msmal's Profile

新年想買啲嘢過，見門口排瓜子就排，明明得兩組人中間可以插多兩個師奶，排極都唔到規舉排隊嘅人買。第二次比人插隊選擇走人，等勁耐都喺不停比人插隊。店舖完全冇意識安排啲客點買嘢。…Read More

未食過諗住試吓，去到門口冇人問幾位，侍應見到你扮睇唔到。諗住撳飛會有人理，撳完一樣彩你都傻。問收銀，唔出聲隔一陣先話嘟qr code撳飛等陣先得閒理你。最後唔食算數。有料嘅餐廳喺唔同啲。唔志在有冇客。…Read More

食物同服務ok, 叫咗個三式豬牛雞蝦湯麵，剔完個waiter突然話冇和牛所以冇三式，諗住轉食其他嘢又突然間話個和牛會轉牛小扒，有啲一時一樣咁。蝦湯好味嘅，豬牛雞就正正常常。想講另一樣嘢，餐廳喺b類餐廳，咁我用咗安心出行，入到去佢又一定要我填多次紙，佢話佢哋喺b類所以只可填紙⋯我仲諗平時好似喺是但一樣就得，點解咁奇怪？不過我都照填廢時佢難做。或者可能我平時去嗰啲其他b類餐廳先喺做錯晒。Anyway可能疫情完咗唔洗再嘟安心出行同填紙先再去。…Read More

間唔中幫襯，近乎每次都可以漏我單，杯嘢飲次次出10杯先出我嗰杯，唔知佢哋想點。嬲到今次我話唔要杯嘢飲唔等啦，個阿姐又唔比我啲嘢食要我等埋。真心嬲。嘢食方面不過不失，唔可以要求勁好食但不致於難食。車仔麵有啲油，湯比較淡味，食得車仔麵唔預佢少油健康，但都唔會成碗得個油味，咖喱魷魚分碗上有啲浪費，魚蛋一般。早餐燒賣腸粉都喺正常買返嚟賣嗰啲，整體價錢比較貴，唔喺附近返工應該唔會考慮食佢亦唔值得特登去。整體而言最差喺服務。…Read More

深知呢間茶樓喺要等，一早訂咗枱準時到攞位，都要等差唔多半個鐘，咁我訂枱嚟做乜呢請問？其間不停比個帶位阿姐啲「熟客」插隊，聽住佢同入面啲人講：呢啲喺x聯咩太啲同事」，呀咩太啲同事好快有位啦，跟住冇訂位嘅自由神又喺極速入晒去，喂，咁我訂咗位又點？不停話執緊枱，我哋等到直頭同佢講，邊張枱我哋自己執啦。等到就嚟餓暈，終於大發慈悲比我哋入，每枱都送嘅蔗汁同糖水turn out我哋喺乜都冇。食物方面喺ok嘅，價錢都唔貴，咖哩魷魚好香咖哩，仲要份量喺大過其他茶樓，雪菜湯米就淡咗少少，不過清清地ok嘅，啲炸嘅點心幾好，喺新鮮炸好，反而個桂花糕一夾就散，味道喺ok不過好難夾嚟食。除咗服務差啲呢間嘅食物喺唔錯嘅。…Read More

同事行過見到新開，上去試吓。裝修幾OK，不過我哋5個人要坐一排對牆高櫈位。1:00到，即刻叫咗嘢食，仲要叫咗啲唔洗等嘅SET（佢自己寫住話會快啲唔洗等）。坐坐吓嚟咗一個，其他冇晒影，早過我哋嚟嗰啲喺咁嘈話好耐未嚟，成間舖極混亂，落單錯晒。到後嚟我哋等得太耐，話：你有咩喺食得嘅就比我哋，總之食得就得，唔理我哋本身叫咗咩。再等多10－15分鐘，其他早過我哋嚟仲未有得食嗰啲開始走晒。後嚟我哋等到差唔多1:45啲嘢食先嚟。不過我哋成枱冇嘢喺啱嘅，全部錯晒。啲WAITRESS好似唔知自己做緊乜咁，後尾見到有客話未有嘢飲，佢竟然叫個客自己去攞，佢已經乜都唔理啦。味道方面都OK，不過佢趕得濟掛，有啲嘢煮得唔夠耐，洋蔥勁生。啲汁無論咖喱定咩汁，個味都有啲似，唔喺好分到。肉都喺，我估我食嘅喺牛肉，但喺又冇乜牛肉味，有啲似豬...其實佢有自選組合比人拼唔同嘅汁同肉、粉、飯，本來個CONCEPT都唔錯。價錢方面都幾好，喺尖沙咀食40幾蚊有埋嘢飲算喺咁啦。總括而言我唔會叫人唔好去，想挑戰自己耐性絕對可以一試。…Read More

