hellohaheidi's Profile

香港勝在有好多唔同嘅菜式可以食，放工攰到唔想煮飯嘅我，近排就燃起左食韓國菜嘅慾望！天文臺道附近有好多唔錯嘅韓國餐廳，頭也不回就走去食韓國燒肉去到燒肉店，揀拼盤係常識，呢set大件又抵食，鍾意食牛肋骨嘅就啱哂牛肋骨肉多脂肪少 ， 肉質鮮嫩，牛肉味香濃 ，燒香脆後別有一番風味店家又提供泡菜、生蒜、生菜、辣椒⋯燒完嘅肉夾配唔同配料真係相當好食！食完熱辣辣嘅燒肉，我通常都會配上一碗水冷麵，水冷麵最好食嘅唔係麵，我覺得係啲梨肉～甜甜地，凍凍地，口感份外清涼！而且呢碗麵嘅份量非常之多，絕對對得起個價錢兩個人簡簡單單叫呢兩樣嘢已經食到好飽，強烈建議叫多幾個朋友一齊食，試吓唔同嘅種類，我見隔籬枱個炸雞都相當唔錯！下次會飲埋啤酒食埋炸雞，咁就最開心啦🤭。・゜・゜・。。・゜・゜・。📌 南대門 (尖沙咀)📍尖沙咀金巴利道65-67號太平洋大廈地下2號舖。・゜・゜・。。・゜・゜・。今日order 📝1）牛肉拼盤Beef BBQ Set (B）$660.00醬醃特級牛肋骨/特級牛肋骨/醬醃板腱肉/ 牛肋骨肉泡菜湯 or 大醬湯2）水冷麵 $90.00…Read More

去過Mamaday 嘅朋友都知Menu好搞鬼風趣搞鬼嘅裝潢令到我一去再去🦐史林賴廖蝦蝦醬炒飯其實係瀨尿蝦炒飯唔駛自己動手剝瀨尿蝦嘅感覺真係好爽近年越來越多食店有剝殼ed嘅瀨尿蝦啱晒啲懶人🐃吉列你隻牛🐃純粹收工想食邪惡炸物吉列牛有肉感又爐燒打咭感一流～放工大大啖炸肉擺入口真係好正😊而且仲有Poached Egg with Rice呢個價錢非常之抵食，唔算太大食嘅朋友，基本上唔使再叫澱粉🍚🐓記住 期望愈大,失望感大⋯雞翼揀左微辣原味 ，對於我嚟講一啲都唔辣，有四隻雞嘅份量，呢個價錢算係非常之抵雞翼外酥內軟！調味非常啱胃口，送啤酒一流～🧇What-so-ever Waff今日嘅窩夫係紅豆綠茶味忌廉鹹中帶甜，配上窩夫非常之好食，食到飽一飽嘅我全碟清晒，紅豆偏甜，不過配上waffle就剛剛好～喺銅鑼灣就晒全世界嘅朋友放工，地方闊落，裝修新淨企理，坐得舒服，同朋友食完飯傾計再返屋企就啱啱好啦。・゜・゜・。。・゜・゜・。📌 Wish You A Mamaday (銅鑼灣)📍 銅鑼灣駱克道491-499號京都商業中心10樓。・゜・゜・。。・゜・゜・。今日order 📝Mantis Shrinp Spicy Rice $108.0Beef Cutlet $258.00Chicken Wings $68.00Avocado Frappe $56.00Coconut Frappe $56.00What-so-ever Waff $90.0…Read More

