Dor 1119's Profile

花街道自從疫情之後，好多以前常去既好質餐廳無論大大小小既都好快唔見左，今日去開銅鑼灣，經過渣甸坊排檔裡面一些餐廳，搵左呢間小店試試。入到去，店子雖然面積唔大，感覺好乾淨企理，一進去，店員就好主動帶位，佢見我轉坐對面位置，就問我係咪因為冷氣風好凍，話幫我較細d,老實講 依家咁細心主動既店員真係買少見少了。這店中午主打是一些套餐，有飯、主菜、有麵豉湯、有沙律、有野飲，我叫了份汁煮牛舌，因為平時多數都係去食燒牛舌，瀗煮既比較少食。 所以食物、飲料都好快上齊，牛舌好食😋夠淋、汁好夠味而且唔係死喊果種，成個餐都好滿意，仲有得㨂冰滴咖啡（好飲）。個餐都係$92仲要免加一服務費，真係好性價比👍🏻👍🏻👍🏻，會再來、會介紹俾朋友，因為好想呢d高質用心制作既小店可以一路做落去，因為現在好難搵到一間自己既精選飯堂，一諗唔到食咩我就會去 ！ 會繼續支持 🤗🤗話說見到店內有多款自家釀制既水果酒/梅酒，要搵一日夜晚放工過來試試 😬…Read More

琴晚同朋友慶祝生日，我地通常試到一間好食既就會成日去，今次冇去以往食開既餐廳，朋友建議試下新野，佢㨂餐廳一向都有d要求，咁就㨂左呢間大家都未試過既去啦。餐廳隔局幾好，我地一行4人被安排坐一個小包廂，座位都幾舒適，店員既服務都好周到，因為我入門口上完樓梯店員問完我訂位姓名，佢話完俾另一位帶位同事知邊枱，就好主動咁拎我手上既生日蛋榚話幫我雪起佢先（其實好小既事我已經感覺到間餐廳氣氛）。 未開始打邊爐之前飲左佢地個湯底，我地叫左醉雞湯底，湯夠濃、鮮、無味精！ 海鮮、肉類、連餃類都非常新鮮，冇一樣食物係令我覺得唔滿意。 真係值得再讚除左食物質素好好，對得住個價錢之外，呢間餐廳既員工都好友善、勯快、有禮貌同親切，寫食評真係想多d支持番香港既飲食業，遇到好餐廳一定要表揚🎊🎉、我一定會推介俾身邊既朋友 😛…Read More

之前來過呢間居酒屋食晚飯，今日lunch再次經過呢度，見到有拉麵食，咁就試下輕食lunch先。試左佢地新出既柚子塩味拉麵，叉燒軟滑似係自家制、拉麵軟硬度適中，另外朋友介紹左我飲左杯特飲，話係用日本空運既魚柑桔調制，有少少酒味 好好飲 👍🏻👍🏻冇介紹錯 😽。餐廳上菜時間好快，服務好，食物保持水準，餐廳座位都唔迫、坐得都算舒適。 聽店員話平日有一晚會有live band+駐場塔羅牌師父係度同客人傾計，會再繼續幫襯 😬😬…Read More

銅鑼灣新開左間台式火鍋店，性價比好高啊 😋前幾日朋友帶我去呢間位於銅鑼灣糖街既台式火鍋，我地一行5人，食物用料新鮮，餐牌都算多選擇，還有一些小食類，更重要係呢間店既職員服務都好好、好有禮貌、招呼周到、細心（其好似有台灣人侍應，好似本身係台灣近期進駐香港既品牌），埋單只係$1481😱，仲以為我睇錯。平過我上次去另一間同區位於利舞台既港式火煱好多啊，下次一定會再去 值得推介👍🏻👍🏻👍🏻…Read More

臨近過年今日路經旺角，再去呢間之前試過既小店，呢間店已經開左好幾年，今日2:30pm去到在門口排左一陣，(其實我好唔鐘意排隊等位既，但係去開好食既餐廳就無辦法啦😝）今次試佢地既期間限定醬油清湯梅頭叉燒拉麵，這店水準一路都保持到、好好食！食得出師父的「用心制作」，由湯底到麵、叉燒、溏心蛋都係我食過咁多間拉麵最好食既👍🏻👍🏻👍🏻 叉燒又淋又軟滑，唔同一般店既鞋到柴皮既叉燒、溏心蛋都令我好想追加再追加 😋😋 難怪每次路過都見門口有人排隊用心小店真係買少見少，水準、服務都好好啊，值得推介💜🫶🏻…Read More