新年期間想食雲南米線，搵嚟搵去得附近另一間連鎖，不過唔啱我口味，於是今日試呢間一品滇。叫咗豬頸肉鍋米線再加腐竹小辣。先講小辣，如果食得辣，就唔覺得喺小辣(直頭喺唔辣)，所以下次食得可以叫辣啲^^豬勁肉好好味，佢喺燒過(煎過？)，少少脆邊，唔喺就咁水煮。米線唔會太腍，啱啱好。總括而言雖然唔算超級好食，但喺都叫啱口味。價錢唔算貴，食得過。…Read More

成日幫襯凱施，貪佢平靚正。雖然啲飽好味，但喺服務真喺唔得。我講明先，我唔喺要咩五星級服務，而喺最基本我排隊比錢唔好比人打尖，個收銀唔好掟返個飽比我。呢兩樣嘢經常發生，如果我唔攞住個飽喺手比錢，個收銀就會好悔氣咁入袋掟喺枱比我。另外喺比錢嗰陣不停可以有人打你尖，尤其喺當你埋到收銀嗰陣。啲人就會超前晒你，啲收銀又唔理，咁排隊嘅意義喺邊呢？…Read More

今日想食點心，所以走咗去試呢間一直想試O既譚點。一去到已經10幾個人喺門口等位，我見有個阿叔企喺到應該喺安排啲人入去O既STAFF，佢見到我又冇乜反應，又冇問我喺唔喺要攞位，搞到我有啲唔知點算好。等咗佢一陣有個貴婦行埋去，佢即喺問人哋幾多個，咁我就跟手跟住話我2個啦，點知佢仲喺冇反應，原全見唔到聽唔到我咁，搞咗幾分鐘，我細妹忍唔住拍佢膊頭叫佢佢先比張飛我。講真，未開始食第一印象已經幾差吓。等咗一陣，細枱有得入就入咗去，帶位個阿姐一支箭咁走咗去，我都唔知跟邊個，其他WAITRESS又冇乜反應叫我行去邊，我見全部滿晒枱，得1張枱坐咗1個人，咁諗住要搭枱米行埋去，點知原來有人，個阿姐先可返出嚟話︰呢邊喎(唔耐煩同串串哋咁)。=_=|||原來佢喺入去廁所嗰邊條行仔有張枱，遮鬼住晒所以見唔到。其實坐得唔舒服我都冇所謂，又唔喺去咩五星級大酒店食貴嘢，舖頭仔有乜所謂，但都唔喺話連張椅都拉唔到出嚟坐入去？最起碼比我坐到，張枱夾咗喺佢落單個櫃同個雪櫃之類O既物體中間，真喺拉唔開囉，佢啲STAFF又唔幫吓手，放抵啲嘢就走晒，我哋要推開張枱先入到去坐。好啦，食嘢落單，叫咗︰燒賣- 味道普通(唔好唔差)石榴餃 - 好味，皮薄，餡新鮮蒜蓉饅頭 - 好味，甜甜地O既包同咸O既芝士都幾夾，不過等咗好耐春卷- 細條過手指，得4條，唔特別…芒果沙律盞 - 唔會再叫，唔好食…本普通O既沙律加啲勁甜芒果甜醬 叉燒腸 - 唔好食，唔夠熱(放到凍晒咁)，加埋得出面2條份量蘿白糕 - OK，唔好又唔差咁啦茶 - 冇味…其實應該叫咩茶都冇所謂，因為應該冇分別，一樣喺冇味走嗰陣唔知喺出去埋單定佢攞過嚟，咁就問吓個阿姐啦，佢一粒聲都冇出黑晒口面收咗張單就走咗…出聲答吓我都得掛，我知人多你做到好燥，都唔使咁樣架？整體嚟講，唔會再去幫襯，一次就夠啦。冇食評講得咁好食，份量細得好緊要，如果計返正常茶樓份量，呢間嘢喺偏貴。服務又唔喺好得。食咗$114，啲服務令我$1 TIPS都冇比就走咗。…Read More

肚餓到死，突然間想食車仔麵，就走去試呢間，印象中好似食過一次，不過太耐唔記得啦。叫咗蟹粉包、咖喱魚蛋、牛腩同蘿白油麵，加沙嗲汁。嘢飲要咗凍檸茶，然賣加$1。蟹粉包: 一般市面買到嗰啲，冇乜特別。咖喱魚蛋: 又腍又粉，唔彈牙，唔好食。冇乜咖喱味牛腩: 甜甜地，夠腍，好味。蘿白: OK，因為唔當造，所以唔可以要求太多，唔苦已經收貨。佢煮得唔夠入味就扣少少分。油麵: 比較幼身，但喺佢比得好夠分量，煮得幾好，唔會一PAT嘢咁。唔錯。凍檸茶: 好正，佢啲檸茶喺難得舊式茶餐廳嗰仲，好味。服務: 啲阿姐好好服務，好好禮貌，值得一讚，但喺佢坐櫃枱嗰個老闆娘……塊面黑過鑊撈，雖然喺老細，問你嘢都可以答吓人掛？使唔使黑起塊面先？…Read More

