foodlover8520's Profile

夜晚突然想食肉餅，上openrice search 見到呢間餐廳嘅肉餅好吸引，朋友話呢間民聲好耐歷史喇，最出名就係肉餅，咁當然要去試一試啦。餐廳入面比相像中細好多，剩係坐到2、3枱客，不過去到餐廳咁岩有張枱唔洗等，坐底見到張枱有條頭髮又污糟咁就諗住叫waiter 幫手抹抹，可能佢地人手少啦，門面基本上得一個哥仔負責落單咁，見佢係咁接外賣單好忙咁都唔得閒招呼我地，之後有個呀姐終於肯過黎抹下枱，不過都真係好求其，好彩疫情關係自己有帶消毒液習慣，人地咁忙唯有自己抹啦😅抹完起碼食得安心啲。我地叫左咸蛋蒸肉餅同手撕雞(因為見好多客都係叫呢兩款，同埋openrice 啲相個肉餅真係幾靚)，啲餸好快就到，但賣相就真係同相像中有出入。我見佢menu 每樣都要成$98，冇諗過份量會咁少，朋友話以前食係份量多啲食完覺得手撕雞味道就一般，不過肉餅味道就真係整得唔錯，係賣相同性價比差左少少，如果份量可以多返啲就好。之後睇返其他食評，見佢lunch menu 先$58，建議大家想食佢個肉餅嘅話lunch 黎好過dinner 黎喇。…Read More

之前網上見到呢間滷水店好評如潮，咁岩今日搵朋友經開灣仔，就諗住去買d 滷味試下。間鋪都幾易搵，灣仔地鐵站一出過對面馬路再行入條街基本上已經到，位置黎講算方便。唔知係咪因為時間尚早嘅關係，中午12點幾都未見有人買滷味，反而滷味店附近嘅泰國鋪頭仔就好多客。不過間滷味店冇客都好嘅，唔洗等，買完可以即閃我買左一個鵝上庄、鵝肝、鵝腎、豬耳加加埋埋$188，難得黎到梗係買多d 款式食下。個後生師傅可能見未有客排隊，所以都好心主動話幫我上庄起鵝片，咁我梗係話好啦，切得靚食個下都開心d點知買完返到屋企先發現中伏D 鵝肉好瘦好柴，痴晒牙，食落仲一啲滷味都冇，完全唔明點解會有咁多好評同屋企人食左一兩舊都已經唔想再食。之後試佢其他滷味，豬耳都幾爽脆，同埋有d 味，叫比較好食，但偏咸同埋唔知點解食完會好口渴。鵝肝就真係好差滷到好硬好實，同埋有d 雪味，都唔知係咪隔夜，完全冇左鵝肝應有嘅香味。鵝腎都係好一般，d 滷味根本入唔到，呢間野試完一次冇下次…Read More

今日剛好要去北角做野，自己一個行經城市花園附近，見到呢間位置唔起眼的日本餐廳，見佢望落都乾淨企理，決定入去試一試。入到去其實鋪內都唔細，座位都算闊落，坐得幾舒服。Menu 亦有好多選擇，咁岩今日想食天婦羅，所以睇下有咩定食岩。點知呢個時候就有店員拎住個模型定食黎sell 今日嘅特色便當，$160，有天婦羅、刺身、豚肉、、麵豉湯、燉蛋...好多款式好豐富，所以就決定揀佢。個便當等左大約15分鐘就到，天婦羅淋左d燒汁上去，所以變得冇咁脆口，刺身雖然得幾塊，但都相當新鮮。豚肉和炸三文魚腩味道都正常，不過不失。最驚喜就係個薯蓉和燉蛋，好好味!整體來講，呢個午餐好豐富，可以食到咁多款式滿足我嘅口癮，而且味道唔差，服務都好好，會定時加茶。…Read More

朋友介紹過的一間上海菜，終於有機會黎試下。一入餐廳，個環境已經好舒服，坐位闊落，又帶點西餐廳的感覺。一場黎到，當然要試佢既特色皇朝小籠包。有8隻色，每隻色代表唔同味道，感覺幾新鮮! 鐘意食小籠包既一定要試下! 之後叫左李白醉雞，酒味濃郁，而且都幾多肉下，$78 算係咁，不過就略嫌凍左d，食落有d 硬，有敏感牙齒既話要攤一陣先好食!另外仲叫左芝麻醬油麥菜，第一次食，好似食沙律咁，清清地，幾開胃呀，不過份量偏少，可以多d 就好喇最後叫左個蟹粉炒飯，不過呢個飯就一般唔係好夠熱，味道又一般，食食下仲要有d 蟹殼碎係入面! …Read More

