蘋果花's Profile

一直聽人講呢間好食，昨天6點多終於駕車去買晚飯外賣，原來旁邊就係巴士站非常方便。查OPEN RICE仲話可能已結業，實情係其門如市，好多人排隊買外賣，片皮鴨，團年飯圍餐，龍蝦。。。晚市餸菜: ＄80／款，買3送1；買6送2。我買了黑椒牛仔骨，菠蘿咕嚕肉，龍躉兩食（＄190），共＄270。除黑椒汁一般，其他都非常好食，自己炒碟菜，煮白飯已經夠4個大餸嘅人食。在等嘅時候，知道有生料點心賣，於是再加買，每款＄22，買6送2，＄150好平。今朝就蒸左22分鐘，沖茶，睇住電視，唔使隔板食，好寫意。…Read More

今日係結婚周年，收工後係尖沙咀碼頭影完燈飾，之後網上搵食店，見到呢間頗多好評，就walk-in 試試。7點幾已經7成滿，客人同店員都係全女班，有d嘈，不過老公唔介意又有位，就坐底揀左2人套餐，意粉軟硬適中，燒雞好似乳豬咁香脆，薯條厚身，食材新鮮，堅好食，份量好夠，想另外叫窩夫個肚都無空位食😭。最後想佢地跟甜品時寫字俾我地影相，都非常樂意。睇到其他客人叫嘅食物都好吸引，青口，豬肋骨。。下次一定要散叫試多幾樣野。…Read More

觀塘有幾間素食，多數是兩/三餸快餐，坐得較迫，快食快走。疫情下想坐得舒適，食物種類多，非用即棄餐具，食材新鮮，素街真係無得輸。先坐下，餐具自己取，但提議每人一套餐具，1小時內完成，食完自己回收餐具，付款，平日午餐$68/人，周六日午餐$98，好抵。晚市好似係set dinner.食物不斷補給，有沙律，熱食，湯，甜品，飲品。食物多數係天然食材，少許素肉，味道適中。最好食係各式炸物，荷葉飯，豆腐，關西煮，胡椒湯，紫米露。1點去到都大把位，可能後生無咁鍾意食素，而且係2樓少人知，希望藉此推廣下素食，為環保為持續發展努力。…Read More

因為去荃灣拜山，走到食店林立嘅荃灣廣場附近找，本來想搵良心店，得3間，2間無位，1間結業，見到這間坐得頗舒適，於是試下。1430客人很少，得2張枱，有點冷清，不過到1500又多了幾枱客，可是1530 last order, 1600落場。客人不多，相信同位置較尾，反光玻璃外面很難睇到裏面情況有關，但對於用餐客人就覺得有私隱。午餐種類不算很多，由68至108，尚算有質素，海膽黑松露Macaroni 意粉，beef burger配薯角，咖啡。晚上會有海鮮餐，種類會豐富些，下次再試。有BB椅抵讚。…Read More

因為九龍灣展貿中心室內，可與寵物一同用餐，必須借車仔，消費$200可以免費泊車，所以常來，今次試呢間台灣飯店，非常滿意。4個人坐卡位，小狗放車仔放旁邊，容易照顧，很多遊人經過都同我隻小狗玩。午餐由3X 到6X, 份量足夠，我們叫了肉燥腸仔飯(餸多過飯)，蚵仔粥(蚵仔肥美，咸左少少)，雞排烏冬(雞排即炸，烏冬煙韌)，豬排飯附咸菜，加雞亦3隻，腸一條，免費飲品有紅綠茶類，柚子類，珍珠奶茶類要加$10，沙冰加$15。每樣都好好味，服務員都有笑容，一定會再黎食，值得推介!…Read More

因為改了日期，本來想訂自助餐，但心儀的一早滿了，家中有小孩，有食肉獸，又要多菜同有魚，終於訂了這間西菜館。我們8大1小，座位是有點擁擠，香港租金超貴無法，只好體諒下，但食物質素很高，燒豬腿，黑松露飯，羊架，沙律都啤酒魚柳皮有點厚，其他基本都非常有水準。如果Facebook 讚及分享送雪糕。服務員很有禮，要大讚的是訂枱無講，臨時要求加birthday字，都做得到，咁窩心，梗係要俾大家知。叫左4人餐加散叫，總數$1800。留意要帶現金， 碌卡收2%。…Read More

