purpleliuhk's Profile

Mschichi-咸到苦的醬汁湯飯😔廿一堂 地址: 樂富聯合道198號樂富廣場A區1樓1161-1162號舖電話: 23118685味道⭐️ ⭐️價錢 ⭐️⭐️⭐️⭐️服務 ⭐️⭐️⭐️⭐️回頭率 ⭐️⭐️廿一燒牛丼 玄米茶 $60牛肉圍住個飯都有好多片， 都有燒香嘅味道，不過就有啲肥膩！ 😣😣一翻開牛肉， 碗飯由面到底全部都係醬汁， 好似一個醬汁湯飯咁樣😥😥😥 真係太過油膩太濟同埋太鹹 😪😪 好彩有杯玄米茶清清哋可以解膩廿一炭燒鳥丼 麵豉湯 $59雞柳都唔錯，份量好足夠👍🏻 雞柳醃製得啱啱好， 已經係今次最好食嘅食物🙂 同牛肉飯一樣的， 揭開啲雞柳下面就係滿滿嘅醬汁，又多又肥😔 又係一個醬汁湯飯， 不了不了麵豉湯都還可以，正常味道總括而言，我應該唔會再幫襯🙁🙁🙁 原因係佢啲汁太多太鹹，粒粒都係浸滿晒醬汁嘅飯，最後要再去買嘢飲個口先冇咁苦， 所以唔係太推薦 😢😢 …Read More

Mschichi-柴灣茶記巨雞扒包澤記雞扒包 連熱飲$34 之前聽同事推薦呢度嘅豬扒包好出名！ 又抵食！ 係柴灣工業區數一數二嘅美食之前都冇行過呢邊，所以一直冇試過😮‍💨😮‍💨 今日放假經過就試吓啦❤️ 而家係早餐時間， 所以大部份人都係食粉面，我就叫咗個雞扒包雞扒有兩大塊🫢🫢🫢 好多沙律醬🤭🤭🤭 兩片大蕃茄同一大條青瓜。 雞扒好厚好大塊，但係就燶咗少少🤏🏻 麵包皮都香脆。 順路經過嘅都不妨可以試吓， 不過夏天就應該唔會嚟食啦 😀😀 因為地方始終都係大排檔式， 同埋天氣一定比較熱 ☀️☀️☀️☀️☀️但係佢哋生意好旺! 好多附近嘅阿叔嚟食，所以想食都唔係咁易㗎😉😉 下次可以試埋佢都係好出名嘅巨型炸魚柳包 ❤️❤️…Read More

Mschichi-鬧市中一條龍打邊爐之前喺柴灣都食過佢間家嫂打邊爐， 好唔錯！ 👍🏻 今次適逢屋企人生日， 就嚟到尖沙咀呢間交通方便啲嘅舖試吓啦我哋食五點至七點嘅優惠時段。每位348 +1可以七點前離座， 時間就比較趕急， 不過屋企人都食得唔多， 所以早啲食， 早啲俾個胃休息吓先瞓覺都係一個好選擇😆🤭飲品方面就同柴灣差唔多， 竹蔗茅根水， 洛神花茶， 菊花茶同埋一啲水果茶嘅選擇。 飲落都唔加甜， 打邊爐有潤喉野飲值得一讚 👍🏻👍🏻首先佢會推出一隻好大嘅刺身船俾你打卡用嘅😆😆❤️ 刺身就是日精選， 我當日都有七款刺身。 味道就係自助餐級數啦， 都唔可以要求太高。 前菜就有幾款， 分別有皮蛋， 螺頭， 中式蚊雞師， 炸蝦多士， 台式糍粑等等。 小食係可以任叫嘅， 質素就中規中矩， 最鍾意食係蝦多士螺頭同埋糍粑比較特別啲 🥰屋企人就讚個皮蛋晶凝通透佢哋話係靚嘅皮蛋。 之後就可以食雞煲， 我哋揀咗唔辣嘅雞煲雞， 切件細細容易進食， 不過就冇咗啖啖肉嘅口感 🥺 我哋1家5 口食一隻雞都已經夠晒數， 之後就可以轉去打邊爐啦😍打邊爐佢係冇點餐紙既， 總之佢會上第一輪有海鮮丸類菜類公仔麵炸魚皮等等。如果你想食呢， 就可以叫侍應再上。 佢就會按返廚房嘅供應情況再幫你落海鮮， 有時都未必有返你想食嘅海鮮。 有少少特別嘅海鮮， 例如鮑魚， 佢就會定時去枱邊問你要唔要。 我哋今日嘅海鮮都有蟶子、 大蜆、兩條甩皮魚、鮑魚、海蝦。 新鮮程度都滿意， 當然自助餐級數， 好鮮味又夠飽其實食完呢啲所有第一輪嘅嘢食之後， 我哋都飽得7788， 再叫多兩輪鮑魚蟶子同埋海蝦就已經夠晒數😆😆🤭 佢出邊仲有啲雪條同埋雪糕， 但係就吸引程度唔高。 整體來講我哋覺得第一次喺柴灣分店係高質啲， 同埋柴灣以差唔多價錢來講， 佢係唔限時嘅！！ 上次我同老公兩個人食都慢慢食咗三個鐘， 又好開心， 同埋柴灣因為佢唔限黃金時段， 仲有埋紅白酒巡迴俾你飲！ 同埋有啲貴價小小嘅海鮮， 例如珊瑚蚌都係稍後時段先會出場嘅。所以如果鍾意慢慢食， 又食得多嘅朋友， 我就會覺得去柴灣分店比較好❤️❤️ 但係尖沙咀分店地點方便都可以一試既…Read More

