四個轆Look's Profile

戴定頭盔先 🪖 嗱！雖則我成日都鼓勵大家多啲幫襯小店，尤其輪椅朋友，其實唔使餐餐都幫襯連鎖集團餐廳，不過，現實歸現實，香港地的確地方細，有時同幾位輪椅朋友一齊出街食飯嘅話，商場的確有較大嘅空間可以容納多張輪椅，所以有時都真係無辦法。不過，我依然會堅持去介紹多啲唔同類型嘅小店，等更多嘅輪椅朋友知道，香港其實有好多好多好多食店係好值得去試 💪🏻今次嘅gathering就揀咗「咖吔」主要食星馬菜，幾個人叫咗以下呢幾樣：▪️星洲香辣炒飯- 辣㗎，屬於微微嘅辣，炒飯比較多油不過夠乾身，餡料有魷魚粒蝦粒，成個炒飯都幾惹味。要讚嘅就係雞肉串燒，燒得好靚又夠入味，而且軟淋，好食。▪️地道老鼠粉- 老鼠粉即係銀針粉，呢碟屬於重口味尤其肉碎部份，真係幾鹹，炸魚乾花生粒冇得輸，卜卜脆，超惹味！糖心蛋唔知關咩事🤣但整得好食嘅▪️喇沙- 唔記得要求轉摻摻，即係油麵加米粉🥲 湯底濃郁，同樣微微辣，魚蛋魚片都幾彈牙㗎，最正係豆卜，吸湯一流！▪️班蘭咖吔多士- 如果椰味班蘭味再突出啲就更好啦，而家嘅味道都OK嘅，不過不失咁囉。▪️熱 & 凍拉茶- 呢個好飲，凍熱都好飲▪️香茅青檸荔枝梳打- 朋友推介呢個，話酸酸甜甜，好正喎🌟🌟🌟🌟🌟🌟🌟🌟🌟‼️♿️‼️♿️‼️♿️‼️♿️‼️📷 食店雖然喺商場裏邊，但店內七成嘅枱都係卡位，只得三成左右係一般嘅可移動矮枱，而且通道都比較迫，建議各位輪椅朋友最好喺食飯高峰時段之前或之後先去，咁樣會容易比較有位坐。‼️♿️‼️♿️‼️♿️‼️♿️‼️ 🌟🌟🌟🌟🌟🌟🌟🌟🌟…Read More

記得初初食蘇媽蘇媽果陣仲係深水埗，喺後巷位置有塊帆布cover，加張摺枱就開餐喇，夏天去嘅話真係人體極限，哈！大大話話都有七八年前喇。依家分店越開越多，今次就揀咗旺角店 😀下畫四五點去，唔需要排隊就有位坐因為抱住食下午茶嘅心態，所以食物嗌得唔多▪️檳城福建蝦麵(摻摻) 🦐- 大家真係要試吓摻摻，口感上嘅享受會豐富好多。湯頭都幾重蝦味，而且夠熱，成碗嘢比較多炸蒜同埋蔥粒，係香口好多嘅，幾欣賞佢塊豬腩片，完全無異味，仲好爽口𠻹！▪️椰香咖央多士🍞-咖央搽得好足嘅，椰味突出，可能因為咁我覺得甜咗啲。個人都係鍾意食Rempah Noodle嘅咖央多士，講起又想去食。▪️馬來西亞拉茶🧉- 面頭嘅泡泡真係好吸睛！吸睛嘅意思係，之前飲過嘅拉茶都唔會見到泡泡嘅😀 甜就一定㗎喇，但吞落喉嚨後，會有啲香味回返上嚟，呢個經驗無喺其他星馬茶餐廳試過，幾特別🌟🌟🌟🌟🌟🌟🌟🌟🌟‼️♿️‼️♿️‼️♿️‼️♿️‼️📷 正門會有一級但同店員講嘅話，輪椅朋友可以由618入，方便好多㗎！‼️♿️‼️♿️‼️♿️‼️♿️‼️ 🌟🌟🌟🌟🌟🌟🌟🌟🌟…Read More