近來見將軍澳有間睇落非常唔錯嘅餐廳位置開揚，半outdoor式裝潢決心放工唔秒速返屋企去遠少少食餐好打開menu一見Seabass同豬豬諗都唔駛諗就要試試平時食豬鞍多數係Grill不過呢次係原塊炸，有種輕奢華嘅感覺將肉汁鎖緊，外皮脆卜卜～外脆內軟令人印象難忘🐠Seabass係今晚精選！條魚由地中海直送新鮮而且來源海域水靚魚身非常新鮮，完全冇一丁點嘅嘅腥味通常半點嘅蔬菜會佔有一點魚腥味，不過呢碟真係冇！非常欣賞🐟🐟睇落去餐廳老闆嘅外國人，其實精通廣東話我睇住香港友人講英文，外國老闆講廣東話嘅情景笑爆咀店員都有介紹最出名嘅係西班牙炒飯，見到鄰桌有點，份量非常之多，相信兩個人一定食唔晒，建議叫多幾個朋友嚟下次再試🤭🤭…Read More

打住牛大人新品牌嘅旗號爆爆鍋一開已經約左朋友去試兩個邊爐怪一有得打邊爐梗係最開心一人一鍋形式令我覺得更加衛生湯底選擇都幾多，我地揀左爆炒燒酒烏雞鍋&夜市養生排骨鍋爆炒鍋真係會落酒爆💥爆先再加湯湯頭乳白色，非常濃郁！安格斯牛小排同SRF極黑牛前肩肉都好好兩種都推薦～但個人覺得SRF牛更加好食牛肉味濃又滑！另外點左兩款經典台式小食就係鹽酥雞同埋炸魷魚！熱氣又邪惡，估唔到炸物都做得唔錯👍🏻另外驚喜嘅就係飲品，好多台式飲品選擇珍珠翡翠檸檬極好飲好有夜市檸檬愛玉嘅感覺，解膩又清涼！。・゜・゜・。。・゜・゜・。📌 爆爆鍋 (銅鑼灣)📍銅鑼灣軒尼詩道489號銅鑼灣廣場一期1樓109號舖。・゜・゜・。。・゜・゜・。今日order 📝安格斯牛小排套餐 $214.00(餐)安格斯牛小排，夜市養生排骨鍋，寬粉，懷念鹽酥雞，珍珠翡翠檸檬SRF極黑牛前肩肉套餐 $230.00(餐)SRF極黑牛前肩肉,爆炒燒酒烏雞鍋,新竹米粉，夜市炸魷魚，黑糖虎紋鮮奶…Read More

朋友們有啲滴酒不沾,有啲嗜酒如命所以偶爾會去Bar Restaurant食飯飲兩杯見赫德道開左韓風十足嘅2 Kims' Pocha就試一試好多時覺得Bar Restaurant食物一般般,但呢間食物真係喜出望外!牛胸肉大醬鍋份量非常充足,牛肉多到不得了,而且有牛肉味~大醬鍋湯底濃郁,鮮甜不膩,微辣而不會死咸,同行友人要求落個麵去非常飽~食韓國菜必點嘅就係炸雞,點左最經典嘅甜辣口味同蜜糖牛油雞肉無骨,外皮炸到脆卜卜,肉質仍然嫩滑多汁,兩隻口味都好出色個人比較喜歡蜜糖牛油~另外辣炒年糕都係微辣LEVEL,最特別係年糕本身,軟軟滑滑,外型好似烏冬咁,但食落好煙又帶一點點軟燸,好出色Cocktail配上炸雞,點都係好食~Bar Restaurant食物其實都可以好出色,製作食物真係在乎有沒有用心。・゜・゜・。。・゜・゜・。今日order 📝牛胸肉大醬鍋 半半炸雞(甜辣炸雞&蜜糖牛油炸雞)辣炒年糕 …Read More