Mschichi- 銅鑼灣抵食日式飯 味道⭐️⭐️⭐️價錢 ⭐️⭐️⭐️⭐️⭐️服務 ⭐️⭐️⭐️⭐️⭐️回頭率 ⭐️⭐️⭐️⭐️中午經過呢度有超級多隔離學校嘅學生食望一望價錢又真係超級抵食！ 唔怪唔得知吸引到咁多學生哥！ 入邊堂食都大約有20人座位。 最經濟實惠嘅有照燒雞扒飯同埋牛肉飯， 都只係$40！ 今次我就叫咗個叉燒蛋包飯$55， 都算性價比好高！ 老闆仲話佢會成日都轉餐牌， 咁就有更加多選擇啦❤️❤️❤️滑蛋真係冇得輸， 叉燒都有四大舊， 不過就稍為鹹咗啲 😆😆 要同飯一齊食就可以中和到個重口味喇 估唔到碗仔細細， 但係都食得超級飽 👍🏻喺呢條街度算係最強之選！ 因為隔離店的刺身碎飯都成$98啦🥲🥲🥲 推薦推薦！跟學生哥搵食就係識食嘅指標😆😆😆😆…Read More

Mschichi-灣仔放飯燒味套餐又到食飯時間啦！ 今次試咗呢間又係超多人排隊嘅燒味飯店燒味飯加油菜加湯嘅套餐$70左右， 有啲家常小菜款式， 都有啲燒味嘅款式可以選擇今次叫咗叉燒沙薑雞套餐 $69 +$3 菜飯 叉燒好大嚿！ 啖啖肉！ 半肥瘦醬汁係日式， 甜甜地， 10分有趙口💯沙薑雞脂肪唔多， 皮薄， 肉嫩滑！ 沙薑味就稍為淡一啲， 但係份量都好多👍🏻👍🏻👍🏻今日嘅湯係冬瓜湯， 有一舊小小嘅冬瓜係入邊，味精味唔多， 飲完唔會口渴🤭🥹再加埋幾條菜仔做油菜， 呢個價錢， 呢個地點來講， 都算係合理嘅選擇 😎😎😎唔怪得知有咁多人排隊啦！ …Read More

