tumbler's Profile

早前見到餃掂連續登上每月十強餐廳,就已經想去試下啦隔左幾個月終於有機會去食去到要拎籌號,好彩等左幾十秒就入得啦環境黎講都算唔錯,幾大幾乾淨不過坐得有啲窄,唔係咁舒服,全部都係圓凳黎粟米豬肉餃子麵 $42我就叫左個粟米豬肉餃子麵,有6粒又真係幾好食喎,粟米夠爽夠清甜,配合埋啲豬肉,幾夾而且餃入面又多汁,正呀麵底都煮得幾好,夠腍,又有味香煎軟心芝士餃 $55同朋友叫左碟香煎軟心芝士餃share一齊食一咬落去...咦~咁似粟米豬肉餃既要食多1-2柆先食到芝士味建議可以加多少少芝士唔係既話真係同粟米豬肉餃分別唔大雲耳椰菜豬肉餃子麵 $42大香菜豬肉餃 $40最後呢2個係朋友叫既埋單每人$60,都算幾抵,味道唔錯又夠飽…Read More

知道旺角開左間新既J.Co Donuts & Coffee咁岩今日行過,又有餓餓地,就入黎嘆個下午茶啦啲冬甩顏色好豐富好靚,個個都想食,真係好難揀呀最後要左3個試下Cheese Cakelicious:真係好似食cheese cake咁之淡淡既芝士味再配啲朱古力,另外入面仲有好厚既creamAl Capone:面頭舖滿杏仁片,咬落就已經好脆,再配上白朱古力,好夠甜Avocado DiCaprio: 面頭一層牛油果搭上旁邊既朱古力脆條,入面仲有好厚既cream,好夾呀另外叫左杯Avocado coffee黎飲,味道係淡淡既牛油果味,反而朱古力味重啲,咖啡味都偏少但係幾甜幾易入口既,話咁快就飲完嚕…Read More

同朋友係旺角行完街,想搵個地方坐低傾下計,就即刻搵下個旺角收藏list啦見到woft諗起都想試好耐,一於去試下啦入到去個環境唔錯,係酒吧黎,啲歌好正,好多都係啲熱門既英文歌好啦,叫野食,不過等左好耐...半個鐘都有,呢樣要扣下分,炸兜薯條都唔洗半個鐘啦黑松露芝士薯條 $63兜薯條係好好食既,芝士配黑松露,味道幾特別.不過份量實在太少,性價比唔高經典烤焗香辣雞中翼 $45相比起兜薯條,我覺得雞翼性價比高啲$45有4隻,而且仲好夠熱 (諗起啲薯條唔多夠熱....心諗等左成半個鐘...啲薯條都唔熱既)雞翼微辣中帶點甜,食完會想再食芝士軟殼蟹窩夫漢堡 $88見咁多人推介,就試下呢個啦薯條同散叫個個唔同味,甜甜地,都算好食既窩夫味道尚算可以,不過略為硬身左啲最期待既軟縠蟹都係一般般,我自己就唔會推介啦反而係啲沙律幾好食食到後段感到有啲濟了大烤菇芝士牛肉漢堡 $98朋友叫左呢個,我偷左少少黎試我覺得幾好食,大烤菇好入味,食完會想叫佢個烤焗大蘑菇食,不過有啲飽,下次先牛肉又係好入味好多汁整體我覺得好過我自己叫個個Floris Mango $62呢到出名手工啤酒,當然要試下啦不過唔想飲太重既酒,就叫左樽果汁酒啦 (有個apple icon係menu就係啦)味道會甜甜地,好易入口,下次都係叫樽重返少少重精既手工啤啦ps.有黃點label係代表缺貨整體黎講都係正評既,唔多酒吧啲野食會有返咁上下質素既,有機會再黎chill下,鍾意既話仲有shisha吸添.…Read More

