judyclp's Profile

得知屯門開左間好正既日式放題，好適合同小朋友一齊去食，而家仲有D24榴蓮任食🤤🤤正到爆🤩有分自助區同用app落單既食物自助區好似自助餐咁，除左有熟食，仲有凍海鮮，例如凍蝦，青口，蜆等等自助餐冷盤。另外有小朋友至愛的爆谷，朱古力噴泉，各款軟糖😋😋😋大人都想食。熟食有蒸籠點心，小龍蝦，炸雞，香腸等。另外仲有壽司，可以自己夾。用app 落單，有更多食物選擇，魚生壽司唔少得，仲有D24榴槤任食🤩🤩🤩發達la😋😋😋到食放題都可以食到鮑魚，花膠，魚翅，乳鴿等，好有驚喜😋😋 甜品方面，有自家製甜品杯，仲有Haagen Dazs雪糕🤩🤩值回票價😋😋…Read More

最近發現左紅磡有間新外賣甜品店開張，以為佢係普通食下西米露，中式糖水個類食品店，原來都幾特別，因為佢特式甜品基本上要即食😋朱古力雪山曲奇椰奶冰雪比起平時食既刨冰或雪花冰好唔同，等既期間店主介紹，原來係地d 刨冰冇加水，只用椰奶，入口即溶，建議我即食，如果要拎走，只可以5分鐘內路程。所以我都好聽話企定定食埋先，真係好味好多，椰奶味好香。配上朱古力雪糕同oreo，增加左口味層次感。椰奶刨冰唔算太甜，好好食，推介👍👍雪糕芒果Oreo榛子醬可麗餅可麗餅係即叫即整，可麗餅個皮好重要，唔可以太厚或太薄，包住Oreo同榛子醬，甜得黎幾好味，最後加左個雪糕球，我揀左芒果味，平時食太多朱古力味，試下其他口味都幾有新意。…Read More

同婆婆去食飯，喺番婆婆收工附近搵餐廳食，揀左地道風味大排檔。個日有d 雨，好彩呢間大排檔係有得遮頭而且仲有室內冷氣既座位揀。潮式煎蠔餅（$128）蠔仔大大隻，啖啖肉，煎炸得好脆口，就咁食已經好有蠔仔味，如果想重口味d 先點埋個汁。勝瓜沙白豆腐魚湯（$128）好清甜既湯，而家時令適合食勝瓜，清熱解毒消暑😋個魚湯好奶白色，煮得好好，呢個湯好有營養。海皇雜菜煲（$138）諗住叫個雜菜煲，乜都有得食下，個煲一上枱，婆婆即刻嘩嘩聲，因為真係勁多料，勁大煲，超抵食啊😍😍胡椒湯底配各式雜菜，海鮮，仲有蝦米等，仲有粉絲，超豪華的享受🥰🥰 諗住佢d蝦唔會新鮮la，點知都幾好食，蝦肉都好結實😋 湯底都好正，忍唔住都會飲幾啖，越飲越暖胃🥰2個人食唔到太多野，婆婆見到隔離枱有辣子雞又話想食，但實在食唔到太多又唔想浪費，所以已經諗定下次有家人生日時會再黎呢間食💓…Read More

約左天水圍朋友傾計食飯，揀左間靚靚地既西餐，喺濕地公園站既小茶角。餐廳唔算好大，但座位都幾多，而且好闊落。餐廳裝修好有特色，好適合打咭，隨便影都好靚。叫左2個dinner set🥐是日餐湯個湯意外地好飲，佢加左d 黑椒粉點粹，令成個湯升級左。🥐紐西蘭牛肉眼扒8oz配炸薯角及田園沙律（$188）5成熟既牛扒絕對係完美演繹！外層煎到微微焦香，切開粉嫩多汁，肉質柔軟得嚟帶濃郁牛味，灑少少海鹽已經無得彈😋😋🥐牛魔王配薯角（$108）牛魔王漢堡份量十足！佢係牛角包做漢堡，好鬆脆。厚實多汁既手打牛肉漢堡，夾住半溶芝士，蘑菇，蛋同蕃茄，醬汁惹味得嚟唔會蓋過肉香。🥐炸洋蒽圈（$44）外皮超脆唔油膩，入面洋蔥絲清甜多汁，點少少他他醬，咬落去有滿滿幸福感！🥐士多啤梨窩夫（$78）窩夫即叫即製，外脆內軟超好食！淋滿香甜士多啤梨醬同新鮮果粒，加埋雲呢拿雪糕冰火交融，甜度剛好唔膩。而且賣相靚到相機食先！🥐香蕉朱古力奶昔（$55）香蕉朱古力奶昔勁香香蕉味！🥐朱古力奶昔（$48）純朱古力奶昔，可可香濃厚但唔假甜。…Read More