早排行經西灣河，見到呢間鋪出面有好多人排隊，發現原來係呢區好出名既滷味店，好多食客食完都會返轉頭買，連李嘉誠都幫襯過所以我就決定搵日早d 去買，試試佢d 滷味睇下堅唔堅因為屋企人都鐘意食滷味，所以我買左幾款滷味諗住每樣都試d店鋪外貼左張好清晰既價目表，想買d 咩就同店員講，唔知食咩好既話可以問佢地有d 咩好推介鋪內店員唔多，但佢地都好nice，有問必答。因為今日一朝早10 點幾就黎到，好多食物都新鮮出爐，所以有好多款滷味可以揀黎得呢到梗係要試下佢既滷水鵝，我買左1/4 上庄鵝$120加一隻大鵝翼$38，鵝片每塊都切得好薄，睇得出師傅好有心機而且刀法利害鵝肉色澤好靚，而且肉質肥瘦適中，食落有滷味得黎又唔會話太咸，屋企人都食到停唔到口鵝翼既滷味都好香，肉質好煙韌，配啤酒可樂一流!另外我仲買左其他滷味，分別有蛋、豆腐、豬耳、同豬大腸。除左豆腐我覺得有d偏咸外，其他都好好食，豬耳更加係冇得彈!!!滷味夠之餘，咬落煙煙韌韌帶點爽脆，沾埋佢地自家製既白醋汁食真係會上癮，下次黎買會再encore總括黎講，呢間滷味店普遍食物質素都好好，而且好講究衛生，師傅切食物會帶口罩，真係抵佢有咁多人幫襯…Read More

黎開灣仔見呢間沾麵好出名，平時好多人排隊就入去試下，因為個肚唔係好餓，本來諗住揀200g，但200-400g 都同價，又驚200g 太少，最後就揀左300g豚骨魚介沾麵$88喇魚介湯上枱既時間仲係熱辣辣滾住架賣相相當吸引，但個沾麵食落口感就一般，粗得黎唔夠煙un，冇乜彈性。豚骨雖然夠厚，但比較瘦，食落覺得有d硬，同埋會痴牙。而魚介湯就幾好味，覺得太咸既話之後可以加水當湯飲。值得一提，就係個師傅都幾靚仔，雖然食物一般，但有型仔師傅望下算係補返數…Read More

係openrice 見到呢間韓燒好多like 就同屋企人黎試下，原來間野係要落地庫，同埋計人頭黎限時，咁我地得3個人就食一個半鐘。不過諗住個半鐘夠我地食架啦，就入去拿拿林睇menu 有咩好野食叫。一坐底侍應就走黎問我地加唔加$38 可以額外叫d 海鮮同牛咁，不過我地諗住本身個menu 都夠食就冇加。menu 款式睇落都幾多，我地每樣都叫左d，但好多都唔好食，d 蝦唔新鮮，好似死左好耐咁D 肉又冇調味又un，比較好食得牛仔骨同花蛤，個地下仲要好多油，走個陣差d 跣底，衞生同食物質素真係有待改變。…Read More

朋友生日，係facebook 見呢到個海膽丼做緊優惠就決定黎試試我地book 左6:30，黎到個陣冇乜人。因為我同朋友都好肚餓，一坐底menu 都未睇就叫侍應上左個海膽丼先，睇下份量如何再叫其他野食。海膽丼好快黎到，但原來相當迷你，不過海膽都好新鮮，冇乜腥味之後聞到隔離枱d 清酒煮蜆好香，決定都叫返碟黎食D 蜆都幾大隻，但當我同朋友係到讚緊d 蜆冇沙既時候就開始食到好多沙蜆果然係唔讚得。雞腎味道唔錯，幾開胃，不過份量都係偏少。芝麻雞翼係即炸，熱辣辣，真係有d 辣架😂我食一隻已經流鼻水投降，比朋友食埋佢。最黎仲叫左芝士年糕，好好食，外脆內軟總體黎講食物質素ok，但份量少同偏貴，而且服務麻麻，坐左咁耐一杯水都冇叫完仲要等一陣先肯拎黎，明明個陣冇乜客。…Read More