港島有好幾間以滑蛋飯為主打既茶餐廳但我最愛既始終係大坑既順興間中都要去食下可惜係佢收得早,唔係時時都有時間去食.之前去親都係去茶檔個邊,叫親都係叉燒或者三寶今次就去室內既呢間試下佢既豬扒飯啦食飯時間,有唔少人,不過好彩唔洗等位落左單後等一等就有得食啦滑蛋豬扒飯 $55水準依舊,色水真係一流,黃色既蛋炒到半生熟,有啲蛋漿殘留係度係最完美既炒蛋豬扒亦都係煎到金黃色,而且剪好一條條,唔洗成塊要自己咬咁麻煩另外一杯仔豉油自己落,想淡啲又得濃啲又得,視乎個人喜好我就鍾意落多少少既,滑蛋豬扒豉油飯全部撈埋一齊食,口感豐富,味道都係一流既不過滑蛋飯黎講,都係同叉燒比較夾啲,下次都係食返滑蛋叉燒飯茶走送熱飲,平時都會加錢飲凍奶茶既但天氣涼涼地,都係飲返熱飲,試下佢啲茶走先飲落既味道係...偏向熱奶茶茶走黎講,煉奶既份量好重要下次黎都係飲返奶茶算因為佢啲奶茶係沖得幾好飲既係茶檔同埋室內食既風味唔同都係鍾意係茶檔食個種環境同感覺多啲…Read More

每次經過油麻地條巷仔都見到ampm門口積左好多人每次都想食,但都因為各種原因無食到.今日終於有機會試下啦睇MENU有唔少選擇既但一試緊係要試最特別個個啦就係炎燒布丁梳乎厘,另外再加雪糕 (可選牛奶或芝麻味)都有唔少人排緊隊,大約等左15分鐘就有得食啦炎燒布丁梳乎厘+3.7牛奶雪糕 $60賣相好吸睛,仲插住棵疑似係薰衣草既假草添香味都好足,因為太多人買,平時行過都會聞到啲香味至於味道,梳乎厘同雪糕配搭,一冷一熱,可謂冰火交融梳乎厘面頭既焦糖燒得岩岩好,夠脆夠甜梳乎厘個蛋汁打得好好,黃色分佈均勻,味道自然就恰到好處至於個雪糕就...普通啦$60其實有啲貴,試過一次就夠了…Read More

去到油麻地,突然好想食滑蛋吉列豬扒飯,又唔想食太貴太高級,就諗到吉列屋啦平時見門口都要排下隊,好彩咁岩唔洗排本身純純想食滑蛋吉列豬扒飯架咋但叫佢有個餐牌有埋鰻魚內心掙扎左一陣,算啦,食埋啦,另外再加隻吉列蝦無幾耐就黎啦滑蛋吉列豬扒鰻魚飯$89+吉列蝦$8吉列蝦係有碟分開上既,不過我直接放左佢落碗飯到本身仲以為有埋麵豉湯送添首先講下個滑蛋,無論睇樣定食落口都覺得熟左少少,有少少失望豬扒係有水準既,夠厚身,不過瘦左少少鰻魚真係好普通,後悔了,早知唔叫...隻蝦真係好食,$8條蝦,算係咁啦最後想講,啲飯太少啦,唔係好夠食...今次食左成舊水...第日黎都係食啲簡簡單單50-60蚊左右既就夠了$100可以有其他更好既選擇…Read More

自從上次試左甘牌燒鵝之後,一直都念念不忘每次收工去飯都無得叫碟頭飯,一定要叫例牌咁岩今日中午有時間可以行遠少少, 就決定衝去甘牌燒鵝啦帶位姐姐見我係打工仔,唔係遊客就同我講等等,盡快安排比你,抵讚好彩唔算等得耐,10-15分鐘就有位啦上次試左幾乎試哂所有種類,係爭乳豬未試所以一早已經決定好食咩啦燒鵝乳豬雙拼 $90因為佢啲燒鵝太好食,所以就要燒鵝乳豬雙拼先食乳,豬,無失望到,脆皮,正呀唔知係米唔同部位既關係,燒鵝無上次咁好食下次都係指定要燒鵝脾,或者叫佢比啲有啲肥肉既今次啲燒鵝太瘦,所以覺得一般$90一個燒味飯真係貴左啲...下次黎都係叫返燒鵝燒腩啦…Read More