新東西不一定是最好時光一直流轉，總有時候會懷念一些過去可惜，我們沒有時光機那，不如在Auntie AYI 讓味覺回到過去裝修起用Spaceship概念每格窗都係馬姐用過嘅物品一磚一瓦都是一個故事，一段歷史🐓芝麻雞舊式Presentation，舊式酒樓鳳凰擺盤想起的是中式龍鳳禮堂，精緻有心思外皮烤得焦脆，配上密密麻麻的芝麻味道很像芝麻合桃，令人垂涎欲滴🧚🏻‍♀️八仙過海拼盤中菜好少可以靚靚打咭，乾冰營造八仙騰雲駕霧姿勢，非常有意境，食物方面，最鍾意食炸魷魚，係最惹味又開胃嘅餐前小食～🍞九磚金豆腐 🍤瀨尿蝦多士兩種炸物高質，豆腐外脆內軟，賣相好似黃金磚一樣，新年食到一定覺得好好意頭蝦多士就食得多，但瀨尿蝦多士都係第一次食，炸到脆卜卜，唔會笠油！🐖 煙燻攣毛豬叉燒🌹係Beauty and the beast嘅設計不過今次打開嘅係閃閃發光嘅叉燒肉質夠腍，味道剛剛好，誰也沒有搶了誰的風頭，肉味濃郁，非常推薦！呢刻想要一碗白飯🍜陝西油潑麵伴叉燒 呢個拌麵對唔食得辣嘅朋友來說有點太辣但我是個辣味控，食到停唔到口，叉燒每一舊都有水準，想讚嘅係個麵質，非常彈牙，唔會腍啤啤一pat pat…Read More

以往的朋友聚會總會想熱熱鬧鬧現在反而追求簡單安靜一餐高質晚餐也不一定要去酒店網上看到位處銅鑼灣的CulinArt 1862是Towngas為慶祝成立160年與名廚Stanley Wong合作開設的西餐廳餐廳有精緻的晚餐，亦有Stanley主理的Chef table，今晚品嚐的是晚餐，擺盤豐富，味道驚艷🌷🌷𝚂𝙼𝙰𝙻𝙻🌷🌷🐚帶子鮮嫩，輕煎後香口，細緻有餘韻🐃 新鮮和牛加入泰國香料如羅勒葉及檸檬草配上香脆米餅，雙重口感，極推薦🪴🪴𝙻𝙰𝚁𝙶𝙴🪴🪴🐖豬肉嫩滑彈牙，佐以類似德國椰菜嘅漬物清新不膩喉，味道與別不同🦐虎蝦大小適中，新鮮爽口，蝦肉唔霉，而且烹煮時間剛剛好，精選～🍄🍄𝚂𝙸𝙳𝙴𝚂🍄🍄🍟上菜時色彩斑斕，令人心花怒放，每條薯條炸到脆卜卜，松露片令平凡薯條更加矝貴🌺🌺𝙸𝙽𝙳𝚄𝙻𝙶𝙴𝙽𝙲𝙴🌺🌺🥥🍩開心果忌廉非常nutty! 令人印象難忘網上搜尋得知CHEF‘S TABLE菜式會以亞洲融合歐陸多國菜為特色，晚餐都令我驚嘆不已，相信主廚主理嘅Chef Table會更加與別不同。・゜・゜・。。・゜・゜・。📌 CulinArt 1862 (銅鑼灣)📍 銅鑼灣禮頓道29號華懋禮頓廣場1樓HOKKAIDO SCALLOPWAGYU BEEF TARTARE GRILLED WHISKEY-BRINED PORK PLUMA SAUTEED TIGER PRAWNS POTATO & ZUCCHINI FRIES PISTACHIO CHOUX DONUTCOCONUT BAVAROISE…Read More