因為要換身份證，要到觀塘碼頭附近嘅宏利中心入境處辦理，原來中心有酒樓，好幾間中日韓食店，很多選擇，午飯後，被一間細細的果汁店吸引了，裝修整潔店員很年輕唔知係咪老闆我八掛問店員點解唔賣流行嘅台式飲品，店員話佢地賣健康，新鮮食材，用慢磨機cold press，挑選特別生果，鼓勵天然飲食本來想飲金奇異果加pear但賣晒，改選了橙加西柚$28，下次可以試五青汁，紅菜頭，奇亞子! 如果經常飲可以蓋章儲分。有朋友飲了1個月純果汁菜汁，將身體毒素排走，改善了健康問題，自己榨梗係平d, 不過好花時間，如果店舖可以外送就正啦！😁…Read More

復活節假期去海洋公園，預左人多，到大門口右手邊餐飲部預定午餐，幾乎全部爆滿，服務員提議我地用GULU網上定位（等於排walk-in隊）。立刻下載GULU, 再用Ocean Park wifi, 入基本資料就可以攞籌，之後就可以安心遊玩，間中查閱定位進度，最後睇緊水豚就到我地個號碼，10分鐘內行到去就可以有位。入到座位幾舒適:)，少少寒，怕凍記得帶多件衫。我地無預早卜位，只能坐中間位置，但仍見到企鵝游來游去，或者企晒係度打開對翼，好攪笑😁！我地5個人，叫左家庭size嘅意粉，沙律，另外小食併盤，薄餅，指定買2送一嘅飲品，好飲！用料好足，其實普通size可能都夠，攪到夜晚都仲好飽！樣樣都好食，如果薄餅脆d就更佳！…Read More

家族愈來愈多人，實在好難在家飯聚，買洗煮都係俾專業人士做吧！年初二開年就訂左呢間轉左手嘅新酒樓，諗住近地鐵，之前無乜評語，食物同服務其實都係博一博。當日黎到見到間房光猛，新淨，企理已心中暗喜，服務員好好，連上菜姨姨都好好口（咁好口，利是唔少得嘅）菜式唔算好明貴，但份量好多，好用心裝飾，好特式好好味上菜好快，顧住派利是，唔係影好多相片。最推介係炸粉果，炸咸蛋南瓜，馬拉糕，炒飯…Read More

家人都鍾意食泰國菜，我又剛去完泰國，想比較下呢間新開幾個月嘅泰國餐廳，結果比想像中好。lemon 烏頭，肉碎包菜，椰菜苗都好食，見濶肚窄，加叫串燒，飽到抱住個肚。我地估唔係泰國人開，因為無泰王嘅相，原來全部後廚都係泰國人，老闆娘講泰文架。可能我家口味偏淡，沙嗲串，咖哩蝦較咸。服務員好好態度，聽到我地反映，連聲多謝，話會再試，加以改善。大家可以試龍眼冰，點某些送菜加7蚊便有。老公開心就叫支酒，話$25/支大啤酒好抵。希望佢地生意好，改變呢個位經常轉手嘅宿命！…Read More

觀塘愈來愈多四川食物，相對西餐買少見少，要不就貴價至$70-100/午餐! :(下雨天，遇上了不起眼的西式小店，價錢適中，味道可口店員有禮!！除了門口餐牌，manu 內還有其他套餐（主食加熱飲），都係4×-5×。我點了201，海鮮意粉同咖啡，承惠$50。如果套餐可以加埋餐湯麵包，提供埋米飯選擇，就very good la! 學生有優惠時段，早餐730至1130，都係20多元。見到已有熟客幫襯，唔想太迫，要避開正午飯時段啦！租金貴，食物中價，小店難免擠迫，大家忍讓下，多d支持，希望佢地可以擴充啦！…Read More

係官塘區諗起食素一定去東廣場，因為一間輕怡經濟，啱一至兩人快食，Veggle就係另一間西式素食，同朋友或家人會間中黎食。今晚同個朋友叫左一個腸仔扁意粉(雖然副相係長通粉)，黑松露pizza, 跟南瓜沙律，蕃茄餐湯，濃豆漿，好好味呀！濃豆漿係至愛，每次都會買走睇番食評，多數話服務態度唔好，說實話之前真係麻麻，但今次同上一次就改善了很多，我覺得有時係互動嘅，服務行業係幾辛苦嘅，希望佢地保持今日嘅熱誠，客人又多d體諒，大家輕鬆自在，日子過得快樂d!如果菜式多d變化就更加無敵啦！加油呀！…Read More