Mschichi_尖沙咀古式裝修情調酒廳Octopus Salad $128 超大隻嘅八爪魚沙律， 上枱嘅時候我同我老公都忍唔住分別講咗幾次‘咁大碟嘅’ 😂😂😂😂 我哋本身以為係西班牙嗰款八爪魚🐙 點知係魷魚圈嗰款 但係值得一讚嘅係, 雖然咁大碟沙律我哋竟然都可以食得晒!!! 佢加咗沙律調味， 清清地但又有d 藜麥嘅口感， 本身都唔食到咁多菜嘅我哋竟然都可以清晒！ Mussels Pot With Chorizo $148 反而青口個份量我哋就相對覺得少咗啲， 本以為係一大筒嘅青口🤭🤭🤭 佢個醬汁好特別。酸酸辣辣咁樣， 有埋少少煙肉粒一齊煮， 好開胃🤘🏻🤘🏻Truffle Fries $88 之後就到薯條亦都係超級大碟！ 薯條係我想像中嘅三倍份量！ 係我老公想像中嘅五倍份量！ 我哋以為係酒吧格仔網一兜仔🥹點知係一大碟😍😍😍佢嘅碟仲係要有深度嘅😆😆 不過黑松露醬就少咗啲， 因為薯條實在太多！ 炸到好香口值得一讚👍🏻👍🏻👍🏻Pan Seared Lamb Rack $188 羊扒方面係用咗羊肉眼， 所以都係大大份， 一碟有三舊！ 老公鍾意食羊羶味 ， 所以呢度嘅羊扒就啱晒佢👍🏻因為有三份一都係羊脂肪， 不過佢嘅配料有甜甜蕃茄醬， 就可以將羊脂嘅油膩感感覺減少， 所以都好唔錯💯USA Prime Cedar River Striploin 250g $298 最後就係牛扒， 我同老公都讚口不絕！ 呢間廚師整出嚟嘅牛扒都拍得住扒房呀！ 牛扒油脂分布均勻， 唔會太油膩， 但係又好香牛味喎！ 隔離伴碟仲有少少中式嘅雜菌， 都好得意🥰 不過就鹹咗少少🤏🏻 餐廳嘅女仕應好細心， 招呼好周到。 不過呢度位置就唔係尖沙咀市中心， 所以客人就比較少啲🥺🥺 同埋裝修有少少復古嘅味道💃🏻🕺🏻💃🏻🕺🏻但係以依個價錢， 對住全海景， 又位於尖沙咀區， 我哋就覺得性價比比預期好好多！ 可以再試！ …Read More

Mschichi- 跑馬地都食到新鮮墨魚麵新昌明食店地址: 跑馬地奕蔭街22號地下電話: 25737855味道⭐️⭐️⭐️價錢 ⭐️⭐️⭐️服務 ⭐️⭐️⭐️⭐️⭐️回頭率 ⭐️⭐️⭐️最近喺跑馬地返工， 所以成日喺跑馬地附近搵嘢食🤭🤭 呢到午餐時間周圍都人！ 人多車多都冇乜選擇🥲🥲經過呢間茶餐廳都好多人排隊🥹就試吓🥹🥹我見到好多人推薦墨魚麵。$50樓下價錢尚算可以👍🏻麵質爽口彈牙！ 魷魚鬚份量超級多 好新鮮❤️不過湯底就有啲鹹。😛😛辣椒油都好香， 但係返工就唔方便試啦！ 廢事流哂鼻水眼水嚇親人😎聽講佢哋嘅墨魚丸都好唔錯！ 下次可以試吓😝 #…Read More

Mschichi- 台灣口味驚喜煎蛋卷招牌紅燒牛肉麵 $75 大熱推薦紅燒牛肉， 用嘅係牛展厚度適中， 不過就稍為細偏左少少🤏🏻入口即溶！ 筋肉分明！ 麵質好特別， 爽口彈牙， 份量適中。 只湯底稍為鹹咗少少🤏🏻刈包 滷肉飯 $68滷肉飯幾好食， 肥瘦分明， 有兩片爽脆嘅青瓜片。 刈包 除咗大大嚿肉之外， 入邊都有啲酸菜同埋青瓜片， 配合埋一齊都幾好食。 不過我就覺得個包有少少硬咗啲。 肉鬆雙重起司蛋餅 $42 呢個蛋餅有驚喜😍😍 個外皮係用咗脆酥餅來做， 入邊亦都有蛋皮同埋濃厚嘅芝士， 同埋大量嘅肉鬆！ 入邊軟淋淋， 外面脆卜卜又乾身❤️ 超贊👍🏻👍🏻👍🏻👍🏻蚵仔煎 $48 今次呢間唔係用咗大量嘅糯米粉的款式， 外面嘅蛋漿都係煎到乾脆脆卜卜的。 不過有一半就稍為煎燶咗少少， 可能鍾意食熱氣嘢嘅人會鍾意🤭 整體來講都好滿意🤭👍🏻黑糖珍珠撞奶 $29 因為我哋食下午茶時間所以都唔想飲茶， 驚今晚瞓得唔好， 所以要左黑糖珍珠撞奶。 黑糖珍珠都彈牙， 而奶味就有啲怪怪地🤣舖頭枱上面仲有好多唔同嘅調味粉可以選擇🥹🥹紫薯粉？辣椒粉、孜然粉、芝士粉、紫菜粉等等如果鍾意食炸物類小食嘅， 就不妨可以試多啲調味新嘅配搭！ …Read More

