bobochan123654's Profile

好耐無路過中環,一路過蓮香樓樓下,見到排曬長龍.果然老字號就係老字號,搞到我都走埋去排埋一份,哈哈.排左40分鐘左右先有位,即刻冲過去點心車仔度睇下有咩新鮮點心.好多款式,見到好多都想試下,最後拎金錢肚和蝦餃,燒賣食住先.沙爹金錢肚:軟爛,入味,但仲保持少少咬口,沙爹味調的平衡恰當,唔會過咸.最後終於等到最想食噶雀巢芋角!宜家真係無乜幾多間仲有呢款懷舊點心食,外層炸的超級鬆軟,裏面的芋頭蓉軟糯得黎仲好有芋香~非常推薦.下次要試埋個鵪鶉蛋燒賣~今次賣曬~可惜.…Read More

難得今日收早!即刻Call 班飯脚出黎試下新野，銅鑼灣嘅餐廳都食到有啲悶曬，朋友仔推薦話銅鑼灣廣場二期開咗間新嘅中菜廳，信佢！入到門口裝修都好新，坐低D姐姐都幾好招呼，點咗一份叉燒同一份一口豆腐試下先。佢哋嘅叉燒好厚切，好好食，叉燒嘅油香味出晒嚟。一口豆腐亦都炸得好香脆，但係真係好熱氣。因為餐廳係新開嘅，所以好想知道有啲乜嘢係特別推介。侍應姐姐就推介咗佢哋嘅乳鴿，真係好香脆可口，仲好juicy，真係好耐都冇食到咁好食嘅乳鴿啦。我仲點咗一份椒麻安格斯牛柳粒，超級多牛柳粒，最後仲食唔晒。牛柳粒好香，肥瘦均勻唔會好乾柴，有一啲麻麻但又唔辣嘅口感，好正。最後仲點咗一碗楊枝甘露，超級大碗，超級多芒果！甜品噶最高評價係咩？“”唔係好甜！“”。…Read More

一个人食饭紧系简拉面啦！呢间沾面味道好浓郁，而且会有不定期噶新品。廣島縣の牡蠣沾麵我噶最爱啊！！超肥美噶广岛蚝，一啖超级满足。叫多一份外酥里糯噶章鱼烧做小食，就完美啦…Read More

放工食飯，但係排隊排咗好耐先入到嚟，高峰期食飯真係好難排隊啊！醬燒豬軟骨配蛋包飯，$65 ，豬軟骨同埋個飯係分開放嘅，我比較鍾意，因為唔鍾意啲飯上邊會撈埋好多豬軟骨嘅汁，豬軟骨煲得好腍，之前一直都唔係好夠膽食豬軟骨，就係因為驚太韌，但係呢度呢豬軟骨軟硬度OK，蛋包飯就差啲啲，個蛋煎得太老啦，如果再嫩啲就好；厚切豬扒配湯烏冬，聽講個豬扒喺呢度嘅招牌，都幾唔錯嘅，豬扒大塊，夠晒Juice，湯烏冬鹹咗啲啲，我自己加多啲啲水食就啱啱好，呢度啲烏冬口感都唔錯，湯烏冬set $55，好抵食，份量都唔少，唔怪得至咁多人排隊…Read More

其實平時都好少食上海菜，因為上海菜偏甜，我唔係好鍾意，不過今日有friend過嚟玩，想搵上海菜食，呢道肉OK嘅，有啲似廣東嘅白云豬手，但係呢個唔好咁煙靭同埋加工過，有啲似肉凍，骨膠原，點汁更加好味啲，脆皮齋鵝，出邊炸到脆卜卜入邊識到一層層，腐皮包住冬菇，蘿蔔木耳絲都幾爽口，上海炒年糕有少少油膩，同埋啲甜味比較重啲，豆沙鍋餅呢個冇咁甜，OK嘅…Read More

痴線朱古力，上到枱嗰刻我真係震驚咗，朱古力量多到溢到下邊個碟上邊，上邊撒佐唔同品種嘅朱古力碎同埋可可粉，好彩唔係好甜好甜嘅感覺，口味偏苦嘅黑朱古力，苦甜，好彩，如果唔係，呢杯痴線朱古力可能我真係會痴線，南乳豬扒brunch，鍾意呢個多啲，個豬扒南乳味好香，豬趴okk！搭配嘅麵包好得意，貓仔嘅樣。…Read More

細細間一間舖，但係中午去到都已經有幾個客喺度排晒隊，原來下一間人氣網紅疏乎厘店，岩燒布丁疏乎厘，加日本牛乳雪糕，性價比都OK，熱辣辣新鮮出爐嘅software家冰涼嘅雪糕，牛乳雪糕牛奶味好香，個人覺得個雪糕仲正過疏乎厘，疏乎厘表面嘅焦糖係烤過嘅，所以咬落去會有脆脆地嘅焦糖，夾埋鬆軟嘅疏乎厘一齊食個甜度就可以中和到，投雪糕一票。…Read More