晨早流流就入去荃灣行街啦,亦都決定左午餐要黎食肉餅哥之前睇開飯熱店,見到一間整肉餅既食店可以得獎都有啲驚訝第一個反應係肉餅咁普通都拎到獎!?後尾發覺又真係抵佢拎到獎既總共有36種唔同口味既肉餅飯普通平價59去到特別貴價99都有呢種做法可以吸引回頭客返黎再試其他一坐低就有碗老火湯飲啦,味道唔錯,開飯前飲黎開下胃就最岩啦唔想要白飯咁單調,所以叫左菜飯,有幾條菜食下會好啲啲菜都唔少,可以見到好多綠色佔既比例不過碗飯就細左啲囉PS.另外仲有油飯,白粥,米粉可供選擇,正所謂有得揀,你先係老闆流心芝士肉餅 $59登登登登!第一次就叫個中價既流心芝士肉餅肉餅可以揀煎或蒸,又係一個吸引回頭客既地方我就揀左煎既,香口啲,下次先試清啖啲既蒸啦一黎到,個賣相已經好吸引,新鮮煎起,好香吃第一啖已經覺得不得了,真係好正芝士足料,堅流心,肉餅入味~用黎送飯真係完美配搭美中不足既都係碗飯太少啦加碗飯都要$10,貴左啲囉雪梨茶 +$2就有啦本身想飲果汁但無貨喎...整體黎講係好好食既,一定會返黎再試其他…Read More

最近經常見到朋友既ig story出現鹿角巷既飲品,就知呢間台式飲品店大熱早幾日經過尖沙咀想買,奈何人龍太長,我又趕時間,唯有等下次.今日終於有機會試下啦,不過唔係因為唔洗挑隊,只係因為唔趕時間姐.排左10-20分鐘終於有得落單,就叫最熱門既黑糖鹿丸鮮奶試下啦店員話order比較多,要等等於是乎再等多10-20分鐘,終於有得飲啦...第一個反應係...搖勻佢先...點知見到杯面寫唔好搖佢...OMG...無計,都係咁飲架姐.入口係幾特別,黑糖鮮奶味幾突出,係比一般既珍珠奶茶唔同至於佢招牌既鹿丸,摸杯底你係感覺到佢熱熱地食落口感QQ地,有咬口,味道甜甜地,的確係幾特別.抵佢受歡迎既下次有機會會再試其他,希望唔洗再要排咁耐隊啦黑糖鹿丸鮮奶 $28…Read More

聽過永年呢個名好耐,個個都係入元朗一定要去永年食車仔麵,但一直都未有機會入元朗食最近佢係尖沙咀開左間分店,終於衝出市區啦,估計都好受歡迎.唔知係米當時9點,比車夜,無想像中咁旺場,唔洗排隊就可以落單買啦要左蘿蔔+雞翼+溏心蛋.首先,個湯底麻麻,不過要讚一讚係會比幾條菜蘿蔔-色水黃黃綠綠,味道怪怪地,同平時食個啲蘿蔔唔同,係有啲甜,但講唔上係清甜,我就唔多岩啦雞翼-正正常常,唔算特別好食,雞翼都唔會難食既溏心蛋-好少會見車仔麵會有溏心蛋,見佢係推介餸菜之一,就試下佢啦...點知...好似好普通,想食溏心蛋既都係去返日本拉麵店食好啲.雖然永年出名係豬紅,但我唔係好岩,所以無試到.本身想試埋個咖央多士,但無乜胃口,都係下次先,不過應該唔會再食佢啲車仔麵,因為覺得好一般,車仔麵有好多更好既選擇…Read More