hawaiibbb's Profile

平時經過bakehouse一定係大排長龍，點知星期日12點去到又唔洗排隊，所以就直入了（不過要坐樓上bar枱位）。餐廳冇乜冷氣，所以有少少熱，叫左杯凍matcha latte同cubano（內含pulled pork，ham，cheese，cuban bread，mayo，pickle），我睇中佢有大量protein 啱晒我😋。天氣好熱，一坐低員工就遞上一杯水非常貼心，而且即刻介紹是日餐湯，同埋落單方法（就係直接同佢落單），如果想食烘焙產品就自己落去睇，睇完同佢落單。我一條友食唔多，所以d酥餅麵包今日就免了。等咗一陣飲品先上，解一解熱。個包等咗10靚分鐘就上啦，面頭應該有微微烘過，不過唔算好脆，溫度係啱啱好可以攞上手食。芝士冇拉絲，係已經溶左再凝固返既狀態。味道唔會過鹹，女仔食係非常飽肚，我冇食早餐過去，食咗3/4個包+飲晒杯latte就飽咗。…Read More

平時最鍾意飲芋頭鮮奶，知道呢度有間專賣店所以過來睇下。店員介紹話其實呢間店之前係茶理史，不過而家改咗名做手作鮮芋站，店裡面既班底係一樣架，不過d芋圓佢地而家自己手作😁叫左杯手作芋泥芋圓鮮奶走甜，呢度可以用自攜杯（讚讚）🤗呢度除左野飲，仲有芋圓甜品同埋芋泥吐司買，有機會都想試下。由於夜晚冇乜人，好快有得飲。佢既芋泥喺順泥果隻，冇粒粒芋頭咬，飲落真係唔甜，飲到純鮮奶嘅甜味，啱晒我口味，證明d芋泥煮嘅時候落嘅糖應該唔多，而d芋圓咬落夠煙韌，有新鮮煮好嘅感覺，有淡淡芋頭味，我okay。推介俾d鍾意芋頭奶但係又唔鐘意食太甜既人試下🤗…Read More

帶阿囡去咗D2 place大樹先生嗰度玩完臨走諗住買晚飯，就去左友利買野食。見到有威靈頓牛柳賣咁得意所以就貪得意買一份外賣試吓。本身對佢係冇期望既，返到屋企就咁開黎食，食落d牛喺煮得啱啱好，有牛味又夠腍，個威靈頓皮都好好食，如果係堂食一定更好味。墊底既薯蓉都好食好香牛油。其他菜都係有調味既菜感覺幾足料。推介大家試試。…Read More

一早帶著亞女去葵芳睇大貓貓，之後就去食飯，見到周圍都排曬隊，唯獨呢間冇人排，原來因為未到12點未開，我地咁岩又係佢地餐廳度門經過，蘇譽就決定喺到等到開門，等等開始多人排係我地後面。好快就入得，問員工攞左張bb凳，職員都好好咁幫我哋搬凳settle好阿囡。我地叫左兩個lunch set,一個醬燒豬肋骨伴燒粟米同薯條，另一個要南瓜牛臉肉risotto。兩個餐嘅份量都好足，燒豬肋骨有好多醬汁，肉夠腍，薯條夠新鮮炸起好食，燒粟米燶咗少少，不過都算係幾特別。Risotto 味道正常，鹹度適中，算係安全之算。跟餐有野飲，質素都ok。下次有機會再黎都可以encore一吓。…Read More

阿囡歲半生日，週末出開葵涌廣場掃街既時候，見到呢間出名既星球蛋糕小店冇乜人，見到好多現貨就問下有冇得買，點知真係有。所以揀咗一個$98 oreo麻糬味諗住俾亞女玩下。個蛋糕裡面有個座墊著，唔怕佢碌走幾好。返到去食完飯就開嚟玩，俾亞女揼吓，點知其實連爸爸都揼唔爛，最後就咁拎起個蓋影相😂個蛋糕其實好少份量，每人一啖就無晒，所以味道嚐唔都d咩，感覺喺好light，食咗一浸風咁😂不過算啦，都係for影相打卡，唔好對味道太高期望。…Read More

不嬲鍾意食蕨餅但係冇耐我住個區d日式餐廳/日式超市都賣得好貴所以好少食。今次去到葵涌廣場發現呢間小店有得賣，而且係$25一碗，即刻買左黎試。小店有兩個人，有一個講野好大聲，不過其實都係好好人嘅。佢地話要即刻整俾我所以要等等。我見佢係雪櫃攞左d蕨餅出來即刻切然後點粉，等左5分鐘左右就有啦。蕨餅俾同我想像中差不多份量，味道係好濃既黑糖味，唔算太甜，面頭嘅粉啱啱好，返到屋企先食都唔會邊漿糊。係高質素嘅日式甜品店，我見個白玉奶茶都好好樣，下次想試下😁…Read More