Mschichi- 透心涼靚景茶座@鹽田梓 上一篇介紹咗茶果，喺茶果上少少嘅位置其實我都唔清楚係咪同一間舖😂😂總之一句都好值得推薦。喺茶果斜坡再遠上少少， 一直行就見到呢間位於鹽田上面嘅茶座嘅啦！ 佢外面有啲餐牌寫住今日有啲乜嘢食，原來係老闆娘製作架❤️❤️ 老闆娘話日日唔同， 睇吓附近嘅村民一齊有啲乜嘢食材準備而定， 可遇不可求㗎！ 而我哋今日呢就見到有紅綠豆沙同埋羅漢果水，咁我哋梗係兩樣都要試晒啦。呢個茶座坐得好舒服有少少微風， 又有溫暖嘅太陽， 可以望到鹽田嘅藝術品， 同埋其他嘅耕作。暖笠笠嘅紅綠豆沙同埋清涼嘅羅漢果， 真係喺呢個乾燥嘅天氣， 作為一個甘泉潤喉啊。老闆娘亦都好殷勤親切咁樣過嚟同我哋介紹呢兩款食物嘅食材，好感受到農村嘅溫暖。喺我哋走嘅時候呢兩款食物已經賣晒啦 😆😆😆 同時亦都轉左其他新嘅食物比下一批嘅遊客。所以嚟到有啲乜嘢食都係睇緣份。好特別好特別啊。 💯💯#dessert #comfortfood #foodlover #hkfood #hkfoodie #foodie #foodiehk #hkfoodies#hkfoodblogger #hkblogger #hongkongfood #相機食先 #香港美食#Mschichikitchen #港妻廚房 #港妻好去處 #mschichi_西貢#鹽田梓 …Read More

Mschichi- 大堆高水準西貢人氣Cafe呢間餐廳我地之後黎過一次既啦🥰🥰 好掛住佢地的法蘭西多士 ！ 平時星期六日排好長龍架！ 好彩今日平日唔洗排隊就即衝呀 🏃🏻‍♀️🏃🏃🏻‍♀️🏃🌈朱古力紅菜頭拿鐵 $48 L size 可可粉，紅菜頭，椰糖好靚的朱古力奶拉花， 雖然叫自己係拿鐵， 但係佢係冇咖啡因㗎！ 小朋友大肚婆都可以飲得🥰 但係我最期待的紅菜頭味就飲唔出😛😛 以呢個份量黎講， 價錢都相宜👍🏻👍🏻🌈煙三文魚 配 酸種麥包 $125 配 檸檬味中東混合香料，火箭菜， 乳酪芝士及檸檬三文魚份量超多！ Yogurt酸酸地好襯呢一個手工酸種麥包， 麥包好特別酸酸地好開胃🥰 口感係硬轟轟嘅包包質地。 一大片已調味的三文魚 點一點 乳酪芝士 再夾上一口包包， 好好味嗯🥹🥹🥹🌈法蘭西多士 $108厚切工匠法式奶油麵包，開心果碎，玉桂及蜜糖麵包烤得外脆內軟！ 最鍾意佢加左d 啲開心果碎碎， 表面加左適量的蜜糖， 但又唔會過份整淋左個麵包👍🏻 玫瑰花瓣碎梗直係打卡必備呀！ 好正 🤭佢中間白色嗰粒本以為佢係流心蛋， 但係原來佢係酸酸地嘅乳酪奶油！將佢塗上法蘭西多士， 清涼清涼又軟綿綿的口感好令人感動🥹😌🥹😌如果再嚟多次食， 我都一樣都會再叫呢個 💯成日嚟到西貢都心思思想試吓啲新嘢食， 但係一經過呢間舖頭， 一見到冇人排隊， 就真係忍唔住衝入去🤭🤭🤭🤭 可想而知我對呢間Cafe嘅喜愛🫶🏻❤️ 希望下次再嚟會忍手唔叫法蘭西多士， 可以叫下其他野， 試多啲唔同種類嘅嘢食啦😍 最希望係試佢嗰個印度茶拿鐵呀！ 下次一定會再見👋🏻…Read More

