Linslinslins's Profile

疫情關係係屋企叫外賣叫左鹽水雞做午餐比自己食，夜晚先自己煮同老公食。首先佢個味超鹹，啲海帶真係好似浸左鹽咁。最慘係食完個胃開始肚痛，跟住胃痛，然之後就腸胃炎。夏天真係要好小心選擇食物。…Read More

其實呢間野係幾好味！ 原本仲諗住比好評，但今次真係唔可以唔比負評。我唔知入面個樓面短髮呀姐係咪覺得自己有金剛不壞之身，我次次入親去都見佢個口罩戴係下巴度！ 今次忍唔住要叫佢戴返好個口罩啦，大大聲講佢居然扮聽唔到，我坐低左之後見到成個廚房冇一個人戴口罩，大佬，你啲食物唔係樣樣野都既製架，萬一你哋噴左啲口水落我碟炸魚皮點算，最後我同我老公決定走人！ 咁簡單的反應你都可以扮聽唔到，真係比個叻你！再好食都冇用啦！…Read More

早兩年搬入屯門無耐就發現左屋企附近新開的小店。呢間舖舖仔細細，但煮野食非常有heart. 每次都叫呢度的鹽酥雞，每次都即叫即炸，粒粒都外脆內軟。買一包返屋企做晚餐真係岩岩好😁炸燒賣唔錯！飲品的話我都係鈡意飲返大品牌的，不過同炸雞有套餐價又的確可以一試！…Read More

今日同老公去食下午茶，叫左個炸脾+春卷+咖哩角+熱檸水的下午茶，一切開隻脾流血，叫佢再整過。五分鐘之後比返同一隻仲要係炸到又燶又乾又黑又的雞脾比我，完全覺得玩野，乾過張紙巾，點食？最後成隻脾只食左一啖比埋錢就走左！！最緊要係而家有新sars的情況下，呢間餐廳只有樓面的人會帶口罩，而廚房負責整野食比客人的所謂師傅就冇一個有帶。可惜呢個畫面係我order好晒我先見到，如果唔係我一早走佬！！我呢個居民以後唔會再去！…Read More