lunch 去搵老公食飯，喺荃灣千色附近有好多小店，今次同老公揀左呢間，大滿足火鍋冰室。座位數量好多，應該是要應付lunch time 同晚餐時間。去食lunch都有好多人食。午餐（$54）配例湯午餐勁抵食，50幾蚊有飯有飲品有例湯😋🍝黑椒牛扒煙肉意粉黑椒牛扒好香好林，易咬開。意粉份量勁多，啱晒1d男人肯定夠飽，唔洗再加飯😂😂🍝金湯酸菜肥牛飯（$68）湯底酸酸辣辣好開胃，最啱配白飯食，薄切肥牛吸1左d湯底，更加好味。🍝韭菜鮮肉煎餃（$38） 內餡韭菜翠綠多汁，同鮮肉比例恰到好處。煎得好香脆，一碟6粒，食晒都幾飽肚，因為d 餃真係好大粒。…Read More

最近同朋友去食左烤魚，另一朋友又話想食，所以今次喺深水埗搵另一間專食烤魚既餐廳。見到重口味烤魚只係$98，好平啊！就黎試下。呢間似係專食客家同川菜，裝修都好有客家風味🐟烤魚（鰂魚）$98叫左小辣🌶️，呢個份量2個人食啱啱好，魚肉都好多。🐟泡椒雞腳$45味道酸酸辣辣幾開胃，雞腳好有咬。🐟 農家咸雞（例牌）$60雞如其味，係咸雞，味道好足，如果配白飯係好正。🐟古法川醬鵝腸皇$88好少機會食鵝腸，見佢好似招牌菜咁勁大張相，咁一定要試下，好爽口。🐟上湯豆腐煮川菜（娃娃菜）$68勁大份量，魚湯底豆腐同娃娃菜，清新既菜同麻辣既烤魚形成好大對比，食完濃濃既烤魚, 再食番菜，感到好清新。…Read More

約左朋友去紙飛機玩，之前已經好想去呢間，因為係香港少有既親子餐廳，小朋友一邊玩，又可以一邊食，小朋友夠大既話，家長食住傾計，小朋友走去玩都得，媽媽好需要me time😍餐廳空間好大好闊落，就算推住bb坐車行喺枱之間，都係完全冇問題，唔怕小朋友跌跌撞撞。玩樂設施好多樣化，唔同年紀既小朋友都有野啱玩。以為有得玩，食物質素就嘛嘛，不過食物味道好有驚喜，真係好食又健康。而且兒童餐味道唔太濃，好適合小朋友們食。而家暑假黎，仲有神秘禮物🍔創意牛柳年糕約左朋友去紙飛機玩，之前已經好想去呢間，因為係香港少有既親子餐廳，小朋友一邊玩，又可以一邊食，小朋友夠大既話，家長食住傾計，小朋友走去玩都得，媽媽好需要me time😍餐廳空間好大好闊落，就算推住bb坐車行喺枱之間，都係完全冇問題，唔怕小朋友跌跌撞撞。玩樂設施好多樣化，唔同年紀既小朋友都有野啱玩。以為有得玩，食物質素就嘛嘛，不過食物味道好有驚喜，真係好食又健康。而且兒童餐味道唔太濃，好適合小朋友們食。而家暑假黎，仲有神秘禮物🎁包場仲有優惠tim。快d約埋朋友黎la🥳🍔創意牛柳年糕好有驚喜，牛柳炒得好香，配上年糕，煙煙韌韌，口感好正。醬汁調得恰到好處，唔會覺得佢太濃，但又夠味，推介👍👍🍔超凡黑松露炒飯不平凡的炒飯，雖然份量都幾多，2個人好快就食晒，因為太好食。🍔兒童餐Set B鮮茄蘑菇燴麵朝貝海鮮豆腐羹雲蛋蝦仁卡通包時令水果健康冷壓果汁好有驚喜，牛柳炒得好香，配上年糕，煙煙韌韌，口感好正。醬汁調得恰到好處，唔會覺得佢太濃，但又夠味，推介👍👍🍔超凡黑松露炒飯不平凡的炒飯，雖然份量都幾多，2個人好快就食晒，因為太好食。🍔兒童餐Set B鮮茄蘑菇燴麵朝貝海鮮豆腐羹雲蛋蝦仁卡通包時令水果健康冷壓果汁…Read More

