yukyu09's Profile

好耐一段時間無食牡丹亭，我地3大1小叫咗咕嚕肉+上湯龍蝦伊麵$298、海鮮豆腐煲$88，特價乳鴿$18，個上湯龍蝦伊麵啲麵好碎，一夾就散，同樓面阿姐講，佢話淥過籠，重新整個麵俾我地，好啦～係重新淥咗個麵，但完全無味，碎果啲索晒啲汁，你重新整個無味嘅伊麵乜都無落叫人點食呀？仲要發現有條頭髮，當堂乜胃口都無，同阿姐反映，佢話唔好意思。。。咕嚕肉好酸，一落枱就已經聞到好重醋味，諗住自己食得酸都接受到，但都係又酸又難食，之前食過係幾好味，無諗過而家係勁難食！海鮮豆腐煲都難食，急凍海鮮有仿蟹柳果啲===＞一睇唔洗試都知無味，但唔明點解有半煲菜芯墊底，反而豆腐勁少！！！勁重麻油味，除咗麻油味我食唔到其他味😡😡😡個特價乳鴿更加唔洗講𠻹！餐飯真係得我奶奶食最多，平時佢食最少，唔係因為佢啱食係因為怕浪費，佢唔俾我地浪費，我食咗半煲菜芯同半嚿豆腐，嗦咗兩嚿無乜肉嘅✌️龍蝦✌️，本來想食埋啲咕嚕肉但最終酸到放棄。。。好難食！好難食！好難食啊！！！生意越做越差有原因！絕對無下次！…Read More

今晚因為家姐收工收得夜，約佢公司附近食放題，本來已夜食，我地三人已經好肚餓。我地本身訂左20:45枱食，我2030到步，見到好長條隊，我行埋去問女員工1：訂左枱洗唔洗排隊？（心諗可能條隊等清枱或walkin），女員工1話要排隊，我地照排，可能未夠時間，有另一女員工2聽到我話訂枱，話唔洗排可以直接入去，照計兩個鐘2230還枱。我地被安排坐95枱，但女員工俾張QRcode紙寫住37，我唔知37係咪代表95枱，但女員工示意我地落單掃QR code，所以我冇懷疑。我2039落左第一輪俾小朋友食壽司熟食咁，2045我家姐到左，未上過一碟食物，我家姐落第二輪order，我地第左超過30分鐘，仍然冇嘢食上枱，所以問黑色衫女員工，佢望下我QRcode單，反問我點解係呢張單，我話一坐低已經係俾呢張單我，佢叫我地等陣，揸住耳機問人，行開左，我地一面無奈，再問係咪要再落過？之後黑衫女員工拎左一盆刺身，一碟天婦羅俾我（係家姐第二輪order嘅食物），之後又要等好耐，咁我地以為第一輪單冇左，但第二輪嘅單仍然一碟都冇（除左黑衫女員工拎嚟果兩碟）！！！如是者又等左半個鐘！我想叫人了解，但見唔到黑衫員工，問左藍衫女員工，佢話有人有上嘢食但話我地拒絕左，我已經嬲嬲地，表示完全冇人行埋枱，更加見唔到食物！藍衫女員工又話因為我轉左枱，所以上錯枱！我個patpat冇離開張凳半步，幾時轉過枱呀？？？後來佢叫左一位叫James經理過來處理，我將原本再講多次佢聽，佢叫我地寫紙仔，佢幫我地重新入單，佢叫我地寫94枱，，，其實呢度我地已經白白等左一個鐘！！！已經勁肚餓，尤其係小朋友！個經理表示唔計時，叫我地慢慢坐，大佬你地唔趕時間我地都趕啦！寫紙仔入嘅單未到齊，2144突然開始上第一輪（2039落嘅單）碟下張單仲寫住37號，陸陸續續上返第一輪嘅單，我地表示唔要，根本就食唔到！後來叫個經理過來cut左所有order佢！因為好亂，應來唔來，唔應來又無啦啦來，叫我落94號單，但又上返37號單？十分混亂！！！我同經理投訴話，本身已預左要等或者漏單，但冇諗過咁離譜！等左半個鐘又話落錯枱，後來又等左半個鐘都冇食物！我十分不滿！但個經理態度敷衍表示話會同出餐部反映下，呢個根本唔係出餐問題囉！個經理一句道歉嘅說話都冇講！我見佢咁敷衍都費時再講，一開始就俾錯單我入，第一次處理又冇溝通好！根本成件事好錯囉！**咁混亂、出錯率極高嘅放題我第一次遇到，老實講，呢間我唔會食第二次！實在太嬲啦！食到一肚氣！！！🤬🤬🤬🤬🤬如果貴公司見到呢個post，希望佢地培訓下d經理處理手法，呢個叫James經理好唔掂！！！…Read More