聽過 「heysonuts 」呢個名好多次但真係甚少去土瓜灣呢一區見放假無乜嘢做，不如去行吓順便試埋呢間食店...嗱！相片嘅次序都出埋咗心目中必食嘅𝙞𝙩𝙚𝙢𝙨◾️ 𝙩𝙞𝙧𝙖𝙢𝙞𝙨𝙪 𝙨𝙤𝙪𝙛𝙛𝙡𝙚́ 𝙥𝙖𝙣𝙘𝙖𝙠𝙚𝙨〰️ 張相出嘅效果可能一般吸引，皆因坐嘅位置有一盞好𝙫𝙞𝙣𝙩𝙖𝙜𝙚嘅燈💡但唔重要 🙂 最緊要好食。呢個班戟分別有2部分。 面頭果層係忌廉，好厚吓，滑嘅。第二層就係下面嘅pancake，濕潤，有蛋香，texture唔係走空氣感。兩樣加埋一齊食係正，但食多兩啖就會覺得漏，所以記住要淋上咖啡一齊食，苦苦哋可以沖和一下，估唔到好match。◾️ 𝙜𝙞𝙣𝙜𝙚𝙧 𝙢𝙤𝙛𝙛𝙡𝙚 𝙬𝙞𝙩𝙝 𝙘𝙝𝙚𝙨𝙩𝙣𝙪𝙩 𝙥𝙖𝙨𝙩𝙚 & 𝙫𝙖𝙣𝙞𝙡𝙡𝙖 𝙞𝙘𝙚 𝙘𝙧𝙚𝙖𝙢〰️薑味嘅窩夫！放心，唔會食到薑粒，又無薑嘅辣。內裡係麻糬...好食喎，唔突兀。淨食有少少寡，最好同雪糕一齊食。中間嘅栗子蓉係食店自家製，甜度比坊間食開嘅無咁甜，栗子味都好濃吓。食完整份窩夫，再食埋柚子凍，口腔好舒服，令甜味減咗一大半，唔錯！◾️ 𝘾𝙧𝙚𝙖𝙢 𝙬𝙞𝙡𝙙 𝙢𝙪𝙨𝙝𝙧𝙤𝙤𝙢 𝙤𝙧𝙚𝙘𝙘𝙝𝙞𝙚𝙩𝙩𝙚〰️ 好足料！勁多磨菇，成碟貓耳朵意粉都沾滿醬汁，但每一啖都食到！好正！而且非常夠熱，一路食，隻碟不斷出煙，推介呀！◾️ 𝙈𝙚𝙖𝙩𝙗𝙖𝙡𝙡𝙨 𝙬/ 𝘽𝘽𝙌 𝙨𝙖𝙪𝙘𝙚 & 𝙘𝙝𝙚𝙚𝙨𝙚〰️ 呢個唔得咗！肉丸本身OK嘅，好tender。不過，sauce太鹹！芝士又唔溶🙈 🌟🌟🌟🌟🌟🌟🌟🌟🌟‼️♿️‼️♿️‼️♿️‼️♿️‼️📷 零梯級！零梯級！零梯級！門口係斜坡！好方便輪椅朋友！不過帶定頭盔先，食店呈長方形一入去就有一排矮枱，不過通道就有少少迫。同店員溝通一下，其實係可坐-able嘅 ‼️♿️‼️♿️‼️♿️‼️♿️‼️ 🌟🌟🌟🌟🌟🌟🌟🌟🌟…Read More

九龍城的確有好多泰國菜舖頭，但街舖為主，地方細，好多時輪椅朋友都較難入到去食。買外賣當然可以，但有啲食物要立即食先得，以下幾樣正正係咁：🍤炸蝦餅皮蛋🍤- 新鮮即炸，好夠熱，外皮脆卜卜，一定2樣嘢一齊食，再加少少泰式辣醬。係幾特別，但食完好漏吓。🥗燒牛肉沙律🥗- 份量巨大！菜量好足，夠凍夠辣，越食越過癮，牛肉幾濃，但筋有啲多，好韌。🍚蝦醬炒飯🍚- 又係勁多！炒得好乾身微微辣，夠鹹香實在食唔晒，留待第日嘅lunch再食過。🇹🇭泰式奶茶🇹🇭- 有漸變色！好飲！🥭芒果沙冰🥭- 幾乎枱枱都有人叫，照跟就啱喇！好大杯囉！而且芒果又開始當造，當日天氣又熱，飲完一杯真係透心涼！🌟🌟🌟🌟🌟🌟🌟🌟🌟‼️♿️‼️♿️‼️♿️‼️♿️‼️門口有一級唔算好高，可以一試。以街舖嚟講呢間食店嘅室內空間算鬆動。Bookmark定，有機會去試吓啦‼️♿️‼️♿️‼️♿️‼️♿️‼️ 🌟🌟🌟🌟🌟🌟🌟🌟🌟…Read More

