ap4zybsx8742's Profile

服務態度極差係附近睇完展覽，搵到間餐廳想簡單休息食左早餐。食物賣相係吸引，環境都可以，但裡面一個人都無，我同屋企人都奇怪點解會咁，入到去終於明白晒。明明舖頭已經無人食，全部侍應態度極差。一家大小入去食野，無人招待，入到去放低雨傘係座位附近，一個黑色衫後生仔竟然極黑面咁，話咁會阻住其他人（其實明明成間餐廳都無人），咁我放自己座位下啦，佢就好惡咁話門口有兩遮架你睇唔到架咩？咁我話可唔可以幫我擺番好，竟然即刻好大聲呼喝咁話唔方便喎，然後掉低餐牌走左去，野食都未叫就已經一肚氣，幾好食都無用啦。…Read More

餐廳職員服務態度極差。老父禮貌問一句，可否加單？疑似老闆西口西面女職員，即刻好惡咁話：得，有錢你咪加單囉！你有冇？爛鬼豬扒面要五十蚊，加隻蛋加十蚊唔係問題，想食個早餐姐，佢個表情唔使咁嬲呀？觀察過佢對其他客都係咁： 你食咩架？ 我聽唔到你講咩，大聲啲！ 你地叫野未架？跟住講完話飲咩，咪話熱檸茶。佢勁串話咁熱茶要唔要加大呀？好細杯架咋喎。搞到同枱其他人勁尷尬。好普通一個出前一丁，簡單既早餐，食物質素無問題，係遇到個食左火藥既惡婆，搞到啲老人家以為自己問錯野咁囉！我知你係好忙，但無必要當啲客係垃圾。食野期間，職員不停大聲傾計，講客人既壞話，呢枱又嫌叫野慢，個枱又話改單麻煩。比錢比現金又唔中意，邊有咁麻煩既餐廳架？…Read More