yuhs's Profile

平時都好少去西營盤呢一區，所以就專登搵左間cafe chill下😚！今次揀呢間位於西營盤嘅SP_CE，個地點係西營盤站同上環站嘅中間，而我選擇左西營盤站出大概行10分鐘左右，cafe入面雖然唔係好大，但裝修幾有特色，如果天氣唔熱，真係想坐outside嘆下🤣，另外呢間亦都係寵物有善cafe,好多客人都帶埋狗仔黎食個晏飲杯咖啡！今次就點左一個All Day Breakfast同炸忌廉蟹肉薯餅，雖然冇點到佢哋最出名嘅黑松露醬炒滑蛋Bagels，但佢哋其他食物都唔錯下次有機會再點佢哋嘅招牌菜。咖啡方面就點左杯Honey coffee，有少少失望，味道唔係好夾，變到有少少似涼茶嘅感覺，比較上都係食物出色啲🤭。食物正常cafe質素，性價比不高，如果放假想搵一間靜靜地嘅cafe休息下影下相，呢間都算係唔錯嘅選擇。…Read More

之前聽朋友介紹觀塘熟食市場有一間隱世嘅日式小店，今日有時間終於可以去試一試！我同女朋友6點半就到左，啱啱好佢哋落完場做到第一枱客人🤭，店入面坐位唔多，但間距足夠所以坐得好舒服，而今次我哋就嗌左個二人前套餐，只係$188相當抵食！精選二人前晚餐 - $188二人前晚餐包含前菜沙律味噌湯同主食，前菜我哋就揀左日本牛肉薯餅同唐揚炸雞，主食就揀左咖哩吉列豬扒同鹽燒牛舌，吉列豬扒味道唔錯，可惜略為有啲炸得太乾，而鹽燒牛舌就比我想像之中出色，牛舌有咬勁得黎又唔會太韌，鹽燒味道香口惹味，十分出色，以呢個價錢黎講，整體我都好滿意！希望香港可以保留多啲呢類型小店，大家有機會都要多多支持阿 ！…Read More

見呢間餐廳好hit 於是都跟風去試下平日晚上七點半去到 等咗差唔多九個字入到去等咗咁耐所以期望好高 但食完覺得驚喜不大環境幾特別 韓式澡堂style 好啱打卡但入面冷氣唔太夠 食物普普通通 叫咗個小食拼盤 最好食係個年糕腸仔 甜甜辣辣幾得意 其他都一般好出名嘅法式焦糖燉蛋韓式牛角酥窩夫 個人認為一般 我覺得窩夫要外脆內軟先好食 但個燉蛋會令個窩夫淋晒 所以覺得麻麻地而個雪花芝士炸雞 啲芝士粉太少 如果落多啲令每件炸雞都包滿芝士粉相信會好味好多總括嚟講呢間餐廳不過不失同朋友去打卡傾偈食下韓國嘢都ok嘅但要等咁耐就真係冇必要…Read More