YT00's Profile

雲川米線紅薯粉(貝爾特酒店)食過咁多間米線鋪 覺得呢間係最好食的 而且分店都夠多 呢間就係屯門站附近大約五分鐘步行路程。中午時間到 通常都是坐滿顧客 要排隊等候 有時仲需要搭枱 可見人氣甚高。今次我叫左 鮮魚湯紅薯粉配豬頸肉同香辣雞腎(60) 整體配料同紅薯粉份量都十分足夠湯底方面魚湯真係鮮味十足冇乜味精味 另外亦會有蔥同芽菜作為配料 紅薯粉口感彈牙 因為唔係度度有 所以黎到一定要試下豬頸肉 係食雲川一定必叫配餸 份量足夠 燒得香脆 爽口 配上香辣雞腎 同樣係爽口配餸 令成碗麵都好清爽 如果黎到屯門一定要試下。…Read More

茶木 台式休閒餐廳(T Town south)開咗一段時間 終於有機會試下食 食既係早餐 豐盈系列 板燒雞扒精選套餐(48) 早餐黎講 份量都算足夠 配料有炒蛋 腸仔 火腿 刈包同一啲胡麻醬拌鮮菜沙律。主菜既雞扒都算厚肉 而且切開既時候都見到啲汁係肉表面停留住 食落油味唔太重 同夠juicy 炒蛋食落都夠嫩滑 腸仔食落啲肉係比較紮實 我食法就將火腿包住腸仔一齊食 口感上會多一啲層次感 沙律方面食落都比較清新。另外飲品方面我叫咗個玫瑰紅茶(熱) 玫瑰香味係淡淡地出黎 飲落就濃花香味。…Read More

孖寶海南雞飯 (屯門)食過咁多間海南雞飯 呢間係價錢同食物質素相符的一間去骨海南雞飯有分大同中 分別係(55)同(44)兩款份量都好足料 海南雞夠嫩夠滑 雞皮食落都唔覺好油 一樣係嫩滑，油飯既雞油香味都好出 飯既硬度我覺得啱啱好粒粒分明 配埋三色醬( 薑蔥油 甜豉油 泰式甜辣醬)食落層次感會再提升個人食法係潷少少薑蔥係羹加入油飯 再將海南雞點甜豉油 再放上羹 連飯一齊食 成個口感係有少少甜而不漏既感覺。另外不論大中海南雞飯佢都有跟碗 鳳爪南瓜粟米湯 飲落清甜足料 鳳爪都爽口彈牙。…Read More

今日喺M記試咗佢哋嘅早餐珍寶套餐，加杯熱朱古力，再加多兩塊薯餅 食完真係好滿足，簡單講講啦！ 啲鬆餅係熱辣辣既，我個人食法係加埋啲密糖同牛油落去 口感十足。炒蛋唔會太乾加埋塊豬柳夾包變豬柳炒蛋包咁食。薯餅就係M記經典 我係好鍾意食既 所以加多兩塊，外脆內軟，熱氣騰騰，食落真係好滿足。 熱朱古力飲落去暖笠笠，朱古力味濃但唔會太甜，啱啱好嘅甜度，飲完覺得好舒服，特別係同呢個早餐一齊，覺得幾夾，仲有種溫暖嘅感覺。…Read More

大家樂下午茶餐既全份公司三文治真係好好食 烤得啱啱好 咬落去幾香脆 啲餡又夠豐富，有炒蛋、生菜、番茄，火腿，層次分明。 熱華田就暖笠笠，飲落去有陣濃濃嘅朱古力麥芽味，甜度啱啱好，唔會太膩。配住三文治一齊食，覺得幾舒服，特別係天氣涼嗰陣，飲完真係暖胃又滿足。 整體黎講，大家樂呢個三文治加熱華田真係平民又實際。…Read More