Cafe除咗打卡 & hea之外其實喺裏面傾偈真係唔錯大前提當然唔係大排長龍啦因為阻人阻地球嘅事係好討厭嘅各位記住要將心比心♥️下午四點幾竟然有位！二話不說入去！想去勁耐！既然下午茶，嚟個輕食就啱feel喇要咗：🧊🍫Valrhona coco🍫🧊🧊 ☕️Cappuccino☕️🧊🍦🧇🍦🧇🍦🧇🍦🧇🍦🧇竹炭糯米窩夫配自家製牛奶雪條🍦🧇🍦🧇🍦🧇🍦🧇🍦🧇- 圓形窩夫切開4件，每人share兩件真係剛好。窩夫用咗糯米，口感有少少chewy，但又未到麻糬feel嘅。 最最最欣賞就係窩夫上嘅紅桑莓jam完全唔係果醬嘅死甜，而係好真真實實嘅酸甜，加埋新鮮嘅士多啤梨 + 紅桑子，dried raspberry碎碎，berry feel爆燈。忌廉係必須㗎！好食，好滑，好月巴 🤤至於牛奶雪條，奶味唔會好濃郁，反而忌廉感比較重。‼️♿️ 門口有一級呀！記住帶斜板！店內都有唔少矮枱輪椅朋友想嚟就預吓時間，盡量避免peak hours…Read More

唔好講笑，呢餐泰國菜真係抵食到喊！所有嘢都係珍寶size！賣相吸引，味道非常唔錯，價錢勁親民！對女仔嚟講，呢度一餐絕對可以當兩餐食！Weekend嚟，有set lunch，每個餐會減$8，埋單時，店員會自動扣，唔需要額外code/app，包任何 $18 / $28 杯品，冷熱同價。Set lunch選擇唔多，好快手就可以決定食乜：🇹🇭🐓烤雞青木瓜沙律配白飯🐓🇹🇭$68- 不得了！青木瓜量足以兩個人share爽脆又夠冰凍，酸酸甜甜帶辣，好開胃！最正烤雞有燶邊，全部去骨，啖啖肉，食得方便！碟上有泰式甜辣醬，其實淨食雞已經夠味，雖然係烤雞，但一啲都唔乾柴，好OK！🇹🇭🐽泰式燒豬頸肉飯🐽🇹🇭$78- 本身對豬頸肉唔會好大興趣，怕佢好油膩，份餐嚟到就轉口風喇 🤣 豬頸肉燒得幾靚，燶多少少就仲好，但其實而家已經好唔錯。同樣唔乾柴，最正佢嘅醬汁，香料連同酸辣同豬頸肉好夾，食多幾件都唔漏滯！🇹🇭🧊泰式奶茶 & 咖啡🧊🇹🇭- 店員一放低真係嚇死寶寶，超勁大杯！好飲喎！最鍾意佢可以選擇少甜*🇦‌🇹‌🇹‌🇪‌🇳‌🇹‌🇮‌🇴‌🇳‌*‼️♿️ 門口有一少級店內全矮枱，輪椅可以試試喎！同店員講聲，佢哋會安排㗎喇。…Read More