行完山就食一碗地道啲嘅車仔麵啦！ 話明車仔麵就有好多好多嘅配料可以選擇！ 我今次就叫咗四餸車仔麵 同埋一個小食😋😋😋 麵方面揀咗幼麵同埋台灣麵 。 🌈瑞士雞中翼👍🏻👍🏻👍🏻👍🏻👍🏻瑞士雞翼入邊啲肉質嫩滑， 相當入味， 恰到好處😋😋😋😋🌈招牌豬頸肉👍🏻👍🏻👍🏻👍🏻👍🏻厚切厚切！ 最好食的菜式， 肉質彈牙， 同泰式餐廳有得比！ 🫶🏻🫶🏻🫶🏻🌈墨魚頭👍🏻👍🏻👍🏻👍🏻👍🏻3 大大舊。但只有一舊係墨魚頭。兩舊都係墨魚鬚🥲🌈炸三寶（魚蛋、墨魚丸、紅腸） 👍🏻👍🏻👍🏻👍🏻好咸🥹🥹 但紅腸好大好大件， 墨魚丸彈牙又有粒粒墨魚丸口感， 魚蛋係陳皮魚蛋， 細細粒好QQ 口感較軟身🌈胡椒豬扒 👍🏻👍🏻👍🏻分量超十足！ 兩大塊胡椒味香濃！ 不過我就覺得有少少鹹咗啲🫣🫣呢個價錢的車仔麵都唔可以要求太多， 整體係合格， 但唔係樣樣野都好食， 下次可能再J 墨魚頭同豬頸肉 😋 …Read More

Mschichi- 性價比超高的日式小店之前我哋去佐敦谷公園諗住買啲日本野野餐， 搵到呢間位於山上屋村嘅日本小店。但係礙於嗰日門口實在太多人排隊，所以我哋都未親身試過。今日去行山之前，我哋專程來試一試。適逢午餐之後大約2:00嘅時間，唔係好多人，所以我哋一到就已經可以入座。 我哋叫咗兩個丼飯同埋幾件壽司🥰🥰 都係$200 左右乍！ 仲有埋茶同三文魚骨湯。 🌈北海道海鮮丼飯$108 （ 三文魚。油甘魚。八爪魚。甜蝦。帶子。海膽。三文魚子） 一黎到全碗都係滿滿嘅刺身。我哋嘅劍魚仲升級左做劍魚腩！ 真係有成吋厚！ 甜蝦又係肥肥脹卜卜嘅。海膽份量都唔細， 有兩𠝹架。屬於苦苦甜甜嘅系列。帶子就有一粒， 如果原粒上唔切片就可以增加口感啦！ 🌈火灸丼飯$98（ 鰻魚。三文魚。左口魚。帶子。玉子） 又係全部都係厚切厚切。鰻魚一咬落去啲魚又香爆出嚟。三文魚香噴噴， 玉子超級甜。火灸必有嘅item就係左口魚啦！ 因為左口魚嘅油脂燒左之後啲油又係一滴一滴咁樣滴出嚟㗎 😍😍🌈蟹肉蟹膏軍艦 $16濃濃嘅蟹膏味道配上爽口嘅蟹肉真係一個絕配，不過可惜， 可能放耐左， 所以紫菜有啲淋左少少🌈 鹽燒赤蝦 $12呢隻尺碼嘅大細都可以媲美牡丹蝦。都只係$12。佢嘅蟹肉晶瑩剔透， 仲開咗邊！ 最正係佢個蝦頭啲膏都忍唔住要清乾淨晒佢先得😋😋呢間舖頭仲開咗新分店啊！ 雖然地點都唔算好就腳， 但係勝在性價比十分之高！！ 店員又親切， 海鮮刺身全部都好難忘！ …Read More

