甜，mascarpone 好smooth，lime sorbet 夠酸，整個配搭唔錯，算係全晚最好食既一道菜服務方面，係3樓一層，由2個待應負責，不過佢地著shirt，所以我相信佢地兩個比較高級。由於晚飯時間，人流亦開始愈黎愈多，眼見佢地開始有啲手忙腳亂，有新客自己坐低左10分鐘以上，都冇人發現。到20分鐘左右，其中一個待應先發現，再去拎餐牌俾佢地睇。因為有室內室外，仲要係晚飯時候，人手安排上比較不足，而2位待應仍唔夠細心，掛住傾計都未能發現有新客人坐下，有點失策。食物方面，冇以前黎食個陣咁好食，調味不夠，選擇不多，比較失色。難道換左廚師?藍色既船屋換左新裝，變成黃色既船屋後，食物亦都跟住變味嗎?哩個就要由大家去試下啦…Read More