好多朋友陸陸續續去旅行我呢條未有時間攞假飛嘅可憐蟲唯有喺香港食餐好工作時間表五顏六色，忙到九彩的我放工決定去和牛燒肉‧純食餐好平時main menu都係A4級之前食過都覺得相當唔錯，不過呢晚要食就食到最好，點了鹿兒島A5級和牛餐前菜係炸蘿蔔絲沙律重有精選前菜拼盤3種擺盤精緻，令人眼前一亮✨🐃 肉眼，特選肩眼，厚切牛舌！最最最推嘅係厚切牛舌！👅好味到不得了，每論邊一件都係相當嫩邊位嘅比較彈牙，中間牛舌芯勁嫩不禁懷疑平時食嘅所謂牛舌芯究竟係咩？！！而肉眼都絕對高質，夠腍滑而有肉香油花好靚，但唔會一口油，油香同肉香平衡得好好👍🏻肩眼軟嫩適中，呢個位成日出有筋膜難咬情況不過今晚呢件就非常優質，彈牙不膩，簡直喜出望外🐖 豬腩唔知幾時開始，一食燒肉，豬腩就老是常出現⚡️呢個豬腩用秘製醬料醃製過充滿日式風情，配上白飯超級搭🫰🏻🍺生啤係我吃吃燒肉時最愛呢個生啤充滿誠意！個杯雪到冰杯咁，我好少見雪到咁夠凍嘅杯一啖肉肉一啖啤酒真係好滿足好多食開嘅燒肉店都越做越差和牛燒肉‧純反而越做越好去食嘅果晚重有好幾枱日本家庭證明質素係幾有保證～。・゜・゜・。。・゜・゜・。📌 和牛燒肉‧純 (銅鑼灣)📍 銅鑼灣恩平道42號亨利中心15樓#foodie #hkfoodie #相機食先 #hkfoodlogger #hklifestyleblogger #igable #foodpics #foodiehk #bloggerlife #foodblogger #foodinhk #美食 #852foodie #foodpic #hkfoodlover #travelhk…Read More

放工太晏無時間煮飯都會食完飯回家屋企唔近地鐵站，好多時去朗豪坊食完買啲日用品轉車返屋企早幾日好想食燒肉，就去左 Lab10牛肉選擇非常多：美國安格斯牛板腱牛肩肉、牛脊肉、一口牛、牛五花⋯部位都好齊全，想食肉香定油香都任君選擇個人鍾意牛板腱，肉味夠又有肉香～豬肉選擇亦非唔少，有豬五花、柚子豬頸肉、豬肋骨、豬柳、豬排、豬肋粒⋯韓式豬五花排得好靚好靚配上秘製醬汁充滿韓式風情柚子豬頸肉清新唔油膩配上沙律吧嘅泡菜一齊食好夾沙律吧有醃蘿蔔放題！我食左好多另外重有邪惡薯條🍟香脆有薯肉又係食完一次又一次食燒肉我通常最關心嘅係食完陣味大唔大開心嘅係雖然係商場舖頭，不過個爐嘅抽風非常之唔錯，食完都冇一身燒肉味～開心🥳。・゜・゜・。。・゜・゜・。📌 LAB10 (旺角)📍 旺角亞皆老街8號朗豪坊10樓26號舖。・゜・゜・。。・゜・゜・。今日order 📝Supreme SetB $298.00@…Read More

中女一把年紀都係好喜歡粉紅色～早幾日天氣轉涼就去左 @ 打邊爐店鋪裝修粉紅少女心為主加上水晶燈嘅裝飾即刻令打邊爐唔再麻甩呢度出名嘅係膠原蛋白養顏美容鍋 入面有瑤柱、豆腐同紅棗，落食物前建議先飲一碗，非常濃郁覺得骨膠原生緊出嚟～愛美女仕必選💕另外見到松茸又好想試，就叫左鴛鴦鍋～菇菇份量好多，十分香濃，好有燉湯嘅感覺！🦐芝士蝦丸&🐃牛肉九手打丸算非常唔錯，彈牙足料蝦丸重有較大粒嘅蝦肉，口感十足🐃美國安天格斯牛小排牛小排油花分怖平均，比較偏重肉味完全是我的菜～牛肉每片都細嫩，份量都算相當多，抵食又好食～🐖 日本香肩白豬肉片豬肉片近排係我打邊爐必叫肉類呢個我覺得非常有驚喜～鮮滑肉嫩，食落無肉渣🐟最驚喜嘅係黃金魚皮🫶🏻脆到不得了！我完全無蘸湯，直接食左一！大！碟！打邊爐去啲精緻嘅鋪頭坐得舒服少少放工約同事坐耐啲食餐飽再上路！上op訂位重有折 計落都非常化算😏。・゜・゜・。。・゜・゜・。📌 美滋鍋 (家樂坊) (旺角)📍旺角登打士街56號家樂坊8樓803號舖。・゜・゜・。。・゜・゜・。今日order 📝芝士蝦丸（半份）$49.00牛肉九（半份）29.00美國安天格斯牛小排（全份）$278.0日本香肩白豬肉片（半份）$69.00黄金魚皮 $58.00鴛鴦鍋 $128.00+ $78.00膠原蛋白養顏美容鍋 長生抗癌松茸野菌醬料 $20@…Read More