食得成「貓之眼」其實要多謝老闆！話說，去到門口就有好多人排隊然後由玻璃窗望入食店，已坐滿人加上，小店嘅空間通常比較細輪椅入去嘅話一定會佔去人哋好多位一心打算買外賣就算，但原來漢堡扒係無得take out。後來同老闆傾多兩句，佢就話「入嚟啦，排隊等，盡量安排位置比你」就係咁，我成架輪椅入咗去坐 😍 真係坐得好舒服又食得好自在😌食店嘅裝潢好日本小店feel多謝「貓之眼」老闆！為咗報答你嘅好意，我決定食哂成碟飯！不過真心覺得好食！一粒飯都無剩同朋友分別叫咗🔸咖喱豬肉 + 和牛漢堡蛋飯 🍛- 賣相真係不得了！非常吸引！而且好香。白米來自日本，圓碌碌又飽滿，咬落有彈性，就算有汁，白飯都唔會浸到軟爛。另外，佢嘅蛋真係好滑，蛋味好突出。自己一向對日式咖喱都唔算好有好感，因為唔太鍾意偏甜嘅咖哩。不過呢度嘅咖喱又令我食得幾舒服，每一啖咖喱都帶有甜味，咖喱裏邊有好多洋蔥紅蘿蔔，最重要甜之中有黑胡椒嘅辣味，非常好送飯，豬肉片軟淋，唔錯唔錯。又講吓牛漢堡，唔知大家有無睇過動漫或者日劇，好多時都會有漢堡扒嘅出現，每家每戶都會做嘅家庭餸。咁究竟日式漢堡扒同一般西式漢堡扒(eg.漢堡包)有咩分別呢？關鍵就係有無加麵包糠，食落嘅口感亦大不同。貓之眼做嘅漢堡扒就係日式，texture係好軟、棉、滑，有啲人會認為texture好軟爛、鬆散，「肉感」唔夠，呢個亦係佢嘅特色，所以好睇個人鍾唔鍾意嗰種口感，我自己就一般啦，但又唔討厭嘅，調味都OK呀，唔會好鹹，整體係溫和嘅。🔸 咖哩 + 濃茄汁牛漢堡蛋飯 (朋友嘅)- 基本上同我嘅差唔多，但佢換咗濃茄汁版。茄汁係同牛肋肉熬製而成，茄味濃，帶甜，日式嘛。內裡有牛肉粒粒食吓，都係軟身為主，送飯零難度。‼️♿️ 門口有一級，輪椅朋友想去嘅話，一定要帶斜板！不過，食店都有啲迫，揸車要好好技術。買外賣都OK嘅，但漢堡扒就唔可以買take out喇。…Read More

我好愛食番茄🍅！不論煮熟嘅、未煮嘅都愛食，所以任何食物同番茄有關都勁想試！番茄師兄唔使介紹啦！但我而家先去食，仲要佢開舖無耐就去，因為時間一晏就會大排長龍，輪椅要入就會非常非常困難！‼️♿️ 門口有一級，都幾高吓，所以一早帶定斜板就掂哂啦。舖內都幾逼，基本上只有近門口位先比較方便輪椅，如果想入舖食，最好早到有著數，佢哋開11:30，12點前好到喇，除非你買外賣啦。好！落order先！要咗：🔸帶子牛郎 ！- 先講我最著重嘅番茄湯底！色水靚，感覺都好吸引！先飲一啖湯，整體偏甜，嗰種甜味並唔係砂糖嘅甜，而係蔬菜煮出嚟嘅甜，其實飲落係舒服嘅。蕃茄味唔算好濃郁，亦無蕃茄嘅酸味，for唔討厭食蕃茄既人會比較容易接受嘅，對於個人口味來講，係希望可以酸返多少少😝 牛郎代表乜？即係牛脷。勁厚切，但質感偏軟，基本上一咬就化開，唔需要點咀嚼。另外，每一塊牛脷都有被煎過，食食下覺得好似食緊鹹牛肉，呢下幾吸引。雖然話人哋湯頭偏甜，又唔夠酸但成碗差唔多飲晒，所以真係幾好飲嘅。…Read More