朋友話想食pizza，見到有間手工pizza，好似幾特別，就去試下。搵左間好近西鐵站，只需由出口行2，3分鐘左右就到既意大利手工pizza餐廳。好有意大利氣息既餐廳，廚師同侍應都係外國人。餐廳佈置似係pizza上既黃色芝士，同菜式好配合。見到有個二人餐，都幾抵食，成set套餐，有湯，pizza，有小食，沙律，甜品同飲品，感覺好完滿。🍕Daily soup 係我鐘意飲既西式湯，有d薯仔，稀濃度適中😋🍕Mix Green Salad好大份既沙律，有好多種類既蔬菜，顏色好豐富，配上沙律醋，感覺好清新😋🍕BBQ chicken wing雞翼每隻都大大隻，沾滿令人開胃既醬汁🤤😋🍕Four Cheese Pizza手工pizza同以前食開現成底既pizza好大分別。pizza底超鬆軟，同埋煙煙韌韌，食得多都唔覺得好濟。而4隻芝士包括莫薩里拉芝士，車打芝士，煙燻芝士同藍芝士。焗得啱啱好，4隻芝士融合埋好正😋😋😋🍕Italian style Gelato甜品係意大利雪糕，竟然係made in hk，我地揀左朱古力味同抹茶味，雪糕味超濃，口感好滿足😋🍕Coconut water 第一次食pizza配椰子水，好特別既配搭。…Read More

去觀塘做頭療，順便買外賣食，見到有間外賣餃子店幾吸引就揀呢間，而且由店出去就係巴士站，好方便。有好多款餃子口味揀，仲可以雙拼，等我唔洗1516選擇困難症😂煎餃揀左：🥟韭菜鮮肉餃🥟香菜鮮肉餃啱啱煎好卜卜脆，外皮好香脆，而內裡包留到肉汁，食唔停口。我最鐘意食芫茜，好香，煎黎食仲正。湯餃揀左：🥟粟米鮮肉餃🥟白菜鮮肉餃粒粒粟米，勁大粒，好甜好味白菜餃，有菜有肉，營養均衡😋🥟配古法魚肚淮山湯湯好清甜，唔會覺得好味精🥟鹵水腩肉腩肉好林，配上醬汁，味道好夾，好食🥟涼伴海蜇麻油配海蜇，一流既配搭，面頭撒上芝麻，變得更香口😋😋…Read More

去元朗探完嫲嫲，順便買外賣番屋企食。見到有間專做外賣店既韓國餐廳，就揀呢間。地方好方便，就喺大馬路附近，千色對面，買完外賣可以去千色行住街等。不過其實都唔洗等好耐，落單後10分鐘都拎到。下午茶時間，有個tea set 好抵食。$49有一人份量，有主食2款+小食2款+前菜，可以一次過食幾款菜式。另外再叫左其他食物比爸爸一齊食。呢間外賣店比人感覺好衞生又穩陣，佢d 外賣大部分用透明膠封好晒，唔怕拎番屋企途中，或外賣員運送途中倒瀉。Tea set：（$49）🍗烤牛肉紫菜飯捲4件烤牛肉香嫩多汁，搭配醃蘿蔔、菠菜同蛋絲，口感超豐富！🍗韓式炒粉絲粉絲Q彈有咬口，拌入蘑菇、紅蘿蔔同菠菜，芝麻同麻油香點綴得剛剛好。🍗甜辣無骨炸雞2件冇骨雞件食起上黎好方便。配上甜辣醬，辣味唔多，適合食唔到辣既人，甜甜酸酸好開胃😋🍗香脆韓國豬肉餃子1件外賣炸餃子黎講，佢都算keep 到香脆🍗原味辣泡菜夠辣度，好似韓國泡菜😋🍗甜酸漬蘿蔔🍗雜菜煎蛋捲（$55）加左雜菜，營養成分更高。蛋捲煎得金黃蓬鬆，內餡有紅蘿蔔同雜菜，口感層次豐富！而且每一件蛋捲都好大件，食多2件都夠飽。🍗吞拿魚紫菜飯捲（$53）牛肉豬肉既紫菜飯捲食得多，今次叫左吞拿魚新嘗試，同時比少機會食魚既小朋友可以唔覺意食到。味道好夾，飯捲整得好好，唔易散。🍗韓式烤雞伴飯（$65）雖然係外賣，拎到番屋企仲係熱既。雞肉烤得恰到好處，配上韓式辣醬既甜辣比例完美，拌上紫菜碎、芝麻同白飯，每一啖都超滿足🤩🍗涼伴菠菜（$28）雖然每個菜式都有d雜菜，都習慣叫一個菜。菠菜有豐富鐵質，好多時都會叫菠菜食。調味調得好適中，加上芝麻增添香口感。…Read More