之前見好多人都post 呢間既黑糖波霸厚鮮奶好好飲，所以同朋友食完飯見7點幾時間尚早就決定去飲啦。去到見到都有d 人係到等緊以為係排隊落order，點知原來佢地係等拎飲品，結果我同朋友好快就叫左兩杯黑糖波霸鮮奶。因為我同朋友都比較健康，諗住少冰少甜，點知個員工話唔可以搞到我地O左咀，不過心諗都係試下姐，就算數啦，最多之後做返多d 運動減肥等左10分鐘都唔洗就到我地喇，真係好快，果然過左熱潮先黎飲係有落數。間店有個教學牌寫住要上下搖10幾下先飲，搖完好似d 老虎紋咁都幾靚wor:)飲落頭一兩啖都幾好架，黑糖味都幾重。但杯野好快就好淡味，唔知係d 冰融左溝淡左定點變到好難飲，飲左1/3已經唔想再飲，最後我同朋友見到有垃圾筒就掉左。…Read More

夜晚放工決定同朋友黎試下呢間泰國菜。入到去得幾個人食緊野，座位都算闊落，環境唔錯。不過冷氣開到好凍，所以叫waiter 幫我地較細左，唔係既話真係會變雪條😖由終我同朋友都唔係好食得辣，所以都係叫左d 唔辣至少辣既菜試下。首先到既芒果蟹肉炒飯$88，飯炒得幾香，但得好少芒果，同埋芒果偏酸唔夠甜，但整體黎講個飯係好食既泰式生蝦(8隻) $108，蝦幾新鮮，但好普通，冇乜特別。好彩個醬配得幾好，類似醋加蒜蓉辣椒咁，酸酸甜甜幾開胃，不過試一次就算，因為覺得有d 貴椰子雞湯(小)$68，個味同我想像中好唔同酸酸辣辣咁，可能係我食唔慣泰式菜，都係鐘意打邊爐個d 清甜椰子雞湯多d 不過個湯入面都足料，有雞肉同菇，但我地因為個湯既味道關係最後都飲剩好多。最後叫左個生菜肉碎包$78，菜幾新鮮同埋洗得乾淨，咬落爽脆，夾埋肉碎食真係不得了! 但d 肉碎睇落冇乜野，原來混左好多辣椒子係入面，食食下就會覺得好辣! 辣到我同朋友眼淚鼻水都流晒🤧🤧下次都係叫返d 拼盤食算…Read More

放工同朋友黎食，7點已經好多人好彩醒目book左枱黎到即刻有得坐。一場黎到梗係試佢個吉列牛，$316 兩個吉列牛set包兩罐汽水，每人先$160倒，算幾抵！係牛啊！！個牛外皮雖然用吉列粉炸左，但入面依然係生既，需要自己用爐煎下，要幾成熟自己話事d牛即使煎到全熟都唔會un, 好好食！！另外，除左吉列牛外，呢到個忌廉咖哩烏冬都好吸引！ 將d忌廉同下面d咖哩烏冬攪勻黎食， 好滑！大食既朋友可以試埋呢個，都係加多$78姐…Read More

之前每次食一蘭都係銅鑼灣個間，咁岩今日行經尖沙咀就決定去試下尖沙咀一蘭尖沙咀呢間比銅鑼灣大，而且佢有得揀坐枱食或者坐一格格個d位，咁我同男朋友就揀左坐一格格因為感覺上一格格寧静d, 好似坐緊自修室咁，係青春既味道！今次個麵我揀左軟，因為本身唔食得辣，所以秘製醬汁揀左1/2份，另外亦都叫左加麵，因為一碗麵對於本人黎講份量算少碗麵好快就黎左，軟身麵唔算太軟，湯我覺得普通比較清淡，下次食應該會揀返濃味，因為會更加開胃 ，普通既話個味道好似唔夠突出。另外個秘製醬汁都唔算辣，對於譚仔食開清湯既本人黎講係接受到加麵半個$16,一個$19,梗係揀$19啦我同男友都各自加左個麵底大家都食得晒哈哈，所以份量其實唔係話好多。食完走個陣發現埋單居然都排晒長龍好利害，出面仲好多人等緊入位，但個陣先8點，一蘭果然好旺場！不過埋單個陣先發現個職員入錯單，無啦啦計多左我地差唔多成舊水😰好彩有睇睇張單，如果唔係就變左水魚喇！…Read More