又到左想食韓式炸雞嘅日子喺尖沙咀行完街順理成章去韓國街附近食飯同行飯桶見隔離枱個熔岩炒飯好過癮當然照點呢款招牌菜～上枱時店員用火槍燒熔芝士芝士熔岩式爆發，同蛋漿融合一起再撈埋香噴噴嘅泡菜炒飯，成抽芝士&飯拉起！勁有氣勢～飯粒分明而且味道搶口，配上厚厚芝士真係不得了同行飯桶要食甜辣炸雞覺得係最經典嘅韓式炸雞味道甜辣汁醬份量足夠，炸雞脆卜卜因為唔想啃嘅關係，叫咗無骨炸雞食落啖啖肉更加滋味炒年糕又係我必點嘅菜式，份量都相當唔錯，而且非常多汁年糕軟綿綿又煙靭，正～其實食完見到有韓式豬手大碟到暈目測4個人先食得哂，經過時聞到陣陣飄香，下次再去一定會叫～…Read More

和牛鍾意燒嚟食定食壽喜燒？小朋友先要揀，我就兩樣都要！揀𝖶𝖺𝗀𝗒𝗎 𝖸𝖺係因為朋友食過都讚和牛品質一流，肉嫩多汁，一心要食牛牛牛嘅我點了「食肉獸」有四個部位：肩胛，西冷，三角腩，牛舌肩胛&西冷聽得多，就係唔知三角腩喺邊❓原來就係三角Karubi (カルビ)屬於牛前腳對上嘅腩位，燒肉來說我最鍾意呢個位貪其油脂分佈平均，入口軟滑即溶燒肉攞滿分💯咁壽喜燒呢？坊間嘅壽喜燒通常味道偏甜，呢個調味就剛剛好，和牛肉質細嫩口感溫潤，油脂呈雪花狀，肉味香濃，配上菇類簡直一流食和牛總會有點點膩，所以多點了一份蕃茄沙律 呢個好！好！食！店家嘅秘製醬汁簡直係驚喜，呢樣絕對係和牛以外必點菜式～。・゜・゜・。。・゜・゜・。📌 Wagyu Ya (尖沙咀)📍 尖沙咀金馬倫道29A號地舖。・゜・゜・。。・゜・゜・。今日order 📝1）日本蕃茄沙律 $108.002）食肉獸 $988.003）A5和牛壽喜燒煱 $558.004）生啤 …Read More

香港街頭小食向來是一種文化由真係喺街食逐漸變成入舖頭食風味不足但仍然滋味萬分好多朋友以為我唔會「掃街」但其實有一間舖頭我由少女時代食到而家睇住間舖頭由屯門搬去朗屏，再搬去元朗食物味道一直保持水準最鍾意嘅係佢地嘅碗仔翅～碗仔翅足料好食，香菇肉厚加埋魚肉就及片夠飽肚其次係雞髀🍗生炸嘅雞髀係最正的雞肉多汁，外皮香脆，因為係即叫即炸嘅關係，就要等耐少少～同行友人係雞軟骨控平時喺餐廳食價錢都唔平，呢度$28就一大碟！抵食！炸物真係世一～不枉我咁多年都係佢粉絲有時食下啲Comfort food撫慰心情食飽再衝刺！🏃🏻‍♀️🏃🏻‍♀️🏃🏻‍♀️💨…Read More