今日同家人過嚟土瓜灣，經過見到呢間茶記裝修幾靚，就入咗去食飯，叫咗幾款招牌菜式，樣樣都充滿驚喜！ 🍛 咖喱牛腩煲 $98熱辣辣用砂煲上枱，香氣撲鼻！牛腩炆到淋滑入味，筋位膠質豐富，薯仔吸盡咖喱精華。最正係可以按喜好調辣度，今次叫咗小辣，香濃得嚟唔會太刺激，送飯一流！ 🥬 金銀蛋浸時蔬 $83健康之選！時蔬新鮮爽脆，皮蛋同鹹蛋黃金比例，湯底清甜唔油膩。最欣賞係佢哋將皮蛋煮到恰到好處，蛋黃流心效果完美。 🍹 凍檸檬茶 $11（少冰少甜） 茶底濃郁得嚟唔澀，檸檬新鮮，少甜嘅甜度啱啱好。冰量減少後，飲到尾都保持到濃郁茶味，解膩一流！ 🍍 鮮菠蘿拔絲咕嚕肉 $88一上枱就聞到酸甜香氣！咕嚕肉炸得外脆內嫩，拔絲效果做到啱啱好，拉絲得嚟又唔痴牙。新鮮菠蘿清甜多汁，中和返油膩感，仲灑咗少少芝麻增加香氣。 環境方面，雖然裝修簡單但乾淨企理。卡位坐得舒服，冷氣夠凍。伙記服務貼心，見我哋帶住小朋友，主動提供兒童餐具。 欣賞佢哋嘅金銀蛋浸時蔬，將家常菜式做得咁精緻，同埋個拔絲咕嚕肉嘅創意。下次會再嚟試佢哋其他招牌菜！…Read More

好想食烤魚，約左個媽媽朋友喺元朗快食，搵到撈得起火鍋冰室 有烤魚又可以任食打邊爐。大家至在食下野，呻下生活事🥲快食完又要番屋企再面對屋企既種種。打邊爐最啱，唔洗諗食咩，自己個刻想食就倒入鍋裡6熟佢。👍值得一讚，天氣真係十分熱，一入到黎係好涼，冷氣好夠🌀。夏天。火鍋。冷氣唔夠的話，我真係走。另外侍應服務好好，好有禮貌，見我地諗得耐，會推介一下受歡迎既魚同辣度。最後揀左藤椒味烤魚，因為朋友話食過呢隻味夠辣🌶️🌶️，我都知藤椒有佢既辣味，所以叫左小辣。魚煎到皮好脆，而藤椒同芫茜味道都好濃，辣味夠😋😋食完魚可以直接用烤魚湯底打邊爐，但我想食番食物原味，所以轉左清湯火鍋。小店火鍋黎講都算有好多款式既火鍋料，蔬菜，丸，牛肉等當然唔少得，連海鮮都有，簡直係正到爆，d 蝦🦐好大隻，一次過食左5隻😋😋最後當然唔少得甜品，除左必有既雪糕，仲有自家制冰粉，有3隻口味，食完鍋再食冰粉好清新。…Read More

