ykahu的個人專頁

每次經過蘇杭街，除咗去麵尊食車仔麵，都會行過幾個舖位，睇吓有咩甜野食，食完咸梗係食甜。之前買過呢間原味蛋撻後，發現佢個酥皮造得唔錯，口感有層次，大大隻，不過次次5點幾去到，見到已經蛋、皮少少分離，明白嘅，始終唔係剛剛出爐，有呢個水準都已經不俗。另外，仲有不同撻可選擇，雜果撻、藍莓撻、朱古力撻都比原味蛋撻及葡撻細，但好多人買，有機會個胃有位可以一試。今日又試下個葡撻，好滿意，買4個，個盒好靚好精美！…查看更多

每逢星期六送咗小朋友上興趣班，必定周圍搵嘢食。西營盤、上環，其實試過不少cafe、小店、冰室，都係獨愛上環麵尊。先講味道，相信不少人會比較上環與銅鑼灣分店。真係唔同！上環湯底味濃，唔係死硬咸；車仔餸常食有：雞翼、豬紅、大腸、冬菇、豬頸肉、牛腩，全部入味夠淋，質素穩定，未試過失望。另外，叫多蔥唔hea你，明白顧客需要，有圖；雖然我食唔到好辣，但麵尊個麻辣醬，真係無得頂，食過返唔到轉頭。再講服務，2位男士1位姐姐，位位好友善。其實好幾次都5點幾遲咗摸門釘，但今日我5pm前打電話去同佢哋講真係嚟緊，最後5.06pm先到都等埋我哋，要講聲sorry真係阻住你哋收工，但你哋3位仍然以禮相待，呢個年頭有你哋真係好難得，有味道+服務，香港飲食業有救～…查看更多

今晚7點8左右，入到權發2個阿姐正傾計，我話：「3餸飯：要生炒骨、小炒皇、少飯……同埋雞。」見到阿姐執咗個2餸時，我話：「第3個餸要雞。」點知又開個新飯盒筆飯，我話：「剩係1個3餸飯。」阿姐埋怨我，之後最後比左$47，返到屋企發現係2餸。唔知呢啲係咪新手法，但店主絕對可以check cam，了解一下個對話，然後check返個阿姐埋怨我+收我$47比2餸。其實阿姐態度有問題，買開都知，但有心、還是冇心比錯？我剩係知應該提醒所有消費者，小心，尤其西灣河分店！…查看更多

生日飯揀左呢間，預早幾星期訂，雖然地方細，但係入座即時可安排。坐低送上九品，樣樣都好好，精緻而不膩。$498加一，每人食咗12隻蠔，再加串燒，串燒必試雞八里香，不容易食到，另外燒番薯仔都好令人意外！飲品方面就有四款不同種類嘅茶，可以揀，我哋試咗茉莉茶同四季春，白桃烏龍一早已經售罄，真係可惜！Menu上面其實有啲自費嘅食物或飲品，但由於我哋已經食得太飽，根本冇空間再落order。總括嚟講，鍾意食蠔嘅人，真係不能錯過，值得一試。…查看更多

今朝渣馬周圍塞車，經開太古城，搵到呢度唔駛排隊可以食早餐，隔離敏華排長隊。之前喺中環分店試過，不過不失，估應該ok呱。坐低，發現卡位梳化濕晒，剩返半個pat pat位冇濕可以坐，照比我哋坐冇職員抹，5mins後忍唔住要主動叫人抹。叫左個經典pancakes (caramel latte) + All day breakfast (Americano)，pancakes入面啲粉mix 唔好，一舊舊、散的，2小片bacon ok，糖醬個器皿係爛的，膠透明水杯有陣抹枱布”up”味，臭的，另外一份早餐，牛油果唔夠淋、唔creamy、冇味，因為我有食開牛油果習慣，好清楚不同牛油果分別。裝修及傢俬方面，只可以講同普通新茶餐廳差唔多。Americano比starbucks好啲啲，好淡，caramel latte飲完即肚痛，要快手埋單，返到去痾水，今朝第一餐，報告完畢。…查看更多