結婚週年紀念帶埋囡囡嚟咗feast食夜晚buffet，阿囡歲半唔洗錢。呢度係用手機落單，即叫即煮既主菜有12款，澱粉類有4款（白飯，印度烤包，薯蓉，松露薯條），蔬菜有中西兩種。佢地另外有semi buffet喺出面，有中日韓式小食，西式沙律，日式壽司刺身，新鮮海鮮（生蠔，長腳蟹，螺），各式甜品蛋糕餅乾雪糕。主菜我哋叫左豬肋骨，紅燒肉，清酒煮蜆，帶子，肉眼扒，牛面頰，羊肉咖哩同埋海南雞飯。全部都好食，最鍾意既有海南雞飯（d飯好重蔥油味超正雞好滑），牛面頰超嫩又入味。生蠔，蟹同埋螺都好新鮮好甜，老公total食左50隻蠔，供應好充足，完全唔洗等。甜品都非常多選擇，焦糖燉蛋好味，d小蛋糕mousse cake小撻都好濃味做得好好，餅乾類試左件開心果biscotti,好脆好好食。自家製雪糕有三款（士多啤梨，甘草，三葉草蜂蜜乳酪），唔敢食甘草，其他兩隻都好食。有好多甜品未試到，好想再嚟食過！…Read More

某日經過太古城apita見到有sakimoto嘅產品買，即刻買左黎試。首先係牛油果煙三文魚三文治，哩個三文治好足料，食半份都好包，d牛油果好新鮮夠熟，煙三文魚都大片厚厚的，至於方包，因為俾d配料整軟咗，所以感覺上唔係特別好食，不過都係有好香麵粉味。至於個開心果包就真係無得彈，d cream好厚好香奶味同開心果味，個包好香軟，連老公都話好好食。如果sakimoto可以長駐apita就好啦。…Read More

係九龍城廣場剪完頭髮之後出黎，見到對面街有間台式飲品店所以就行去望下，見到有斑蘭奶蓋好吸引，所以叫左個無糖四季春斑蘭奶蓋，另外佢地都接受自攜杯既。個斑蘭奶蓋好稀，好薄，飲左兩啖已經好似要俾d茶沖散曬，有少少斑蘭味。得減少奶蓋有d失望，唔知係咪因為自攜杯所以有差別，可能用佢地既杯會好d？…Read More

之前見都有個Blogger介紹德興既炸魚骨，所以有日出去九龍城剪頭髮嘅時候，就順便去睇睇。我一去到嘅時候咁岩有個阿叔買緊炸魚骨，我就順勢話我都要。一包魚骨好似$3x，返到屋企即刻開黎食，超級酥脆，又香魚味，我食到第二日依然酥脆，超級無敵推介！下次有買夠兩包先夠皮😂😂…Read More

喺九龍城食完泰國菜之後，心思思想食甜品，所以就openrice搵到呢間喺附近既甜品店。小店有好多甜品選擇，最後叫左一個芒果蛋白燉鮮奶等埋芋圓豆腐花仙草凍。芒果蛋白燉鮮奶d芒果醬好濃芒果味好甜，底下嘅燉鮮奶既奶味完全食唔出😂因為芒果好濃，不過整體嚟講都好好味既。芋圓豆腐花仙草凍就超乎我想像咁好食，佢面頭d冰原來係椰汁冰，d芋圓食落喺有芋頭粒粒喺到，感覺上喺芋頭都過粉嘅感覺，第一次食到呢隻芋圓，真係好好味好鍾意。下面既豆腐花係偏實嘅豆腐花，我甚至覺得似啫喱質地，不過食得出濃濃豆漿味，最底下嘅仙草凍係我鍾意既豆花形仙草，唔係涼粉咁硬個隻。所以我俾哩個甜品5星！一定會再encore。…Read More

之前係網上面訂左花斑茶舍隻大象杯，個日就去左新蒲崗分店攞，店員好好，可以幫我洗洗隻杯即刻買野飲。我減肥中，所以照慣例買咗無糖綠茶，平時鍾意加仙草不過呢到無，所以要咗寒天，點知一飲落去，d寒天喺煙韌嘅！好驚喜，而且個茶飲到尾都唔澀。以後都會多d去花斑茶舍買野飲😁…Read More

自己本身幾鍾意食葡撻，所以經過見到呢間專賣葡國甜品既小店就入去買咗d嚟試吓。雖然佢有好多款甜品，不過自己食唔到咁多，都係只係買左原味同朱古力味葡撻。返到屋企用焗爐180度焗咗5分鐘，外皮脆脆哋，不過感覺冇乜牛油香，裡面個餡喺實嘅，應該喺吉士嚟，所以我有d失望，以為會係食開個隻葡撻。結論係唔啱我口味。…Read More

太古新開咗間茶飲店，我見可以用自攜杯所以就試吓啦。叫左奶蓋無糖桃茶加寒天。奶蓋好厚，夠芝士味好好飲。桃茶飲到尾都冇澀味，底部嘅寒天唔喺腍吱吱嘅寒天，而係煙韌嘅寒天波波，啱晒我。…Read More

之前一直生酮飲食，所以冇機會食漢堡，琴日經過見到好出名既嘉寶漢堡店，走左入去望menu，多口一問之下發覺可以走包轉菜包，所以即刻擺低錢試食一吓。由於之後仲有飯約，所以唔咁食太多就無叫餐。個片漢堡肉望落有d汁好juicy，好香，塊brie cheese都唔孤寒，有返咁上下size。咬落去好滿足，多菜既配搭之下，食落好舒服因為d菜解咗牛肉同埋芝士嘅油膩漏滯。下次試其他餐點都會咁食！比較特別既喺佢地有部洗手機，擺隻手落去就會出泡沫，一陣再出水，然後出紙巾，好方便有趣😂…Read More