再黎到上水廣場搵朋友食飯，上次黎呢度食完，發現原來5樓有好多餐廳，見到呢個日式牛肉飯好吸引，今次就食呢間。lunch 時間好多人啊，好多學生都黎食，因為價錢真係比較平民，而且款式多。🍱美國牛肋條拌烏冬（$72）牛肋條炆得好林好入味，醬汁唔會太咸又好夠味，好match😋😋🍱精緻三色丼飯（$66）一次過食晒唔同既丼，包括豚，牛，雞，好滿足😋🤩雖然豚丼d汁唔算好多，但原來好夠撈飯。個醬汁係類似台灣肉燥咁，有d 肉末喺醬汁度。雞丼係配洋洋蔥，好清新。牛丼係肥牛片，配上牛肉汁，好似日本餐廳專食牛肉飯既味道😋😋🍱脆炸芝士雞中翼（$26）每一隻雞翼都比黃金既外皮包住，好香脆，同埋好有濃郁既芝士味，正😋🍱雞皮餃子（$19）雞皮餃子好有特色，好鐘意食香口野，用雞皮黎做皮，令餃子更香🤤🤤😋🍱唐揚炸魷魚鬚（$33）魷魚炸到金黃色😍而且炸粉唔多，每條魷魚鬚都好粗，煙煙韌韌好有咬口😋…Read More

朋友喺大陸做完野番黎，羅湖過關，喺上水食個飯。原來而家上水廣場5樓開左好多餐廳，各國菜式都有，今次揀左食拉麵。餐廳環境四正，有模仿日本拉麵店既座位，飛唔到日本食拉麵都可以黎感受下😆 晚市有二人餐，但唔見我地想食既口味，所以散叫拉麵同小食串燒。極濃豚白湯拉麵（$80）湯如其名，係極濃既湯底，真材實料😋黑蒜豚骨湯拉麵（$86）濃濃黑蒜味，味道適中，唔會太咸，而且好香。拉麵軟硬適中，唔會過林。係日本的味道🤤燒鰻魚串（$48/串）估唔到鰻魚都可以用竹籤吉住黎燒🤩燒到啱啱好，配上醬汁，好好食。明太子雞翼（$22/隻）明太子完美滲入雞肉中，雞翼外皮炸到金黃色，肉質多汁，好鐘意食無骨既雞翼，咬落去啖啖肉😋豬頸肉串（$16/串）豬頸肉燒熟得黎又好爽口同好香口😋枝豆（$26）健康小食首選，一邊食，一邊傾計，枝豆係優質既蛋白質食物，食得多都唔怕。…Read More

拍拖日同老公食晚飯，近近地喺屋企附近堅信號食，好想食生煎包，小籠包，所以揀左堅信號 ，性價比之選。我比較鐘意食麵類，所以叫左四川擔擔麵，冇帶小朋友黎，可以叫辣😋😋🍜四川擔擔麵叫左小辣，有辣味過癮之餘又唔會過分地辣到食唔到其他味🤩湯味濃郁，花生碎同肉末既香味令人好想食。🍜酸辣湯難得有酸又有辣，好開胃野味。🍜灌湯小籠包熱辣辣灌湯小籠包喺一開蓋就要即刻食，一口咬落去，入面既湯即爆出黎，超多湯汁😋😋😋😋🍜秘製豬扒菜飯豬扒整得好淋好入味，菜飯既菜好新鮮翠綠，一個餐有晒各種營養👍👍🍜紅油韮菜餃辣油配上芫茜，味道好夾，韮菜餃皮薄足料，好野味😋😋🍜堅信號生煎包呢個招牌菜必叫‼️最最鐘意食，煎到個包底脆卜卜，入面有好多湯汁，真係要小心d 食，因咬爆汁🤤🤤🤤🍜蒜泥白肉辣度足夠，蒜香味濃🌶️🌶️🌶️🍜孜然雞翼雞翼煎到脆卜卜，加埋孜然粉好有風味😋😋🍜手工冰粉呢個甜品係必叫，食完咸食同埋醬汁，湯類，食番個冰粉清新番，甜度適中。上面有d 提子乾，配埋爽滑既冰粉，令口感層次提升⬆️🆙…Read More