ecyo987's Profile

今次已經係第n次嚟，主要係為咗杯洋蔥湯，因為唔係度度都有得飲。Open rice 預定有折，地點方便又有泊車優惠都係我哋常來原因。今次終於有機會坐特式枱，又再相機食先 😝試咗個 $788二人餐，有牛扒或龍蝦、法式洋蔥湯都唔駛加錢，仲跟Salad, Appetizer, Pasta,餐酒及餐飲。我哋都唔飲酒，兩杯餐前酒轉咗橙汁。本身3個人，另追加一份pasta ，肉醬薯條同蟹肉芝士疏乎厘，食到好包，份量好足，其實唔駛加咁多嘢，$788餐加一份頭盤已經夠三個人食。份疏乎厘就好正、必試 😋😋特式枱流線型設計，有真流水（冇透明擋），打卡一流！每份食物上枱時或分食物嘅時候都驚會跌咗落啲水度，令到成個流水變染咗色，但係到食完都冇喎，應該真係諗過嘅設計👍🏻👍🏻…Read More

特登搵一間有龍蝦、蟹腳又有蠔嘅自助餐🤭🤭龍蝦肉質感很好，但冇乜龍蝦味，反而個凍蝦同熱盤嘅蝦都很好味，蟹腳略瘦，但有源源不絕嘅供應，食多幾隻搭夠，啲蠔偏瘦，啱晒我唔鍾意食蠔肚嗰類人😂 沙律吧有個大盤俾我哋自己溝菜及醬，打咗個Caesar Salad，另外有幾款西式麵包keep住暖，再加芝士連埋沙律很美味很滿足唔係食咗好多熱食，冇咩comment雪糕係Movenpick同Häagen-Dazs簡直冇得彈！甜品都有一啲其他自助餐少見嘅例如燉雪梨，豆腐花，楊枝甘露等…食物refill速度快，基本上幾時行出去都有得攞，亦都唔會話好早就唔再加海鮮，呢啲相就係8:15影嘅服務好，執枱快，座位寬敞，都有好多圓枱，五至八人坐圓枱其實好坐過長枱，包三個鐘代客泊車，可能地方比較唔就腳，星期六晚都唔算多人，唔使分兩輪食buffet，可以食足三個鐘，坐得舒服又慢慢食，整體感覺很好 ☺️☺️…Read More

有朋自遠方來，試吓呢間環境寬敞又算寧靜嘅中餐，咁啱 YUU 有六折，好有驚喜，4人餐都係1千頭，連埋甜品有8樣嘢，抵食又美味前菜係麻辣，我唔食辣，但朋友食到冇停口兩款頭盤有水準，醉雞好入味，青瓜爽甜主角北京田鴨半隻，唔油膩，皮好煙靭個湯好正，好想飲多碗蝦，鮑魚，菇都好大隻第一次咁樣食糖醋魚，好特別嘅食法，鍋巴好脆，啲魚夠熱，食入口熱辣辣但係又要咬碎啲鍋巴有啲論盡，可能鍋巴再索多少少汁先食會好啲甜品桂花拉糕煙靭，不過已經好飽，食唔晒 😝YUU 做緊6折…Read More

响YOHO 食完晚餐行過見到有個小朋友食緊件彩虹小食，大膽問佢媽咪响邊度買 😝 原來係Jollibean，以為佢主打豆制甜品飲品，呢個彩虹toast 好似hidden menu 咁，剛食完飯唸住去食糖水，都即刻叫個吐司嚟試吓先。師父整得好靚，新鮮整起，暖笠笠唔會太熱，最好即刻食，勁拉絲，芝士味濃郁唔會太咸，彩虹冇甩色，唔會食到成個嘴變晒色 👍🏻👍🏻仲要食完第一層 拉第二輪都仲超級拉絲，真係滿足晒味覺同視覺嘅享受 😋😎…Read More

今次已經係第二次嚟，一個月內就encore呢間餐廳，因為全家都好鐘意食又抵食，open rice 預定仲有85折 。 （我哋6點先訂app最早可以撳7:15 ，其實6:30就去到佢都照計85折）先叫一個 $498二人餐，追加一個 $268，兩份主食都upgrade 要12oz牛扒（@$88），三個湯都upgrade做法式洋蔥湯（@$20），仲有跟兩份Appetizer一份意粉三杯嘢飲。環境寬敞、服務唔錯、食物質數高嘅西餐，慢慢享受，賣單唔使一千蚊，仲有免費泊車。冇响餐廳食甜品，嗰度有好多飯後糖水或者飲品店揀。…Read More