要幾難先可以睇到一間門面裝修超級簡約嘅舖頭，但係入邊呢都係會有啲特別嘅牆面可以打卡，如果話呢間鋪嘅嘢食同埋個服務來揀嘅話呢，我會選擇服務，就算自己過嚟食嘢，會有心靈師陪你一齊同你傾傾計，哈哈哈哈，醬油風白汁三文魚扁意粉，可以食到好香嘅日本豉油味，味道好獨特，意粉嘅口感控制得比較好，硬度啱啱好，同埋個店員同我講佢哋嘅三文魚，必須要原條買返嚟自己開，唔怪得知三文魚好鮮味，好香，同之前出去食嘅pasta都比較唔同。…Read More

觀塘世貿大樓一樓，注意返有好多餐廳放嘅提示都可以搵到，疏乎厘做到外實內軟嘅感覺，即係咬落去有咬到蛋糕味，但係中間又好似有咬空氣嘅柔軟嘅感覺，幾驚喜，上邊嘅士多啤梨忌廉好香士多啤梨味，甜度就甜咗啲啲，但係cream味好香，搭配應景士多啤梨，仲攞咗一層透明嘅好似啫喱嘅嘢冚住佢哋，得意，pancake兩個人食好啲，因為個cream甜咗啲會有少少膩。…Read More

蜂蜜Banana 窩夫最好食嘅可能就係嗰個雪糕球了，蜂蜜窩夫個樣有啲似Donna，一開始以為會好好食，就係睇住個窩夫去食嘅，仲要為會係嗰種好有彈性好煙靭嘅麵包，但其實好冧，一啲都唔好食，跟住邊邊果啲爆谷，雖然係焦糖味但係真係燶燶哋，唉，嘥咗條蕉，而且都唔便…Read More

淨係想過嚟食啲小食同埋食芒果冰，泰式串燒豬加埋雞，一定要趁熱食，凍咗嘅話呢咁咪好大區別，趁熱食會比較好食啲凍咗之後呢會有啲啲腥味，同埋啲肉質都會變硬，生蝦好正，酸酸辣辣，夾埋個香料葉一齊食好正，但係個指天椒好辣，如果唔係好食辣嘅話呢記得搣走個辣椒先食，個生蝦汁原本都係會有少少辣味㗎喇，醬汁好OK，但係個客可能擺得耐咗會有少少唔新鮮，即係唔好咁彈牙冇咁爽，最後芒果冰好飲過菠蘿冰！…Read More

過到西貢先要黎落雨，唯有去食啲嘢坐吓，呢間Cafe再瘦都幾靚，叫咗個黑松露蟹肉沾醬配多士，麵包似係法棍包，烘得好脆，麵包麵粉味好香，好韌，有嚼頭，我係鍾意食法棍嘅，所以呢個麵包我比較鍾意，擦埋黑松露蟹肉一齊食，好開胃，脆口得來又煙煙韌韌夾埋蟹肉好鮮味，鹹淡啱啱好，茶漬飯$58，叫咗鐵觀音一碗$68，茶香甘香，餸埋我嗰個多士比較夾。…Read More

又發現一間本地特色嘅古早蛋糕，其實之前一直都會食開一間係喺荃灣嗰間叫香綿綿嘅古早蛋糕，呢間古早蛋糕都幾唔錯，紅棗蓉古早蛋糕，棗香味好濃，同埋栗子蓉古早蛋糕個栗子蓉，粒粒栗子，口感右粉又綿，原味鮮奶都好香，蛋香味好濃，夠濕潤柔軟綿綿，一手撳落去仲會彈返上嚟，濕潤得來又乾身香味好濃，一舊仲好墜手，不過呢間就貴過香綿綿嗰間，但係各有各好食。…Read More

超級水果茶，$40一杯，新鮮水果自己自製，同埋個店員同我哋講，啲糖係佢哋自己熬煮出嚟嘅，但係唔係就唔知啦，不過呢杯水果茶都幾唔錯，佢唔係有好多好多生果塞埋入去塞到你好似冇嘢飲，生果有橙啦、百香果啦、菠蘿啦，同埋叫咗係桂花烏龍茶底嘅，走甜少冰，茶底甘香加埋水果香味，食完飯飲埋一杯水果茶好舒服，優格果昔都唔錯，芒果加埋優格一齊打，成杯好足料。…Read More

叫咗一份激龍雞白湯拉麵加埋個唐揚雞塊，湯底奶白色，睇落好似冇其他嘅拉麵鋪咁白，但係呢度就冇咁鹹，香港依家各個人啲口味好重，出街食飯都普遍係偏鹹，特別係拉麵，可能係我口味淡啲，呢個拉麵湯白色，但係帶少少透明，湯底好濃郁，同埋啲鹹味係啱啱好嘅，拉麵筋道，但係唔會覺得好硬，留心溫泉蛋慢煮嘅雞胸肉片同埋豚肉片，特別嘅係仲有炸牛蒡，加埋大蔥夾埋一齊食幾唔錯，如果有食糧比較細嘅姐姐可以叫細份。…Read More