好啦，講埋樂怡餅店下半part！話說幾年前已食過呢間舖，仲要一個月食幾次！每次都要朋友做托運工人 🤪究竟有乜咁吸引？就係佢哋嘅麵包！每一個拎上手都好有重量，絕對唔係空氣包。最近再食，質素依然keep到！云云咁多款式裏面，以下幾款係經常encore！🔸芝士五重奏- 推介比芝士愛好者！佢嘅芝士真係勁濃厚！由第一啖食到最後一啖都係芝士！比例應該係7:3 🤣 無誇張㗎！放入微波爐(有嘅話)叮10秒左右，熱熱哋，仲正！🔹金磚- 不得了！佢真係無改錯名！金金黃黃，蒜蓉味好突出！包心非常軟熟！仲可以一絲一絲咁撕出嚟食，正！喜歡嘅話，可以點西湯一齊食，好match㗎！🔸蒜蓉吞拿魚包- 齋望相係咪覺得好澎湃呢？事實上都真係咁！啲餡係由頭帶到落尾！唔好以為吞拿魚會整濕個包，又唔會喎！而且生菜 & 番茄係新鮮嘅，同吞拿魚好夾！食一個真係會飽！！呢個每次去都必定會食🤤🤤🤤‼️♿️ 餅店喺商場內，好方便輪椅去。…Read More

突然受到朋友邀請去食生日飯於是大膽舉手承包生日蛋糕時間實在有啲趕急...好彩記起 @aimei.hk 介紹樂怡餅店諗住打電話落訂，點知打一次無人聽，第二次又無人聽，打第三四五六七次都無人聽...😓如是者過咗三日😓😓於是打去商場管理處，問點解餅店無人聽電話？！係咪執咗笠？！得出嘅feedback係，餅店係唔會接聽任何電話😓😓有咩要求就親身去😓😓😓好彩朋友住果頭咋 🤪 然後佢親自落訂，要咗最普通嘅黑森林蛋糕因為係生日主人翁嘅favorite。蛋糕一拎出嚟，個個都好滿意，賣相真係唔錯粒粒士多啤梨都有金箔，仲要係甜嘅芒果都唔輸蝕，片片又係甜嘅。蛋糕體無再影相，因為比周邊嘅小朋友瓦解咗喇🤣 味道OK㗎，唔會過分甜。以一間傳統餅店嚟講，呢個蛋糕真係好高CP值，價錢好親民。$240左右，一磅重，足已6-7個人share。其實認識樂怡餅店已有好幾年，佢有好多造型蛋糕做得好出色，想要度身訂造嘅又有，一般常見嘅款式都有。但呢度最吸引我嘅係另一樣食物，留返下個post再講 🤪‼️♿️ 餅店喺商場內，好方便輪椅去。…Read More

「唔好意思呀！對唔住！對唔住！唔好意思呀！」呢一餐就由呢一句開場白開始啦！ 🥺😅位於旺角分店嘅「甜記餃子」門口有一級當日無帶斜板，於是有2位食店哥哥+朋友一齊抬我張輪椅入食店，就係呢個時候，笨(本)人輾過其中一個店員哥哥隻腳🥺🥺🥺 我知道痛㗎，但佢無話我，仲笑笑口話無事無事...🥺🥺嗚...對唔字呀！🙇🏻‍♀️🙇🏻‍♀️好！我要好好用心食呢一餐...叫咗2碗雙拼餃子，湯底要咗蕃茄薯仔魚湯。湯底好清甜，不時會見到蕃茄粒同埋薯仔囉，味道好似屋企湯，好飲喎，飲完唔會口渴。餃子size好大隻雙拼加埋有10隻，皮薄餡多，飲埋湯，勁飽足。🔸洋蔥牛肉餃 x 香芹芫荽豬肉餃-牛肉餃甜味較多，可能因為有洋蔥，好juicy。-芫荽味好出，愛荽人士必定要試！🔹芝士粟米雞肉餃 x 西洋菜豬肉餃- 淡淡芝士味，但粟米大粒又甜，好食。- 西洋菜餃都好食，菜比肉多，我like呀！佢哋嘅辣菜脯都好食，麻辣味，好惹味呀！佢哋有生餃，買返屋企自己煮都可以。‼️♿️ 除門口有級店，其實食店空間都唔算太逼枱櫈可以移動嘅，下次要帶板再食過！.....…Read More

