keiilee's Profile

雞煲分量都唔少，好食又夠味，夠味得嚟唔會好似出面有啲鋪個調味咁鹹啲雞係雞胸位都滑，唔係好柴嘅口感，同埋切得都易入口 因為有時食其他鋪件雞會切到勁戒口啲配料平得嚟又夠大碟亦都係好食叫咗黃喉，肥牛同墨魚滑墨魚滑似係即場打，黃喉同肥牛就好大碟，食極都仲有咁啲嘢飲都好大杯，仲要唔會死甜，飲落有茶味，清清地咁兩個人最後埋單四百中，呢個價錢食雞煲嚟講算係幾平但食嘅嗰一晚成晚都係得我哋一枱客🥲希望將來會有多人食，因為呢間鋪頭質素都幾好，啲嘢好食得嚟又唔會好貴同埋啲員工定唔知係老闆都幾Nice走嗰時見到佢門口原來有做埋午市飯餐，第時有機會都可以試埋…Read More

琴晚去咗呢間聰嫂食糖水，食到尾聲嘅時候有隻超大嘅曱甴從天而降，首先跌咗落我朋友個頭度，再反彈落放咗喺隔籬嘅環保袋入面。員工聽到我哋叫咗幾次之後，就拎住佢手上面條抹枱毛巾打隻曱甴。咁隻曱甴喺凳上面係咁跑，員工就隨手拎咗另一台客人枱上面嘅餐盤打落隻曱甴度。打死咗之後就拎住紙巾包住走咗。一路行一路講因為曱甴有翼係飛入嚟嘅。明明就見住隻曱甴喺天花板跌落嚟。跟住員工完全冇再理過我哋。啲嘢食其實好普通。如果唔想食食下嘢比曱甴打到，千祈唔好嚟呢間食🫠…Read More