一直對西營盤 @𝗍𝗁𝖾𝗀𝗋𝗈𝗎𝗇𝖽𝗄𝗂𝗍𝖼𝗁𝖾𝗇念念不忘，好鍾意佢嘅擺盤，同埋食材新鮮特別到港島工作後，去西營盤只係幾個站距離，放工去食就啱晒🥣上次試過洋蔥湯，未到醇厚高質今次試鮮茄牛肉濃湯，同樣出眾茄味濃郁，帶着淡淡牛骨嘅味道🐙八爪魚用咗Capsicum Relish係一種特別嘅醬料，帶出食物本身嘅鹹度其實有少少似日式麵豉嘅鹹味，另外再加上首次見嘅水瓜瘤水瓜瘤帶酸，原來配上八爪魚係非常好食！作為一個前菜，酸酸鹹鹹好開胃🐠因為我太鍾意食魚，前菜揀咗油甘魚刺身沙律主菜就新鮮盲曹魚 刺身新鮮，肉質充滿魚香味，誠意之作烤盲曹魚皮非常香脆，魚肉飽滿有油香伴碟嘅青豆醬冇難以接受嘅青草味本身抗拒青豆嘅我，都完全接受到🐖橡果黑毛豬有甜味豐富，油香與別不同，肉質鮮嫩柔滑，橡果豬食半肥瘦就最理想，瘦則不香恰到好處嘅烹調時間，令到呢道菜非常出色🫐雜莓意大利奶凍奶凍香滑，乳白色奶凍上灑上雜莓，色味俱全，還有一點點的Oreo碎感覺調皮邪惡😈簡簡單單食一個晚餐，配上精美嘅擺盆，有質素嘅食物最欣賞嘅有溫度嘅嘅服務，令人感覺更加親切💕。・゜・゜・。。・゜・゜・。📌 The Ground Kitchen (西環)📍西環西營盤水街47號地舖。・゜・゜・。。・゜・゜・。今日order 📝1) 𝖲𝖾𝗍 𝖣𝗂𝗇𝗇𝖾𝗋 $398.00意式鮮茄牛肉雜菜濃湯西班牙烤八爪魚慢煮西班牙純橡果黑毛豬 •風乾腩肉炒甜豆雜莓意大利奶凍 +38.002) 𝖲𝖾𝗍 𝖣𝗂𝗇𝗇𝖾𝗋 $428.00意式鮮茄牛肉雜菜濃湯熟成油甘魚刺身柚子醋沙律煎澳洲新鮮盲曹魚 •燒意大利雜菜…Read More

太子「酒吧街」比往年冷清多了從前放工要搵位食飯都的不容易近來喺IG見到@muzemozzhk 貓貓壁畫正職貓奴就放工即去朝聖Bar restaurant格局下當然會點cocktail佐酒最好選擇烤焗德國豬手，同行友人想吃豬鞍串燒近來粥粉麵飯太多，那天晚上就吃捲餅落完單後，發現每一樣都是豬豬豬🥓果然是一個不折不扣的豬扒控🐽豬手份量頗大，沒有過鹹，外皮香脆，送酒一流🐖豬鞍串燒非常非常非常好食，每件豬肉都有肉汁，肉質好腍，唔會成口肉渣，最鍾意呢一個串燒，真係非常出色！🐷豬頸肉卷餅餡料比較清淡，但餡料豐富配上其他較濃味菜式，可以refresh一下兩杯Cocktail酒味頗濃我就覺得M&M比較啱女仔Lonely may cry味道略帶果皮苦澀係一款感覺滄桑啲嘅酒而家人流少咗，食飯享受到另一番嘅寧靜，@muzemozzhk 嘅格局比較優雅整潔，而且地點就腳，放工懶到出汁嘅我一定會再過嚟食飯，放鬆一下😌。・゜・゜・。。・゜・゜・。📌 Muze Mozz (旺角)📍 旺角西洋菜北街179號地下C&D號舖。・゜・゜・。。・゜・゜・。今日order 📝1)烤焗德國豬手 $238.002)澳洲穀飼豬鞍串燒 $138.003)泰式烤豬頸肉捲餅 $48.004)M&M $92.005)Lonely may cry $92.00…Read More