個零月前朋友介紹嚟呢間，嗰次幾個朋友食有球賽，現場好有氣氛。已經心思思想再嚟，今日兩個人放工後嚟食，坐高枱，另有一番格調。今次盡量試其他唔同嘅串燒，全部都好好味。串燒雞皮、和牛、乳豬、菇、羊𣕧、雞皮墨魚滑、菜…我哋好誇張，仲叫咗一份$98炸雞皮兩個人分，簡直係雞皮大餐，食到好漏 🤣🤣一個鐘前先用OpenRice 訂位，都送一人一隻生蠔🤭🤭 如生日仲有蛋糕送 😋😋🚗🚘泊車分享🚘🚙街邊 🤣🤣…Read More

唔知係咪新開，沒有食評，唔肯定好唔好食，不過今日公眾假期工人姐姐放假反正都要搵嘢食，所以特登揸入嚟試吓。支持留港消費😬😬飲料選擇多，味道幾好，正常甜度剛剛好，反而有得另㨂多甜或少甜。唔駛吓吓要叫少甜或微甜 👍🏻烏冬靭度剛剛好，個壽喜燒湯都幾正，唔會太鹹，但炸物好厚粉，炸蝦同雞都係。炸蝦減去炸粉得番少過一半，牛肉烏冬就整體唔錯。食咗一半先記得影相，真實份量係多啲嘅。🚗🚘泊車情況🚘🚙泊Wetland Season Park 商場時租平過訪客（$16 vs $25/hr)，唔好泊錯位置。如呢便冇晒位，另外對面都有個爛地停車場，過天橋就到。…Read More

即晚先決定响呢度食，習慣都去open rice 睇有冇得訂位（為咗嗰兩蚊 😝）跟住就訂咗5個位。都冇留意原來網上訂位送生蠔每位一隻，突然見到嚟咗幾隻生蠔，好香，仲以為上錯枱，但又唔捨得同佢講，都唸住照食，原來係免費的 🥳🥳 就算送的都唔係求其質素，生蠔好新鮮好味，有驚喜。整體價錢唔貴，幾乎係任叫嘅心情，全部串燒都好正 😋😋之前試過另一間等好耐，甚至冇心機加單再等… 呢間串燒好快嚟，一路食一路加單，一邊傾計一邊睇波，很是愉快的一晚 👍🏻👍🏻…Read More

入嚟天水圍處理事情，喺度食埋嘢，想搵有泊車優惠嘅地方，6:30打嚟訂位要8:00 先有枱。諗住都照Walk in搏吓，點知嚟到門口已經企咗10個人左右，好彩都問吓櫃檯，原來坐吧枱就即刻有位，我哋兩個人梗係冇所謂啦。冇櫻花樹陪伴但係有祝福海 🌸🌼🌺唔錯唔錯原來坐吧枱兩個人都一人一鍋，仲正啦，唔使老公鍾意食嗰啲潺潺嘢同鍋 😆食物選擇冇其他台式火鍋店咁多，但係甜品相對多選擇。本身睇晒圖都睇唔出有咩食，特登cap完砌好等自己以後容易啲reference 🤭…Read More

想食西餐，搵到呢間星期五先有嘅Menu，1xx-2xx 有晒Full Course，沙律、湯、主菜、甜品、飲品自取任添，酒店自助餐格局，位置寛闊，四個人食都唔使$1000 👍🏻沙律同南瓜湯都好好味，嗰度本身星期六日係做自助餐，所以有個廚師位，啲嘢係即場煮好就即刻拎上枱，全部都好新鮮熱辣，薯條脆，牛扒剛剛好。三款甜品每人都有，用個靚靚嘅𣕧上。希望佢以後都繼續有呢個 full course tgif dinner,我哋應該久唔久會過嚟食 😋😋…Read More

屋企人喺電視見過呢種食法，家中長輩同小孩都話好想試吓，但又驚嘥錢，見到呢間環境又靚竟然仲有第二位半價所以就一齊去食。佢哋俾我哋分開Menu，有啲叫398另外嗰啲叫498嘅廚師發辦，真係好好 👍🏻其中一人其實除三文吞拿外唔食其他魚生，但係又好想試呢種食法，店舖沒有三文魚，師傅特別都幫佢微調佢嗰set，令到佢都食得滿足，真係好個人化嘅服務 👍🏻👍🏻有生日驚喜，個人化嘅服務，又有免費泊車，呢餐一家大細老老幼幼都食得好開心 😁😁（9月頭嚟，到而家先有時間post 😜）…Read More