Mschichi- 屋邨麵包店都有驚喜森林麵包就係喺一個山上隱蔽屋邨嘅少少餅店。但係呢一間少少餅店十分之受歡迎，因為佢成日都會創新製造出好新穎嘅蛋糕同埋麵包，但係又不失傳統嘅風格，價錢都仲好相宜添。今次我食咗佢嘅提拉米蘇同埋有子芝士蛋糕。🌈提拉米蘇吉士味香濃， 但可能我太夜買， 所以略為有少少硬同乾身， 但係佢芝士mixture 同埋咖啡餡恰到好處， 味道香濃👍🏻👍🏻🌈柚子芝士蛋糕十分十分之驚喜。佢上面嘅乾檸檬咬落去嗰種酸甜味已經令人為之一振！ 加上蛋糕上面嗰一啖嘅柚子醬， 原來柚子醬同芝士係可以咁配搭得到！ 加埋鬆軟嘅海綿蛋糕，覺得可以下次買一整個嚟同朋友分享添 ❤️❤️一間小小嘅餅店咁受歡迎， 一定有佢嘅原因。 呢間就係廚師嘅創意同埋毅力，先吸引到更多嘅街坊支持，我仲見佢有好多ig 上網麵包團，大家都不妨去留意吓呀🥰🥰 …Read More

之前同朋友傾開計， 佢最近迷上左茶餐廳之旅😆😆周圍去食唔同好食嘅茶餐廳。 今日我就經佢介紹之下嚟到呢間有好多間分店， 而每一間分店都有海量座位嘅茶餐廳！ 茶餐廳真係每一個香港人都食過嘅食店。種類又多又齊全， 無論早午晚餐定係下午茶諗唔到有乜嘢食都可以去茶餐廳食❤️❤️ 今次呢間紅茶冰室都唔例外， 我哋下午茶時間大約三點去到， 除咗早餐之外其他基本上都有齊。 包括左 泰式小食， 越南河粉， 豬扒包。雞脾， 雞翼， 沙律， 熱狗， 西多士， 菠蘿油 肉醬意粉， 燒味飯。魚湯泡飯……而我哋就咁啱預正下午茶時間2:30-6:00。 喺芸芸咁多美食當中， 我就揀咗必食嘅出爐蛋撻同埋芝士流心西多士😍😍茶餐廳學麥o麥咁講最緊要有常餐 同特餐因為係全日供應。 我哋就叫咗朋友介紹嘅特餐。兩個人食三個餐真係卡路里嘅挑戰🫶🏻🫶🏻 大大滿足 😜😜🌈招牌芝士流心西多士 $35 （跟餐） 本身西多士已經係激邪惡同埋好味嘅食物！ 加上有芝心流心， 見到個名已經係非叫不可！！ ！ 切開來睇， 上面西多士嘅麵包微微脆卜卜， 黃金色入邊有着濃濃嘅流心芝士， 流心嘅程度走未至於好水好流心嗰款， 而係有啲似芝心批厚厚實實各款。 🌈 出爐酥皮蛋撻（2件）$30 （跟餐） 蛋撻真係茶餐廳名物！ 佢都可以散叫每個$7。 都算係街坊價。 因為有時有啲蛋撻而家都買到差唔多$10 一個🥹🥹🥹 佢嘅但都要等成20分鐘， 因為真係被搶購得好快！ 一出爐就已經賣晒！ 我哋都好好彩， 坐低咗5分鐘已經有得食新鮮出爐嘅蛋撻啦😇😇我都鍾意食酥皮蛋撻， 我老公就鍾意食撻皮。 但係我覺得佢啲酥皮好似燶咗少少， 我就覺得有少少苦味🥲同埋蛋漿都唔係真係咁香， 但勝在係夠新鮮同脆口。 🌈沙嗲牛肉公仔麵 配丹麥酥加火腿奄列 $55 （跟餐） 沙嗲牛肉公仔麵我一向都唔係心頭好， 不過我朋友介紹食， 我就試吓啦。佢嘅沙嗲汁好香濃， 稍為少少鹹咗啲， 不過佢嘅牛肉的確係滑牛！ 所以好軟熟香滑嘅🫰🏻👍🏻 公仔麵就正常口感啦👌🏻👌🏻特別嘅係其他茶餐廳配多士都係牛油多士， 呢間紅茶冰室嘅多士， 專登為佢改名叫丹麥酥， 上面有厚厚嘅蜜糖， 再加上焙， 食落有啲食牛角包嘅感覺啊 🤭🤭 火腿奄列都做到基本嘅滑蛋， 但係牛奶雞蛋嘅甜味就失色咗少少啦 🙃總括而言依間茶餐廳係達到水平以上嘅， 如果你想便飯食一間茶餐廳， 應該唔會令你失望。 但係你話好讚嘆味道咁未至於。不過佢仲有咁多咁多款嘅嘢食，我都一定會再嚟試吓佢其他嘅嘢食呀！ 尤其係魚湯飯都好吸引 🥰🥰🥰…Read More

