gerberra's Profile

見到社交媒體網站有人推介，諗住支持吓小店，呢間舖仔細細，但係坐好多人，因為非常迫，係好迫好迫，迫到人貼人咁坐，當然門口好多人排隊，點解？因為出餐太太太慢，足足等咗一個半鐘都未有得食，你話D客唔走，門口梗係多人等啦！可能要等2粒鐘先有得食添，眼見好多枱都係2個人，但係多數都係只有一份餐到咗，另一份就等到天荒地老，亦有唔少人要 Cancel order 唔等，埋單走人。咁佢嘅質素同環境唔值得咁樣等囉，我由唔肚餓等到好肚餓再等到唔肚餓，足足等咗一個鐘頭四十五分鐘，牛小排勁鞋，勁硬，牛舌ok，壽喜燒ok，不過都係果句，唔值得咁等法。…Read More

聽聞呢度新開，請咗好多大厨幫手 set up，梗係去試吓啦，是晚除了棒場外，我特意來食叉燒同燒鵝，仲有翅。餐單是我提早訂的，餐單如下:蜜汁叉燒燒鵝半隻花膠海皇翅芝士焗龍蝦（伊麵底）黃金蟹蓋 （4隻）瑤柱扒四寶菜紅豆沙生果盆4位吃，飽到打包一半，叉燒唔洗問，陳師傅名技，食過太平洋會嘅就知，燒鵝個皮係脆嘅，連鵝胸都好嫩唔柴，翅很足料，大大條的，份量亦很多，基本上已經飽了一半; 龍蝦很新鮮，熟度啱啱好 ，略嫌伊麵份量較少；黃金蟹蓋啖啖蟹肉，瑤柱扒四寶菜真是分開四類菜，並非炒埋一碟；最後碗紅豆沙真係好正，陳皮味恰當。現在很少中餐館有呢個水準，並非粗製濫造。…Read More

朋友家住天水圍, 一班friend要gathering, 本來諗住係天水圍好難搵到個地方又可以食得好又可以舒舒服服咁坐吓吹吓水. 我地6個人因為有小朋友又唔食得辣, 有個朋友介紹呢間fusion中泰菜既餐廳, 初初諗住泰國菜又酸又辣, 有啲窄. 點知嚟到食落幾好喎. 我地叫咗個魽魚鍋用檸檬湯底, 酸酸甜甜咁, 連小朋友都鐘意食, 超正. 最好食係個生菜包, 我地落Order時叫咗小辣, 味道對我地嚟講就啱啱好, 個個都搶住食, 個老闆仲好貼心咁送多幾塊生菜比我地添. 叫咗半隻海南雞, 不過不失, 雞肉算好滑. 係個小食拼盤可能凍咗感覺一般. 整體環境, 食物同服務都不錯, 下次會再來!…Read More

我發現最多好嘢食嘅酒店就係新葡京，嚟到粥麵莊，第一時間要試食＜一根麵＞，即係話成碗麵其實係一條好好好長嘅麵，可自選湯底，配料及各式麵食，湯底有 豬骨湯，牛肉湯，酸辣湯麵食有 一根麵，刀削麵，剪刀麵，刀撥麵，轉盤剔尖，籣州拉麵配料有 菜肉雲吞(6粒)，雪菜肉絲，上海排骨 等等一款配料只需MOP$50，兩款配料只需MOP$60我叫咗菜肉雲吞+豬骨湯底+一根麵，D麵好彈牙，以麵條嚟講，食落去有D似意粉嘅口感，但係又有少少彈牙嘅感覺，好奇妙！菜肉雲吞，簡直一流，3分豬肉7分白菜，好鬼大粒，仲大隻過超特點嘅蝦餃，D菜同肉仲要逼爆粒雲吞，一個人要食晒6粒，已經飽到嘔豬骨湯底，唔洗問，真係原汁原味，一D味精都冇，我直情當湯咁飲，最後一滴都冇另外不得不提，所有飲品包括叫杯茶都要錢，一壺大概MOP$5，建議大家飲杯豆漿，冷熱都係MOP$12，我叫咗杯熱的，糖水係另上，不過最後冇落！因為杯豆漿本身好香豆味，唔落糖先飲到佢最真嘅味…Read More