tamjack1's Profile

話說病到死死下就食粥la，以前去開北館果間「靠得住」食，見南館開左間新嘢，心唸近d，唔舒服唔好行咁遠la，試下新嘢la。叫左魚腩粥多薑，黎到面頭唔見有薑絲，係食到落去先有3幾條，算la，當廚房唔記得落，但粥入面係勁多蔥頭，起碼有3舊，佢唔係蔥頭當薑掛…..d魚腩先唔掂，一黎無咩味，最大鑊係勁多魚鱗，大家想像下當你唸住食一碗順滑嘅粥時候，要不停吐魚鱗係咩感受。呢間嘢真係無下次。而家食完仲有d口乾，即係好大機會落左味精。…Read More

今日行經vwalk商場，唸住係果度食lunch，好耐無食泰國嘢，見到呢間唔洗等位，價錢又唔算貴，就試下la。點知中伏。叫左生菜包、黃咖喱豬趴飯、青咖喱豬頸肉飯、豬趴金邊湯粉生菜包d生菜新鮮的，但d肉碎完全唔得，睇落d色已經好淡，好似無炒過咁，出曬水，d肉好韌，又無調味，係我食過最唔好食的生菜包，沒有之一。豬趴又係無調過味，完全靠外在的咖喱味冲撐，d咖喱唔夠香唔夠辣，唔覺得係泰式咖喱。d湯又係無味，所以食到一半已經唔想食。浪費曬，真係唔好意思。青咖喱好重椰漿味，無咖喱味同辣味。我應該唔會再去。…Read More

都有幾個月無去徐記，唸住今日去支持下，點知d野食差左好多，雪山叉燒包一碟兩個，入面幾乎無陷，得塊厚包皮。牛肉腸粉好厚皮，又係無乜陷。燒賣塊皮乾身，係未蒸透果隻乾身......唔怪得門面少左人黎…Read More

見係網上講係黃店，就黎支持下la。一入到去係一間好正常的舖頭，唔講真係唔知佢係黃店.....好la，坐低食嘢，揀左慢煮雞同牛肋條意粉晚市套餐。慢煮雞d雞肉幾有彈性。d牛就完全唔得，質地好似煲湯肉咁，真係好奇怪牛可以煮得咁難食。其他湯甜品茶都正常咁la，真係建議將牛剔出餐牌。…Read More

九展開左歡樂天地，就睇下有乜食la，見咁多正評，自己又喜歡食拉麵，就去試下la。第一間舖頭位置好入，真係好隱世，入到去見無咩人，不過既然行到入黎，就坐低試下啦。叫左將軍拉麵同德川拉麵，其實只係個湯底唔同，係豬骨湯同魚介湯，配料其實一樣。仲叫多客餃子。麵一黎先試下個湯，好希，兩款都係，個味唔可以話好假，但真係好希。再試下個麵，其實同我係屋企自己煮果d日本拉麵一樣。好失望。再試下個餃子，煎得唔夠脆底，入面唔夠熱。公平d，佢價錢唔算貴，但我唔會試多次囉。…Read More

今日見到app有特價時段優惠，所以就去試下佢d燒嘢食質素。呢排可能近萬聖節，有xo同sofu蛋做牆紙同裝飾，都幾得意。但食店就梗係最重要係d食物質素同價錢la。今次主力係食佢d牛，叫左宮崎菲力牛排，和牛橫隔膜，巴西牛舌，牛腹肉，菜，日本菇。如果按佢個價錢，份量就一般la，兩個人如果係正價要800蚊呢個份量。味道就宮崎牛最好，肉質軟，有牛味，有油香。牛橫隔膜比較瘦，但燒完都唔算鞋。牛舌就切得太薄，口感差d，牛味唔突出。牛腹肉醃得幾入味，可以一試。菜就幾新鮮，不過唔係好似韓燒咁附送。菇就牛油味幾香，但無乜芝士味。…Read More

今日一早去尖沙咀海港城一幻食佢個9月之星拉麵。可能係比較早的關係，人未係好多，未見到好多遊客黎食。一入去先問清楚個優惠係點，原來點餐食已經要講清楚係用優惠先。點餐紙同一蘭有d類似，不過佢有伴麵揀，不過我個人就喜歡食拉麵。一於試下佢個濃厚湯底+醬油味道，要蔥，薑味天婦羅碎。麵等左一陣就黎，碗好熱，試一下個湯先，哇，好有蝦殼味，並且好好好鹹。試下隔離朋友仔果個，佢都係濃厚湯底，但係揀左鹽味，無咁鹹，個人覺得如果下次都係揀返正常濃度好d。個麵質地合格，叉燒幾薄，薑味天婦羅碎無薑味，但係夠脆的。餃子就正正常常咁la，可以一試。…Read More

新開張，今日第一次去試下佢。呢次叫左小籠包、竹笙時蔬、沙窩雲吞雞、話梅骨同埋生煎牛肉餅首先講小籠包，一落order轉個頭就到，應該係蒸定，d皮還可以，厚左少少，湯汁唔算多，肉球比較實；竹笙時蔬係我覺得整得最好的，菜夠甜，竹笙爽，上面撒左少少鹹肉末；砂鍋雲吞雞係例牌，有6粒雲吞，6棵菜，半隻雞，雲吞調味唔錯，湯ok，但無雞味，雞肉無雪味，還可以。話梅骨一上台好大陣醋味，師傅都落得幾重手，骨炸得over左d，令到d肉太硬，肉好鹹，呢碟最差，唔推介；最後係好多人都有叫的牛肉餅，一咬開好失望，無肉汁流出黎，肉餡好少，餅皮好厚，同個介紹圖差好遠，45蚊3個真係好麻麻。…Read More

上星期去左食湘聚漁樂圈，本來好想食爽脆魚皮，一開始就落order，叫左爽脆魚皮、炒土豆絲、魚蛋魚湯、炒脆肚、炒土雞。落左order後一陣，服務員姐姐走過黎話無魚蛋，但我地話想飲d湯，佢好好咁幫我地轉左煎魚湯。但係後來d送陸續黎到，但就唔見有爽魚皮，就問番服務員，佢check番原來無落到單，再問廚房，原來已經賣曬。炒土豆絲幾爽脆，唔算太油，幾好。個魚湯有魚味，我有試d魚肉，有鮮味，應該係新鮮魚，不過就有d腥，可能係我對腥味比較敏感。炒脆肚比較失望，一d都唔脆，但就夠鑊氣，個碟底都幾多油，都幾辣。炒土雞，都食到有雞味，可惜d雞太碎，無乜肉。…Read More

昨天兩個人見食評唔錯，就去試下la，當時未夠7點，入面還有好多吉位，雖然規定用餐時間90分鐘，但都要等齊人先可以入。叫左三樣嘢：生菜包，串燒，海南雞。生菜包有5塊生菜，如果多一塊就好d，最後包唔曬d肉碎。肉碎味道微辣，調味唔錯，只係d肉碎比較多肥豬肉。串燒d肉無乜味，比較韌，味道全靠醬味黎幫助。另外d花生係審上去，無一齊炒過，d醬唔夠香。海南雞飯d飯幾夠味，全餐唯一亮點。雞肉正常質地，無雪味，易無雞味。…Read More