LUNCH過佐敦食，叫咗個午餐焗雞排飯白湯︰水味幾重，唔算好好味，有啲細個嗰陣飲嗰啲白湯感覺。餐包︰凍咗，麻麻。焗雞排飯︰幾好，雖然少少唔夠咸，但喺雞排脆脆地，洋葱夠腍，加埋好好味，個份量唔喺勁多，女仔嚟講啱啱好。凍檸茶︰甜得濟，搞到蓋過咗茶味。下次叫少甜會好啲。整體唔錯，價錢喺尖沙咀附近嚟講算平，加埋1都喺$30(凍飲唔使加錢)，會再幫襯。…Read More

見樂富開咗間連鎖酒樓，就去幫襯吓早茶，去到9點幾，個WAITER呼呼喝喝，成日問個洗杯用GE大碗要唔要，唔要就收返，逼我哋快啲洗嘢，點咗嘢食先洗都得掛？點完嘢個WAITER已經話10點定唔知幾點早茶時間完，@口@使唔使咁早？兩個人叫咗6個點心︰1. 煎蘿白糕 - 麻麻，成舊粉。個甜醬個面喺一大層油，勁嘔心，我要倒咗佢先食得。2. 薄撐 - 好似熱香餅，又厚又唔好食，仲要冇醬點嚟食。3. 燒賣 - 賣相麻麻，但喺味道喺咁多點心之中最好4. 棉花雞 - 啲魚肚我好懷疑喺豬肚，有陣「蘇」味，雞就幾好食，芋頭都OK。5. 牛肚 - 唔喺好入味6. 叉燒腸 - 一PAT嘢咁，夾都夾唔到。埋單13X，我計極都計唔到點解咁貴，除非佢收我$10幾茶錢一位(要記得呢間喺一間屋村茶樓)，咁就有可能。(我哋3個大點+1個中點+2個特價點心，計埋都應該唔使$100)應該唔會再幫襯，難食之餘，啲STAFF由門口個知客到入面啲傳菜WAITER，個個塊面一喺黑過鑊撈，一喺呼呼喝喝，一喺叫極扮見唔到，唔知呢間茶樓點TRAIN人。…Read More

買唔到豪大大，行過見到佢未食過就幫襯吓，買咗鹽酥雞(辣)。超唔得，辣味蓋過其他所有味道，又鞋又乾，勁多粉，$16得幾粒，冇諗過呢啲炸雞都會整得咁難食，KFC好食好多，我寧願買KFC食算數。唔會再食，佢其他嘢都米搞啦。=_=題外話服務同啲嘢食一樣唔得，我入到去企咗成個字都冇人理過我，個個見到我都扮睇唔到喺到吹水。大佬呀，我唔喺要咩星級服務，最起碼理吓我啦，成間舖得1個客等緊嘢食都唔理我，搞到我以為自己透明咗。(我之後有個男人入嚟買嘢，又即刻標出嚟招呼佢……)…Read More

食過呢間嘢好幾次，平時因為佢易訂位加埋喺屋企附近，所以耐唔時會去食，尤其是過時過節。啲嘢食都OK，但喺感覺好細碟。價錢選偏貴(同出面酒樓差唔多)，但叫佢啲餐通常都唔飽。佢啲服務好一般，通常都喺一次上晒啲嘢逼你快啲走(佢不嬲都冇乜人去，唔知點解咁趕住啲人走)我今次要講GE，喺我今日打電話去訂枱GE事。第一次打去，問冬至仲有冇枱，佢話分兩輪，要7:00前同8:30後，咁我話問吓先轉頭再打去，我CONFIRM咗，第2次打去落實BOOK枱，個阿姐(同第一次同一個人)竟然話︰冇呀冇呀，你自己上嚟攞飛啦！跟住好大力咁CUT我線！我都叫老顧客丫，耐唔時KEEP住幫襯，你冇得訂枱都唔使咁樣CUT我線掛？咩事呀？前後都冇3分鐘就360度大轉變！我知屋村酒樓喺差啲，但喺未至於咁樣對個客掛？啲嘢食幾好食都好，連基本GE服務都冇叫人點幫襯你？…Read More

睇完戲，想食日本嘢所以去附近呢間嘢食。上到去唔使等，環境都幾好。第一次食，MENU都幾多嘢揀，LUNCH嚟講價錢唔貴，30-60幾蚊，有沙律有嘢飲。叫咗1個三文魚親子飯，一個鍋燒烏冬。三文魚親子飯:個PRESENT好靚，味道唔錯。不過三文魚唔算多。鍋燒烏冬:好味，唔喺太甜(唔太鐘意啲鍋煮得太甜)，有炸蝦有雞肉仲有叉燒(乜都有？)。沙律:三文魚沙律，OK，唔喺話勁好食。檸茶:一般。味噌湯:豆腐味噌湯，OK多料。呢間喺旺角嚟講喺OK好食，可以再去。不過熱食等好耐，個三文魚飯食完好耐個烏冬先嚟。如果可以改善吓就好啦。(PS:啲WAITER同WAITRESS都幾好，唔會叫好耐都唔過嚟)…Read More