Mschichi-安慰心靈的海膽今日又係一個人食晚餐嘅日子，係去做facial之前，要搵間好味嘅慰勞下自己放鬆一下。喺芸芸咁多嘅餐廳之中，我揀咗呢間日本餐廳。上網睇食評如潮，平時都有好多人會排隊食，適逢今日準時放工，所以去到都唔使排隊就直接有得有得入去食。雖然佢個名叫做立字，佢嘅設計其實都跟隨日本係站立嘅壽司餐廳，不過呢間壽司店都係有位坐嘅，佢暫時嘅設計就係一個人一個位。餐廳都係用QR code落單，我覺得佢嘅餐牌好好，因為好多相片都睇得好清楚，所以好方便我好快就揀到自己想食嘅單品。🌈特上北海道魚生飯 $158北海道帶子甜蝦三文魚海膽飛魚子見到張圖畫都覺得好吸引，啲材料非常豐富，見到份量都十足。 不過食落口三文魚甜蝦帶子就正常味道但係都好新鮮嘅。有驚喜嘅係兩大嚿海膽有鮮味又有一𠝹𠝹的口感，飛魚子咬落口會卜卜脆。日本飯都唔係白飯咁簡單，佢係經過調味嘅飯，好有誠意。🌈 白子小食 $58白子最近都好興，佢呢個小食$58雖然貴少少，不過都有三大片，同埋係經過處理嘅，我就覺得非常香非常惹味，下次可以帶老公嚟再試多次。🌈 刺身盛合5點 $28 （ 立鮨五週年優惠） 適逢餐廳五周年佢哋有個超優惠嘅刺身拼盤， $28有五樣嘢，唔叫都對唔住自己。不過可惜我太遲先見到依個優惠，如果唔係我就會叫其他款式嘅飯。因為同飯上面嘅款式都有重複。佢分別有三文魚帶子甜蝦同埋一個海膽杯三文魚帶子就同飯一樣新鮮嘅， 但係唔係好突出。甜蝦因為有埋蝦頭款式， 所以比當飯嘅甜蝦更加出色鮮味。值得一讚嘅係佢嘅海膽杯，海膽同飯一樣都係超級鮮甜入味， 加上佢有好多三文魚子粒粒下面。更加有木耳絲嘅陪襯好爽口。呢間餐廳仲有超級抵食嘅omakasa $380 ，不過上網睇好多人都話自選壽司更加抵食，依間餐廳有心思得來價錢親民，下次可以一試再試，甚至試晒佢全個Menu我諗都冇問題 ❤️🫶🏻 下次見#dessert #comfortfood #foodlover #hkfood #hkfoodie #foodie #foodiehk #hkfoodies#hkfoodblogger #hkblogger #hongkongfood #相機食先 #香港美食#Mschichikitchen #港妻廚房 #mschichi_尖沙咀…Read More