有無人同我一樣好愛食菜脯、蝦米、冬菇呢一類嘢？最愛呢類東東放落湯麵，好惹味㗎。話說以前寶琳街市，有一間食狗仔粉嘅，每逢冬天就一定會食，可惜街市重整(即迫遷啦)食店就執咗喇。因為好掛住呢種味道，所以依家每逢出街見到狗仔粉就會有衝動去食。喜家就係其中一間啦！佢有其他嘢食嘅，但今次專程食狗仔粉。除常見嘅冬菇蝦米食材之外，仲有蜆仔粒 & 瑤柱碎，所以湯頭都幾甜。麵條偏淋身，令到啲湯有少少杰 & 漿口。菜脯有原味、小辣、多辣選擇，建議要小辣好啦，因為佢都真係幾辣，太辣就會蓋過狗仔粉嘅味道。‼️♿️ 食店主要做街坊生意，同埋只有外賣。各位輪椅朋友可以買返屋企食喎！…Read More

Bookmark咗位於大圍嘅Platform 有一至兩年喇，因為住得遠，所以一直拖又懶洋洋咁...但食過佢哋嘅食物之後，真係非常慶幸自己無因為遠而放棄唔去，仲一試就愛上呢間食店。嘢食yummy之外，Platform比人嘅感覺好homey，越坐越舒服😌Menu選擇唔係好多，但都望咗好一陣先揀到，好似樣樣都有興趣咁，最終揀咗以下嘅：🔸Shakshuka 港式煲蛋- 好過癮呀！竟然用瓦煲上食物！好港式 🤣 食物超級夠熱，而且仲好保溫，冬天食真係一流！鍾意食蕃茄嘅一定要試，因為茄味好夠濃郁，內裏有蛋，但蛋黃竟然做到溏心蛋嘅效果，有少少流黃嘅，好正！面頭嘅係羽衣甘藍，焗到脆卜卜，食落好似紫菜！見到有Bagel嗎？少少煙韌，軟熟口感較多，似麵包多啲，但都好食嘅。🔸French omette 法式卷蛋 配布里歐麵包-賣相真係好吸引！！卷蛋嘅色水好靚，好夠黃！！蛋味好夠，內裏捲住蕃茄同埋羽衣甘藍，簡簡單單，味道一啲都唔單調！麵包係brioche，雙面烘到金黃色，同樣又係好香蛋味，外脆內軟，好食喎！另外，沙律同樣出色，因為d菜好新鮮。最surprise係沙律dressing，有淡淡蜂蜜，又隱隱有花香，又有少少肉桂。好夾、好特別又refreshing！哈..🔸Cheese latte- 呢個有驚喜喎！latte本身係熱嘅，但完全無諗過面頭嘅cream層係凍嘅，有淡淡芝士香，好滑。飲咗一陣就覺得佢係一杯奶蓋latte，以為會偏向milky？又未算，因為佢咖啡味都幾突出。真心好飲🔸Cappuccino - 好滿意嘅一杯咖啡 😌‼️♿️ 門口有一級，ok啦，唔算好高。店內有少少逼，但入到去又無想像中咁窄，可以一試…Read More

又嚟豪隍食點心點解？好食囉...味道真係好唔錯...點心size好jumbo 🤣係。每一款都好大隻！其實食2-3籠點心就已經好飽🤣今次醒咗喇，11點前就嚟，等咗10分鐘左右就有位。‼️♿️ 食店喺工廈，由停車場入坐升降機就可以。店內有少少逼啦，有卡位又有一般座位，同店員講聲，佢哋會安排適合輪椅嘅位。…Read More

喺海濱公園散完步之後覺得有啲凍，想入indoor又想飲杯熱嘢...呢個時候去「lagom Kaffe」就perfect喇...‼️♿️ Lagom Kaffe樂感係桔梗嘅姊妹店，喺觀塘商廈，地方超級大，絕對適合輪椅朋友去，約多幾個輪椅friend都唔會成問題。今次坐近窗嘅high table，前面有好多樹木，影相都靚啲😌😌同朋友分別叫咗：➰平白 Flat White ➰京都抹茶鮮奶➰焦糖蘋果· 檸檬· 伯爵茶 waffle- 窩夫幾好食喎！咬開好香伯爵茶！同時又聞到玉桂味～ 蘋果醬好食，酸酸maymay，又食到果肉。另外，伯爵茶忌廉好滑，但唔會好膩，完清。最後就係青檸雪葩，movenpick嘅，清新到不得之了(蠻酸der 🤣)...呢度無限時，坐得舒服。下次要試吓scones...…Read More