星期六，喺中環逛，見到呢間台灣野喺附近未試過咪試吓。叫左台式紅燒豬軟骨面+鹽酥雞，加杯香芋奶茶少甜少冰走珍珠。豬軟骨唔係淋果啲人，要咬10秒。香芋奶茶仍好甜，仍多冰，溝色素好粉feel。另外，好似老闆嘅男人一邊鬧員工，一邊行嚟行去，舉手叫野食都冇應機，專心做實事，店舖又不大、一眼睇曬，鬧人入後門吧，食客只希望有人提供服務及美食。門口收銀年輕人有禮，可以一讚。其實中環好多好嘢食…可以行多幾步試吓其他野。…查看更多

今晚三大兩小，叫左三個小菜、一個菜心、雞粥、魚蛋河。馳名雞粥，的確不俗，夠味，食開清淡可能會覺咸，我哋ok。三個小菜叫左粟米班塊，偏咸，但最後配飯可清碟；另一個係雞叉燒海蜇并盤，份量較少，叉燒肥，雞幾好；最後的蒸魚大約35mins先到，雖然條魚食得出梅梅地、唔新鮮但$56的而且確好抵食；另外的魚蛋粉，阿女可以一個人食曬，相信都唔會差得去邊。不過一邊食一邊傳來無數粗口由職員傳來，而小店偏小，坐位唔多。…查看更多

入去食過早餐，食物充滿萬年油味道，好難食，全日口氣都係個陣鷄扒油味。熱奶茶應該係我飲過最難飲嘅野，味道難以形容，根本係唔知邊樣野變左味，宜家唸起都怕肚痛。餐台餐具全部痴lup lup。餐牌係錯嘅，店員/老闆唔友善，仲要聲大夾惡，話個餐牌係上一手留低，啊姐，我點知啊。其實一入去已經污污糟糟，但急住食個快嘅，又近趕住去嘅地方，冇辦法，照入去坐低搏一搏，我個人都無咩要求，好又一餐，唔好又係一餐。我明白雖然係工廈入面，唔可以有太高要求，但都無可能樣樣都咁過分，仲要態度差。阿姐(應該係老闆），呢度係香港啊！絕對唔會再去，絕對唔建議任何人去（除左食環處）。…查看更多

食過銅鑼灣分店，再試上環，一樣好味，價錢中上，但可接受，大蝦抄河有點過油。順便儲埋Asia miles $2:1分，但過左3日仲未收到分。銅鑼灣店第二日即收到，效率好似高dd...燒賣、蝦餃足料，必食，另外，其他餃都一樣好味，反而新豬肉餅麻麻地，可以不試。12.30pm到達唔太多人，1.30pm開始少人，上菜速度一般，但職員夠多，廁所距離有點遠，由mtr行過去3mins，地點方便、就腳，下次會再去銅鑼灣。…查看更多

三個人各自點了不同的lunch set,傾計小聚不錯的地方，食物還可以。地點於銅鑼灣軒尼斯道其中一座不顯眼的大廈，不太容易找，但由於本人於銅鑼灣返工所以沒有難度。…查看更多

星期日同老公兩個8點幾黎食，入位後等左20mins先有人理，d阿姐話有熟客要照顧佢地先，d食物出錯又慢。出去任夾部分，成枱好污糟，無人抹，食曬唔refill,剩餘少少係D大碟上，見到唔開胃，個阿姐又話唔應該咁夜黎，但其實之後仲有九點平dd時段，咁樣點做生意。碗碟全部有漬，d牛、豬認真麻麻，最恐怖嘅地方係有客人話無曬任食雪糕，部長係D客隔離用牛奶打散舊大結左冰雪糕不停講住粗口不停打，再倒返入部機，感覺衞生有待改善，最後每人2有幾，早知去遠少少去牛一，失望。…查看更多

人手少、上菜慢到你唔信、甜蝦刺身連殼上要自己mit、吞拿魚d根多到吞唔到、不停上錯，成晚台台超不滿。店主／長應一早知今晚爆場無理由分配小貓三四隻係度幫手。值得一讚係店員態度算係咁，唔夠人手態度ok。呢一刻我仲係個位度等緊野食，好得閒無野食可以慢慢食。…查看更多

星期六6.30pm,到左呢間openrice評分頗高的cafe~兩個人試左招牌芝士薯條,香蒜辣椒煙肉蜆肉意粉&雜莓沙冰,友人對食物要求頗高,一直對cafe食物質素有保留,試過呢間既意粉,都要讚一讚~希望下次可以試下D甜品!…查看更多