12:30食飯時間想食個沙律，去左登龍街冇咩選擇就入去呢間比較新既餐廳，兩個女仔叫左兩樣野，沙律及朋友叫了卡邦尼，等到13:15問個侍應請佢幫忙跟下order,侍應回覆「呢度全部人都係度等緊」，我地等左45分鐘，來了一個沙律(場內只坐了3成客人)朋友趕返工，只好叫佢轉外賣，接著佢立即就包了外賣出來，我就叫佢埋單，埋完單我地走左先記得原來係餐，連餐飲都冇叫到，一定係自己唔啱啦，侍應冇義務問你餐飲咩啦？！ 食飯時間都坐都3成客人係有原因既，別信那些密集式好評！…Read More

經常都會在尖沙咀搵食，今日見到有餐廳新開而且本人好鐘意食日料理，就去試試同朋友兩個人去分別叫左兩個餐，最貴的餐先至6百幾，但侍應話今日未有，所以就叫左另外兩款，侍應話佢地全部係用A5和牛，我同朋友食完都真係覺得可以再來，兩個餐埋單都唔洗6百蚊，之前去過附近另一間樓上舖食個差唔多質素既和牛壽喜燒都要6百蚊一位，所以呢間餐廳都幾性價比，會再來吖餐廳座位坐得舒適、各方面都好滿意 乎合預期 …Read More

個人一向都好喜愛吃日本菜，尤其Omakase,今次試下呢間天后新開張既餐廳，食完真係要推介一下，店內除了裝修格調舒服、師父好nice好詳細介紹每道菜，餐廳用既食材都好新鮮，所有盛器、餐具同每道菜都好夾，睇得出店主真係用心制作，而且店內侍應都好有禮貌。以往多數都在銅鑼灣、尖沙咀區食Omakase,一般收費都要$1800-2500，所以我覺得呢間餐廳真係好性價比，要推介一下，因為現時消費左又想真正試到一間真係好既餐廳、我真係覺得唔容易搵，出面好多餐廳都係機械式運作，真係唔係咁多餐廳可以做到咁全面，原先還怕格錢會影響食物質素，今次試左19品晚餐食到飽飽，大滿足😋😋…Read More

呢度環境舒適、店員用心介紹每道菜式，每道菜都好有心思，counter個火焰🔥燈箱真係好吸睛，最鍾意係炭煄牛舌芯，用備長炭煙煄牛舌, 外脆內軟，炭煄味濃，和牛他他飯堡味道配搭得宜，好好食 會再來 😺…Read More

今日約朋友食lunch又未諗到去邊食，咁啱黎到呢幢大廈有一間新餐廳開張，見裝修幾靚就入去試下。呢度環境舒適、店員都好用心介紹每道菜式，每道菜既配搭都好有心思。counter個火焰🔥燈箱真係好吸睛，約朋友來飲野真係幾好 feel💜, 最鍾意係炭煄牛舌芯，外脆內軟，炭煄味濃，和牛他他飯堡味道配搭得宜，其他幾道菜既用料都好新鮮，我同朋友叫左個lunch set,由第一道菜食到最後一道甜品我地都覺得好好食，會再來 😺…Read More

前後來過兩次，當初是因為想試新野而且屋企附近沒有相類似既餐廳，所以來試試。這裡裝修簡約、尚算舒服。第一次和朋友來是上星期某日下午，卡位很不舒服（很窄），我們都點了個all-day breakfast, 食物上到枱時碟內食物大部份都係凍既。除了兩條腸（可能係剛剛煎起），咖啡還可以。 當我進餐時，有個女侍應突然在我身邊拿著長長拖把，清潔在我頭上天花板既冷氣機，我望住佢，擔心風口那一堆一堆既塵會跌落黎，我唔理你當時係咪比較清閒既時間，當時還有5枱客，你打開門營業，無理由在食客頭頂做d咁唔適當既野（留番收工先做啦！）幾個侍應均是廿歲妹妹仔，有幾高水準既服務，請你地不唔好有咁高期望。。。第二次再光顧，放工回家前搵野食，經過上次一役，我再俾佢一次機會試下其他野。點了野菌忌廉長通粉($58+10%)，味道不錯，但份量好少，男仕 又或者唔係減肥中既女仕一定唔夠食（我寧願你收貴少少但所有食物既份量多d。最後唔夠飽要叫多件New York Cheese Cake,我不否定件cake係自家制，但肯定那個制餅師父唔係用心整。件餅唔新鮮，放了起碼2日，冇香濃芝士味，同隔離街麵包店賣緊$30既都不如。聽說呢間新店既老闆同之前結業既粥店是同一人，真心講句，我寧願留番間粥店。我既結論係唔會再去，亦唔會介紹人去:(…Read More